泰潮 (已結業)

新年去車公廟參拜，難得有機會黎九龍，係深水埗落車順便去泰潮食海南雞飯。好彩呢喥冇乜嘢陸客唔使等好耐，等十分鐘就食到海南雞飯。鶏肉整得幾正，油飯又唔會太油膩，可惜的是骨頭多肉不多，鷄肉口感不太細膩。相比新加波明星級海南雞飯専門店猶有遜色。但香港深水埗水準黎講，十分合格啦。

以為初二係深水埗會好旺，但點知只有零星小數店鋪，收費重要加一，加二，真係估唔到。見到有米芝蓮牌扁，又見近日不斷食中餐，所以轉食泰菜。叫了泰式海南雞飯及冬蔭功金邊粉。侍應立刻送上湯，醬料及青瓜。泰式海南雞真的不同，連醬汁都不一樣，只有一碟，不是一般的三碟。至於食物，確有點失望，雞不是想像中滑，又沒有雞味，油飯有點乾。冬蔭功份量偏小，幸好沒有多加餸，因為冬蔭功內已有蝦及菇。蝦有3隻，算爽，但冬蔭功味道唔算好有特色。係咁大路嘅食物都未見驚喜，所以唔明點解可獲米芝蓮。

第一次經過呢條街, 見到門口有"米之蓮" LOGO, 依家推銷緊"唐人街粿汁條" 優惠價38蚊一碗. 內裡是一般茶餐廳風格, 我淨係點咗"唐人街粿汁條" , 賣相唔錯, 飲吓啲湯, 香辣的胡椒豬肚湯好重味, 粿條很軟滑, 豬肚同其他配料都好夾, 優惠價黎講算抵.不過,冇諗到茶餐廳都要加一服務.

呢間米芝蓮推介既泰國野大碟夾抵食，味道都幾好，今次多人黎食試到好多野，飽到上心口🤪不過座位就逼少少👨‍👩‍👧‍👦•🐔海南雞（$210/一隻）🔸9/10海南雞用左冰浸既關係keep到肉質好嫩滑，點埋泰式辣汁好好食呀😆呢隻雞勁大隻啖啖肉，食左幾舊就好飽🤰🏻•🍚雞油飯（$12）🔸6/10食落比較乾，可以再多d雞油會仲香d😆•🦵🏻泰式酸辣鳳爪（$45）🔸7/10呢隻酸辣偏酸，唔會太辣，鳳爪係冇骨既，好容易食🤘🏻•🍤泰式炸蝦餅（$48)🔸7/10超大舊，熱辣辣炸起好香口，食落外脆入面好彈牙•🥬香葉肉碎生菜包（$68）🔸7.5/10肉碎加左鹹魚好惹味，份量都幾多，只係生菜唔算話勁新鮮🙈•🥬馬拉盞炒通菜（$68）🔸8.5/10火候岩岩好，炒得好爽口，菜仲好青嫩🥰馬拉盞又係送飯一流🤣好好味👍🏻•🍲泰式冬陰公湯（$60）🔸7/10用木桶上好靚，內層係保溫仲keep住暖，個湯好香，仲要非常足料，有成4、5隻蝦，不過有點辣🔥•🥘黃咖哩牛腩（$60）🔸7/10牛腩煮得幾腍身幾入味，仲有薯仔紅青黃椒，揀左黃咖哩咖會太辣，送飯一流😆•🥥椰汁冰（$22）🔸8/10好濃既椰汁味，好香滑都幾甜，而且可以解辣tim😆•💁

之前都食過幾次，但一直都冇寫過文，今次寫下飯後感，海南雞飯真係做得好出色，飯黃色，有雞油香味，值得得一讚，雞肉都好滑，尤其係雞皮，點醬汁食真係好好味，海南雞應該係無骨佢做得到。

飲食男女有報導過這間海南雞飯，我都係慕名而來試下，差唔多$60一碟連埋湯，雞既份量都幾多，中間有啫喱狀，好多人以為係肥膏所以唔食，其實係精華所在，肉好滑，飯都有雞油香，水準真係唔差

