泰聚 (已結業)

今日一大班朋友食飯慶祝， 搵了呢間地點方面的， 一落天水圍西鐵站步行一陣便到。環境又大又舒服， 因我和朋友們坐了外面， 店還提供了暖氣。炸蝦餅唔點酸甜醬都已經好夠味串燒（雞&牛）生蝦海南雞金柚子蝦球沙律柚子大大粒，一d都唔苦， 好甜👍🏻醃豬肉碎生菜包（酸酸辣辣好開胃），生菜唔夠，可能加多$10有多份。冬陰功蒜蓉包熱辣辣， 好香好脆😋😋我們10個人唔夠食， 總叫左3份😂炭燒小牛扒款式多， 所以大家記得10點前叫好哂菜及飲品， 10點後就無得再叫😎

出遊南生圍，發現不少回歸候鳥的蹤影，香港是牠們南下的中轉站。捕捉了一些雀鳥的美麗形態後，便驅車來泰聚，食泰菜不一定去九龍城，這𥚃的都做得不錯！天氣轉涼了，坐在露天雅座，非常舒服！明爐檸檬蒸烏頭，泰式的香料放滿魚旁，邊食邊烘烤著，烏頭魚肉開始時肉質嫰滑，慢慢魚肉的味道就變得濃烈，魚湯酸香微辣，充滿魚的鮮甜美味，好和味！泰式炒金邊粉，酸酸甜甜的，開胃好味！泰式千層糕，充滿椰香和斑蘭的香味，煙煙韌韌，甜而不膩，味蕾滿足！

天水圍呢啲隱世地方要搵好野食都真係唔容易不過正正就係西鐵站附近有間穩世泰國餐廳環境已經一流佢一幢樓，位置已經有好多佢下午有一個個餐可叫每個餐大概40-50蚊價錢合理，而且份量足夠而夜晚就係一碟碟叫既味道一流生蝦必叫，佢份小食併盤超級大碟同埋佢有好多唔同生果既沙冰唔想太甜既，火果龍沙冰都係唔錯既選擇雖然話多位咋，但記得都係要book位

During lunch hour, me and my colleague went to this restaurant which is located near to Tin Shui Wai Station. It takes you 5 mins to walk from the station to the restaurant. It is not eye catching so better locate the restaurant in map and follow the route to find it.We are arranged to seat under the canopy tent, so dont worry if there is strong sun or bad weather if you seat outside. And the waiter gives us the menu and utensils after arranging our seats. I have ordered a 扎肉撈檬 (43hkd) with a cu

我上網搵左陣，見依間餐廳食評唔多，其實冇乜期望，主要貪近同有得泊車。去到都好易搵，一落車就有staff埋來招呼，服務好好。餐廳好大好闊，環境活像泰國一樣，當下令我十分期待佢地既食物。第一碟係濕炒肉片河，味道不錯，材料好足，有很多蔬菜，分量絕對夠三個人食。我女兒病左幾日冇胃口都食晒一碗，我好開心。跟著係馬沙文咖哩牛肉，咖哩叫左少辣，一樣好滋味。另外叫多份串燒，雞係最好味，炭燒剛剛好！當晚人唔算多，都有不少係一家人去，地方闊絡有嬰兒椅，令整個experience 加分。

友人係天水圍工作 所以有機會試一試呢間泰國野 一共嗌左4樣野食 分別係 串燒（雞、牛、豬）生菜包（豬肉）柚子蝦沙律炒什菌除左炒什菌比較普通之外其餘三樣都幾好食猶其係柚子蝦沙律 酸酸地十分開胃另外我都好中意生菜包 d肉都有好多 唔會辣 炒到好香食唔停口飲品方面嗌左椰青 飲完再食埋椰子肉二個人都食到好飽好滿足

估唔到距離天水圍西鐵站不遠 有間咁出色既泰國餐廳 餐廳分位兩邊 有室外同室內 岩哂d想係戶外用餐或吸煙既人士 至於室內座位有幾層 係冷氣區 所以夏天特別受歡迎 建議各位可以早d訂位 最好帶埋蚊怕貼

泰聚位於天水圍聚星樓後面的這家一棟2層的泰國菜裝潢甚具泰國特色店員的服務態度也很好友善親切冬陰公（2人份）辣味跟酸味都比平常其他店吃到的口味重很多除了基本香料跟菇料湯裏頭還有一隻大蝦醃肉生菜包（豬肉）份量夠生菜新鮮肉碎比較酸泰式拼盤裏共五款小吃泰式咸肉炒椰菜苗好好吃泰式炒飯普通沒特別飲料我選了士多啤梨沙冰跟檸檬蜂蜜沙冰但只喝到酸味沒有一點蜂蜜的味道這家店的環境跟服務不錯食物質素就比較普通囉我覺得好吃不等於你純屬個人意見愛分享

