泰式生香

營業中

休息中

朋友介紹所以試吓，食物好有水準，每款食物都有特配醬汁，尤其生蝦個汁好特別好好味，隻蝦又肥大鮮味，同出面攞罐頭貨好唔同。馬拉盞炒芥蘭，辣椒膏炒青口都好味。最驚艷係個泰式燒魚，勁大條，燒到啱啱好，食到新鮮嘅味，唔點醬汁淨係點燒喺面嘅鹽已經好好食，唔乾好Juicy，係喺香港食到最好味嘅泰式燒魚。雖然係小店，環境唔係最一流，但食物味道好好，而且價錢合理，性價比好高，值得再幫襯。 我冇食螄蚶但朋友有推介，下次再試。

之前跟朋友食太多西餐同雞煲打邊爐，提議不如食泰菜啦…好耐無食過，之前疫情都跟朋友食過幾次，都覺得很出色，這間叫泰式生香，今次5個人叫左，每次黎都必叫的食品，要點餐啦…泰式生蝦～個生蝦係用泰國草蝦，連埋店舖專用的酸辣汁，食落蝦有咬口厚肉，味道很好，雖然我唔係太食得辣，但都食左一隻，因這款生蝦跟其他泰菜館用養蝦基圍蝦出品不一樣，如食過便知，真係好食。鮮蝦金柚子沙律～成個沙律好開胃，食左柚子成個人好醒神，酸酸微微連埋個沙律汁食開胃菜。沙爹串燒～ 1打 雞／牛／豬各4串，個沙爹汁無得頂很香濃，因為我唔食牛我淨係食左豬同雞，覺得豬較爽口同有豬味，雞都可以，但會較喜歡豬串，朋友有食過牛，佢話首選牛，豬，雞排列燒白鱔$138／3串～燒鱔真係唔係周圍有得食，呢間燒鱔仲要係厚肉，1串有3小件，我覺得好抵食，平時出街食1小件都要$25，呢度燒得很有火喉。原個菠蘿炒飯$98～呢個炒飯好足料，新鮮菠蘿，提子乾，三色豆，腰果，仲有好好食的臘腸粒，食落似厚身豬肉乾，我落單時話走菠蘿壳方便食，真係無得輸。仲叫左個安格斯牛扒$148 我唔食牛，望落都吸引嘅，朋友話一定要食，好好食仲有炸蝦餅，個蝦餅好彈牙，一定要配甜酸

早兩日試咗呢間家庭式泰國小店，裝修唔算好靚，但係你食完一次你會再幫襯，因為人情味濃，食物質素👍👍👍，食泰國菜我一定會點生蝦，呢度嘅生蝦一嚟夠大隻，二來佢個秘制辣醬汁😋我真係一試難忘，你直程會覺得佢點乜嘢都咁好食🤩🤩🤩呢個係我必食推介，仲有佢嘅期間限定秘制螄蚶，如果鍾意食螄蚶真係唔好錯過，佢有少少鹹海水味加埋螄蚶嘅鮮甜味，我諗起都流口水，😍😍😍泰國菜又點少得泰式咖喱炒蟹，出邊一般都係會揀蒜蓉包薄餅或者配飯，呢度有啲特別可以配出前一丁啊😍😍估唔到咁樣用個醬汁嚟撈麵真係好食到黐咗線，仲要隻蟹係好新鮮唔細隻😍😍😍同老公食完之後佢都話會再返嚟😂😂果然香港嘅小店真係會有啲驚喜

我最近造訪了一家以泰國菜為主題的餐廳，名為「泰色生香」。一入座首先遞上浸有熱水的餐具，非常貼心！豬頸肉炒芥蘭味道：⭐️⭐️⭐️⭐️價錢：⭐️⭐️⭐️⭐️這道菜以鮮嫩多汁的豬頸肉和新鮮的芥蘭為主要材料。豬頸肉經過炒煮後保持著肉質的鮮嫩，口感豐富。與芥蘭的結合使菜品更加平衡。此外，菜品中加入的泰國特色香料提升了整體風味和香氣。辣椒膏炒硯味道：⭐️⭐️⭐️⭐️價錢：⭐️⭐️⭐️這道菜以辣椒膏為主要調味料，與硯（也稱為巴西木）和其他蔬菜一起炒製而成。辣椒膏的香辣味道與硯的堅實口感完美結合，帶來一種獨特的風味體驗。辣椒膏的辣度剛好適中，不會過於刺激，但仍然能夠帶給菜品一種微妙的火辣感。同時，蔬菜的爽脆口感為菜品增添了層次感。蝦醬炒飯味道：⭐️⭐️⭐️⭐️價錢：⭐️⭐️⭐️⭐️⭐️這道菜以香氣濃郁的蝦醬為主要調味料，與炒製的飯粒和配菜完美結合。蝦醬帶來豐富的咸香味道，與炒飯的香氣相互交融。每一口炒飯都散發著迷人的蝦醬香氣，令人食指大動。此外，菜品中加入的蔬菜和蛋增添了口感的豐富度。這道菜品不僅美味可口，而且份量十足，非常適合與朋友分享。總結：地理位置：⭐️⭐️⭐️⭐️⭐️味道：⭐️⭐️⭐️⭐️價錢：⭐️⭐️⭐️⭐️

