泰贊- 創意泰餐廳 (已結業)

是日家庭日一家三口睇完戲之後就搵搵邊間餐廳🍴晚餐經過So Thai So Good被餐廳🍴既裝修吸引- 雞肉及豬肉沙嗲串(4件) 3星當中每款2串，沙嗲味濃，口感不錯- 燒脆皮豬手伴香葉辣椒炒飯 4星脆皮豬手唔會太肥，燒到好脆口，味道令人回味，辣椒🌶️炒飯偏辣值得推薦！- 鮮蝦炒金邊粉 3.5星入口味道甜甜地，鮮蝦大小適中，份量大- 藍蝶花雜莓沙冰 4星對於沙冰愛好者既我，感覺滿意冰夠細，雜莓味濃，配有幾粒士多啤梨🍓點綴整體滿意，店主服務細心

成日經過呢間餐廳，都想去食，今日心血來潮想食泰國野，岩晒。叫左個菠蘿海鮮炒飯，冬陰公湯河配軟殼蟹，菠蘿海鮮炒飯啲海鮮都幾足料，蝦大大隻，有兩個青口，仲有魷魚，反而飯炒得唔夠乾身，冬陰公湯河，啲湯底唔算好辣，河粉算大碗，軟殼蟹都幾脆，好香口，同埋餐廳啲侍應服務態度唔錯。

泰式既野一向都非常惹味, LUNCH揀左尼間, 雖然係一個SET LUNCH, 不過個人認為整體價錢都吾算好平, 不過咁, 味道就相當之吾錯既~!1️⃣泰式香葉肉碎炒飯 – 因為係一個餐, 我揀左蘑菇湯同埋一杯熱咖啡。蘑菇湯好飲, 絕對吾係求求其其個D, 你係會飲得出佢有用攪拌機打爛左既蘑菇係入面, 而且調味都較得岩岩好, 令人喜愛!而主食其實我一開始點餐既時候並無為意原來係辣既, 而且吾係bb辣, 我個人覺得係小辣既感覺~不過好在自己都食辣, 所以覺得好香好惹味而且飯又香又軟, 炒得又好好, 色水好平衡!

今日冇食午餐，所以早啲去食晚飯，大約5:30入座。啲食物係屋企人叫嘅，有黃咖喱雞，串燒豬同雞，金邊粉，兩個炒菜同理生菜包。仲有個椰汁飯，唔記得影返。食物份量都幾少吓，個生菜包啲肉好咸，串燒乾同細串，咖喱冇乜雞肉，而且雞肉有雪味，叻喱汁正常好味嘅。菜都炒得唔錯，係分量太少。金邊粉有幾隻蝦，正常水準。

性價比十分低，一個人吃一個餐根本吃不飽，十分失望，本人吃過最難吃的餐廳，職員服務態度極差，經常性催人落單，給予顧客壓力，極度不禮貌及受騷擾，希望透過今次食評，減少更多人受害。

已經好耐冇去過泰國所以呢特別掛住泰國嘢食所以今日嘅午餐呢就去咗食泰國菜而家諗住佢堂食會平啲啦點知都冇平到嘅午飯時間照入去食午市套餐叫咗一個泰式豬髀飯另一個呢就叫咗炸雞扒金邊粉兩款都係午市套餐所以會餐湯係一個蘑菇西湯唔飲湯嘅話呢就會有沙律有少少怪不過唔緊要啦有得飲都好過冇嘢食方面呢個豬髀飯呢都尚算可以嘅不過豬肉嘅份量就相對比較少可以睇吓幅圖另外一個炸雞嘅金邊粉呢就覺得佢上菜嘅效果唔係太好個雞扒擺喺啲湯麵上面就林晒我就額外呢加咗$20飲呢個奶茶係泰式奶茶好出名紅色logo嗰間叫咗佢少冰效果非常好另一個就跟返餐飲凍奶茶自己加奶加糖

已經好耐無食泰國菜，今日咁啱經過大埔超級城，見到難得見到佢地係Fusion餐廳，仲要有「少鹽少糖」就打算入去試下。入座既時候，見到個環境好舒服，都幾chill下。咁我就叫左個少鹽版既燒脆皮豬手伴香葉辣椒炒飯再加一杯凍Latte少糖。燒脆皮豬手伴香葉辣椒炒飯既炒飯辣辣地又唔會好鹹，唔會好似出面其他泰式餐廳咁重口味，個人覺得岩岩好又惹味，令人會不自覺係咁食。而佢既豬手首先份量唔少，都有5到6塊，而且豬皮脆卜卜。其次就係厚度岩岩好，唔會太薄、無口感，又唔會太厚咬唔到。再者，豬手既脂肪唔會好多，豬肉肉質亦唔會覺得柴或者乾。飲品方面，佢既賣相幾好睇、Igable，而且糖漿係另上，所以我就可以因應自己口味落。就Latte而言都唔錯！

聖誕節外賣食物了份量相當足夠，味道又非常好，特別一贊海南雞好滑，咖哩也相當不錯。服務態度一流，店長跟單跟得好貼，親自送食物都指定地點交收，仲好窩心送我們聖誕禮物。

