影片
開飯介紹
泰式火鍋放題餐廳，逾90款食材及飲品可任飲任食；湯底主打數泰式口味，更設有一人一鍋可供選擇。
營業時間
今日營業
11:30 - 23:00
星期一至四
11:30 - 22:30
星期五至六
11:30 - 23:00
星期日
11:30 - 22:30
公眾假期
11:30 - 23:00
公眾假期前夕
11:30 - 23:00
以上資料只供參考, 請與餐廳確認詳情
有關獎賞計劃
路個亞太中心有個姐姐派傳單，見到呢間新開嘅「泰金鍋」 泰式🇹🇭火鍋放題幾特別又幾抵食，一於試吓啦. 原來佢哋旺角同荃灣都有分店㗎，今次插旗觀塘，九龍東嘅朋友又多個選擇. 晚市有三個套餐都係食120分鐘，價錢平日由$268 至$328 不等，7:30前埋單仲有早鳥優惠每個餐每人平多$30‼️我哋叫咗中等價錢呢個set B 澳洲產下肩胛肉眼餐，除咗套餐食物可以手機落單任點，自助區仲有超過80款美食、配料、甜品等，而且日日款式都唔同. 飲品櫃選擇超多最特別就係有自家製泰式奶茶同埋香茅水❤️ 想開胃就先食下沙律. 炸物區大推泰式豬皮、蝦片. 熟食區有肉碎生菜包、蒲燒鰻魚、海南雞、炒花甲等等. 點心蝦餃同小籠包都唔錯. 至於火鍋配料區呢都幾豐富，有好多蔬菜、菇類、丸類、麵食，有新鮮蟲草花夠健康. 醬料區超豐富有冬陰功醬好特色. 中上價位兩個套餐包咗前菜三選一，可以揀烤魚煲、雞煲或者撈起. 我哋叫咗呢個好鮮嫩炙烤魚煲. 醬汁好惹味，魚肉嫩滑. 食完可以選擇直接加湯打邊爐，或者可以免費轉八款基本湯底，有四款泰式選擇，今次我哋清清地就選咗檸檬青茅，真係第一次食呢款湯底. 肉類就有三款包括肩胛肉眼、牛胸腹、豚梅肉，有肉味又新鮮. 海鮮類有六款，沙白、扇貝、墨魚滑、墨魚仔、水魷、花甲，質素唔錯幾新鮮亦冇咩沙. 炸物有七款，個人大愛泰式榴槤炸彈，蝦餅都好彈牙. 等個湯底吸滿食材精華，落返個泰式米粉就最正啦. 食飽飽最後唔少得甜品. 🔥DIY棉花冰一定不能錯過，好多配料而且唔少仲充滿泰國風味. 另外都有雪糕雪條同西米椰汁糕. 健康啲食水果.✅最驚喜嘅係臨走店員叫我哋follow佢哋社交媒體就即刻有個⭐️靚靚帆布袋，裏面仲有神秘禮物，好驚喜. 門口仲有估泰文遊戲添，估中仲可以當錢用㗎，真係有得食又有得玩.
