泰美美食

營業中

休息中

間小食店舖頭名叫泰美美食，好耐以前尼龍門居嗰陣時食過佢啲煎釀三寶所以印象深刻，今日經過屯門就特登搭入嚟諗住食一食先返出去。去到見到隔離有幾間吉舖但係佢依然要排隊。去到諗住買廿蚊，點知得六粒揀，即係圍返成3.3一粒,都幾肯定以前唔係咁貴。質素依然保持到係好好食嘅，特別係個尖椒，個隻新鮮椒既辣係同出面唔同既。雲吞都一定要食，個皮放耐咗都仲係脆，但係呢個價位就真係唔會特登出搭入嚟食。希望佢可以保持好味同平民價，咁等多d人都可以繼續支持。

#泰美美食꧁掃街必選，出色煎釀三寶꧂“家族經營小食店，學生時代的回憶煎釀三寶款款都好吸引，樣樣都好想食以下介紹我至愛，次次黎必點款式“除咗煎釀三寶之外，佢地既魚肉翅都好出色不過天氣熱就冇叫到，留待下次再同大家介紹返“#KakaEat食在香港#KakaEat屯門#KakaEatX宵夜—- —-✄—- —- —- ✄—- —- —-煎釀三寶，三件$10✿炸雲吞必點！魚肉作點綴，皮炸到好酥脆“✿炸魚旦魚蛋口感彈牙“✿炸豆腐豆腐外酥內滑“✿魚肉茄子茄子軟糯“✿魚肉青椒青椒爽脆“😋味道：4/5✨環境：3/5👍🏻服務：4/5❤️‍🔥抵食：5/5👧🏻回頭：5/5

黎到龍門居掃街,一定要去泰美美食呢間小店食呢度嘅煎釀三寶同生菜魚肉,平時一到夜晚,呢間店就排滿人👍😋煎釀三寶($10/4件)_呢度有好多選擇,基本嘅紅腸,茄子,青椒,炸魚蛋,餃子,炸豆腐,蟹柳...基本嘅款式都齊全,極力推薦呢度嘅茄子,上面有一層薄薄嘅自家調味嘅魚肉+炸到鬆軟嘅茄子肉,口感超jeng(值得一提,呢間小店嘅魚肉真係超級好食,完全無腥味)同埋係入袋前會再翻炸多一次,超香口🤤生菜魚肉($25/一碗)_正如我上面講過,呢度嘅魚肉真係超超超超級好食,呢度嘅鯪魚肉應該經過處理同調味一番,整到完全無腥味,同埋口感更有彈性,再放入清湯裡面煮😋我第一次食呢個生菜魚肉戈時,真係刷新左我對生菜魚肉嘅睇法,真係超級有驚喜👍整體黎講,食物味道超卓,價錢適中,黎到龍門居掃街一定要試試泰美美食呢間小店

這家店有炸物檔口，他的煎釀三寶是龍門居之最美味, 炸魚蛋炸鯪魚球煙韌多料, 炸豆腐外脆內軟, 炸青椒香脆，炸雲吞多料又大粒。有西洋菜湯雲吞鲜味。它的生菜鯪魚球大粒足料,生菜又新鲜; 魚肉翅更出色有蟹絲,木耳, 豬肉絲,粉絲,很有懷舊風味! 泰式香茅豬頸肉檬, 湯底有大嚿蘿蔔, 香茅味濃, 豬頸肉又彈牙。 冬陰功湯濛, 酸辣度剛剛好。咖喱豬頸肉飯,咖喱汁香濃creamy, 豬頸肉多又彈牙，送飯一流！泰式蝦醬炒飯更是不二之選，是龍門居長期排隊泰味美食。