泰式海南雞（半隻）🍗 做緊半價hkd70海南雞肉非常嫩滑，醬汁分別有薑蓉同酸辣汁，薑蓉無咩特別，反而酸辣汁十分開胃，亦唔會太辣，值得一試😋泰式香葉肉碎炒金邊粉 🍲 hkd70呢個金邊粉非常重口味，食左一啖已經要叫侍應換過一碟🤦🏻‍♀️粉質正正常常，無話特別彈牙，但就真係好重調味料，唔太建議試呢款

星期六的早上，想吃一頓早午餐，在大埔超級城閒逛後，發現這間店的早餐供應至早上11:30 ，便叫了一個炸魚柳早晨套餐。整份早餐帶給我最大的驚喜是多士，甜甜脆脆的、暖暖的，適合喜歡吃煎炸食物的我。炸魚柳不過不失，就像在其他街上店舖能吃到的那樣。星期六早上吃早餐來說，不用$50便能吃到豐富的早餐， CP值也不低。然而，我以為在泰式餐廳配上的奶茶會是泰國奶茶，但原來只是西式奶茶。若店家能將早餐配上泰式奶茶，定能把泰國風味展現得更好。

冬蔭功海鮮意粉份量十足, 附加豐富材料 (包括魷魚, 青口和大蝦)。再加上洋蔥, 味道剛剛好。這種菜式新穎而有趣, 平時不會見到冬蔭功放在意粉，這次令我大開眼界。作為少鹽少糖食店，落少左鹽都沒有影響風味，真值得一家大細去試。另外泰式奶茶沒有甜到膩的感覺, 奶的份量剛剛好, 極力推薦。

咁啱有事去咗大埔，因為好肚餓，見到呢間門面都OK所以就入咗去，因為老公話食咗tea唔肚餓,所以佢只係叫咗翡翠苗炒雜菌，我就好肚餓所以叫咗大蝦炒金邊粉，個大蝦炒金邊粉睇到個樣都算OK，食咗隻大蝦已經覺得唔係好得，因為肉質好鬆散好霉，但心諗唔緊要，最緊要個金邊粉好食，但係食咗第一啖，真係鹹到不得了，以為係唔係自己問題，又加上好肚餓，所以再食多啖，再比老公試一啖，真係超鹹冇辦法可以再食到落去，到waiter嚟收碟嘅時候，成碟一大半喺度，佢唔問，咁我就自己講比佢聽，廚師今日搞乜嘢？個粉真係超鹹食唔落口，佢講咗句唔好意思就走咗，冇話幫你換過一碟，亦都冇話幫你轉過第二樣嘢，$85碟炒金邊粉仲要收加一服務費，咁樣嘅食物質素咁樣嘅服務，真係奉勸大家千祈唔好中伏😡😤大蝦炒金邊粉$85翡翠苗炒雜菌$60玫瑰荔枝茶$45

平時通常食脆皮豬手多今次係尼間泰式餐廳試左鹵水豬手好多汁 又唔會熱氣 夠多肉個皮亦好彈牙 同煙韌 啖啖充滿骨膠原份量可以share配菜有芥蘭 酸菜酸菜一般 唔夠酸味 但如果有得再㨂 我覺得脆皮豬手會好味d另外叫多碟蒜蓉炒雜菜好ok 喎 有椰菜 西蘭花 椰菜花 粟米仔 紅蘿蔔夠多樣性而且好夠蒜味飲品：推介泰式奶茶奶香味較重 好滑 唔同港式好大分別 而且袋裝夠晒地道呀值得一試！服務：不錯喔！環境：開放式廚房 夠乾淨衛生 感覺良好 清楚見到廚師煮野食情況

今日去食泰國菜叫左個大蝦炒金邊粉好夠鑊氣同埋濃味仲叫左個炒通菜味道唔錯！下次可以再試多d其他菜色評分：4/5（5分滿分）環境：4/5（5分滿分）抵食：3/5（5分滿分）

已經很久沒有寫差評，對食不太大要求的我要我寫差評一點也不容易，可惜這次希望大家不會中伏！就在一田大減價的周日那天，大埔中心人山人海基本上大部分餐廳都爆滿要等很耐的位... 只好找到這里，呢間餐廳出奇地有位，心已諗會唔會係伏呢，但冇辦法其他地方要等上一大段時間只好去試試！三人入餐廳一開始已經給我們安排一個會戟手既位，只好見另一張正在執位便急急腳換枱。我們點了三個 lunch set 來 share，lunch set 有跟冬陰功湯 or salad. 冬陰功湯雖然核凸左d 同好多楂，不過味道都仲 OOKK. 反而個沙律好似係到食緊草咁，冇 dressing 同雞肉一舊舊 冇咩味道。 But anyway 主菜先係重點食物，所以放棄左個 salad.主菜我地點左 “香葉肉碎炒金邊粉“, “海南雞飯”, 同 “一字骨撈檬”. 其實食物一上場我係到懷疑緊人生，我係來食泰國野定係茶餐廳？ 個香葉肉碎炒金邊粉，我見唔係好到肉碎，同 where's 香葉？最頂癮係，原來 pad thai 係用急凍雜菜粒來炒，佢跟本就唔係 pad thai! 食起上來就同茶記既雜菜粒炒粉一樣！（唔知咩係 pad th