泰屋泰國餐廳

營業中

休息中

😎西貢高質泰國餐廳 泰屋😎員工同廚房應該都係泰國，所以食物做到泰國風味，原汁原味，超好食。叫咗一個生菜包，少少辣，但調味得好好，包生菜食100分。冬陰功湯，冇諗過咁大碗，香濃嘅香茅、蕃茄等泰式風味，但唔會太辣，飲到停唔到。青咖喱牛肉，又係勁好食，唔會太辣，咖喱同椰汁香味濃郁，加咗個薄餅來點，好好夾！

冬蔭功很好味，材料十足，一碗$98的份量有6-7碗。豬頸肉很有碳燒的香味，厚切，配泰式辣醬很合適。 泰式金邊粉很抵食，chewy, 好多餸。總括而言，抵食、好好食！

如題，每次入西貢都食。闊炒河，火車炒飯，冬蔭公湯好味！另外串燒，柚子沙律，馬拉盞炒通菜，次次都係一家人嚟食，成家都好開心記得只收現金咁好食嘅餐廳都得咁少食評，大家記得寫多啲啦

西貢食平價既lunch選擇唔多，一係就係茶記，一係就係比較貴既西餐廳而係海傍街云云cafe之中竟然有一間性價比高既泰國菜館，平日叫外賣，唔包野飲，都只係30幾蚊咋豬扒泰式粉為食貓同朋友用外賣apps叫左個豬扒同埋豬頸肉泰式粉😛佢既湯粉只係37蚊碗粉非常大碟，加埋d泰式湯同埋炸蒜，作為普通lunch黎講真係幾唔錯但佢個豬扒就入味過豬頸肉，大家可以唔駛叫豬頸肉😂而除左用外賣apps叫，平日lunch堂食連凍飲都係$55，d炒粉都整得好有鑊氣，但份量就少d，男仔未必夠飽

入西貢做野 係村仔搵到間泰國野lunch time 免加一包一杯野飲 (凍飲唔洗加錢)仲可以飲泰式奶茶😋😋😋係真係有別於普通奶茶架😆香滑而唔會太濃太澀👍叫左香辣肉碎炒河份量唔算好大碟，女士食還好，男士食可能覺得唔夠味道方面好入味，河粉唔會太油而且多配菜少肉碎，55蚊黎講除左細碟都無咩好挑剔😂😂😂不過,闊河粉食食下都好漲胃飽肚的😆

同朋友行完山 黎到西貢海鮮街揾野食因為同行朋友唔太想食海鮮同時見到呢度好多泰式餐廳就黎左呢間 泰屋下午茶時間 店內冇乜人 直接入座餐單好豐富 好多野食選擇最後點左4道餸，飯、粉、菜、肉各一道1. 火車炒飯賣相麻麻地 味道都麻麻地比例上 飯多過其他食材好多所以感覺上唔抵食2. 泰式濕炒海鮮河好多醬汁 好多材料 有魷魚、青口、菜心等等第一次食濕炒河粉 口感好豐富河粉好爽口同彈牙 唔會一夾就斷D配菜亦煮得啱啱好 都好爽口3. 泰式炒雜菜成碟菜都爽口 幾好食味道上同濕炒河好類似 都係用相同嘅醬汁所以感覺上好似食緊兩碟同樣嘅餸咁4. 青咖喱（雞）有讚有彈嘅青咖喱 味道係好食嘅少少辣 又有咖喱味 送飯一流但係好少雞肉喺入面而且d蔬菜同上面幾道都差唔多計埋飲品 埋單每人100鬆d我覺得呢個食物質素同價錢係非常之唔抵食

