泰華餐廳

營業中

休息中

諗住食個下午茶，舉手幾次叫人寫野無人理！舉到廢時再舉，玩下手機，都無人理！結果全程座喺度都係無人理！啲侍應眼盲，幾個伙記行來行去都睇唔到人，都唔知佢地做乜春，掛住四邊同熟客，同伙記吹水！總結，無人理，行多幾步去禾輋廣場食野好過！完全唔會有下次！

食個魚柳腸仔炒蛋早餐，40蚊，塊魚柳大過身份證少少，兩條腸仔係滾水淥熟煎都唔煎下好有小學小食部兩蚊條既感覺。老婆食個粥腸粉早餐，粥正常，腸粉好厚。個人感覺早餐好唔爽

今晚忙到連飯到無時間食，所以索性收工後先慢慢食，因為夜的關係，所以附近無乜餐廳食店開，只有這間泰華餐廳開到咁夜同有多元化食物。今次唔係第一次幫襯，雖然貴，但都唔會係最後一次幫襯，因為近。其實前一晚已經食過佢哋嘅子夜粉麵餐外賣，今晚我獨自堂食西西哋式嘅子夜餐，一個餐連凍飲$52,都幾咩。。。包一塊雞扒，五香肉丁麵及飲品，茶餐廳口味，都好食的。但如果是用福麵底就更理想。今次，我獨自食了

如果有選擇，請稍移玉步去其他地方食。早上到這，食了個咸肉糭餐，叫咗杯大茶走，老婆要普通茶走，飲品一上檯。兩杯差無幾，我仲要畀多$2!個糭啲糯米好爛，唔煙韌無趙頭，入啲豬肉只可以用一粒去形容。真係衰過大集團啲糯米雞！

Lunch hour時間寶貴，同同事出街食最緊要快靚正，茶記係不二之選。今時今日嘅沙田周圍都係人，好多地方都難搵位，要行到嚟娛樂城呢邊先唔洗等位有得坐。呢度不久時翻新過，比以前企理咗，茶記來講算幾好坐。午餐款式日日唔同，但5號餐永遠都係原汁牛筋牛腩飯，招牌菜咁款。例湯可揀中或西，中湯幾好，當暖下個胃。筋腩飯賣相一般，幸好個腩汁不太油，撈飯可以。牛腩肥瘦適中，算淋但唔太入味。呢度快餐醫肚算係咁，係每星期會去食嘅地方之一。

約左個好耐無見既朋友見面，兩大一小，貪就腳所以去佢樓下食，雖然大家都係為聚一聚，並唔係話要食咩好嘢，但呢餐，確係幾唔掂首先，唔知係咪天氣真係太熱，定我揀個位唔好，入到去真係好似無冷氣咁，一路食一路抹汗慘過食大排擋🤦‍♀️🤦‍♀️真係好耐未食過餐咁辛水辛汗啫啫雞煲，雞唔多，重要舊舊都多骨，無咩肉食，但個味就唔錯！沙嗲肥牛煲料都幾多、但沙嗲味唔夠呢碟先經典，唔好以為我食到一半先影，係佢黎到已係咁，望落似食剩咁雞翼乾得黎發育不健全薯條熱但唔脆又淋身椒絲腐乳生菜腐乳味唔夠連兩杯檸茶（茶味苦澀）、一碗飯埋單$251價錢唔係貴，但食物質素真係有待提升

今天在源禾路體育館運動，肚子餓得不得了，便過對面馬路到瀝源吃午飯。我們隨便找到一間茶餐廳便入座了。午市也有很多選擇，大碗菜飯好像很吸引，但最後也選擇了快餐，因為包括湯和餐飲。湯來的時候就感覺到世間的不公平，長得帥就有雪耳有瓜在湯裡，而我就只得湯水。。。我點的咖喱豬扒飯份量十足，薯仔大舊。我最怕到茶記吃到溝稀了咖喱汁，但這個咖喱味香濃而不辣，有點像翠華，拌飯吃一流。男朋友點的涼瓜排骨飯也不錯，排骨煮得很淋。

係沙田瀝源邨搵野食， 見到呢間泰華餐廳就走入去食個早餐先， 睇門口見到呢度原來有波睇既，應該夜晚都幾多人一路食嘢一路睇波睇緊食什麼時，不到2分鐘就比4個人問我諗到食什麼未，之後叫左個家鄉銀針粉同杯凍奶茶，家鄉銀針粉個湯底非常咸，入面有肉碎、火腿、冬菇、蝦米 、蛋絲 同菜粒， 不過每樣都好少只係火腿蛋絲比較多啲啲， 肉碎完全見唔到有，蝦米真係蝦米每粒都好似米咁細粒， 整體唔太好食杯凍奶茶呢， D冰超級多， 完全冇茶味同奶味

