泰屋

營業中

休息中

❐ 辣椒香葉肉碎炒河🔥配椰汁水 $45評分 ▮ ▮ ▮ ▮ ▮ ▮ ▮ ▯ ▯ ▯ ⟰ 河粉係極粗身泰國河粉每條掛滿醬汁十分惹味呢個價錢算抵食！⟰ 超多香葉肉碎仲有菇！入味又有穫氣而且屬於中辣程度🌶🌶🌶食得辣既朋友仔就岩哂⟰ 椰汁水唔太甜又有好香既椰子味仲可以解辣🥥不錯不錯！❐ 青咖喱雞飯🍛配青檸水 $45評分 ▮ ▮ ▮ ▮ ▯ ▯ ▯ ▯ ▯ ▯⟰青咖哩較稀身而且偏甜唔夠辣⟰配料有豆角同泰國茄子🍆味道正常都煮到入味可惜主角雞肉好硬好乾⟰ 青檸水夠哂解渴不過好似酸左少少❐ 蝦餅4件(8半件)🍤 $68評分 ▮ ▮ ▮ ▮ ▮ ▮ ▮ ▯ ▯ ▯ ⟰ 蝦餅炸到外脆內彈牙💥拎到返屋企都仲好脆而且有少少粒粒蝦粒幾有口感！🍚推介指數☻ ☻ ☻ ☻ ☻ ☹ ☹ ☹ ☹ ☹ (10為最高)

2/5變了普普通通的泰國菜，味道都是那種一式一樣的港版泰國味。唯一比較有記憶的是那個泰式酸辣魚，烏頭魚炸了再加上酸甜醬汁。The ordinary Thai food tastes the same as the Hong Kong version of Thai. The only thing that is more memorable is the Thai-style hot and sour fish, fried mullet and sweet and sour sauce.

呢排天氣成日下雨，搞都我午飯時都唔係好敢行咁遠找好野食，唯有在公司樓下搵食啦，今日同事就去左樓下武吉士搵食啦，我在呢間餐廳都成日食，我最LIKE佢果焗飯同炒粉，而我今日就叫左果新加坡咖喱雞扒焗飯，連杯熱飲都只係$52，以呢個甲級寫字樓舖頭來講價錢算唔貴啦。佢最正係即叫即焗，加上佢勁多汁，我果人好鐘意撈汁食飯，加上焗飯如果好少汁真係唔好食，佢啲咖喱濃香而不辣，加上炒飯底炒得夠乾身，就算多汁都唔會搞到啲飯好冧。正

突然間叫起手去九龍城食泰國菜諗都唔使諗一定係行入泰屋 疫情之下啲枱隔得開咗比以前舒服咗好多 以前都經常去就咁食一碗牛肉船河 一來頭盤唔係沙律就係呢個生蝦 講真價錢一啲都唔平88蚊得七隻個焦點根本唔係啲蝦喺個青汁 非常之辣，辣到不得了 夾埋啲蝦，爽貼鮮味非常好食 食完蝦本來諗住叫炸蝦餅但係既然已經食咗蝦不如叫下個炸魚餅 個魚餅嘅精粹係加咗啲豆角粒又香又好食 仲未見到啲飽肚嘢所以叫咗個黃咖哩+ 蒜蓉包 兩樣嘢夾到不得了兩條友對咗六件包都未夠飽 仲有半碗汁净梗係要個白飯㖭啦一樣隊曬講真呢兜架呢其實相當之貴 成88蚊一兜 你可以揀豬牛雞三樣嘢 不過其實佢最正係個汁 其實你唔加肉都冇問題 佢啲肉只不過係烚熟咗之後就咁掉落去如果你唔想食蒜蓉包就咁叫個白飯包保你連隊幾碗

城南道這條街很有泰國feel，行到呢間泰屋，青咖哩雞飯，同當地味道一樣，好好味，不過雞肉就好少， 應該係即叫即煮食落很熱辣辣。青檸冰都唔錯，味道近天然，又唔會太甜。 只有凍飲。

