泰‧蘭花 (已結業)

$428 的二人餐，但如果唔大食，一定食剩，今晚三個細食人食都仲剩唔少～由湯到甜品，一共有五道菜。冬蔭功大蝦湯：真係好大隻蝦，貨真價實，味道正宗，唔太酸，唔太辣青木瓜蝦米沙律：呢個就麻麻，唔覺有蝦米招牌咖喱虎蝦：個汁好味，隻蝦大小適中啦招牌金邊粉：金邊粉好彈牙，炒得唔油，花生同辣椒粉分開放，可自己按喜好加仲有泰式甜品～ 甜左啲，但椰汁好香！加左$15叫杯青檸梳打，無估到拎成支星夏梳打水黎，都等如飲兩杯咁有UA card 有折同有得儲積分

本來食日本料理，點知朋友之間溝通誤會，記錯名，所以要搵個間餐廳食飯，喺朗豪坊食飯，相信間間都要等20幾個號碼以上，行左幾層樓，結果呢間算係少人等位，唯有改下次先食日本菜，拎左飛排第一張，無耐已經可以入坐。未入去已經問定有無生蝦，如果無，對於我黎講，已經少一半食慾，致愛的生蝦刺身坐低左怕佢賣晒，即點!但係佢硬銷啤酒，即係生蝦要和飲品一齊點，記得係150幾蚊，超級唔底，少隻數，唔算好好食，仲要係唔飲啤酒或飲品，無得點生蝦，真係堅差。個通菜都算炒得好食，食住個通菜等其他餸來，餸菜黎得好慢，人客己經不算多，但係D餸可以十幾分鐘先黎一碟，咖喱和個蒜蓉包一齊叫，蒜蓉包又等左十幾分鐘，結果係漏單，唉～～～咖喱同個湯都不是很特別，呢間其實沒有什麼可以再加分，比起之前黎食嘅印象仲要差左，40分！

約左好耐無見既朋友出來食飯, 本身唸住一齊食放題但係已經訂唔到位LU, 咁就轉左去食呢個泰國菜啦, 出奇地好食呢間野!酸辣無骨鳳爪沙律 – 凍凍既鳳爪加上佢酸酸辣辣既汁非常開胃好食, 而且鳳爪已經去埋骨可以好方便咁食.泰式小食拼盤 – 佢分別有蝦餅, 魚餅, 炭燒豬頸肉, 香葉包雞同春卷, 整體過得去啦. 豬頸肉唔會好乾而且仲得出炭燒味道, 而且佢既醬汁都好好味!原隻燒魷魚 – 好大隻既魷魚, 睇落去好似好乾咁但其實仲有肉汁, 而味道就好似魷魚乾, 但小心食滯! 哈蝦串燒 - 蝦肉彈牙, 但燒得乾身左小小.椰漿海鮮炒飯 – 賣相已經唔錯, 而個飯沖滿椰漿, 所以睇落會濕濕地但好好食的, 而且仲有小小海鮮.鹹魚炒芥菜 – 炒得好野味, 合格啦.

泰蘭花呢間出名餐廳,成日經過朗豪坊都會經過,次次都見佢排哂長龍,想食都無機會,因為唔想等,所以始於都係無試過,今日就有機會喇,因為屋企訂左位,好機會呀真係,首先講個環境先,佈置就好簡約,不過都唔錯,但比較迫幾個人坐都覺得位唔太夠坐,張枱唔算好大,要精心設計先可以放到哂所有野,不過味道係唔錯既。今次依幾樣野係值得講既,首先係個海鮮生菜包,餡料有好多嫁都,蜆肉,魷魚,肉碎,洋蔥咁樣我食得出既,味道就較為辣少少,不過好香又夠惹味,我自己就好鍾意,加埋d生菜夠哂爽,真係正。另外就係冬蔭公湯,我唔知佢係咪正宗,不過佢就唔會酸到爆又或者辣到爆咁,兩樣都有,咁料都十足既,所以既又辣又開胃,食到唔想停咁, 最後就係咖哩面包雞,配料可以揀雞,牛,豬,我地揀左牛,咖哩味都唔差既,但唔夠香,不過味道就夠,面包就硬左少少,可能比你點住黎食唔會好d