星期六訓晏左，一起身兩點幾就直接去左泰華食lunch。因為星期六日要三點先有下午茶(平日兩點)，所以食左個Lunch - 炒貴刁，加埋凍飲，齊頭50蚊。炒貴刁d料都算多，叉燒、蝦仁、蛋、火腿。叉燒似隔夜，係d蛋特別好食有蛋味。成個都算有少少穫氣，炒野始終都會有d油，油的程度可以接受，少少辣。仲好細心咁連埋辣醬一齊上，其實唔點都好夠味。

下午有快餐，肥牛炆伊面（HKD 48)肚餓其實嘜鬼都好味，一開始食落熱辣辣又係幾好味。但是肥牛略少，而且某幾件比較硬，難咬開。 感覺肥牛是一般料，總是不能祈求太多。伊面面身質感尚可，不會像酒樓般炆到爛，夾都夾唔起。不過食食下都係太多油，好有罪惡感。整體尚可。可再一吃

夜夜地又想食下啲小食沙田瀝源邨泰華茶餐廳幫到你睇下佢張menu先發現種類極多粉麵飯呢啲唔再講啦，特別既例如有腸粉、拉麵、鋸扒、麥皮等等都有最最最緊要既係佢24小時營業適合我呢啲夜鬼不過外賣時間只由9:00-21:00過左21:00就只能夠堂食今次我就叫左外賣魚片粥加蝦米腸粉魚片粥 即叫即煮，份量望落唔算多但係一定夠你食飽飽而且好好食會食到上癮既粥蝦米腸 $16多蝦米同芝麻腸粉好滑，不過鼓油既味道同腸粉有少少唔夾如果比埋花生醬同甜醬就好啦下次有機會一定會試下堂食小菜

已食完晚飯，約了朋友在沙田娛樂城交收些東西，交收完有啲肚餓，當然要揾宵夜食啦，娛樂城有5個地方有嘢食，而有宵夜食嘅就有泰華餐廳、沙龍會、新沙雀。揀咗泰華餐廳，見到晚餐($58)有忌廉湯，所以點咗焗葡汁海鮮飯，凍檸茶(+$2)，忌廉湯好稀，如果濃一些會好啲；焗葡汁海鮮飯，其實個葡汁幾香濃，不過啲海鮮係仿蟹柳、仿日式魚蛋、仿帶子，食落好似膠膠地，得炸魚柳比較似海鮮外，其實都炸得過火，幾鞋口，不過又係我呢個窮鬼衰，貪平點晚餐，下次都係點返咖哩穩陣啲。而飲品當然繼續點較早前從網上得知「甜飲全球每年殺18萬人，凍檸茶是兇手之一」成日害人不淺嘅兇手凍「檸茶」，今次呢杯飲料算夠凍，合格！

有時候因工要出外工作，行到邊吃到邊。今次來到沙田，不想到某大商場午膳，繼而到瀝源村的附近用餐。泰華餐廳是在下臨時決定的用餐食店，是一間名符其實的茶記。地方倘算寬趟。打開餐牌，都是茶記應有的食物。羅宋湯是在下常點的餐湯，有著多樣化的蔬菜，而且還有牛肉在內，可謂是舊有的做法。酸甜的味道，可讓胃納打開一下。豉椒斑腩飯。喜歡吶豉椒，原是想吃它的惹味，可是這個豉椒，卻比起之前吃過的，較為淡味，沒有那麼的濃郁味道，而且豆豉的份量也較少吧。斑腩不夠軟腍，而且還是有點硬。熱奶茶是在茶記必飲之一。現在慣常不落糖，也已習慣。喝的是茶香的味道，順滑的奶。甜味不再是必然呢！今餐是臨時決定的，因此沒有多大的盼望。只是為著赶去等個地方，暫時在這裡歇歇吧。

I love the Malaysian style Chao Kwai Dao dish here. I have had it a few times and it's always heavenly. This time, I decided to try the stir fried flat rice noodles with prawns in egg sauce. It tasted really good as it came in a decent sized portion, lots of sauce as requested, and reasonable amount of prawns, mushrooms and scallions. No after of MSG either 👍👍👍 

佢呢度下午茶可供選擇的種類不多, 但對於唔係成日食的我嚟講, 都冇乜所謂, 見今日餓餓地, 一人叫一個炒粉/麵食下先.............雖然餐牌寫住係Q版, 但原來一D都唔Q版, 食哂成碟都好夠飽lor~~ Q版干炒牛河聞到有少少焦味, 好彩食落唔多覺, 但d牛就真係咬到牙都軟, 好un, 10舊有9舊都係咁, 又冇味, 好彩炒牛河係好濃味, 你要將牛同河粉一齊食, 咁就會好d~ Q版雪菜肉絲炆米淡淡地, 但好夠味, 又唔會好油, 唔錯, 不過d雪菜切得太大粒, 有時會覺得好鹹, 就係因為咬到d大粒雪菜 凍奶茶+熱菜蜜例牌貨, 冇特別