泰皇閣泰國菜館

營業中

休息中

九龍城不嬲都係泰國菜嘅熱門之選，有唔少泰國菜嘅餐廳，今次同朋友食呢間衙前塱道泰皇閣，一連兩個鋪位，算係相對出名嘅一間。面積唔算好大，但係平日嚟到啱啱有位，所以揀咗黎食。同泰國餐廳一樣類型嘅泰菜，不過呢間嘅款式好似再特別啲。金邊粉（⭐️⭐️⭐️⭐️⭐️）我都係鍾意傳統嘅金邊粉。泰式金邊粉再加埋大蝦，啲醬汁酸酸甜甜，份量都幾多。芽菜同花生分開，另外金邊粉用蛋包住，賣相都幾靚嘅。甜酸蝦球（⭐️⭐️⭐️⭐️💢）甜酸蝦球用菠蘿盛載住，幾特別，好多配料係入邊。蝦球超多汁，用嚟配飯就更加適合，適合比較重口味嘅朋友。泰式雜菜煲（⭐️⭐️⭐️⭐️⭐️）由於食得多重口味，所以揀番啲蔬菜，健康啲。我哋點咗泰式雜菜煲，有西蘭花等等，蔬菜款式都幾多，價錢都唔係太貴，如果唔想食太多澱粉質都可以點呢個。芒果沙冰（⭐️⭐️⭐️⭐️⭐️）飲品方面，我哋點咗芒果沙冰。啲芒果粒好大，好香嘅芒果味，清涼甚至都可以話係冰鎮。最後埋單$200唔使一個人，質素嚟講係中上，價錢就中下，覺得係唔錯。~~~~~~~~~~~~~~~~~~~~~~~~~~ 泰皇閣泰國菜館九龍城衙前塱道15號地舖👍 味道不俗 👍 泰式風情 👍 鄰近鐵路

食物正常，環境正常 ，價錢合理，服務 唔合格，個女人黑口黑面，本來一家人開開心心食餐飯，俾佢完全破壞了，老人家要杯熱水，有咩問題呢？叫你收碟， 又好似好唔高興咁，落錯單，又係我哋問題，客人俾錢仲要受人氣，除時消化不良要俾錢睇醫生，今時今日唔想做就快啲出聲，門口大大隻字寫明唔好同員工說話，員工大晒，員工俾乜食乜，客人不準出聲，員工永遠是對的，睇吓有冇人會入去食飯，下次一定無回頭blacklist！！！！！！

回到香港過一些簡單舒服的日子, 九龍城的餐廳絕對是想簡單過但豐富衣食日子的好地方, 泰國菜當然是這裏最多的選擇, 今次來到泰皇閣是一家本地風格的那種, 飲品選擇很多, 而且相當有驚喜, 例如是芒果沙冰或者班蘭奶茶, 甜度與芒果及班蘭本身的味道調得剛剛好, 沒有死甜和膩感, 在泰式飲品重甜的情況下, 這種本地化反而令人覺得舒服.這裏的泰國菜式也很多元化, 烤類, 炸類和汁煮類的選擇也不少, 當然也是比較在地化的調教, 例如是咖喱汁和烏頭酸辣汁的調校也是偏向柔和, 前者配搭炸軟殼蟹感覺還好, 後者烏頭的泥味我知道已經不多, 但味覺敏感的我還是吃到一點點. 至於金邊粉正正常常, 就是一般餐廳的調味和口感, 當在泰國回來吃過炭火炒製的菜式, 就知道欠缺的也許就是炭爐的明火.Returning to Hong Kong for some simple and comfortable days, Kowloon City is definitely a great place for a rich yet uncomplicated dining experience. Thai cuisine

晚上7點幾，二個人，叫干炒牛肉河，沙爹，炸蝦餅，飛天通菜，只有炸蝦餅叫正常，牛河牛肉有雪味，蘇味，柴皮咁，河粉冇乜味，通菜炒到又係柴皮，沙爹竟然沒有牛肉選擇，於是唯有叫了豬肉，雞肉，上到枱已即刻食，但只係微暖，價錢雖不算貴，期間有另一枱入座，向一名髮型特別的職員點餐，點了幾樣，望到那個職員面帶不滿，咁嘅服務態度，咁嘅食物質素，實在浪費金錢，上星期食過金寶，諗住試下呢間，簡直可一不可再，極度不推薦，

