泰廚泰國菜館

營業中

休息中

旺角 Thai Chef 泰廚我地今日去左旺角一間泰國菜館，平時成日行過，今日先係第一次入去試下。每凡惠顧小菜滿$200(下午6點前)；滿$300(下午6點後)加$1 可以揀一款小食，我地揀左兩份泰式生蝦，真係超值！一坐底我地就揀左泰式孖寶 D餐，咖喱軟殼蟹+泰式燒魷魚 ($398)佢地個泰式孖寶餐都幾抵食，一個價錢可以食到兩味餸😋大大隻軟殼蟹，個泰式咖哩汁用來餸簿餅、餸蒜蓉飽、餸飯、都係勁正！大大條泰式燒魷魚，燒到勁香，又彈牙。簿餅（1份） ($42)識食咖喱就一定要叫返個簿餅配住嚟食，外脆內軟又鬆化，就算今餐冇叫到粉麵飯都可以食到飽一飽咁出門口。肉碎生菜包（豬肉） ($76)香葉肉碎配生菜片簡值係絕配，肉碎乾身再配埋爽脆嘅生菜，正！馬拉盞炒通菜 ($72)通菜偏辣，份量好多，如果再淋啲再好啲。泰式生蝦 (加$1！*2份= $2)依個真心超推介，泰式生蝦刺身夠曬新鮮，配搭辣椒蒜粒同埋泰式芫荽醬，將生蝦嘅鮮味升華。椰汁冰 ($28)香濃嘅椰汁味配搭全餐都好夾，又解到渴。泰式椰汁糕(加$1)食完之後再來個泰式椰汁糕，完美結束依個回合。#泰廚泰國菜館 #泰國菜 #foodie#高質 #旺角

位於旺角嘅🇹🇭泰菜老字號🌟泰廚泰國菜館🌟，有超值嘅自選泰式孖寶套餐！惠顧滿指定金額，加1️⃣蚊雞就可以換購🦐泰式生蝦等菜式，真係大癲‼️ 🇹🇭泰式孖寶 A $208🐓海南雞半隻 拼 🐚泰式炒白貝好似酒樓嘅中選孖寶套餐，價錢實惠，閒日仲要平多$10！海南雞肉質軟嫩，脾位皮位更加可以用滑溜嚟形容！炒白貝粒粒鮮甜無沙，汁底充滿金不換嘅香氣，用嚟撈飯一流！🇹🇭泰式孖寶 C $278🐟古法烤焗槽魚 拼 🦑泰式燒魷魚紅槽塞滿泰式香草，令魚嘅鮮味更為香郁！魷魚size超大，厚切都勁易咬，鮮味十足！🦐泰式生蝦｜🪼泰式海蜇 ＋$1惠顧滿指定金額就可以加購！泰廚嘅青醬真係好正，dip乜都咁好味！🍹咸檸七 $26｜🍻星霞啤 $24酒水價錢亦十分親民！

食泰菜唔洗一定係九龍城食，係旺角都有間比九龍城更平、大份嘅泰式餐廳🤣餐廳有兩層，叫滿$200就可以加$1換小食😆🐓海南雞（半隻）+ 油鹽水沙白 $198超抵食，孖寶都好大份！海南雞好滑，雞肉幾厚又嫩滑😍雞皮都好爽彈！沙白可以揀泰式/油鹽水整，揀左油鹽水煮沙白，清清地嘅湯，食得出沙白鮮甜同九層塔香味💕沙白洗得好乾淨，無沙！肉都好大隻👍🍝泰式粉金邊粉 $72超抵又大碟💕金邊粉酸酸甜甜好開胃！蝦🦐有3隻，再有海量雞肉、豆干等配料，成碟粉得夠乾身，但又唔會痴埋一齊👍👍🍢串燒 $15/1揀左雞同豬，又係好大串，沙嗲醬好濃郁🥰好香花生味🥜有少少辣味調下味👍🍮泰式椰汁糕好多西米同少少粟米🌽，好煙韌！🐙泰式海蜇海蜇酸酸地，加左少少薄荷味，夠fresh!📍泰廚泰國菜館 (旺角)旺角通菜街126號地舖

