影片
港鐵佐敦站 D 出口, 步行約2分鐘
繼續閱讀
電話號碼
2735 3638
營業時間
星期一至日
12:00 - 23:30
以上資料只供參考, 請與餐廳確認詳情
招牌菜
兩個人叫咁多好似好大食吖可?冇辦法啦八點啦餓死我地。呢度要花時間嘅係等，我地walkin等都唔洗等好味，不過唔食得辣上面d配菜千中祈唔好試，個sauce都唔好沾咁多，不過唔沾唔得，因為就咁食好寡，sauce係食泰式海南雞果種酸酸辣辣嘅味道泰式鳳爪係我倆摯愛，可惜唔夠入味，味道就係沾蝦果隻，呢碟好嘅地 方係配菜有香芹，耶雜錦小食（細）中蝦餅唔錯彈牙，魚餅係我一向唔好嘅但呢度我食左，最吸引係南瓜條，好甜好香，春卷味邊好怪，雞翼醃都唔醃就咁炸，落鹽都好吖!失望!!東陰功海鮮炒飯，好少見幾得意所以叫黎試下，其實整得幾好食，最衰好似九層塔味，我最憎呢陣味，唔知可唔可以叫佢走九層塔呢？好食又唔係特別好食，都唔差囉，環境好嘈因為好多人，服務態度可以，試得過
繼續閱讀
今晚同成班同事約左食晚飯, 由於一星期前已打電話book枱, 所以當我地去到時唔洗等已經即刻有位坐 (而其實我地到餐廳時只係6點, 餐廳一個人都無, 唔洗等係理所當然吧？！) 服務員把我們一行六人帶到離門口最遠最角落既位置入座。坐位是呈倒U型，本來覺得還不錯...但我們發現枱上的碟有油光, 打算叫服務員換碟時, 服務員用一個惡劣既態度問隻碟有邊度唔乾淨, 當我們指出有油時, 服務員竟然用不爽態度說是倒汗水。 之後我們打算點6人餐時, 問服務員6人餐跟散叫的份量會否有分別時, 服務員竟然好串咁話“6人餐同散叫係一樣份量, 你地一人食一碟都無問題, 睇下你食幾多啫！但散叫會多d大碟d囉！” 前後不一既回答! 咁即係點呢？最後我地都係決定散叫。點餐後, 等待既時間不長。但服務員上冬陰公時既粗魯動作, 實在令人接受不了！她幾乎將成窩冬陰公倒瀉在枱上! 我地點左炸軟殼蟹 ($78), 本身諗應該有3隻左右吧？點知...得兩隻, 顏色仲要係白曬曬, 賣相有d似青蛙...味道一般, 但真係好唔抵食, 唔值呢個價囉！ 之後個芒果海折沙律係完全無芒果! 紅蘿蔔就有! 海折口感霉爛, 一d爽既感覺都無!之後當我地想叫服務員加水時, 明明見到我們招手都要扮睇唔到! 我們坐既位置像被發到遍遠地區既犯人, 所有服務員對我地既態度都好差好粗魯。差不多食完一碟時, 服務員問都無問就收碟！ 最後我地食完連想坐多陣都唔想就埋單。一叫埋單服務員問都唔問就收枱！但其實餐廳仍然有好多空枱! 成餐盛惠7百幾蚊 (6碟野連加一服務費)外送一肚氣! 我地唔會再黎呢間餐廳!! 要Bad list!!
