影片
港鐵油麻地站 A2 出口, 步行約2分鐘
繼續閱讀
電話號碼
29899298
29899093
開飯介紹
餐廳以黃、藍色做主調，並設有戶外露天座位，打造年輕時尚的用餐環境；菜式選擇豐富，提供多款辣味菜餚，照顧不同食客口味。
繼續閱讀
營業時間
今日營業
12:00 - 23:00
星期一至日
12:00 - 23:00
公眾假期
12:00 - 23:00
公眾假期前夕
12:00 - 23:00
以上資料只供參考, 請與餐廳確認詳情
-
網上訂座服務暫停
優惠
88折
【亞洲菜】$100 通用現金券 **無限兌換**
$88
$100
噚日（14-12-2024 Sat），同老公忙到傍晚，佢話出信和行兼食飯，好啦，去邊喥食？我就諗到呢間，唔知多唔多人等位呢？我哋嚟到，原來好細間，而都重有位，坐低後睇menu，一頁睇晒。見到有未食過嘅火山骨就覺得要叫，然後見有沙爹串燒，我search過，話呢喥嘅沙爹醬幾濃，於是又要。嘢飲呢，老公手揀$22.00嘅菠蘿汁，我想要$52.00嘅香茅班蘭茶，但話售罄，於是要$48.00嘅翠綠湖。咁嘢食全部都係肉，就要叫個菜喇，原本想要$72.00嘅介蘭，但篤入去睇又話售罄，唯有揀$88.00嘅雜菜，而我因為有杯嘢有可以解辣嘅鮮奶成份，所以揀辣嘅馬拉盞。落完單，最先到嚟嘅就係兩杯嘢飲，老公一飲自己杯菠蘿汁就話好飲，但我一啖都未飲過。我杯翠綠湖呢？成份有椰奶，鮮奶同斑蘭，拎到嚟睇，特別有深綠色嘅液體沉喺底，飲吓，係斑蘭糖漿，完全冇攪勻過就上枱，攪勻咗味道就唔太甜又有椰子味，ok嘅。4.5分馬拉盞炒雜菜份量少得可憐，種類有西蘭花，芥菜苗（？）同菇，口感正常，而呢個都係辣，馬拉盞味道好似唔係好突出。4分$82.00嘅沙爹串燒，揀雞，牛各3串睇見份量同樣唔多，又有啲白色醬淋喺面上，先食雞肉同唔蘸沙爹醬，都仍算juicy亦夠味，再蘸沙爹醬食，有香味但完全唔辣，令我失望。而牛肉就有少少筋，亦係juicy同夠味。3.5分$132.00嘅細火山骨呢個比較耐至到，見到淋上唔少青色嘅粒粒，係咩嚟呢？食落，係辣嘅青檸味，呢種酸辣係可以，不過同馬拉盞炒雜菜一樣，對我嚟講辣，然而火山骨本身仍有肉味，不過有啲肉係嚡咗啲。4.5分環境：一入到去，原來地方唔大，一眼睇晒，但枱興枱之間嘅空間係好夠。而呢晚都幾涼吓，冷氣開得大。價錢：有加一服務費，即任單係$409.00。
繼續閱讀
位於油麻地譽發廣場4樓既呢間泰國菜餐廳🇹🇭裝修以黃色為主💛氣氛超級sharp醒！佈置帶有東南亞民族風情，好適合打卡影相📸店名呢個名亦都充滿玩味，成件事感覺好青春好有趣🤭打開menu，食物選擇多，包括冷/熱盤前菜、飯麵、咖喱、菜類、主食、湯、甜品等等～用QR Code落單，好方便！❥ 蟹肉炒飯 $108份量好充足‼️蟹肉食落鮮甜爽口😚另外仲配上炸蟹鉗🥰炒飯好夠穫氣😍粒粒分明夠乾爽👌😋每啖食到炒飯之餘都食到蟹肉，好滿足！❥ 燒春雞 $178好大隻春雞🐓雞皮脆卜卜，雞肉嫩滑仲有勁多肉汁，食落好juicy✨配埋酸酸辣辣既醬汁，更加有風味！❥ 燒豬頸肉 $82豬頸肉份量好多🤩肉邊有少少焦，燒得岩岩好，有好香既炭燒味 😛🔥食落多肉汁，唔會太乾或者韌😋配埋微酸既醬汁，惹味之餘又可減輕油膩感～❥ 芒果糯米飯 $78雙色糯米飯即叫即製，口感軟糯，配埋椰漿一齊食，好香口🍚芒果肉厚多汁，份量多🥭食落夠清甜！❥ 龍眼冰 $38清甜解渴，仲有唔少龍眼果肉食，正👍❥ 泰式奶茶（凍）$38口感順滑，茶味好香濃，唔會太甜💕
