泰農菜館 (已結業)

兩個字 難食生蝦👌🏻冬陰公 咸死海南雞 😢😰😱紅咖哩牛腩 有少少（叔）絕對不會有下次了20幾年前經常幫襯但現在感覺像粵菜仲系唔好食果只😰😓😢😢無言唔明點解要等位🙄

幾乎客滿的九龍地泰國餐館，味道一般吧.....兩道炒菜不過不失～合格的我最期待的咖哩蟹也令我最失望！一點辣也沒有既不是重椰汁味的咖哩  串燒燒得有點乾 沒有肉汁 酸辣椰子雞湯 是較可取的，有泰國酸辣的感覺 燒雞肉質不錯，很滑，但不夠入味這店可取之處是環境舒適全家人去食可以慢慢坐最後還有糖水送～用優惠卷還有7折，每人只需$100！呢個價錢食咁多碟而且飽肚，都算係咁上下～不過九龍城有這麼多泰國餐廳選擇，下次我也不會光顧這家了

昨晚又与8位朋友到這間泰國菜，這裏的泰beer 會給你一個冰杯，真是啤酒最緊要夠凍. 泰菜這一家的食物好食，比其他店子有的泰國菜他都有，但價錢比起來平！還有，老板好好人，見到我們有朋友生日，重送上香檳！真是要

同好耐冇見既同事黎食飯,一路都好想同佢地過黎試泰菜.佢推介左呢間,話佢之前食過幾好食.我地叫左一個泰式燒雞,一個蠔餅,一個泰式貴妃苗,六串串燒,一個炒金邊粉.我覺得最好食係泰式貴妃苗,其他菜式都好普通.價錢唔平.如果鐘意食泰式串燒的話,我建議去金泰.雖然環境普通,但串燒好食,價錢又合理.

這間店常坐滿，人多時更要排隊，已經不是新聞！但說實話一次都未光顧過，終於有時間一試到底有多吸引！當晚约晚上八時等候，時間不算久，十分鐘便有枱！•等候時企在門外看到燈箱上的推介牌已食指大動！•咸魚肉醉炒豆角個人比較喜歡吃先炸後炒的豆角，使其較乾偏，不過這做法多在川菜常見，而泰菜則少見！這碟炒豆角咸魚香撲鼻，每口豆角伴著肉碎吃，甚有口感！•燒雞，略為過火，内裏肉汁流失偏乾，但勝在外皮脆夠野味，伴上泰式辣醬吃，不錯！•必食之生菜包，生菜幼嫩爽口，清潔沒有泥沙，肉碎半肥廋，甚有咬口，略帶辣味，包著生菜吃，多層次的口感！最後總括食物水準是可以的，但可能在非繁忙時段食物水準更高，因為未免太多人，時間上的阻礙未能發揮到最好，整體員工笑容很好，服務有禮，讓人舒服！

朋友聚會晚餐，一行8人便選擇位於九龍城的泰國菜！選擇這間餐廳係因價錢和食物份量均屬正比例（我們8人沒有一款食物需要柯打兩碟） 個人的食物推介：鐵板蠔餅、燒雞全翼、燒側魚、咖哩麵包蝦（額外加配薄餅） 剛好昨晚遇到『藍X』啤酒做推廣活動，柯打一支就有一次抽獎機會，生日壽星仔抽第二次就中了大獎！

因為朋友上次食完有七折優惠單，去到未夠7點已經一半滿座，心想應該唔錯吧！咖哩炒辣蟹~收$298一D都唔新鮮，蟹肉唔甜味道好唔正宗，一D泰國風味都冇，又唔係港式咖哩，好咸好辣單食好食過點奇怪咖哩醬， 蒜蓉包大大舊焗得好香脆，薄餅都好鬆脆串燒，雞牛豬都係同一個味，醬汁又係差，冇 沙爹味九龍城甘多間泰菜下次一定唔會選擇呢間