我同老公好鍾意食泰國菜今次黎到公司附近嘅泰潮向門面已經見到好多明星相當日係平日傍晚6點，未算好多人唔洗等位就可以入座我地揀左：泰式無骨海南雞飯（$58）無骨海南雞對於我地呢啲懶人黎講係非常好雞肉肉質嫩滑，鹹淡度適宜，油飯香噴噴，感覺唔會太膩，唔錯泰式黃咖哩雜菜飯（$52）啲雜菜就略嫌hea左啲，主要只係青椒紅椒洋蔥，每款得一兩件，如果可能再加多啲菜就更好，黃咖哩就做得唔錯，椰香味濃，但唔會蓋過咖哩味道泰式清雞湯（跟飯餐）飲完呢個湯唔會覺得好口渴，相信無落到太多味精泰式肉碎生菜包（$68）呢款菜式幾乎都係我地食泰菜必食嘅，因為生菜完全可以一解食泰菜時嘅油膩感，生菜包住辣辣地嘅肉碎，正啊焗法式蒜蓉包（$25）有啲唔明點解泰國菜館會有法式蒜蓉包呢個包焗得太硬，但蒜蓉味道唔錯，好香珍多冰，青檸梳打（跟餐+$12）珍多冰果然有好多冰，但椰汁味都好香濃，青檸梳打反而無咁多冰同埋唔會太甜，唔錯。

好耐冇去過泰潮大大話話都有好幾年今晚冇D夜去左深水埗呢邊見到附近多數食米線（冇興趣）車仔麵（更加冇興趣）但超多人等位唔明最後入左泰潮我地一行二人叫左佢地signature 無骨海南雞飯上菜速度很快味道很好、附上D醬同酸辣青瓜不錯但個湯真心麻麻地以為呢個飯$58蚊睇張單只收$38 原來佢地做緊乜乜優惠$38有3款任選一個其中一個係海南雞飯！抵！我地仲叫左生菜包$68賣相ok 但食落D肉碎唔夠香一般.叫左個馬拉盞抄椰菜苗$68正！夠味！最後叫左個胡椒豬肚湯河$38同相片出入好大細碗、冇乜胡椒味麻麻地So far 加埋2杯飲品埋單$236 都抵食店員服務都幾好食到10:45 pm 都冇趕客（收11pm )

朋友話深水步哩間食海南雞飯唔錯，去試一試下先，先講飯係鷄油飯，食落好有油香味，都食主角海南雞，雞皮與雞肉之間有啫喱狀，雞肉唔鞋口，點醬汁食好味，不過一碟都58蚊而且唔跟餐飲，哩區黎講係有d貴。

今天在深水埗逛街，在福榮街一帶找晚飯地方。這裡很多餐廳，在「泰潮 」門口看到有文章「泰式滷水豬脾飯」，心郁郁想試，便決定入去食。餐廳內部不大，坐位有D 迫，不過沒有趕客，讓人安心用膳。我和朋友主食叫了泰式乾炒豬頸肉河粉及泰式滷水豬脾飯，再加個咸魚炒雜菜。泰式滷水豬脾飯我最期待的豬脾飯，滷水豬脾的確不錯，個汁亦唔會太咸。可惜既係豬腸有臭味，試左一啖，真係頂唔順吐了出來，我懷疑係「宿」左。跟左個例湯，普普通通。泰式乾炒豬頸肉河粉河粉炒得都算有鑊氣，整體味道不過不失。咸魚炒雜菜雜菜仲貴過豬脾飯，但朋友想食就試試看。蔬菜都幾新鮮爽口既，咸魚炒得都幾香，算是不錯。份量都幾大，我們2人吃不完。如果豬腸沒變壞，這餐廳是可以一試的。希望餐廳好好管理食材。