繼續閱讀
店名: 泰金鍋 地址: 觀塘觀塘道414號1亞太中心10樓觀塘站A2出口，行7分鐘環境: 4/5價錢: 4/5味道: 4/5想食泰國嘢🇹🇭又想打邊爐嘅大家有福了😆泰金鍋主打泰式火鍋，依家仲做緊優惠， 火鍋放題4位送1位！，晚上8點後入座9折，9點後入座8折😍仲有估泰文遊戲，估中可以減$10‼️最有特色一定係有釣蝦池同活捉鮑魚，新鮮活捉好好食🤩澳洲產下肩胛肉眼餐$298肉類+名菜❤️❤️❤️❤️名菜揀左風生水起秘撈雞，麻油味好香，雞肉嫩滑，肉類試左澳洲產下肩胛肉眼同嚴選特級牛胸腹，兩款牛肉都嫩口，唔會太過肥膩☺️全晚最期待一定係活捉海蝦鮑魚，大大個水缸任捉，啲蝦🦐仲識跳，好生猛，鮑魚夾起仲識郁，大大隻口感彈牙鮮甜😋火鍋配料❤️❤️❤️❤️有手打墨魚滑、新鮮沙白、鮮甜花甲、墨魚仔等，墨魚滑彈牙足料，沙白、花甲鮮甜無沙，多汁鮮嫩😗小食❤️❤️❤️❤️有泰式炸蝦餅、泰式沙嗲雞肉串、豬肉串等，炸蝦餅外脆內軟好食，串燒惹味😍自助區❤️❤️❤️❤️有蔬菜🥬、點心、小食、炸物、甜品、飲品等，每樣款式選擇都好多甜品有多款泰式甜品，椰汁千層糕、自製泰式綿綿冰等🤩
繼續閱讀
觀塘亞太中心好多嘢食，今次去咗食泰式火鍋，個場幾闊落，有自助區，包括前菜、熱食、甜品、🥤飲品，連碗仔翅、🫘紅豆沙都有，最正當然係自助撈鮑魚、🦐蝦嘅海鮮區食泰式火鍋一開始有🐟藤椒烤魚，魚皮好脆，魚肉keep到細滑，超入味，愈食愈辣但又好惹味🤤食完烤魚就可以🍲打邊爐啦，好多款湯底：🥥青檸椰奶雞湯、馬來娘惹叻沙、🇹🇭泰金冬蔭公、🍋檸檬香茅、🍅番茄濃湯、膠原豬骨任食方面，幾鐘意🐮澳洲產下肩胛肉，牛味濃；新鮮沙白好大粒，熟咗都仲漲卜卜，新鮮；特大蟹棒甜品區仲有少見又特別嘅綿綿冰機，見好多人都有試甜品我鐘意椰汁西米糕，好少地方有得食，唔太甜好香椰汁味飲品幾欣賞香茅水，有香茅清香，感覺上又冇其他飲品咁heavy，可解辣呢度仲有估泰文遊戲，估中可以減$10；火鍋放題4位送1位；晚上8點後入座9折，9點後入座8折，折扣可以一齊用🚩泰金鍋 (觀塘) @thaipot.hk📍觀塘觀塘道414號1亞太中心10樓
繼續閱讀
觀塘🚇都開咗泰金鍋，依家火鍋放題4位送1位，🤩晚上8點後入座9折，9點後入座8折，餐廳仲有個估🇹🇭泰文遊戲，估中可以減$10，折扣可以一齊用添，💰真係好抵食呀！食火鍋之前仲可以食一個🐓雞煲或者烤魚，我哋揀咗特色泰金烤魚煲，🐟勁大條魚而且魚肉鮮嫩，外皮烤得香脆，仲有啲🇹🇭泰式香料嘅味道，勁惹味！火鍋湯底🍲我哋就揀咗充滿泰式風情嘅青檸🥥椰奶雞湯鍋，湯底有少少🤤酸酸甜甜，椰奶味香濃。我哋揀咗Set B澳洲🇦🇺產下肩胛肉眼餐，主打嘅牛肉🥩肉質好嫩，油脂分布均勻，入口都幾有🐂牛味，正呀！自助區有水池任夾🦐鮮蝦同埋活鮑魚，真係新鮮到不得了，😋夾完即刻煮，鮮味十足👏！手打🦑墨魚滑彈牙又鮮味，墨魚仔🥰細細隻但好鮮甜，煮完仲好爽口，👍沙白清甜無沙，煮完仲保持到鮮味😍。