今日試咗個泰式孖寶D. 泰式咖喱軟殼蟹 + 3. 泰式燒魷魚泰式咖喱軟殼蟹，個樣睇落好辣，食落冇想像中咁辣，軟殼蟹脆脆哋，香料味好重，鹹鹹辣辣好惹味，另外叫咗份薄餅點嚟食，真係一流。泰式燒魷魚，魷魚燒得恰到好處，外焦內嫩，搭配特製酸辣醬，好香口，醬汁香氣同魷魚嘅鮮味完美融合，一定要趁熱食。加一蚊仲可以叫到生蝦，雖是特特價，但絕無hea。生蝦好彈口，醬汁唔係好辣，不過就好野味，夾蒜食超正。小店嚟講都坐得舒服，又光猛。

呢間好泰feel嘅泰國餐廳。食咗佢哋幾道菜感覺都展現左泰國料理嘅精髓。無論係味道、質感定係擺盤，都令我感受到用心嘅烹調。✨ 泰式燒魷魚魷魚燒得恰到好處，外焦內嫩，搭配特製酸辣醬，好香口一次食咗幾條。醬汁香氣與魷魚的鮮味完美融合，令我回味無窮。✨ 泰式豬手泰式豬手口感非常柔軟，肉質鮮嫩，皮林而不油膩。搭配的蒜香醬汁更是增添了風味，呢道菜成為我嘅最愛之一。✨ 海南雞海南雞雞肉鮮美多汁，搭配香滑的雞油飯，每一啖都彷彿帶我回到熱帶陽光下。附上的醬油和辣椒醬也為這道菜增添了層次感。✨ 燒和牛串和牛串肉質細膩，燒烤嘅火候掌握得當，外脆內嫩，完美展現左和牛嘅鮮美。簡單嘅調味令牛肉原味得以突顯，是肉食愛好者不容錯過嘅選擇。✨ 燒豬頸肉燒豬頸肉味道濃郁，肉質鮮嫩，搭配嘅香料讓整體風味更加出色。每一啖都係滿滿的肉香，非常過癮。✨ 泰式木瓜沙律泰式木瓜沙律清新爽口，酸甜口味令人耳目一新。脆脆嘅木瓜搭配花生，令呢道沙律成為了開胃菜嘅最佳選擇。✨ 泰式海蜇海蜇口感滑嫩，搭配的醬汁酸辣適中。作為前菜，呢道菜清爽可口，為接下來嘅重口味菜餚做好完美鋪墊。✨ 龍眼冰龍眼冰清涼可口，龍眼的天然甜味令人感到十分滿足。✨ 椰

外賣 等成5個字請問你整咩要整5個字啊 問個男服務員 寸個嗨 加上攞到翻屋企個咖哩牛肉飯垃圾咁D米又好似生米咁 兩樣嘢夠膽收人188俾D咁質量野俾人笑死 冇下次 我都係做飲食業㗎 整到香港個市場咁

泰式生蝦係我哋必叫嘅菜式。蝦嘅肉質好爽口，鮮甜彈牙。配埋嘅泰式醬汁酸辣開胃，好惹味。我哋每人食咗十幾隻蝦，都意猶未盡。馬拉盞炒通菜係一道家常菜，但泰廚嘅炒通菜炒得好有鑊氣。通菜炒得爽脆，唔會太腍。馬拉盞嘅香味好濃郁，同通菜好夾。我哋食完呢碟菜，都忍唔住要食多碗飯。

未開始講嘢阿姐已經話：「我聽唔到你講嘢」朋友過緊黎，諗住幫佢嗌左先啦，阿姐又話：「你一次講完得唔得呀？」想加多個菜，阿姐又話：「落左呢啲先陣間再嗌」吓唔係你叫我一次講完嘅咩？同埋要將通菜咁簡單嘅菜炒到咁難食都真係要有啲水平先得