天氣依然寒冷， 即刻想飲番碗熱辣辣嘅冬陰功！講到泰國嘢九龍城一定係表表者！lets go! 話說呢一間泰國嘢嘅外表就冇話好光鮮，但係我就比一樣野吸引左停低！但係炒野嘅香味！隔兩個鋪位都聞到！喺門口睇一睇餐牌！都合理價錢啦！就試吓啦！因為聞到一陣好香嘅馬拉盞味！一於嚟過通菜！當然唔少得冬陰功，同行友人因為唔食太辣，我哋只係叫咗個小辣，仲叫咗個拼盤，呢個實在太精彩！總共有五個款！其中有一個好重嘅金不換味道！救命我個人真係好鍾意呢啲香草味道！雖然真係好魔鬼好熱氣！但係我已經豁左出去！仲叫多咗個快車炒飯！真係要介紹一下，特別係加埋青檸之後，個味道對我來講都比較新鮮！唔記得講返冬陰功。。佢嚟到嘅時候會點火，隔左10分鐘左右佢自己會熄火，所以保持到好香嘅味道，裏面嘅配料有蝦。仲有四大隻！仲有好多好多好多嘅菇，我自己真係好鍾意！而且佢嘅味道係調校到好啱香港人食，酸酸辣辣醒神開胃！仲要介紹下佢哋呢杯野椰肉沙冰，一嚟到我都嚇咗一下！大杯到呢！最啱食啲濃味野嘅時候。refresh 下!已經約咗朋友下次再去試埋其他嘢啦！你都快啲嚟試啦！

這泰屋已不是之前那間泰屋，因業主加租，被迫遷了，原來泰屋老闆已找新舖位開張了，但未有舖名，因為泰屋名字被新老闆繼續用了，如果是老顧客應該是知道的！不防比較吓，始終是原來的好

出唔到街為又係屋企附近食， 去九龍城梗係食泰國菜啦， 食勻咁多間始終都係泰屋最正 。今日專登冇食船河 ，改食泰國金邊粉 ，加多個泰國醬炒芥蘭 ，國金邊粉始終係泰國人煮， 用泰式醬油膏 ，非常惹味好味 。專登叫佢放多少少辣椒 ，唔怕辣嘅朋友記住叫佢放多少少 ，因為始終就香港人口味 ，一般都唔會放太辣 ，又係嗰句呢如果你怕辣就唔好食泰國菜！完全食番喺曼谷街邊嘅味道 ，如果佢啲芽菜用返泰國肥身嗰啲芽菜仲正！泰式炒芥蘭 、又係用嗰個醬油膏 ，不過呢個反而叫佢唔好咁辣， 所以食得出醬油膏同埋魚露嗰啲味道， 香口惹味 ，正到冇得頂。

之前睇報道見到連泰國領事館嘅人都介紹食呢度嘅船河即刻慕名而來試吓係咪真係同泰國嗰啲一樣咁好食第一道餸絕對係泰式船河可能係期待太高，食落覺得味道只是一般同喺泰國食過嘅船河都仲係相差好遠🤷🏻‍♀️根據食過嘅同事口供，話之前質素較好唔知係咪因為出咗名之後太多人食所以味道差咗🙈小食拼盤，除咗串燒燒得有啲乾之外其實都幾好食的最後呢個燒鰂魚芒果沙律係喺推介菜式度搵到的👀係將鰂魚肉起咗出嚟，炸咗做一件件之後再攞去同芒果同配料整沙律睇落好似好大碟，但其實條魚唔係好大賣相都非常吸引，但食落鰂魚肉同芒果其實好少，主要都係得啲唔係好鍾意嘅紅洋蔥，同香茅嗰啲配料差唔多價錢下次都係穩穩陣陣叫返燒魚就算🤷🏻‍♀️

黎到九龍城又點可以唔幫襯吓泰國🇹🇭餐廳但呢到嘅泰國菜館實在多到唔知點揀好🤨咁啱前幾日同 朋友 A 傾開計佢推介我地黎呢到食船河🍜話係必食推介👍🏻的確每次黎九龍城食泰菜都係晚飯時間點小菜，今日決定晏就黎個 🇹🇭 Thai Lunch !首先，呢到既午餐時段都頗長由十一點到五點，仲有10款午餐可以選擇，都好多嘢揀！🍜 牛肉船河，船河有牛同埋豬兩種肉可以揀，面方面就可以揀金邊粉、米粉、河粉。一嚟到見到個湯底都好對路，配料有炸豬皮豬潤白蘿蔔，但我哋叫嗰個係牛肉船河，但竟然有咁多豬嘅配料，於是我哋就問吓個侍應係咪搞錯咗。佢哋拎咗碗麵入去換返碗牛俾我哋，但換完之後一樣有呢啲配料 🤷🏻‍♀️ 其實我唔知係咪所有船河其實都會包呢d配料🤔味道方面都幾濃郁，咁多配料加嘛令到個湯底味道好豐富，但湯底感覺似係用好多調味粉開多個似係淆出嚟嘅湯底，有少少重味噌既感覺。🤔⭐️反而，泰式炒金邊粉幾唔錯，係雞肉料，炒出嚟個色澤好靚，泰式炒金邊粉最重要嘅配料花生碎青靈同香茅都有齊，炒出嚟個汁乾濕均勻，味道方面甜酸度剛剛好。💁🏻‍♀️ 不過中途有個小插曲，就係我哋落單之後都等左差唔多半個鐘，侍應先重新問我地一次食乜嘢，但之後我