平日訂了七位枱七點半鐘，七點鐘3位朋友早到不能安排進入，門口的男同事沒有表情只是說只能齊人才能入，只好在門口等了半個鐘，這個消費代客處理方法有待改善。（本人食開中菜多，早到的朋友都可以入座等，本人是消費者覺得感覺一啲都不良好不會再次幫襯)。叫了食物沒有拍照，但有三個餸,七個人的口味一致得難食，不推介（中伏），燒牛肉(好韌）、串燒雞肉和豬肉(路口串燒外賣檔好食過佢）、春卷(內裏自家的餡料好難食)，九龍城咁多泰國菜館可試，不會再次消費。

英國🇬🇧返嚟探親， 朋友首選泰國菜，梗係幫襯返「香港小泰國」九龍城嘅鋪頭啦！ 一定揀泰皇閣👍 我哋下午2:30去到，包場咁🫣 幾乎冇人， 食食吓，同店員傾吓偈，原來而家香港各行各業都好差，尤其係飲食，大部分人都北上食元素周期表料理⋯ 😪一開始叫咗三個餸先1）明爐青檸蒸盲鰽～👍👍👍因為英國冇烏頭食，返嚟香港都想懷念吓個陣魚味，店員話冇用烏頭好耐，原因係貨源唔穩定，唔知供應商會唔會混入啲「明渠烏頭」，真係食死人，所以索性唔用烏頭，用鹹水魚嘅盲鰽，成本仲貴過烏頭添！味道一樣咁正，尤其係底部嘅椰菜，塑咗湯汁好淋冇渣，魚同菜全部都食晒，抵食。2）胡椒粉絲膏蟹煲～👍👍👍上枱時陣陣桂皮，香葉味，聞到已經好想食，唔識形容，好有兒時同長輩做節食飯嘅味道，粉絲足夠3人食，隻膏蟹真係不得了🤤， $428咋！難以置信！我問店員會唔會係「明渠蟹」😂， 佢話係菲律賓膏蟹！（補充，隔咗兩日去親戚屋企食飯，有同親戚分享今次返香港嘅行程，原來菲律賓膏蟹街市賣都唔平㗎！ 佢哋都話$428咁大隻，有埋粉絲，超抵食）3） 冬陰功炒飯～👍👍 正常味道，之前係冇冬陰功炒飯㗎，所以試吓，個人少食炒飯，食開撈汁嘅飯，所以覺得炒飯偏油

個待應蓄意撞我張櫈, 望返後面其實又唔係冇位行喎。作為一位待應, 如果你覺得礙住你, 你應該禮貌地問客人可唔可以褪前少少, 而唔係三番四次用力撞張櫈。仲有, 個待應落落下單自己走咗去, 留時返*餐廳當時並唔多人*, 咁嘅態度仲值得俾加一？當時都幾困惑同埋失望下。整體而言呢間餐廳服務質素真係搞唔掂, 有眼都睇得出個待應唔憂做, 唔會再幫襯！

今日平日難得去九龍城食飯，眼見好多以前好好招呼嘅舖頭都做唔住，真係好心痛。無可奈何下見到泰皇閣好似穩陣，就入去食啦。店員好似唔憂做咁，態度奇差。水，唔俾。見到張溫馨提示，店內唔會主動提供水，就算係都只會係熱或暖水。冰水免問。請問今時今日咩境況可以做到咁串呢？好喇，叫左碟，鹹蛋炒鮮魷。做法真係令我大開眼界。成品同一般茶餐廳嘅炒鮮魷冇分別。唔見鹹蛋黃就唯有問店員啦，竟然鹹蛋黃只係切碎咗，同個汁撈咗一撈就起菜。菠蘿炒飯同Pad Thai 就一般貨色啦

我第一次寫食評，因為真係太差，所以先提醒大家。率先我哋被帶到上2樓坐等，上面可以話係全冇裝修可言，坐的是圓櫈冇背靠的大排檔形式。然後因為佢哋唔夠夥計，所以全程都係自助形式，包括攞碗碟及餐具，至於落order，要用自己電話打落去佢樓下收銀處落單。留意返即使全程自助，佢仍然會收10% service charge 。落單之後菜式不到5分鐘就會上菜，包括咖喱炒蟹，所以蟹係一早整熟嘅，只係炒埋落啲咖喱度。明爐花甲，花甲係一早灼熟嘅，只係放喺個兜上邊下便有火做吓樣嘅啫，不過花甲非常之韌。早嚟講呢度就係一間粗製濫造，服務水平低劣嘅餐廳。最後提返大家，人未齊係唔可以入座！10個大人9位到咗佢都要你好熱咁樣企喺門口等 ，等到第10個都嚟埋先至會俾你入去。