環境好!餐具，環境、厠所真係好乾淨！服務都好貼心！但個廚堅唔掂⋯⋯老闆，你見到就換左個廚師佢啦！食物得個賣相，放入口就2回事！炒金邊粉無乜味，唔知點解得個酸字炸蝦片，d油有些「憶」串燒D肉⋯⋯咩事啊!無肉味⋯⋯唉呀⋯⋯做好D啦！

今次係第二次黎呢間餐廳，一早打去訂左室內雅座，如果唔係可能有機會喂蚊......呢間餐廳真係冇得輸，服務一流唔再講，佢既add on selling 做得幾好，野食大件夾抵食，呢餐一行五人食完攬住個肚走人

每次響天水圍食飯，必然首選泰聚，其一環境舒適特別室外，其二食物水準穩定，其三鄰近天水圍西鐵站及有免費泊車。由於約了姐夫到屋企幫BB影生活照，為避免BB過於勞累，故特意安排全家上下到泰聚食生日飯，我們共六個大人點了以下菜式：酸辣椰汁湯：今次比較香辣，味道香濃，唔錯醃酸辣無骨鳳爪：味道夠酸辣，必選開胃前菜醃肉碎生菜包（豬肉）：味道唔錯金柚子蝦球沙律：今次柚子味道比較苦澀，大大影響整體味道，頗令人失望泰式小食併盤（大）：味道唔錯炭燒金沙骨：好香炭燒味，配惹味醬汁一絕，每次幫襯必選菜式之一，值得推介馬拉盞炒椰菜苗：味道唔錯泰式炒粉絲：雖然味道唔錯，可惜粉絲炒埋一撮，質感過於乾身泰式咖哩炒蟹：咖哩味香濃，難得蟹味道香甜味美，值得推介炭燒三文魚頭：三文魚頭燒得夠乾身，配醬汁一流泰式海鮮炒飯：味道頗淡焗蒜蓉包：味道普通今次每樣菜式份量比過往多，碰巧八月份閒日做八八折及生日正日送上紅酒一枝，當堂成個人開心晒，仲要打包四盒野返屋企食，希望繼續保持食物水準

見開咗咁耐 今日貪得意去試下 服務冇得 講一百分 環境都ok 不過食物就 真係見仁見智啦 可能自己做酒店廚房 要求高得滯 又唔係難食不，過唔值咁貴囉 真心覺得 佢求其炒個飯收我88 仲要加一 就求其講下個炒飯 味又冇乜 又炒得唔勻 啲肉又咬唔到 再加埋啲急凍三色豆 就話88 我諗唔使我講大家都估到價值所在真心覺得 天瑞 嗰間鋪仔都可能好食過佢 食完仲要畀女朋友詐型 即係如果錢可以亂曬 我寧願掟落街囉 不過佢優勝之處就真係 服務 環境 近西鐵站 同埋有 大量停車位囉

今晚第一次去食，環境其實係幾好吾錯的，奈何D食物真係好吾得！叫了一份生菜包但碟肉碎D肉好大粒，炒亦炒得好吾入味！個沙嗲叫了鷄、豬、牛，但一食入口D肉好明顯係用好多粉去嗱過！所以D肉毫無肉味同香味得個鞋字！另外個炒粉絲又吾酸又吾甜！唯一叫做好D就只有個蝦春卷！一定吾會再去食！

次次搭西鐵喺天水圍站都會見到泰聚，今日終於約埋親戚朋友去試一試。可能雨天關係唔係太多人，但有兩層坐位算多，仲有室內室外。免費拍車，非常適合車友們聚腳開餐😋就喺天水圍西鐵站側，非常易搵生菜包，生菜新鮮，但肉質就較乾身芥蘭炒鹹魚泰式鹹肉炒椰菜苗兩個菜好似一樣味道🤣海南雞半隻，肉質好滑，可惜唔夠熟馬沙文咖哩牛腩，見到個名咁得意，就問下職員係咩味，佢介紹話係甜甜辣辣既咖哩，可惜我只食到甜味，食唔到辣味，但牛腩就好淋，好味道👍🏻咖哩當然要配薄餅啦燒豬頸肉，全靠個汁，好野味燒烏頭，火喉剛好，肉質好滑，配埋個辣汁，頂呱呱檸檬梳打，味道怪怪的，有陣香矛味炒金邊粉今晚六大兩細食，因為每碟份糧唔多，所以全部食清。飲品價錢較貴，小菜價錢適中😋

通常星期日都會出行，如果去新界西北的話，行完都會到此食晏，因為除了食物之外，不用為泊車煩惱啊！環境清靜，可以慢慢欣賞食物的味道！沙爹串燒，最少叫6串，可選擇雞、牛和豬肉各兩串，兩個人吃剛剛好！木瓜沙律，夏天之選，不太辣，用腰果代替花生，好味得多炒河粉都正，其實不一定用雞肉，還可選擇牛肉或豬肉的！這𥚃是我新界西的飯堂，食完重可以去附近的名勝聚星樓行行！