泰閣 (寶靈頓道)

營業中

休息中

泰閣出咗兩餸飯之後經常幫襯，又抵又高質！暫時食過泰式咖喱雞、甜酸雞、豬頸肉同埋四季豆炒豬肉，基本上每個餸都係辣辣哋，好啱我哋呢啲愛辣人士。雙拼$36可以食到泰式2餸飯真係好抵食，真係平過自己煮，每道餸都俾得好足料，餸仲多過飯，呢度已經值得俾好評！暫時咁多款encore左2次甜酸雞，酸酸辣辣好惹味，不過肉質有少少鞋口，但可接受。下次試下個菜圃蛋先得。泰式真係無得頂！希望佢哋可以長做長有，繼續有多啲不同選擇。

終於返工，可以叫外賣！叫左好耐無食既泰閣，今日我地全部散叫。但超推佢個便堂套餐！性價比好強今日叫左火車炒飯，雞翼，生菜包，蝦餅，鳯爪，炒通菜。食物偏辣但好好食！生菜包份量好大！抵食！

1個人都想食多幾款菜,又驚D菜太多,食唔曬, 谂住open rice 睇下有咩食, 無意中見到一個抵食(有7樣嘢)豐盛套餐,有開胃前菜醃木瓜沙律,酸酸地好野味用D木瓜酸汁送豬頸肉,好好味D魚餅,有DD辣用來送雞油飯, 菜清清地唔錯,海南雞又淋又滑好好味,個冬蔭功湯好正,但飯後甜品椰汁西米糕甜甜咸咸好好味

買咗碗船河問女店員有冇醋同辣椒粉..佢答我船河唔跟架..（態度麻麻😒）一打開碗粉..嘩！咩船河係咁嘅咩？！湯底有苦澀味道..難食到不得了..仲要加料附送發泡膠粒..如要講碗野好食嘅地方..只有豬肉..幾鬆軟..成碗野只食豬肉..其他byebye上次買過豬手飯..係好味😋..豬手夠淋又入味..但估唔到兩者食物感受差太遠

想食海南雞，咁啱醒起街市中間有間泰國野。之前食過佢個南瓜dessert, 係椰汁糕加南瓜。凍食，大大份，但唔平，所以還好。今次海南雞飯$53（包加一外賣費）,附送小盒豆瓣醬。油飯一般，不是很油，雞三四條。

買的青咖喱午飯便當，自取。之後發現個湯盒未蓋嚴密，外賣袋裡和其他菜裡撒的到處都是，其他菜式味道OK，價格實宜，好在便當裡的種類很多，而且選擇比較豐富，菜量也足夠

平時每次都會加錢要髀位但次次加嘅錢都唔一樣，有時明明加完錢拎到番屋企會發現根本唔係髀位，但因為覺得佢啱啱開張可能唔熟流程先有錯誤同埋佢都會比個份新嘅我所以無當一回事。今日照平時叫左2個海南雞髀飯，有一盒咬到一半發現係生嘅紅色。即刻有d想嘔。即刻打電話落去但無人接聽。落到去想佢退番一盒錢比我，佢話因為食過唔肯退錢話換個盒比我，態度仲要唔係幾好。以後唔會再食。

今日行過見到有間新開嘅店鋪，見佢門面幾特別，幾有泰國風味，再望入廚房，見到啲廚師應該係泰國人，於是睇下佢餐牌有乜食先。。。。見到有好多種類，一個人但又乜都想食啲，之後再望下。。。。見到有泰式便當,揀左個F粲試下，入面有齊我想食嘅野，個豬頸肉燒得好香另外中間有個船麵，好有喺泰國時食嘅船麵feel,個湯府係喺泰國食到嘅黑色湯底！！😋(我第一時問係飲啖湯先😂),泰式鳯爪都好入味，唯獨係個咖喱太少汁整體黎講都好滿意！下次再試下個海南雞同豬手