泰潮 (已結業)

在機場工作, 一向都有在泰潮食午餐, 海南雞飯是不錯選擇, 平時那些呀姐已常响你未食完收你d野, 呢個都算...今日和同事一齊食, 諗住試下青咖哩雞飯啦, 點知等左大半小時都未有得食, 吹左幾次, 呀姐愛理不理, 想轉食海南雞飯, 呀姐完全無應我地, 一味話追左, 仲叫我地唔好望住佢喎, 结果等左45分鐘都未有, 我地決定取消走人...

今天因有事去了機場，順道食個午飯，因為機場食店都好多元化😂😂😂，簡黎簡去，終於簡左呢間泰潮，因為想食辣野，就去試下啦🤤🤤，見到隻碟都深深吸引我啦，港媽係咁上下，飯前相機食先，我叫左香葉肉碎煎旦飯，賣相又夠吸引，食飯有飯味，煎旦好食，肉碎好食，不過都有點辣，但好香口，味道好好食😍😍😍😍😍，肉碎加白飯味道好夾，再食埋飯隻煎蛋，🤤🤤🤤🤤正呀，以機場有咁既質數叫好好架啦❤️❤️❤️，下次可以試下其他分店

今日去開機場做野，無聊行下T2搵食醫肚，見到有間泰國野，望下餐牌，價錢合理仲要有職員價，即刻衝入去醫肚先。餐牌有單點或套餐簡，今日要左個海南雞套餐，叫左個小食拼盤，馬拉棧通菜。首先一開波，黎左個海南雞飯，賣相可以，但d飯粒食落普通，飯無味，同埋分量唔多，對男仔黎講唔夠。雞都幾滑，唔錯喎。馬拉棧通菜炒得幾香，可惜咸左少少，單叫白飯一定好配合。小食拼盤有泰式鳯爪、蝦餅，春卷。小食款式選擇唔多，蝦餅幾好食，蝦餅即炸好熱同脆，又夠厚身。春卷都幾好啦，但餡小左d 泰式鳳爪唔夠辣。係機場黎講，呢個價錢都已經唔錯。

落機到港.因朋友在機場工作,便帶了我們到二號客運大樓食泰國菜到了泰潮因員工有另外餐牌我們二話不說叫了一個4人餐冬陰公湯k,夠味夠濃.無骨海南雞飯: 雞肉質嫩滑, 油飯夠香,附有雞飯最重要的醬汁滷水豬脾:好滑,豬肉夠淋唔鞋,,有少少咸菜,點埋個泰式醬汁,正!!!蒜蓉炒什菜K,好味既炸甜酸魚:平時唔係好食魚既我,都讚好,酸酸甜甜好開胃,好香口整體:其實係機場無咩餐廳可選擇泰潮係比較推介的如果D員工姐姐有禮貌D更加PERFECT

食物一般，典型香港服務質素，落錯單怨番客轉頭，需經三番四次提醒先會做。遊客一落機理應感受吓，為閣下留番個好印象。哩啲價位我建議你留番出市區食，無謂蹤錢嚟仲要俾人鬧。

員工態度真的需要改善同檢討，個别姐姐居然以帶有鬧客嘅語氣，對待客人。(其實被鬧嘅係坐响我隔離嘅一個哥哥，明明係佢哋送錯餐同飲品，仲大大聲鬧嗰位哥哥，好無奈 ……)

接朋友機，佢delay唯有去食我最愛既泰國餐廳。機場有好多食物選擇，但係我依然係間泰潮。因為好耐之前我啲朋友帶過我去食，味道忘記唔到🤤我最鍾意食嘅就係辣肉碎煎蛋飯，其次係金邊粉。你一間鋪頭坐得好舒服，有沙發位，啱晒我呢啲唔坐硬凳既人😂😂啲姐姐好有禮貌好親切，上菜又快，所以呢一間我都唔係第一次食講返個飯先，d肉碎唔係好肥果d， 肥瘦均勻，好好咬口，加埋啲豆食，又有蔬菜又有肉。不過就辣左小小，下次可以就同姐姐講唔好咁辣啦。但係越食越上癮覺得好香口，食到泰國嘅風味。加埋佢杯熱辣辣嘅湯，冇乜味精味，清清地夏天飲到好舒服。

剛好這天要去送朋友機順便來T2吃個午餐不過來得機場吃就要有吃貴價餐的打算才行我吃的是冬陰公湯米線湯底比想像辣了一點不過還是自己可以接受的範圍～配的飲料是椰汁冰帶濃濃的椰漿香味，不會太淡整體來說也不錯～只是因為在機場所以比出面貴

