泰式東王

營業中

休息中

九龍城一向都係泰菜天堂多年以來，唯獨泰燒王始終如一眼見食客多為泰國人就知啦！今晚都係order 左泰菜基本野，蝦餅，串燒，同馬拉盞...坦白說，蝦餅我就一般。呢度既蝦餅蝦肉較多，但未至於起膠，所以並唔係出面食到彈牙個一種。由於我地叫左燒牛肉，所以串燒只係叫左雞同豬。另外加左兩串雞腎，較特別，而且好爽。個燒牛肉幾香口。咖哩配包同薄餅無得輸囉。真係樣樣都想試...

今日放工，男人黎接我收工喎，咁又係一路諗食咩好啦，架巴士經過九龍城...就興起落車去食泰菜...其實啱啱先晌泰國番黎....落車....我食黎食去都係兩間架啫，俾男人揀，佢揀左呢間，貪佢冷氣大啲咁喎。Thai bbq相鄰舖位有多另一間Thai bbq2...大家唔好認錯，要係Thai bbq先啱，坐低，叫左我黎呢到一定要叫嘅芒果沙冰男人都話正！仲有必叫嘅黃咖哩，配埋個熱辣辣酥餅，真係好好味架，個咖哩佢係加左蛋嘅，唔辣，我地成個汁清晒！青木瓜沙律，第一次叫，有驚喜呀，好好味，唔辣嘅，酸酸甜甜咁！生蝦....佢好大隻呀，我地仲專登影左張相超正！螄蚶⋯⋯ 就係要佢佢浸腥味，男人第一次食咁生嘅螄蚶都接受到。最後食左4百一十幾蚊。

因為朋友好熟悉泰國街依邊ge食物，所以我地就去左附近覓食啦，友人一早已經揀好餐廳，依間餐廳係正宗泰國人主理，所以係相當有風味因為要等埋個朋友，所以我地先叫左幾款前菜，有木瓜沙律🥗、半隻燒雞同烏頭魚（冬蔭功湯底）木瓜沙律少許辣，初時食都頂唔住，但之後飲多幾杯食，就越食越好味燒雞方面幾出色，唯獨雞太瘦唔太多肉食個魚唔錯呀，好鍾意咁樣食魚，湯底唔算辣，酸偏多左，後友人黎到，我地再叫多幾款食物，分別有炒菜苗、炒金邊粉、炸魚餅同咖哩蟹🤦🏻‍♀️4個人食幾多野😂蟹因為我唔食得，友人食落都覺得唔錯，配蒜蓉包食好好味甜甜底，而魚餅我就覺得唔太好食，之前食開較為鮮味，依個會有點‘梅’味咁...而金邊粉因為太飽關係，試左少少味道都唔錯ge，朋友識人關係，佢地仲請我我地食碟豆花糕好味，被顏色吸引住食左3個

We had dinner here. All food looks yummy.The fish was so big, we could not finish it finally. The soup was a bit sour, with lots of ingredients it tasted good.

因為媽媽係泰國人，所以屋企向來對外出食泰國菜都有一定的要求，而呢間泰國餐廳係我同屋企人近期比較滿意的一間，所以見好朋友生日，特別帶佢黎食。呢間餐廳裝修一般，比較簡單地道，所以食物較便宜。因只有兩個女仔食，都唔敢叫太多野食，所以只叫泰式黃咖哩海鮮配蒜蓉包和馬拉棧炒通菜。朋友對蒜蓉包讚不絕口，話好香蒜蓉味兼好鬆脆，仲話好難有餐廳整得甘好。泰式黃咖哩海鮮，開頭食時覺得好香，唔辣，好適合同蒜蓉包一齊食，不過，食耐左會覺得咸，所以最後都忍唔住叫左菠蘿沙冰同咸檸七飲，朋友讚菠蘿沙冰的沙冰好綿，唔錯。馬拉棧炒通菜炒得幾好，通菜唔老，唔會食到有渣，好味。