今日諗住入西貢漫活下,天氣好熱好焗, 想食D酸辣野,刺激下胃口, 所以就去左食泰菜喇!!入到去覺得格調幾好,老闆同伙記都係泰國人黎!!裝修都好有泰國特式, 唔錯!!首先叫左個木瓜絲沙律,酸酸辣辣好開胃, 有少少辣,但可以接受!! 調味方面都好泰!!似足泰國街邊風味!! 好爽!!生牛肉湯河, 呢個我同肥妹仔搶住食!!因為個湯頭好濃郁, 牛肉熟度啱啱好!!加埋煮到煙煙韌韌既金邊粉,簡直係絕配, 最尾連湯一滴都無剩!!呢個誠意推介!!小食拼盤應有盡有, 多款式揀!!不過同巿面其他泰國餐廳差唔多,可能大家供應商都係差唔多同一個黎!!唔會話有乜特別驚喜, 味道差唔多!!泰式奶茶真心覺得麻麻,味道好淡, 無咩茶味, 有種死甜感覺,本人對於奶茶好有要求,所以唔會再叫, 唔太抵, 飲水好過...不過整體都唔錯, 有機會再幫襯!!

今日係聖誕節🎄，一早入去西貢行下，行左兩個鐘開始肚餓，今次一心諗住黎食泰菜唔食海鮮，最後揀左泰屋試下大概13:00 ，店內仲有位，坐低後睇完menu 好快就揀到想食咩，因為得兩個人，所以叫得唔多款式，於是就叫左我最想食既海南雞(S)($118)另有(L) ($198) ，青咖喱（雞），薄餅同魚蛋粉。上菜速度唔算快，大概都等左10分鐘，最先黎係海南雞，雞既份量都好足，整得超嫩滑，好耐都冇食過咁滑又唔肥既雞嘞之後到青咖喱雞，椰汁味好香，又唔油，而且仲有好多配料，除左豆角之外，仲有西蘭花椰菜花🥦，個青咖喱汁唔會好稀，用黎點薄餅食就最岩。薄餅又唔油好好味。。。最後魚蛋粉我冇食到，所以唔評論埋單$300 HKD 已計加一服務費下次再黎西貢一定會再食P.S. 好彩我早人一步叫海南雞，之後有兩枱客想叫都已經賣晒

入到西貢，又唔太想食海鮮同西餐。行下行下就見到泰屋呢間泰國菜館。十二點幾入去都無乜人，可能因為係閒日啦。午餐$48，雖然無得加錢轉特飲。（話要飲就原價）😅但都可以飲奶茶、咖啡或可樂。可樂仲要係成罐上既。奶茶唔係港產奶茶，奶味比較濃。今日叫左泰式炒烏冬，阿女好鍾意食。再叫左個菠蘿炒飯。菠蘿炒飯無肉鬆、無腰果。有咖哩味。樣就普普通通，味邊都係一般，但$48一個餐可以要求幾多。本來想加個芒果糯米飯，等大家有甜品食既，點知佢地未有芒果😔

興致勃勃到西貢一遊，經過好多間海鮮餐廳...想食其他有特色晚餐， 就揀左呢間泰國餐廳。星期日晚上可能有點忙， 我們一家3 人入去坐低，岩岩好坐滿。 食物既等候時間比較長一點， 我們3 人亦點左好幾個菜式， 令我地最失望既 就係香辣咖哩炒肉蟹， 一上枱已經冇煙，只係微暖...食海鮮最忌肉質唔新鮮， 淨係碟蟹都$3xx 非常失望.......