見到都幾多人排隊所以我就湊下熱鬧入嚟食啦叫咗個生蝦食泰國嘢一定要試嘅都算新鮮之後叫咗個青咖喱飯青咖喱味道係有啲甜唔錯嘅同埋叫咗個椰青感覺都唔錯但係呢度就坐得冇咁舒服

九龍城就出晒名係食泰國嘢嘅聖地，個人認為質素麵幾參差吓。朋友介紹咗「泰屋」比我，話係喺香港食過最正宗嘅船麵，咁又膽粗粗去試吓啦。去到門口唔太起眼，係要等位嘅，裝修普普通通得嚟，又好多人幫襯，睇嚟真係以實力取勝。一坐底就叫碗招牌船麵，加杯珍多冰先！個湯底係堅正！可以成碗飲晒，的確係暫時喺香港食過嚟講，最正宗最好味！仲加咗個海鮮炒飯，好有鑊氣！夠晒火候，可能麵係因為咁食完係會有一陣油煙味，但係值得一試嘅。

因為好鍾意食泰國既船麵，去親泰國旅行必定選為must eat食品，喺香港都會四周圍試下搵正宗既船麵，一係味道唔同，一係就價錢偏貴，暫時試過最接近泰國味道，又價錢合理既就係泰屋，除左船麵，其他菜式都好正宗，價錢都算大眾化，會繼續幫襯！

九龍城永遠呢都係搵食嘅好地方！我今日去咗法國醫院探我契女之後就去咗對面九龍城搵食啦好耐冇去泰屋啦～ 今次黎到都已經夜晚九點幾，唔使再排長龍我哋一行四人。首先叫咗冬陰公湯，之後叫咗燒烏頭魚同菜泰式鳳爪，之後見到人叫左燒雞好靚，我地就叫咗燒雞，而燒雞真係好滑好好味！又叫左青檸梳打飲啦同埋仲叫咗生蝦刺身，而生蝦刺身方面呢佢個蝦頭會炸好香口，唔會浪費左個蝦頭我哋見到隔離枱叫咗個香芒炸鱸魚好好賣相下次我哋都想想下。而同行嘅朋友都覺得依間餐廳嘅泰國菜好地道好正宗！下次一定要再黎！尤其係佢碗遊船米米$40又大碗又抵食可以一嘗！

今晚去九龍城搵食，原本想去返食開的昌發，經過泰屋時男人話不如試下新嘢。一入內裝修好有泰式感覺，木檯木櫈，侍應同廚師都係泰國人，好似去咗泰國咁，再睇下餐牌有船麵，身為船麵粉絲的我必點，每次去泰國我都一定日日食船麵同香葉肉碎煎蛋飯，這兩樣都是我的comfort food，雖然香港的泰國餐廳普遍都有香葉肉碎飯，但就唔係間間都有船麵，就算有都因為遷就港人口味而做得唔正宗。落完單碗麵好快就到，聞落好濃香草味，杰杰地，少少辣，金邊粉好滑又掛湯，味道非常對辦，$40一碗真係好抵食。船麵湯底之所以係深紅色，全因加咗豬血或牛血，但個湯唔會有血腥味；配料有豬肉片、豬肉丸同炸豬皮，如果可以加埋豬潤就更加無敵。再來香葉肉碎飯，呢個飯差不多間間泰式餐廳都有供應，亦好易做，男人默默食，一陣就食晒，一啖都唔留返畀我，味道係點都無需多講。見隔離檯食緊咖哩炒蟹、冬陰公、沙嗲串燒...下次再來試試。