繼續閱讀
講到近期人氣餐廳，一定要講呢間係位於油麻地嘅泰國餐館。呢間⭐THAIKAU⭐️，個名已經夠哂特別，只要見過一次就一定會記得🤗 餐廳環境充滿東南亞風情，而且餐廳仲係由Mirror成員Lokman、Alton同Error成員 阿Dee合作開嘅，真係長期都人流不絕👍🏻我同朋友今次就一早訂咗位，坐底試叫左招牌菜🌟冬蔭功烤魚(鱸魚)🌟泰式蝦炒金邊粉🌟泰式生蝦8隻仲有甜品🌟泰式椰汁西米糕🥤椰香斑蘭咖啡 (熱)🥤鹹檸七而且一路用餐，仲見到不時有食客帶住寵物入嚟，原來呢間係寵物友善餐廳。而且我仲留意到餐廳有個Post 💖係最新優惠，由即日起至7️⃣月2️⃣3️⃣日身份證只需要有以下指定數字 「0️⃣、4️⃣、2️⃣、6️⃣」其中一個或以上即可享有優惠! 💞一個字9折 兩個字85折 💞三個字8折 四個字75折 真係勁正!留意備註: - 優惠不適用於午餐 - 唔可以同其他優惠同時使用 - 相同號碼以一個計算🏃🏃♀️仲吾快D約埋朋友睇下有冇中到個優惠!整體餐廳食物質素都唔錯，而且員工服務態度非常好，又有禮貌; 餐廳設計又夠哂colorful，好多打卡嘅位置, 喺一間令人感覺好開心又舒服嘅餐廳💕
繼續閱讀
Mirror 同埋 Error 成員主理嘅餐廳本身因為明星主理嘅餐廳抱嘅期望其實不大，因為好多都係明星效應～不過估唔到佢哋嘅嘢食都真係值得試！食物質素不錯之餘環境都好雅緻舒適～沙嗲串燒串燒好惹味！上檯熱辣辣～燒春雞笑死🤣🤣🤣其實係燒春雞🤣燒春雞都幾大隻，雞皮燒到好薄完全唔肥膩，肉質鮮嫩多汁 ～單食唔洗點汁都好夠味，如果配埋特製醬料就解膩啲～推薦！泰式明鱸魚鱸魚肉質細嫩，酸酸辣辣都唔錯，不過都係雞好食啲！🙈芒果糯米飯呢個高質！芒果香甜，兩款糯米飯超軟糯，仲加埋好似奶蓋質地嘅椰奶勁有驚喜！食完即刻想 encore！
繼續閱讀
呢間bookmark左好耐啦之前曾經冇book枱 walk-in上去Waaaa一岀lift勁多人 完全唔會有位所以就走左今次叻啦 以防大量fans又上去食今次醒目啦 book枱 😎 😎 😎大家都知係邊間啦 😙 咪就係mirror error有份開既泰國餐廳囉 😍 😍🔸 泰式燒豬頸肉豬頸肉秘醃過之後好香外皮烤得金黃酥脆肉質則鮮嫩多汁搭配特製的泰式醬汁 酸酸辣辣咁好正作為小食岩岩好🔸 泰式牛肉炒河河粉滑嫩 一上枱聞到鑊氣 😍 好香好濃郁牛肉切片厚薄適中 炒至恰到好處 👍保留左牛肉既香味搭配青菜和香料 有豆角係幾特別 我地都狂食 🤣🔸 去骨海南雞半隻雞肉鮮嫩 肉質滑口 搭配的醬油和蒜蓉醬汁令味道更上一層樓不過個醬汁就唔係以往咁酸酸辣辣既而家偏甜既 幾特別配上香米雞油飯 簡直是完美的搭配 🥳📍 油麻地彌敦道560號譽發廣場4樓
繼續閱讀