泰寶泰國菜館 (已結業)

生蝦刺身: 蝦頭還是脆的! 不過如果可以去蝦腸會更好!鍋巴: 又脆又熱! 個醬好rich 椰子味, 有少許豬肉, 呢個好吃!釀雞翼: 可能其他的味道較搶, 比起上來較為一般. 不好肉汁多, 好吃.青咖哩+ garlic bread: 後者熱呼呼的! 雞有很多, 不算太辣, 汁+ garlic bread! 食不停!甜品芒果sticky rice, 滿足~地方舒服過登龍街的!服務很好! 初時要熱水, 之後食辣要冷水, 無問題!會再來!

朋友生日大夥兒9人慶祝，其實都係抱住試下既心態，但見評語咁好應該有保証，食物方面都幾好食喎，係裝修比較普通同地方較窄套餐＋蒜蓉包２客＋汽水１罐＋蒜蓉青口......套餐:1)燒鷄2)咖哩炒蟹3)生菜包4)明爐魚5)生蝦刺身6)飛天通菜7)冬蔭公湯8)炒飯9)炸蝦餅10)甜品９人共消費＄910p.s.記住訂位

朋友指明想食泰寶，一行三人星期五晚上來到，始終人多吃泰國野會抵d。一坐底就有蝦片招乎，不過個人認為好似林左d，原來蝦片係要收十蚊架。生蝦刺身，冬陰公湯少不了，三個人叫了個中size的。蝦夠鮮但不夠凍，對唔受的辣的人係極限。冬陰公比其他泰菜地方落左較多的椰醬，椰子味較重，辣味剛好，酸味不足，固此未必個個喜歡，個人認為還可以~ 中size，三個人一人有三碗，d蝦仲有蝦膏呢。生菜包，好味野味，要彈既係佢地用唐生菜架，塊塊都穿窿，d肉碎跌出來食到好狼狽，其他地方都係用西生菜，佢d葉本身已經係灣灣地可以裝野啦。青咖喱雞，好味道，好香，送白飯一流。辣椒膏炒牛肉，可以不吃，因為炒完一d都唔乾身，只係一堆醬汁加青椒和牛肉。三個人叫左一個中湯，一個刺身，三個餸一個白飯，真係太多，可以叫少一個餸。另外可推介蟹膏炒飯，小食併盤，一流。

20070713位置僻靜，裝飾簡單，偏偏就客似雲來；牆上大大的Plasma播放的不是翡翠劇集，而是聽不懂的泰文電視，對大多是本地食客來說，就是一個背景聲音而已：）很明顯，這裏是以味道取勝。一坐下就有一籃蝦片送上，可惜我們怕熱氣，沒吃多少。寫菜、上菜、埋單都很快，畢竟店面小，turn over rate很重要。Pha Thai：炒得算是幹身，很地道的感覺，微辣香口，很好。雞絲泰式河粉：泰式河粉的樣子很特別，是不規則的菱形，滑滑的，軟軟的，浸透了湯汁的味道，雞肉不是“絲”而是“條”，大啖大啖肉質爽口，不錯。泰式什菜煲：熱辣辣的很入味，但就不算清淡，而且粉絲有些太多，吃下去太飽。如果不太介意嘈雜的，這裏確實是泰菜的好選擇之一。

今晚和2個姊妹來吃飯，慶祝其中一個進修成功。我們點了泰式拼盤、甜酸蒼魚、抄芥蘭、抽子沙津。每樣食物都很好食，除了那個蒼魚，魚身做得非常乾，魚已經不多肉，想食魚皮都咬不入。拼盤的魚餅，非常咸，但有很香的香芧味。D蝦片非常好味，記得食。

I had my dinner with one of my friends there a few days ago.We ordered a set of standard dinner and a bowl of rice. The pace of delivery is quick and the food is good. The sweet is ok, very cold. We spent 2 hours there to enjoy our dinner.The second day after back home, the chill feeling still there downstair after went out of toilet.Overall, the food is good and price is reasonable.

琴晚由朋友的介紹之下、黎左呢一間泰寶度食晚餐。我地三個點左：甘蝦刺身(100分)咖喱蟹(100分)蝦餅炒金邊粉甜酸"倉"魚綠豆布甸(不可不試)椰汁糕甘蝦刺身：超級新鮮兼爽口的一道前菜！不過怕辣的朋友要小心！唔好忘記食埋D炸蝦頭！好香口的！！咖喱蟹：100分的菜！咖喱汁勁有味！蟹亦夠大隻同新鮮、簡直係啖啖肉！各位可以再送既蝦片點埋咖喱汁黎食、此舉絕對係一流既食法！蝦餅炒金邊粉甜酸"倉"魚椰汁糕：不過不失、無甚驚喜！綠豆布甸：第一次食的甜品、一定要趁熱食！好香好香的綠豆味！缺點係比較飽肚、但不可不試！整體黎講、呢一餐係絕對令人滿意的！！而且我絕對會一去再去！另外、餐廳會播住泰國既新聞、好有泰國氣息、差D令我以為自己身處在泰國。

第二次去, 水準依舊! 坐底先有蝦片, 辣辣地, 幾開胃! 今次要左生蝦, 飛天通菜, 炒蜆! 個人認為幾辣, 一時漏通知少辣當堂壞事! 青檸梳打就唔係幾對口味, 唔及其他泰國舖既好飲! 不過總結都係食得過既! 好處佢身處偏僻位, 幾時去都唔駛等位! 無甩拖!