繼續閱讀
有朋自遠方來，今次上網做左功課，係朋友酒店附近搵到一間多人讚既餐廳，整體而言卻係一般。豬頸肉沙律有D清新酸酸地既味道，唔錯。免治豬肉生菜包肉碎份量多，生菜份量較少，包唔曬D免治豬肉，最後就只可以撈D金邊粉同青咖喱食…馬拉盞炒通菜有D乾蝦味，幾好食，不過略嫌有D偏咸。青咖喱雞雞冇雞味，咖喱冇咖喱味，淨係食到椰汁味…冬蔭公湯都幾好飲，但如果香料味更重會更加好。泰式炒金邊粉味道幾好，但係麵就有D太「淋」，唔夠好食。泰式什菜清淡，鍾意淡口味既就試試！
繼續閱讀
見到各位大大推介，有一碟叫粉絲雞絲生菜包(?)，就兩個人走去試下。而且當日係星期五，所以都係打電話訂位。 到門口，就feel到冷氣勁大，下次去要記得帶件衫去著。 到入坐果陣，可能係見我手上有張優惠紙，店員就話比我聽只可用一張，叫我一陣睇下用邊個，我就問佢有冇粉絲雞絲生菜包呢碟野，佢就話一早轉左餐牌，冇左呢碟野好耐，當堂有d失望，不過佢又話係有生菜包，但係係肉碎生菜包，嗯...肉碎都係算啦。店員又推介左蝦春卷、馬拉盞炒通菜、冬蔭公湯同新出嘅燒鱔，不過熱辣辣，唔係好想飲湯。 首先叫個招牌菜泰式金柚沙律食下先，味道唔錯，酸酸甜甜幾好食。跟著叫左個店員推介嘅蝦春卷，春卷黎左一睇，嘩!!好似好好食，食落硬左少少，不過一食就知即叫即炸，條蝦又大大條，好抵食。再叫芒果羊仔柳同烤餅。羊仔柳就...好硬!!問下店員點解咁硬，佢細細聱同我講，話師傅先用油炸起再煮，怕羊仔柳唔熟。根據店員所講，烤餅有幾種，烤包都有幾種，每種都係即叫即做，需時10-15分鐘左右，又話蒜蓉味同原味都多人叫。因為唔打算叫咖哩，所以叫左蒜蓉味烤包，又幾好咬，咸咸香香幾好食。 再加多個炒茄子，雖然油多左d，不過好扯飯，立馬叫多個白飯食。 飲品方面，見到餐牌有好多款，有珍多冰又有泰式特飲，仲有沙冰，泰國餐廳一定有嘅椰青佢都有，就叫個實冇死嘅椰青飲。大大個，$35幾抵飲。 甜品呢，叫個芒果糯米飯試下先，芒果勁甜，糯米飯係一碟兩款黑白一齊上，我本身鍾意食白糯米飯，所以黑糯米就比男朋友食啦，結果到發現唔記得影芒果糯米飯張相果陣，已經食左大半，下次再影... 其實服務都唔錯，不過可能係星期五，人又唔係好夠，行黎行去得5、6個人，見佢地跑黎跑去都好唔得閒，舉手要揮先留意到。總之係唔錯，下次會再去食其他野。
繼續閱讀
有新人入職，welcome lunch是例行公事。這次選擇的是泰屋。之前吃過幾次，覺得這裡的午餐尚算實惠，所以同事也一致贊成來這裡歡迎新同事。甫坐下店員便告訴我們用來炒野的爐壞掉了，只能點選湯粉類及咖喱類，人家其實想吃炒飯的喇，最後還是選了黃咖喱羊肉配烤飽。等候的時間有點長，大概等了15分鐘才有得吃，看來會是即叫即做的？黃咖喱看上去配料不多，似乎認為客人將烤飽蘸咖喱吃便夠了吧。搯一搯咖喱，大約只有4粒切成方形的羊肉。黃咖喱酸酸辣辣，味道適中倒是醒胃。咖喱雖香，然而一口羊肉煮得不夠入味，而且肉質帶韌，挺花牙力。烤飽奉上時熱騰騰，新鮮出爐之作。吃起來挺軟熟，蘸了咖喱味同吃也夠惹味。不過個人來說還是覺得印度咖喱配烤餅才是絕配。奶茶不過不失，始終不是茶餐廳，不能要求甚麼茶香或細滑。在這裡吃午餐會有甜品送，這次的芒果糕帶有淡淡的芒果香，好味~
繼續閱讀