泰金國 (城市花園) (已搬遷) 新店位置

以前去九龍城間小店日日排長龍，依家居然開到我家住附近，好驚喜！最欣賞佢既生牛肉沙律，但要預訂。至於其他炒菜方面，保留到原有既鑊氣與味道。雖然我果日點既餸覺得鹹咗少少，但味道火喉ok的。食泰就必點佢地既燒物，呢間店既烤雞翼，烤牛扒，豬頸肉係我尤其會點既嘢食，因為烤得好碳香好嫩滑。可惜夜晚冇堂食，如果唔係同一大班朋友堂食最開心。要點不足既地方就係地點唔近地鐵站，多做附近鄰居生意，但我相信口碑會慢慢賺返來的。佢頂手間店前身係做韓燒，地方寬躺舒服，新開張冇咩人知，大家可多多支持

下午瞓到三點，起床之後食咗好多糖環，趕住下昼五點前食下午茶，買咗个香葉肉碎飯外賣，打开飯盒盖之後，喺我咁飽嘅情况底下我居然聞到盒飯有好香嘅飯香味，肉碎有少少偏辣但可以接受，非常之好食。

人生曾經有一段日子喺九龍城渡過，所以對於泰國菜😏😏😏😏我係超！有！要！求！呢間『泰金國』睇住佢開，由食客小小變到排晒長龍，直到人多到我無辦法再入去食，今日忽然座落北角電器道！事隔多年再回味，每一道菜都係昔日味道，絲毫無損😍😍佢個生菜包，第一啖就令我講得出「係佢嘞！」特別之處係佢有啲粒粒，好香口，酸辣味道係我認為最適中嘅！另外個冬蔭公湯粉絲，惹味！個種辣度令你有少少味温，但仍想繼續飲，加埋啲粉絲滑嘟嘟係我最愛！同埋燒雞翼，金黃色配少少燶邊，正！佢仲有好多其他燒烤食品，都係好唔錯！唔好話我唔提你，北角呢......可以食到泰國菜嘅地方真係唔多㗎咋，相信好快就會一傳十、十傳百，『book位要趁早呀！』泰金國 📍北角電氣道233號城市中心1-3座地下24-49B號鋪☎️ 91666314