今次嚟"泰式燒王2"其實嚟咗好多次，今次先嚟寫不過平時坐下面，今日坐近門口，雖然冷氣已經係頭頂，其實都唔夠涼，真係有啲熱先嚟個"椰青"先，好甜，好夠凍，係炎炎夏日無得頂，解渴清涼，之前好多泰國餐廳啲椰青都唔夠凍，呢度真係夠晒凍"泰式生蝦" 蝦夠新鮮，夠凍，亦都彈牙，夠鮮甜，价錢亦都夠公道，醬汁調味都唔錯"咸魚炒椰菜苗" 咸度適中，唔會太咸，椰菜苗唔會炒得太生"覇王燒雞" 呢個必食推介😋，我每次嚟到都點，雞燒得唔'鞋'，夠晒入味，兩個人都食到半隻，無得頂，比起好多大酒樓，酒店，好食好多"泰式海鮮炒河" 呢個就普普通通，之前叫其它炒粉面都ok，呢個就麻麻啦，炒得唔夠香，無咩特別但總括嚟講，呢間"泰式燒王2"值得一去👍

一個月都會黎九龍城幾次，我班飯腳又想食泰國菜～本來我想搵我食開個間，點知行左幾條街都搵唔到。有朋友唔想再行去搵，行過聞都D串燒幾香～就gogogo啦！唔好講咁多！即黎兩碟生蝦！十分爽甜！而辣汁就比較易入口，想刺激D就加埋生蒜啦～青木瓜沙律～又辣又惹味～ 我就好喜歡佢地伴碟既花生碎，十分香脆～冬陰公湯 材料有大蝦同菇類，用料十足。辣度可接受，偏咸。飛天通菜 微微辣，好惹味！串燒 ： 牛、豬、雞，沙嗲汁淋左係面！而沙嗲汁就偏甜同香濃！炒金邊粉 記得要撈勻全部先食，因為芽菜係生既，需要用金邊粉既餘溫整熟，否則就好難入口啦～咖哩青口配薄餅黃咖喱有淡淡椰香，金黃色既薄餅新鮮出爐香脆可口，兩者口味上的配合簡直天衣無縫！青口都好新鮮！鹽燒烏頭 即叫即燒，肉質結實，十分新鮮！芒果糯米飯 糯米飯熱辣辣，配以香濃椰汁～正呀！

琴晚幾兄弟姐妹同細路食生日飯，細佬之前話同朋友食過間泰國菜唔錯帶我地去食，點知我同老公去到先發現呢間幾年前同朋友食過，不過而家改咗名。值得一讚整體味道都無乜點變過！

門面好殘。但又想食正宗嘅泰國菜。所以都入去試。因為都將近宵夜唔駛等位。坐底打開餐牌。價錢中上。心諗第一次食。如果好難食嘅話依踱食野就真係好唔值好貴。所以以白老鼠心態叫咗一般常叫嘅普通泰國菜。賣相好正齊味道好足夠新鮮夠熱仲有一件事。。。原本想叫佢哋""地道""嘅沙律❨忘記咩名堂⚠❩點知個員工話辣好多。會食唔到。所以建議叫所謂""少""辣嘅沙律❨忘記咩名堂⚠❩即係相中嘅一味真係好好食。酸辣程度剛剛好足夠有時間值得再去

屋企人話嚟呢間食，行入去年感覺門面裝修好破舊。但試過後，真的值得一讚👍，會嚟再食，尤其燒牛肉沙律，辣辣地好刺激好開胃；生蝦好脆口。不過呢度既姐姐做野比較慢，鐘意慢慢品嚐既會幾好；若然趕時間，就未必建議了!

Come here quite often with family and mates. No nonsense setting , and authentic Thai food. Quite a loud place but food is second to none.