熟食方面仲有🇹🇭泰式沙嗲雞肉同豬肉，醃得好入味，🔥沙嗲味好香，食完仲想再食。另外🧄蒜香豆皮炸得香脆，🤤蒜香味好濃，都幾特別。自助區💪有好多款火鍋配料，仲有🐓泰式海南雞同埋多款中式點心🥢，真係好豐富！飲品方面除咗一般🍹放題飲品之外，最正係有我最🥰鍾意嘅泰式奶茶🧋任飲！食完火鍋仲可以食🍮甜品，真係大滿足，甜品區有多款🍰蛋糕， 仲有特設棉棉沙冰機🧊，可以即時製作沙冰，加上多款🇹🇭泰式配料，整成美味泰式🥥椰汁沙冰，🍧好正！雪糕櫃入邊仲有多款🍨雪糕雪條，最特別嘅係有炸雞造型🍗冰淇淋，真係好新奇特別啊🤩！
繼續閱讀
因為去咗觀塘一間叫「泰金鍋」泰式火鍋餐廳食飯餐，呢間餐廳喺新開張，座位同環境都乾淨企理，主打名廚三選一同火鍋放題。我哋嗌咗B餐嘅120分鐘澳洲產下肩胛肉眼餐，打邊爐之前可以係回味農家土雞煲、好鮮嫩炙烤魚煲、泰檸開胃手撕雞撈起三款小菜入面揀一款，食完之後先至上湯底打邊爐。而家餐廳做緊特別優惠，火鍋放題每四位會送一位；晚上八點後入座可享有九折，九點後入座可享有八折；玩估泰文遊戲，中咗可以減$10，所有折扣都可以一齊用㗎！🍊 回味農家土雞煲雞煲入面嘅雞件斬到細細件，非常容易入味，雞煲嘅醬汁有強勁嘅麻同辣，加上芝麻、蒜頭、洋蔥、西芹等配菜，味道非常惹味，而且煲入面嘅雞肉仍然保持到嫩滑嘅口感🍊 湯底我哋揀咗充滿泰國特色嘅青檸椰奶雞湯鍋，雞湯加入椰奶之後口感變得非常順滑，再混合青檸嘅酸味，令到成個湯底味道酸酸甜甜，非常開胃🍊 肉類B餐可以任叫澳洲產下肩胛肉眼、嚴選特級牛胸腹、特選豚梅肉同滑雞件，行過自助區會見到職員喺入面用機器切割肉類，所以係即叫即切，而唔係預先切好一碟碟肉再冷藏，可以令肉質保持得較好，值得一讚！🍊 海鮮未下單點菜之前，餐廳已經會每一台預先準備一盤海鮮拼盤，包括鮑魚、扇貝、蠔、海蝦、墨魚仔、沙白同花甲。將第一轉嘅海鮮煮熟之後，湯底會變得特別清甜，當中我最鍾意食蠔同鮑魚，兩者嘅鮮味都好濃郁！呢度海鮮嘅種類算多，之後仲可以任叫魷魚、扇貝、手打墨魚滑、沙白、花甲同墨魚仔，可以滿足鍾意食海鮮嘅我！自助區入面仲有一個釣蝦池，可以見到海蝦好生猛咁游緊，非常新鮮🍊 泰國特色食物呢間餐廳主打泰式火鍋，所以亦都有大量泰式嘅特色小食可以任叫，例如泰式黃咖喱海鮮、泰式海南雞、炸豬皮、炸蝦片、冬陰功湯、泰式炸蝦餅、爆餡韭菜餃、香辣雞中翼、泰式沙嗲雞肉串、泰式沙嗲豬肉串等，同一般嘅火鍋放題餐廳比較唔同，味道都好惹味；另外仲有一個綿綿冰機，可以比客人自製棉花冰，再加入椰奶、珍珠、芋圓等配料🍊 飲品除咗傳統嘅罐裝飲品之外，最大嘅特色就係有得任飲泰式飲品，包括泰式奶茶、泰式咖啡同清新香茅水，泰式飲品味道偏甜，亦都係平時火鍋放題嘅餐廳比較少飲得到嘅飲品📍 觀塘觀塘道414號1亞太中心10樓位置就腳：🍊🍊🍊🍊🍊餐廳環境：🍊🍊🍊🍊食物味道：🍊🍊🍊🍊整體CP值：🍊🍊🍊🍊🍊
繼續閱讀