農曆年初四到旺角朗豪坊午餐，再去之前食過嘅泰蘭花。新年人手有點不足，所以服務一般。叫了menu set lunch泰式海南雞飯，配上前菜泰式salad，去骨鳳爪搭上少少辣，很開胃。不過海南雞飯水準一般，雞油飯不夠熱，雞肉也不夠嬾滑，也沒有去骨，比起我吃過其它食店的去骨海南雞飯，味道就差一點，要靠醬汁補救。但環境ok，和朋友聚餐可以。

見呢度平時好多人等位以為d野好好食所以試下~唔洗排隊有位，但個waitress 面口好差，叫完野食拿拿聲行開，我同個fd都懷疑佢聽唔聽到我地要乜！炸芝士蝦丸，芝士流心好味，不過唔明點解我食第一粒係冇流心架，古怪！雞翼淡的！唔點甜酸醬係冇味道的！紅咖哩雞Ok, 有椰香味，D汁幾滑，但唔夠辣～蒜蓉包差！超硬！完全係會咬損咀果隻！又凍又冇蒜蓉味，連牛油味都冇！想點？！炒金邊粉算係最好食，D粉好有咬口，又夠味～芒果糯米飯用紫米泰整已經係錯，D飯又唔煙un, d汁又似現成，一d都唔好食！一d泰國味道都冇～用嘅香料唔夠足 食材又唔正宗，人地d辣汁起碼係魚露加青紅辣椒仔，點會係m記點雞翼果d架，芒果糯米飯又用紫米，差！唔會再食！

好耐有寫食評，都忍住要為呢咁差啲餐廳而寫。睇完戲諗住票尾有折，所以近近地擇呢間，點知話假日冇折，呢間餐廳都唔平諗住質素都應該ok. 於是就坐低左。 結果好後悔，呢間餐廳一啲都唔平，但食物質素奇差，職員態度傲慢到死!先講職員工態度，泰菜食物黎黎去去都系嗰啲，所以冇睇餐單就落單，點知佢地餐廳冇又或者佢地個名唔一樣，職員於就用非常不滿嘅語氣講 “冇架喎”，“系唔系xxx呀！”，完全一啲都唔helpful. 簡直趕客！再講啲食物有幾難食招牌金邊粉 （$82)啲粉勁濕，又淡而無味，啲豆乾硬到死，仲話係招牌金柚沙律（$88）柚子很碎，份量奇少，收咁貴簡即搵笨串燒4件（$62）開頭覺得好貴$62得4串，還好佢地都大大件，有啲火炭燒味都幾香，可惜肉質勁乾，勁硬鹹肉抄椰菜苗 （$78）椰菜苗非常老，咬到口都攰總之冇下次！

嚟之前打嚟訂枱，想訂8點半，點知佢話「無得book ga wor, 要7點半前先有得訂喎。」已經寸寸貢。咁我就7點半到等位啦，點知一攞飛，佢話「兩個鐘度啦」，但明明我係第一張飛，前面無人排隊，咁我就問點解啦，佢話「好難留4張細枱俾你，大枱啱啱坐低，起碼兩個鐘啦！」之後我已經覺得佢態度好差，但壽星又想食，咁就諗住等啦。。。之後就攞個蛋糕去，唔該佢幫我地雪住先啦，點知佢竟然應我「我地無雪櫃」嗰下我真係無言！ 佢明係唔想做我生意囉！ 之前態度已經好差，我地都算，仲要無雪櫃都講得出，真係唔知點做生意！ 大家千祈唔好去！ 一肚氣！ 好過份！ 