今晚520加Happy Friday， 同老公2個人決定出街輕鬆嘆下。 由於家住順利，我又大肚林dum，所以選擇九龍城食泰國菜。九龍城居民同事聽到我話食泰國菜，就介紹左幾間比我，一心諗住遂間行，有位就試，諗住發掘下平日食開嗰啲以外嘅選擇，點知好好彩，行去第一間已經有位，就係泰農菜館。先講下環境，平時一入到泰國菜館，通常都一大陣油煙味同燒烤味，呢間都算ok冇味，冷氣充足，對於怕熱又喜歡食辣的我實在舒服。座位都夠闊落，服務員好細心比埋櫈我地放袋，對於大肚嘅我非常舒適。而食物方面，我地叫左 : 1. 甘柚子沙律 - 份量係屬於細size，但柚子甜甜酸酸加上少少辣，好開胃，唯一欠缺花生，好似唔陪香口。太肚餓掛住食冇影相2. 蝦多士 - 熱辣辣好鬆脆，蝦肉係食得出用鮮蝦打的，唔係一般用啲撈左粉嘅蝦膠，讚!3. 泰式通菜 - 普通嘢，正常水準。4. 串燒牛 - 肉有少少“鞋” 同埋冇乜牛味，有啲失望。5. 乾炒金邊粉 - 係我同老公都覺得好好味嘅item， 味道酸酸甜甜，炒得好乾身香口，用料都ok，有蝦，豆干，蛋絲，香料，芽菜，不錯! 總括嚟講，不過不失，見其他人叫啲明爐魚、咖哩…等等賣相不錯。冇

九個人食一餐泰國菜來作聚會.叫了以下的餸菜, 食到好飽走人.味道算是不錯.煎蠔餅-好香菠蘿炒飯-無食黃咖哩牛腩-送白飯一流生菜包辣肉粒-侍應知道不夠包便立即加生菜, 抵讚.蒜蓉包-無食馬拉盞炒通菜串燒沙嗲豬, 牛, 雞冬陰功-夠辣多料, 好正椰汁海鮮飯炸辣雞翼送的椰汁西米露另外食糖水-我沒有食, 因為太飽了.

我和女友都非常愛吃泰國菜，朋友說九龍城有很多泰國食店，於是前往尋找美食。九龍城沿途不同風味的食肆，泰國菜，日本菜，越南菜都有，這晚我們吃的那間泰國菜叫「泰農」。「泰農」格局比其他小舖大，算是一間較有規模的餐廳。場內座位間格尚算闊落，有大枱及卡位；卡位位置適中，二人位置亦夠放下至少5樣食物；不過周遭環境不算太有泰國風味，整體尚算環境、枱面及地板都算乾淨。價錢都算中高價，但可以接受的。我跟女友比較慳儉而且較細食，所以只點了3個菜。介紹主菜前，先點了一瓶泰國啤酒（HK$26），啤酒酒精濃度為5%，容易入口，一點都不澀或苦，惟啤酒不算太凍，如果可以提供冰粒更佳。我們點的3味菜為串燒，泰式酸甜炒蝦和蟹肉炒飯。1) 串燒沙爹（雞, 豬） HK$72。共六串，豬及雞每款各3 串。串燒碟上有調味醬汁，應是泰式秘製醬料，少少辣，微酸，很惹味，當中混入粒粒碎花生，及有小小花生醬味道。雞肉和豬肉味不太濃，很容易被醬汁蓋過；至於肉感不算太嫩滑，而且看起來有點乾身，但吃落卻不覺粗糙，口感可以接受，但如果可以更多肉汁就更好了；兩款肉的表皮都不是燒到脆皮，如果是脆皮的話就令串燒更吸引2) 泰式酸甜炒蝦（$68） 。

搬左屋后就好耐冇來呢間lu, 難得今日返九龍城, 就故地重遊。椰汁木薯係每次必叫的野食, 木薯夠粉, 充滿椰汁香味, 倉落暖暖地, 又香又甜, 點size 仲切到一口一粒咁, 食起上來好方便春卷– 入面有粉絲, 芋頭絲, 甘荀絲, 肉碎等, 外皮炸得好香脆, 入面的料亦都好扎實, 好多芋頭, 好香, 點埋酸梅醬食唔覺油膩炸蝦餅– 蝦肉彈牙, 足料, 唔油膩, 記得以往好似得三粒, 但而家有四粒金邊粉– 有豆干, 花生碎, 蛋絲, 芽菜, 蝦仁等, 落埋青檸汁食落酸酸甜甜, 有少少辣, 几開胃, 花生的脆同芽菜的爽撈埋個粉一齊食,有唔同的口感, 唔似淨係食粉咁dry, 不過可惜的係個粉炒得唔夠, 點粉有點會一pat pat 咁, 同埋點蝦仁有點有蝦腸, 有點失色食完熱氣野當然要飲個椰青消下滯, 椰青夠甜夠多水, 入面點白色的果肉都好薄身, 好易刮出來食… 