星期六晚約8.30左右到達, 唔駛等位. 兩個人叫左生蝦, 新鮮, 68蚊有成十隻, 都算抵, 蝦頭炸過之後放埋一齊, 不過我試過, 唔脆, 可以因為d汁浸住既關係.冬陰公(小), 48蚊, 一人得一碗, 開頭仲驚唔夠飲, 但係飲落, 唔好味, 可能因為落得太多椰漿, 甜甜地咁, 唔岩我地口味囉.泰式炸生魚, 98蚊, 成條炸, 都幾香, 另外個汁甜甜地幾好味.香杧糯米飯- 32蚊, 有黑糯米同白糯米, 好好味. 杧果都好甜.不過, 對我地黎講, 食泰國菜一定要有冬陰公, 所以呢間既冬陰公唔岩口味, 應該唔會再黎囉.

有個同事成日都去既. 咁咪去試下. 第一味菜就係生蝦, 正喎…好新鮮(仲前後叫左兩碟); then 就係青咖哩雞, 點解青咖哩會係辣, anyway都係好食; 還有叫了青木瓜沙律, 幾好食, 不過辣左D; 不過個炒飯就”凹”左D; 併盤就一般啦…

尋晚同兩個朋友去銅鑼灣間泰寶食晚飯，之前已經聽人講話幾好食，所以就去試一試。門口睇裝修就真係一般，坐位亦唔係話舒服隻，但係九點半仲座無虛席，就知有D料到。雖然係咁，我亦唔駛點等位。一坐低，佢就送一籃胡椒蝦片我食，辣辣幾好味，不過就勁熱氣，食兩塊已經要飲水。我三個人叫四碟，包括青木瓜沙律、飛天通菜、蒜片胡椒蝦、蝦羔炒飯。首先係飛天通菜（仲以為應該先青木瓜沙律，結果呢碟係最後至到～奇怪）。味道唔錯，雖然menu度mark兩隻辣椒，但係亦唔算好辣（但係我食得頗辣的）。再係蝦羔炒飯。我初時以為蝦羔炒飯即係蝦醬炒飯，但係一D都唔覺有蝦醬味，亦唔覺有蝦羔裏面，but anyway,個飯炒得幾乾身，好惹味，亦有幾多蝦裏面，論炒飯質素已係水準之上。蒜片胡椒蝦上面有大量炸過的蒜片，勁惹味但唔知點解冇胡椒味，不過蝦好爽口，食得出係新鮮蝦，而且份量有成8-10隻，都只不過賣$50，必試！最後係青木瓜沙律，有D炸花生碎面，夠晒辣但就唔夠酸；最鍾意係冇落薑絲（好多泰國菜館都鍾意落），食到青木瓜的原味。整體講服務質素唔錯，侍應有禮貌，動作亦好快；雖然菜份量唔係超大，但係三個女仔已經食到好飽，甜品都食唔落；而且成餐

我成日黎呢度食野, 覺得係平靚正. 要食好味既泰菜呢間當然唔係首選. 但係銅鑼灣區黎講算係咁. (其實係登龍街有間隱蔽兼超"up dup"既泰菜館都好正, 不過有次去好似裝修緊(唔知係咪無左), 之後就無再去喇. 但個間都幾污糟下, 不過勝在地道!)佢好多味都做得唔錯, 要推介邊款真係好難! 都係自己親身去試下啦...

價錢唔算貴，但係佢有好多貴價泰國餐廳都冇得食嘅生奄蝦，不過二個人去食就因為份量太大，食唔得多。: )

今日同個friend黎呢度食晏，都幾多選擇，又唔算太貴，三四十蚊就有個lunch set喇﹗最好味係個咖哩雞煲仔飯，d咖哩好香，又夠熱，正﹗不過好得意…個煲裡面0既然係蕃薯，唔係薯仔，好甜，怪怪的﹗另外佢D飲品真係麻麻，可能係泰式飲品，我真係唔係好慣D茶味囉﹗

參考過幾個綱友既意見，於是去試左個下午茶，食物夠熱；但個環境重熱，可能因為要節約能源，沒有冷氣。千祈唔好叫魚蛋河，因為魚蛋好tough.