做完運動去搵好野食先，今晚特別想食海南雞，我們就去泰潮打卡好香胡椒味，飲完好暖身，聞唔到雞味泰式青瓜～辣無骨海南雞，都算滑，食得出系冰鮮雞，無雞香味，醬料太少用蛋網包住炒香的金邊粉，加上青檸，花生碎，芽菜，三隻雪蝦，撈起，食落酸酸甜甜，炒得好香，好吃

今日出去深水埗濕平，突然想食泰國嘢，原來佢地慶祝十週年，有三款至扺價推介，每款都係$38海南雞和豬脾我之前食過，所以我今次叫冬蔭公金邊粉和泰式珍多冰嘩！睇吓都知好味啦！湯底味道濃郁，夠酸又夠辣，選擇金邊粉係佢比較幼身，可以吸多啲湯。配料有蝦三大隻🦐🦐🦐和秀珍菇。杯珍多冰都Ok～加$6

深水埗美食林立，泰國餐廳隨處可見，但搵間好食嘅，真係好講運氣。今日同媽媽咁啱經過，見到呢間餐廳慶祝10周年，有3款主食做特價$38，咁抵梗係入去試下。我地點咗2客泰潮無骨海南雞飯($38)，加$6仲可以配泰式特飲，我地揀左珍多冰同埋青檸梳打，味道正正常常啦，幾足料，消暑一流隨餐附送小菜青瓜和一小碗冬瓜湯，青瓜酸酸地幾開胃，個湯有胡椒粉味，不過不失吧。嘩 野食一到，真係嚇親D雞滿滿地鋪喺d油飯上面，份量十足，呢個價錢呢個份量，超值啦。雖說是特價貨，但一啲都唔會將貨就價，雞肉非常嫩滑，好味！ CP值咁高，下次一定翻兜！

當初撞入呢間店，係衝著連續多年獲得米芝蓮推介這名號進去的，結果完全是地雷啊！！首先湯係超級味精湯，有一小件冬瓜係入面，只飲左幾口，已足夠令我口渴不斷，害我灌了半天水😢至於那碟酸辣青瓜不過不失吧～主角雞飯看上去不錯，份量對於女士來說是剛好的。油飯是粒粒分明的泰國米，雞皮清爽而不油膩，但！！！雞肉「鞋口」且無雞肉味，完全達不到頭最基本標準吖！連一般街邊茶記的海南雞飯的雞，都唔知滑過這家幾條街🤷🏻‍♀️唔通這店賣點係「鞋雞」！？sorry囉，我真係唔識欣賞！去食個叉雞飯無甘嬲兼夾平過這家

好耐無試過食到成肚氣，所以點都要寫篇文，提醒其他人唔好俾間餐廳呃左入去。話說果日中午係深水埗搵餐廳，我同同事例牌行入福榮街睇下有咩好食。果頭好多餐廳，但維記、文記車仔麵，燒鵝大皇等等間間都爆滿要排隊。天氣好熱，我地唯有繼續搵。我地行過見到呢間泰國菜既餐牌，寫住話慶祝十週年，海南雞飯38蚊，心諗幾抵wor，甘就入左去歎冷氣了。間餐廳貼滿同藝人既合照，又貼晒米芝蓮推介既字，以大大個米芝蓮筋肉人作招徠。但奇怪既係，間餐廳坐得3-4成滿，明明周圍間間都要排隊要等位。我同同事都叫左個海南雞飯。佢地好快就送上湯同沙律，我就問個男侍應"咦38蚊跟埋湯架？"。跟住個男侍應就黑面，話"果個下午茶2點後先有架。"。我地以為係自己睇漏左，甘就無再出聲。個男侍應之後全程態度都好差。結果海南雞飯要58蚊，凍飲另加6蚊。碟海南雞飯好一般，大把餐廳既海南雞比佢滑。58蚊一D都唔平，但唔係話接受唔到。最難頂就係個侍應既態度。最後我地臨走係餐廳門口影番個十週年餐牌，完全無寫下午茶先用得。根本就係呃人入去。總括黎講，價錢唔平，食物一般，態度極差，希望大家要小心，唔好俾佢呃左入去。