是咁的....原本諗住去小曼谷食...但屋企人話想試食泰農...見環境ok咪試下...5個人食叫左2個椰青，馬拉盞炒椰菜苗，豬肉碎生菜包，泰式炒金邊粉， 紅咖哩牛腩，冬陰公，蝦膏炒飯先黎2個椰青...椰青肉比較老身 椰青水唔夠甜再黎左個肉碎生菜包...肉碎顏色更平時食開較深色，而且冇檸檬葉同檸檬汁唔夠辣令到冇左個泰國味到...似廣東菜多過泰國菜。再黎炒椰菜苗...一野咬落去...有硬物...重要有怪味....一睇係似八角味既香料。再食多舊菜苗就覺得有怪味同平時街外食既味道不同。金邊粉就偏甜冬陰公....正常味道...飲得下！蝦膏炒飯...本人就唔鍾意食硬飯...但屋企人就覺得ok...只係個飯比較油同咸。紅咖哩牛腩...得4-5舊牛腩，2舊牛根 唔捨得比你食而且咖哩得個甜唔似咖哩。總結...成餐飯6餸有5個係泰國菜...得冬陰公ok,其他就味道唔得。全單食左$645 Remark: 埋單果陣職員送左兩張7折conpon比我地，但我地放低左係飯台，唔諗住返食。

是次因為上次光顧有7折優惠券，所以就再次光顧，試下上次沒有order 的食物這個炸雞冀好有小時候媽媽在家整的炸雞冀，由於要用的油太多，媽媽都不想整了芒果炒飯都幾大碟，不過以為是用芒果炒，原來不是，只是炒飯上面加點芒果冬陰公都幾好飲，同時有2隻大蝦，雖然不算是好好飲，可以不過不失泰式炒貴妃苗，味道一般

食泰菜第一時間一定點生蝦，因為我最中意食。。哈哈！呢碟生蝦分量只得6隻，真係太少啦！不過佢又真係好新鮮好甜，配埋個酸酸辣辣既汁， 好鬼開胃，ichiban啦 (^_-)食左少少辣野，好想飲d凍野，點左菠蘿 & 芒果smoothies，可以同店員講少甜，真係少甜唔係講少，岩哂我啊！辣椒膏炒大蜆，初初食頭幾隻唔係好辣，但越食越辣，蜆肉夠大夠脹卜卜，好鮮甜，冇沙，正啊！加埋d汁，再叫個白飯吖唔該 (笑)呢碟香茅胡椒炒田雞，餐牌上寫"香芋"，我以為有咩特別用香芋配胡椒所以點黎試試，原來餐牌印錯字 hahaha，係香茅先真。呢碟田雞不得了，超級惹味，香茅加上胡椒令人食慾大增，田雞肉亦好軟好多汁，一定要試呢個，推推推 椒辣膏炒豆角，其實每餐要食d菜我先點呢個咋，又唔係好辣，但食食下個唇會發脹左咁囉，哈哈！每次食泰菜我一定會點芒果糯米飯，平日我偏愛白糯米多d，今次出奇地愛上黑糯米多d喎，無他既...因為今次白糯米硬左d，相反平日較硬既黑糯米就夠林夠軟又有咬口，所以大勝白糯米啦！

好耐冇同朋友食飯，係九龍塘睇完戲之後就一齊去左九龍城搵野食，最後就決定左去食呢間泰農 。我地三人點左炒貴刁，黃咖哩牛，咸魚炒介蘭同薄餅同算蓉包！味道唔錯，我最中意就係佢個咖哩，唔辣但好香椰汁味 。三個人除返就左概八十蚊到 。