晚上九點半，機場內的食肆基本上都正在關門或已經關門。此時，發現這間泰式料理沒關門，實在太好。日本落機後的第一餐，久違的泰式料理。　菠蘿海鮮炒飯，份量多，賣相不俗。本來對機場食肆不抱任何期望，但這間餐廳，真的不錯。先講炒飯，不會太乾身。炒飯面有肉鬆已加分，菠蘿鮮甜，而且真的有蜆肉，不會只有蟹柳。味道好，比得上外面一般的泰國餐廳。　價錢約五十多，對比機場內其他餐廳的價錢，來得合理，是上落機前不錯的醫肚選擇。

係機場來說 吃泰國野的餐廳也不少我今次選擇了吃泰潮 因有機場做的朋友表示呢度既海南雞飯一流必試 而且價錢同市區差不多比起吃其他更化算一到達店就發現人頭湧湧的來吃東西的員工和游客都不少好在我是一個人 所以很快便被安排到位置我一坐下看了一看個MENU鐵定要嗌個海南雞飯了我舉了接近3分鐘的手也沒有人理我只是有個阿姐見到就不停經過說等等等了10分鐘才幫我下單下了單也等了接近15分鐘才有東西上來這個餐是包了一客海南雞飯, 一杯野飲, 一碗湯先說海南雞飯是用一個心型碟裝住的雞不是下爛的部分算是雞上比吧飯的SIZE是蠻大的夠一個成年男子吃飽雞來說肉質算比較實幾有口感不會煮得太耐而導致太淋而且飯也不會煮到一PATPAT的我友人的雞件也不是下爛部份十分好再說的是野飲佢包一杯泰色飲料我點了泰式珍多冰竟然也不用加錢不過又湯又野飲淨係野飲都已經飲到飽哈哈整體來說也是不錯的一家餐廳

今次就飛台灣，臨上機前當然要食食我最愛嘅泰菜。那其實呢大家都知道機場都唔荒有咩好食。但呢間有驚喜喎，友人係機場員工，所以食個晏就特別平。我叫左冬蔭公湯麵，個湯的確又幾有泰國風味，友人飲到上曬癮咁款😂以後飛之前終於唔駛食米線啦😂有不錯的選擇。

早幾晚去機場接機，阿媽話啲親戚7點到，時間精明既我預左佢地8點鐘先到，食番個飯就岩岩好，不過估唔到叻到我地食完就岩岩到😂今次我發板話食✌泰潮 🙆泰潮連續幾年米芝蓮推介之餘，亦係機場餐廳中唔貴既好選擇👍泰式滷豬脾飯都只係68蚊加一，份量黎講已經好抵食，滿滿既大半碟餸，除左有豬脾之外，仲有豬腸，雞蛋同酸菜😍豬脾滷得軟腍，而且好香滷水，豬腸肥美，偶然食就好🙊唔係真超標🙈冬陰功配粉絲永遠都係咁「登對」泰潮既冬陰功湯底如果酸啲就好，會更貼近泰國口味。配料方面都算幾多，不過啲蝦沉哂落底，所以就咁望好似得2隻以為好少。

去機場接機，未夠鐘又未食飯，當然頭三位心水餐廳泰潮，其實都忘記食過多少次，去到例牌點海南雞飯配例湯($68+10%)，其實可見大部份客人都叫海南雞飯，約5分鐘便有得食，隻碟是心型的，醃青瓜夠酸夠提神，除了雞翼無起骨外，其他雞肉都是啖啖肉，雞皮算肥美、雞肉夠嫩滑，油飯爽口、粒粒分明，真心好食，不過今晚碗湯不是蘿蔔/冬瓜湯，少少失望。

每次午膳經過也看到人山人海，今天終於少了一點人，立即選了這一間。看到餐牌，他有三個米之蓮大奬，我選了一個豬脾雜錦滷水飯，一杯泰式奶茶。真心想讚一讚這個飯的味道，他的豬脾肥瘦均勻，很適中，看到便已經很想食的感覺，咬下去肉質一點也不鞋，充滿了滷水的感覺，還有豬大腸滷水蛋，也很入味，我沒有期望過在這類型嘅餐廳可以食到這樣高質素的食材，有喜出望外的感覺。還有那杯泰式奶茶，跟我在泰國喝過的真的一模一樣，雖然貌相跟港式奶茶一模一樣，但味道完全不同，我估計應該是茶走，然後再配合泰國的茶，無論如何我很喜歡。餐碟使用了不同形狀的，我這碟是心心型，老闆很用心呀，難怪奪得了那麼多奬項。讚啊！

海南雞飯嘅雞非常之滑， 但油飯丶雞，全部都要行開，因為主角係個汁!! 鹵水豬手丶鹵水鴨丶海南雞飯都跟一個汁， 個汁酸酸辣辣非常惹味， 基本上我係為左個汁而叫其他野食!! 呢度個特飲都唔錯， 我會飲珍多冰丶龍眼冰，唔會太甜，又夠大杯，正!!