星期日見天氣好好。老公話入西貢行吓。即是心心眼，因為好掛住西貢碼頭嘅魷魚絲🤣🤣🤣$50三包。但今次有啲失望冇以前咁好食。 五點幾，行行下隨意入咗間泰國餐廳食晚飯。入到去，可能太早。原來我哋係第一台客🤭🤭🤭包場🙋🏻‍♀️入到去電視係播緊泰國電視📺原來老闆真係泰國人。一家四口喺餐廳幫手。爸爸，媽媽，哥哥妹妹。簡稱：泰爸，泰媽，泰大（哥哥係好大隻，應該做開gym），泰細（細妹）成家人都好Nice！感覺舒服！我地叫左1.冬陰公湯，2.生菜包，3.馬拉盞炒椰菜苗，4.串燒，5.同芒果特飲。落完單，泰細話無芒果問轉唔轉其他特飲。因為老公真係想飲芒果特飲所以冇轉到。首先出冬陰公湯🥘，原來係泰爸煮。10個讚，好好飲。酸味同辣味啱啱好。生菜包係泰媽煮🥗，普通，可能係因為免治豬肉唔夠肥，太瘦。識落有啲乾同硬。唔知泰爸幾時出咗去，佢返嚟係拎住一袋橙同幾粒芒果。笑着問我地：有芒果要唔要芒果特飲。我哋話好呀，佢好開心咁講多謝！串燒，有六串。分別有🐷🐮🐔各2串。我覺得整體都燒得唔錯，無燒窿（好怕好乾同燒到黑蚊蚊）。而我就最鍾意雞肉串，好多汁又唔會太硬。馬拉盞炒椰菜苗，正常，都好味！✅食完整體覺得味道都唔錯，都會想介

黎到西貢朝頭早食海鮮夜晚就食泰國菜咁呢間餐廳因為見到佢門口就已經有BB櫈因為真係唔係好多間泰國餐廳有坐低冇耐職員好快就比水我地而我問佢拎熱水幫BB沖奶粉佢亦都好樂意幫忙你都食泰國菜當然唔少得生蝦啦又叫咗龍眼冰叫完先發覺原來依度有水果沙冰啲嘢食味道全部賣相都唔錯都係有粒花係上邊唯一覺得麻麻地嘅就係個湯粉我哋調左個冬陰公湯底嘅金邊粉我覺得個湯怪怪地唔知如果叫冬陰公湯係咪同一個湯總括嚟講環境同服務都唔錯

週末見天氣好，去了西貢行下，之後找了這間泰屋。由於我們很早便入座，下午6時不用等枱。餐廳環境一般，由於早入座，比較少人。我個人喜歡吃生蝦刺身和冬陰公湯，所以先點了這些，後發現他們的咖哩蟹相片很吸引，配了蒜蓉包和薄餅。泰色生蝦刺身一般水準。冬陰公湯味道不夠，沒有辣味而且太酸，個人比較喜歡少點酸味，辣味重一點會比較正宗。泰色咖哩炒肉蟹，是全晚最好味的一道菜。咖哩醬很香配蟹味道很夾亦很惹味，咖哩蟹醬再搽上蒜蓉包和牛油薄餅是絕配，薄餅熱辣辣亦很香口。

掛左兩日一號波，個人發哂霉，所以特登去西貢行下，望下海景，突然下大雨就走入呢間泰國餐廳，龍住避雨同時醫下肚，甘呢就叫左牛油薄餅，青咖哩豬同冬蔭公湯，最後一個椰青。冬蔭公湯 我覺得酸味可以再重d,椰香過重，反而我朋友就覺得比出面無甘咸同開粉味重，而湯入面既蝦我地就一致認為食落唔新鮮，唔彈牙，料太少喇 得少量既菇，青咖哩不過不失，而得分最多我係個牛油薄餅好食，唉，要食真係去九龍城😂🤞但員工好好,親切有禮。讚👍

今天带著小狗出外揾食，在西貢逛完一整個下午， 肚子餓了， 要得找一個環境好，最重要是小狗能待得舒服的地方。首選是要地下清潔，否則狗仔會亂咁吃 那就糟糕了！ 其次要選一個寧靜的位置， 我家小Q不牵繩的，牠又细小，给踩倒了就大件事!在海鮮街大牌坊後面的一條街， 有著很多不同選擇，但深深被這泰國餐廳門前木欄， 和他的擺設吸引, 非常適合我和小狗開餐呢!食物質素不過不失, 泰式蟹肉炒飯算是到题吧. 泰式牛肉炒河, 稍嫌油膩, 但點上特制酸棘醬, 有畫蛇點晴的效果!