泰姐BBQ (已結業)

平時幫襯多冬陰公粉或者串燒都好抵食，價錢四十蚊以下。今次試三十八蚊既海南雞飯，咁既價錢咁大碗咁多雞，味道都ok, 始終串燒最好味，好味話連鎖店，雞全翼一定食。😀😀

—至從華明商場另一間泰國菜執左一間之後就得泰姐BBQ，好在泰姐BBQ都係一間有質素既泰國菜，作為一間小店泰國菜價廉物美係基本，泰姐BBQ就有咁既質素，所以我成日都幫襯。𝐎𝐫𝐝𝐞𝐫:⧐豬頸肉撈檬 | $37豬頸肉都係燒既，所以味道唔錯，而且外賣拎走既時侯佢會比一大包既魚露汁你返去撈，所以都唔驚無汁可以撈。依個撈檬真係抵食，足料又大份，出面食返同樣既份量都要50 60 蚊，依個就係小邨小店既好處，又平又抵食又好味，又有人情味，每次買嘢食都會同姐姐吹下水。—📝評分味道 ³/ ⁵環境 ³ / ⁵服務 ³/ ⁵衛生 ³/ ⁵抵食³ / ⁵—📍 泰姐BBQ粉嶺華明路21號華明邨華明商場地下華明市場

眾所周知粉嶺10點後要食嘢基本上係無咩選擇可言。今晚開完夜就喺華明夜市嘅泰姐BBQ買宵夜返屋企食。點知.........伏就係咁中，詳情如下👇🏻👇🏻叫咗個價值$45蚊嘅泰式炒金邊粉，收銀小姐態度算幾好，有禮貌嘅。可惜敗點就係呢碗垃圾都不如嘅金邊粉，點解以垃圾形容？因為啲粉就好似幅相咁，係可以成餅嘢夾起，用力撩都撩唔散。而當中嗰幾舊雞肉，乾爭爭又無味，仲硬到不得了。味道方面，成碗粉食幾啖無味，食幾啖又超鹹，好明顯係炒得唔夠均勻，搞到成碗粉一啲位鹹，一啲位又完全無味真係未食過咁難食嘅炒金邊粉。永無下次！

今日心血來潮想食泰國野，唸起華明市場之前食過一次抵食既船河，於是收工就去望望啦。收工時間市場逼滿好多買外賣既人，其實真係抵食又多選擇，第一時間去泰姐bbq望下，選擇困難既我又發作，睇左餐牌差不多8分鐘都選吾到最後簡左豬頸肉船河，等左5分鐘左右已經攞得啦!!翻到屋企打開，湯同河粉係分開裝，十分好湯既味道真係完全係泰國味道，豬頸肉都幾入味，唯一不足係豬頸肉份量少左啲，但河粉既份量就好多。今次第2次幫襯都無失望，下次要試下泰式飯!!!

小情侶為你分享食評😘😘食物：4分服務：3.5分 環境：3.5分串燒（$10-20），調味幾好！但係可能燒太耐，有d乾。撈檬：好有泰式風味！整體唔錯既，但係入面有一種食材有種奇怪味😱好似壞左咁，我唔鐘意😖冬陰公湯河：呢個就正啦😖佢唔會辣架！好似👩🏻咁唔食辣既都食到！P.S. 如果住附近🥺就自己帶餐具啦🥺最近夜市太唔環保了

食飽晚飯去左屋企附近新開既美食街，入面有好多不同地方既美食，不過我同屋企人都已經食完晚餐，所以決定選擇一些小食，見到泰姐BBQ都幾多人買野，又有我地都好鍾意食既串燒，而且價錢都合理，唔算貴，所以就買幾串試下。我地買左兩串雞肉串燒同兩串雞腎串燒，買個時佢咁岩剛剛整起，好夠熱，配埋沙嗲醬食，味道非常唔錯，係宵夜既好選擇！不過，華明美食街人流都比較多，如果係入面食就比較擠逼同嘈吵，最好都係買返屋企慢慢嘆！^___^