夏日炎炎最岩就係食泰國野呢度有啲似空內嘅大排檔，好岩一大班人黎食下野吹下水咁熱梗係要飲翻杯凍野啦！青檸冰！飲之前記得挍一挍飲一飲即刻涼爽哂，啲青檸味酸酸甜甜咁好開胃啲凍蝦普普通通，冇咩特別，同響出面食倒果啲冇乜分別啲炸蝦餅係一個個切半嘅。一炸好就即刻上，個皮好膠，入面啲蝦膠好爽，點埋啲醬就岩岩好生菜包啲碎肉入面加左香矛，食之前聞唔倒，但係食落好香。而且啲碎肉好入味。包埋啲生菜好爽，有口感又有味道個豬頸肉好煙韌，係厚切嘅，唔似平時果啲好薄好膠咁不過個豬頸肉汁我就唔係幾鐘意覺得唔係好襯，所以我冇點就咁食。炒金邊粉！食落口酸酸地，有啲茄汁味。不過啲芽菜就太生，只能做伴碟不能吃雖然啲配料唔係好多，但係呢個價錢我覺得OK呢度嘅價錢ok，食物都唔差。要食平嘅泰國野都唔錯

食完正餐，諗住行去搭車途中朋友話好想食串燒同芒果糯米飯...甘我地就周圍去搵下...去到比thai bbq個名吸引以為係食串燒,,所以入左去  一睇餐牌...其實只係得串燒拼盤同其他泰國餐館一樣拼盤有豬,牛,雞三款各2串...味道還可以,唔係話特別好而沙嗲醬合格芒果糯米飯...睇牆上既相係有埋椰汁糕...一黎到無...咁我問點解無...佢地答.'哦..宜家無送喇'心諗..咁就唔好show出黎啦...我想食..上左黎先無...失望lor!但呢間糯米係熱上... 比起平時室溫上既糯米好食!但糯米偏甜...加埋小小鹹既椰汁就好好彩match到芒果亦好新鮮好甜但比起出面其他餐館細.....要成$68我覺得有d貴既..!!正餐既餐館無哂泰啤...呢到有緊係要飲下relax下...為我既星期六劃上句號呢間...環境麻麻地..好多一隻隻野飛黎飛去...um..

九龍城實在好多美食，想食晚飯就真係幾頭痕，太多選擇吾知點揀好。我一於從菜式入手，於是我揀左泰菜。敝喇，九龍城最出名食泰菜，又要揀。我一路行一邊睇下邊間好食，發覺夜晚間間都幾旺，有人排難啊！我行行下見到呢間都有人排，比我發現有位，於是問下坐吾坐得，哈，甘我就坐低了。我見呢間主打泰式bbq， 我都好想試，不過見麵幾大份量，先知一定食吾哂，要幾百蚊架，吾想浪費，於是我就點左最喜愛我海鮮炒飯+串燒。上菜喇，呢碟海鮮炒飯望落去無乜特別，當我一口咬隻蝦，發覺好好味，入面有大蝦仁，又有好細少既蝦米仔，呢下真係幾特別，味道吾知點形容，食完一啖又一啖，我發覺係蝦米仔既威力，出面好少見，咸咸地幾好食。到串燒上場喇，好大碟，雖然係指定既雞牛豬，每樣兩串，d 肉好大粒，好抵食，仲有佢地整既汁醬真係絕配，好野味，吾知係米泰國人主理關係，醬汁出其地好味，值得大家去試下喊

某日放工想食泰國野 又想要平靚正經朋友介紹入黎九龍城 尋覓泰國餐 咁就黎到依間食先食個開胃菜叫左泰式海鮮沙津 有蝦,蜆肉,粉絲,肉碎同芽菜味道帶少少酸辣味 因為有汁撈埋 幾好幾feash泰式無骨鳳爪👍 我特別推介酸酸地又唔太辣 肉質很爽 味道剛好 好食👍白灼螄蚶 比較細隻可能我自己同其他人口味唔同雖然食落去肉質很彈 比較鮮但帶有些少血水同腥味所以怕腥味既朋友就建議唔好食泰式生蠔面頭唔知叫咩菜蠔比冰粒覆蓋 keep住新鮮蠔同生蒜辣椒一齊放入口食比較重口味 相對比自己覺得蠔唔太算新鮮只係食到蠔既肉質最後叫左扇貝加泰式黃咖喱+薄餅扇貝好大隻 很鮮黃咖喱比較杰身 帶有椰奶香味 薄餅 塊塊都酥脆 表面金黃點埋咖喱食 絕配👍我地5個人食 埋單都唔洗過千其實平均每人俾200食到6樣野真係抵食