泰美美食这店的煎釀三宝很好味，经常有客人排队购買，他们的炸鱼旦香脆可口，自家秘製魚肉，新鲜炸起大大粒，外脆内軟，鱼肉与粉的比例适中，且有魚味。而他们还有炸二鯪鱼球，也是大大，质感比鱼旦实一些，但也不错。炸云吞皮也是我的喜爱，每次都会買，炸得脆卜卜，内里有些鱼肉，很香口。他们还有生菜鱼肉和碗你翅，鱼肉有质感，好味，而碗仔翅用料丰富，有粉丝、木耳、東菇、肉絲等，但与別家不同的地方就是不会只得咸味，层次感丰富，有七八十年代的风味，抵讚！

超好吃的煎釀三寶，雖然要排隊等大概10分鐘，但吃過就知道值得，老闆自己調味的魚肉實在太好吃👍🏻👍🏻👍🏻其實佢都算多款揀，有茄子、青椒、炸雲吞、魚蛋、紅腸、尖椒，仲有炸腸仔、炸雞翼，之前食過餃子都很不錯，今日最多人買嘅係炸魚旦，雖然有少少油，但真係好香好好食，價錢方面基本都係買$10有4件，好似冇散件買。無論價錢定係味道都係值得令人排隊等待，由排隊到買完，排隊人龍有增無減就知道有多好吃😋

小食首推：香港最好食生菜魚肉，湯好清甜。魚肉入味有咬口，並不會有食一團面粉既感覺。諗起都流口水。粉面首推，泰美既雞翼湯檬，湯底好泰式，配菜的一大舊蘿蔔也很甜好好食。雞翼應嗌另上會香脆一點。雖有會有炸粉感，但咬開就好，雞翼是入味的。

🦄泰美美食🤭-魚蛋串Rating🌕🌕🌕🌗🌑-泰美就主要賣煎釀三寶個啲魚蛋呀紅腸呀一啲好常見既小食🧐魚蛋睇賣相都覺不錯食落個魚蛋皮都脆既🤔而入面就幾彈牙唔錯👍🏻呢間店都係老店來架喇細細個食到而家😭味道依然都係咁😋不錯的👍🏻👍🏻👍🏻

碗魚肉翅好足料， 加埋胡椒粉醋同麻油 ， 魚肉好大件， 啲翅有蟹柳絲， 大家經過可以食番碗。 煎釀三寶 十蚊四件， 仲有炸蕃薯好ok！最後打包多碗魚肉翅返屋企。 佢仲有其他飯， 不過掃街冇理由食飯㗎 haha

相信屯門人都知道龍門居有條宵夜街。但當中我覺得泰美質素最好。碗仔翅足料，魚肉又唔似隔離果間咁多麵粉，個人覺得附近幾間黎講最好味。睇舖面你可能以為佢地淨係賣炸嘢同魚肉翅，但其實最值得一提就係佢地嘅泰式炒飯及粉麵。菜式全部印喺門口banner上，全部都好正。已經成為我假期晚餐或宵夜首選。特別推薦：菠蘿炒飯蝦醬炒飯豬頸肉湯濛（配酸辣）冬蔭公湯濛

龍門居地下這條街好多野食，就算今晚無飯食都可以搵到野食，行了一轉都唔知食咩好，見天氣較涼，就食些香辣的晚飯。今次選了這間的咖哩豬頸肉飯，雖然要等10分鐘左右，但是即叫即整，個咖哩豬頸肉即炒，就算隔了一陣先食，個飯都是熱辣辣的，個咖哩汁是泰式的味道，不但辣，而且有香茅的味道，好開胃，豬頸肉又多，最值得讚的就是有即時整好的生菜伴飯，總算有些蔬菜消化一下。正！

其實平時都有食開泰美美食今日心癢上黎睇下佢既食譜點知 係無人評過分真係忍吾住要讚揚一下平時佢d煎襄三寶好食已經不在話下其實佢既炒粉麵比起大排檔都吾失色仲有足料碗仔翅 係呢區都幾難搵到好食啦唯一既缺點就係 湯粉略咸左小小 如果可以致電去叫定先 吾使企係到吹住風等就更perfect 啦