今天又来九龙城吃一家泰国菜了，叫做泰皇阁。这家菜我已经吃了很多次了，至于为什么来吃，当然是环境舒服，然后位置也超好找，离地铁站近，味道也好，而且价格也很实惠哦。 我们点了一份炒牛河，因为每一次来儿子都很喜欢吃，这个另外点了一份白切鸡，吃泰国菜必点的猪颈肉，两个人吃绝对够，加起来还不到三百，人均一百就能吃到那这种价格吃到这样的水水准泰国菜，我个人很推荐！份量大味道好，过来吃完做个按摩，泰国一日游的感觉

餐廳環境都算寬敞，座位與座位之間唔會太逼夾。上菜速度快，店員都好Nice。呢間餐廳應該幾出名，見到都好多人叫外賣，星期六嘅晚巿都滿座 餐廳嘅食物不過不失，份量都好足。叫咗蝦醬炒飯、馬拉盞炒芥蘭、泰式小食拼盤、燒盲鰽同2杯沙冰。令我最驚艷嘅係個炒飯，望落好似好少，但整鬆佢之後份量勁多。😋仲有打卡必備嘅三層泰式小食拼盤🤣有炸蝦餅、炸魚餅、炸春卷、雞翼同無骨酸辣鳳爪。炸蝦餅同炸魚餅勁足料，咬落去係結實㗎！👍🏻

今日和老婆往九龍城泰皇閣泰國菜館食晚餐,我們點了鮮蟹肉蛋卷,拼盤,沙爹串燒,蝦醬炒通菜,蛋包鮮蝦金邊粉,原隻菠蘿海鮮炒飯,椰青,芒果沙冰,椰汁冰,梳打水和泰式凍奶茶,鮮蟹肉蛋卷蟹肉蛋卷蟹肉食落新鮮爽口,食落有一絲絲蟹肉,蛋味香滑,配菜青瓜和蕃茄食落開胃,整份鮮蟹肉蛋餅味道口感滿足,拼盤有炸蝦餅,炸魚餅,蝦片,春卷和鳳爪,春卷炸得金黄爽脆,炸蝦餅炸得香脆彈牙,炸魚餅味道香滑,佐酒一流,蝦片香脆,鳳爪惹味可口,整份拼盤賣相吸引,口感滿足,沙爹串燒我們選了朱肉和雞肉各三串,朱肉串肉質爽口,食落有油花,雞肉串食落啖啖肉,惹味可口,配上沙爹汁口感豐富,蝦醬炒通菜苗蝦醬味道濃脆香,通菜新鮮爽口,口感滿足,蛋包鮮蝦金邊粉蛋味香滑,蝦食落彈牙,金邊粉爽口而不感到油膩,原隻菠蘿海鮮炒飯整個菠蘿原個上,菠蘿口感香甜,海鮮蝦和魷魚食落彈牙,飯粒炒得乾身分明,份量足料,口感滿足,最後泰式凍奶茶茶味香濃,味道可口,餐廳座位闊落舒適,食物份量十足,我和好友們食了一頓豐富泰國菜

九龍城真係泰國菜嘅天堂！呢間lunch time都多人食大家評價都唔錯所以今次經過都試下～～-豬肉生菜包：鍾意食酸嘅話 一定要試！好夠酸 好夠味但食到尾會覺得有d鹹如果有多d生菜就好啦～泰式鳳爪：感覺似泰式mix白雲鳳爪😂酸酸辣辣 係幾開胃的味道都唔錯炒牛河：味道極好 鑊氣好夠！👍🏻👍🏻牛肉就正常 但份量真係好多可以大家share食海鮮冬陰功河：略為淡左少少冬陰功都係偏酸海鮮就普通 應該都係急凍海鮮🤔反而呢個冇咩驚喜整體係算幾抵食lunch不錯

佢哋嘅生蝦刺身好出名。我哋叫咗一碟，份量好足，有十幾隻蝦。啲蝦好新鮮，蝦肉爽脆彈牙，鮮甜味十足。我哋仲叫咗其他泰國菜，例如泰式炒河粉、泰式咖喱雞、泰式生菜包等。啲菜式都好好味，份量都唔少。

九龍城有好多泰國嘢食要搵平靚正其實都OK易，依間午餐價錢都係5-60左右，最鍾意食泰式炒河佢係做到；我先生就食咗咖喱豬個咖喱汁都好好食，同埋個豬肉都好入味，服務態度尚可，飲品都唔錯，當你食嗰下就會覺得好似去咗泰國咁樣幾好味同埋坐得好舒服，同埋都幾易搵超近呢個宋王臺地鐵站行過一條街就係，附近泰國嘢食都好多下，但係都會揀返呢間因為依間價錢真係好平靚正下次都會再嚟試吓晚餐，因為見晚餐個餐牌都幾豐富下同埋見啲評語都幾好食