疫情之前閨蜜ABC就已經黎食過,當時我因為工作缺席,只記得佢地話超級好味.然後就相約下次聚會再食過.結果疫情三年,加上之後各自有家庭有小朋友,終於,今晚終於約到重聚lee間泰國餐廳.閨蜜A一早book左位,所以黎到就已經可以上二樓四人抬.我地order左兩串和牛燒烤,兩串豬肉兩串豬頸肉,三隻雞翼,一份馬拉盞抄通菜,菠蘿炒飯同大蝦冬陰功湯.而且食泰國菜,就不得不破戒飲左泰國奶茶.真係好正.但薑汁泰國奶茶都好特別好正,值得推薦.(食到咁上下先記得影相,好多其實都食左飲左大半)串燒好快就上,味道好正.特別係醬料!之後係我最最深愛嘅冬陰功湯,哇,真係正到飛起.隻大蝦應該係龍蝦仔.但我關註點一直係個湯本身就好正.令人想要一飲再飲!馬拉盞炒通菜分量好大,四個人都差D食唔曬!菠蘿炒飯非常足料!大大隻蝦,魷魚同肉鬆.味道適中.講講下口水都流曬.過兩日我肯定又要再去多次.為左冬陰功湯!

位置於金魚街旁邊一間唔太起眼既泰式餐廳。我買左下午茶好多次，真係好抵食，份量又大份，真係估佢唔到。佢地配餐的香茅冰我好鍾意，好味。有一個位要讚既係，佢地的外賣盒有花過心思，有設計，又防溢瀉👍🏻估唔到呢個價錢，會喺小事上都比心思👍🏻

幫襯咗泰廚好多年，見佢一路都冇點加價，現今以咁嘅質素同價錢嚟講，真係算係好唔錯！我偏愛甜辣，所以覺得好啱食😋 不過，尋晚碟馬拉盞炒通菜，啲汁多咗啲，唔得乾爽囉～～唔知收銀嗰位係咪老細？超好招呼，勁有禮貌！👍🏻另外，又見到阿姐有負評，我個人覺得佢係比較有性格同做實事嘅，上面咁多枱，佢一個人處理，又忙又要快手，難免會急咗啲，但待客都會有求必應嘅。我相信佢唔係刻意俾氣啲客受嘅，大家嘗試包容體諒下吖😊

晚上同朋友黎食不用等位上左樓上坐樓上既女待應態度非常差講野又快 未落完單就走左落單時講漏幾隻字都比佢串食物質素可接受既但比錢受氣真係不了另外枱上又有d 小昆蟲衞生情況欠佳

今日食咗兩個lunch set，每個lunch set都包飲品同埋一碗湯，飲品我叫咗青檸冰，而湯就係冬瓜胡椒肉碎湯。一個午餐叫咗泰式炒粉絲，粉絲同平時食嘅唔一樣，比較幼細，佢可以吸收更多嘅醬汁味道，令到成個粉絲都好夠味。另外一個午餐叫咗青咖喱豬頸肉飯，青咖喱同平時出邊食嘅其實差唔多，但係呢一度更勝一籌嘅係佢嘅豬頸肉燒得好香，肉質又好林好軟身。嘢食好食，不過個青咖喱就等得耐啲，而且兩杯青檸冰都唔記得咗俾我哋。

堂食落單，員工大聲叫唔得閒理你好忙。到落單果陣講完又話要等陣，未食就已經覺得唔需要再嚟。仲未計餐廳半滿被安排到尾位冇乜冷氣嘅地方坐唔俾轉位。環境服務差，青檸冰夠酸好飲，例湯好咸，炒牛河味道都唔錯

泰菜豬頸肉配海南雞豬頸肉飯金海南雞，雞肉嫩滑無骨，豬頸肉配店內秘製燒汁全個層次提升，再配椰青水，食得好爽快咖哩軟殼蟹配薄餅炸軟殼蟹金黃鬆脆美味可口，配搭濃味的泰式黃咖哩汁十分惹味。有白飯，配蒜蓉包，好食到停唔不了口。泰式生蝦刺身鮮蝦新鮮白淨入口爽脆，就算唔點辣醬夾蒜蓉片食都好好吃，蝦隻肥美大片好有滿足。冬陰功湯酸酸辣辣好可口，飲完令人大開胃口食指大動，一定要點唔好錯過。👍👍隱世泰國美食值得推介大家有時間就來試一試啦。