想食泰國菜，朋友推介咗呢間位於佐敦嘅小店。店舖坐位唔多，由於坐正門口位，經常有人出入所以有點熱😖 店舖職員雖然唔多，但服務好好，我們只點了啤酒，等遲到的朋友到齊先叫野食，職員都沒有催我們，而且上茶都好快👍🏻 📌泰式醃蝦 $108 🦐Total 有6隻生蝦，生蝦好大隻新鮮，肉質爽口，調味酸酸辣辣，非常開胃🤤📌鮮蝦金柚子沙律 $88 🥗柚子酸酸甜甜，大蝦爽口彈牙👍🏻📌泰式拼盆 $108 🍤🍗🫔有魚餅、炸蝦餅、春卷同雞翼，魚餅有少少細骨要小心。📌椰汁海鮮湯 (4-6位用) $168 🥥海鮮有蝦、魷魚、青口，份量勁多好足料， 湯底椰汁味勁濃郁，酸酸辣辣好好飲🤩📌泰式燒豬頸肉 $88 🐷豬頸肉肉質彈牙，配埋酸酸醬汁好惹味😋📌泰式燒鮮雞 (半隻) $108 🐔燒雞製作需時，大約20分鐘，外皮燒得香脆，肉質嫰滑多汁😍📌泰式蝦球炒金邊粉 $78 🔥金邊粉炒得好有鑊氣，酸酸甜甜，加埋花生碎好惹味，雖然已經好飽，但都忍唔住口不停食😆🌟推介指數：😈😈😈😈😈（5😈為滿分）

母親節跟大隊黎呢到飯局，鋪面唔大，我地一人十人坐大卡位，都坐得舒服嘅兩位靚姐服務有滾水洗下碗，有斟水飲吓，叫人有人應，無漏單，上菜時間ok，要求多雙筷子都有求必應早到自己啤一陣先，夠凍，爽柚子大蝦沙律，大蝦真係又大又爽口嘅蝦，絕對無hea魚皮好咸，靚姐唔建議食，肉質好滑好juicy，推生蝦新鮮，又酸又辣，非常開胃春卷新鮮炸起，個人是晚最喜愛炸雞惹味，肉質唔老，有雞味，大大份多人一定要嗌！咖哩蟹人人都有一舊食，份量多，不過欠辣偏甜唔記得影金邊粉炒到好有獲氣，大家都搶住食埋單$17xx ，人頭$200唔駛，大杯酒大塊肉！建議大伙人聚餐

已經係第二次幫襯外賣、因為疫情關係無堂食佢嘅外賣仲有九折，唔辣既豬肉生菜包好惹味生菜無爛,份量唔會得幾塊亦都好乾淨,冬陰功我揀左海鮮湯,好足料有青口,魷魚,蜆同蝦，佢既蝦亦都唔會霉爛爛咁，仲叫左菠蘿炒飯，菠蘿唔係罐頭菠蘿,都係好足料有臘腸，蝦，魷魚，肉鬆，腰果，提子乾同青口份量都算多亦都係好好味等外賣個時聽到廚房所有野都係即炒，唔係d叮叮野，老闆好親切有禮，仲送左兩件椰汁糕比我，希望疫情好返之後可以坐底鋪頭食

好食，全部菜式都係熱辣辣上枱👍👍👍咖喱蟹抵食$298。個咖喱汁先係靈魂所在，跟1客蒜蓉包/牛油薄餅。最後因為個咖喱汁太好味所以另外加多咗兩客薄餅，薄餅牛油味充足同個咖喱汁非常夾。串燒叫咗雞牛羊各兩串總共半打（沙嗲醬亦都係串燒嘅靈魂所在，調配味道合適），燒雞好味。軟殼蟹有驚喜，外面酥脆，內心軟軟。拼盤裏面我最喜愛係雞翼。澱粉質方面炒飯正常，金邊粉酸甜酸甜，味道特別。另外都叫咗豬頸肉炒芥蘭同通菜，味道正常。6個人食飽飽😊

最懷念嘅泰菜小店終於返嚟喇，梗係第一時間落去捧場啦！熟悉嘅人臉份外親切，小店就係有呢份人情味，立即叫返幾個我最掛住嘅食物嚟食先！泰式生蝦~仍然係獨特嘅味道，同其他地方食嘅唔同，一食唔停得口系列！鹽燒黑鰂~點樣可以燒到條魚咁滑㗎，又唔會太鹹，下次可以試吓盲鰽同烏頭係咩味道！泰式拼盤~有雞翼、春卷、蝦餅同魚餅，啱哂又唔想叫咁多同樣樣試吓嘅朋友！冬蔭公~辣得好過癮，材料堅足夠，會一碗跟一碗不停飲嘅味道！燒白鱔~串燒豬牛雞食得多，試吓燒白鱔，真係好正，喜歡食鱔嘅朋友真係唔好錯過！炭燒豬頸肉~肉汁豐富，保持水準，必食菜式之一！炒椰菜苖~食咁多肉梗係要叫返D菜食吓，每次食泰菜我都鍾意食椰菜苖！最開心係以後又可以食返有人情味嘅泰菜喇！