處女作, 多多包涵.係旺角朗豪坊附近, 女友話想食泰國野, 無乜選擇下揀左呢間.9點鍾都仲有好幾台排緊隊, 心諗, 要等位應該都應該唔錯既...等左約30分鍾, 終於到我地.冷氣好凍, 坐多陣都頂唔住個侍應態度好差!!想要MENU 都要叫兩次, 仲要LONG FACE!..因為女友好想食椰汁燸米飯, 咁個SET DINNER 又有甜品,其他野我地又岩食, 咪想問下SET DINNER 可唔可以加錢轉囉,點知一問個經理, "A..想問個SET.." "無呀, 無得轉."....可唔可以俾人問埋呀?心諗, 咁咪散叫囉,唔叫SET, 叫左個南瓜海鮮咖哩, 冬YUM湯, 招牌抄金邊, 馬拉chai抄通菜... 仲叫左個椰汁TIM.個冬YUM 夠酸夠辣, 幾好.個南瓜咖哩唔似泰式, 好甜, 我覺得OKAY, 但女友覺得太甜...不過個抄金邊就... 配料足, 但係有一大"PAT"泰色甜酸醬係個金邊粉到...完全食唔到其他味,..好似食緊脆香雞翼咁....其他不過不失, 椰汁有D 太甜.呢個價錢.. 呢份食物, 如果唔係睇戲, 下次再黎就難D LA.

約左個fd喺旺角食飯，行到朗豪就揀左哩間。入到去差唔多無人客，心諗可能時間仲早je，點知食完就知中哂伏！「泰式唔知咩沙律」：D菜都算新鮮，係爽口既，但個汁超酸，好似勁落青檸汁去撈咁，開胃菜都唔洗酸成咁掛！同埋唔知佢落左D咩，搞到好辣~~「冬陰公湯」：又係好辣，面頭好多辣油，同埋好咸，我個fd話直頭咸到苦入面海鮮配料唔多，菇就好多粒，不過好硬，好似未煮熟咁！「咖哩雞配蒜蓉包」：哩個就好少少，D咖哩反而唔辣，勁重椰奶味，所以好滑，但變相無咩咖哩味，雞肉得兩三舊，不過都算嫩；蒜蓉包凍既，唔好提喇！「泰式炒金邊粉」：叫做最滿意既一道菜，炒得好有鑊氣，金邊粉條條分明，唔會癡埋一pat野；D蝦都幾彈牙，唔錯！「串燒蝦」：又係凍既，頂！同埋D肉好梅，隻蝦頭仲要自動甩出黎，好似癡上隻蝦度咁！同金邊粉D蝦差好遠！野食唔得，服務態度都麻麻。唔知係咪我地個位比較偏，由問佢攞manu、點菜、加水、埋單，都係要起碼叫3次先有人理我地，好似比人ignore左咁！泰國菜仲有好多選擇，所以唔會再食哩間了！

住旺角的我，基本上冇餐廳未食過。所以呢間泰‧蘭花都成日黎，坐得舒服，食物唔錯，價錢合理，都係朋友相聚的好地方!但通常都會要求坐入面，如果坐出面啲卡位，好似係個Mall中間用餐，人來人往，行過望兩望，冇哂私人。菠蘿炒飯($98):食泰國野必點。原隻菠蘿，個殼有DD梅咁。料有腰果、肉鬆、臘腸、雞肉、蝦仁、蛋、洋蔥，反而唔覺有菠蘿。腰果、肉鬆、臘腸好味，但雞肉、蝦仁好雪藏貨，完全冇味。個人覺得金寶的菠蘿炒飯會好一些。份量係夠兩個人食。沙嗲串燒($76):2牛2雞2豬。牛同豬都OK，只係有D硬同冇咩肉汁，雞又係不太好。最正的竟然係個汁，甜甜地，唔辣，好港式口味呀。真係功高蓋主!泰式香草藍青口($92):我就唔係好食青口的，但用泰式未試過就試下。好大陣酸酸地的味，應該係香茅同D香葉同薑的味。青口隻隻都完整，冇開唔到的，肉質結實。味道偏淡，只係比酒店Cold dish白恰果D多陣泰式香味。下次不會再點。另外成煲其實都幾多隻!埋單獨$26X，有UA會員卡免加一，係FB讚好Free一杯可樂/雪碧。星期六，不用等位，環境舒服，Order快上，都算平啦=)

泰‧蘭花呢間出名餐廳.成日經過朗豪坊,都會路過.但次次都大排長龍,.所以總是沒有試過..今日終於見人少少.好機會!!1)環境:店面佈置簡約但比較迫..可能晚飯時間我地又兩個..所以只安排坐細枱.食物差點都不夠位放.2)食物:當日我同友人都係第一次去,無特別IDEA.所以點了個二人套餐.套餐包括:海鮮生菜包,冬蔭公湯,咖哩面包盅,式炒金邊粉,烤虾,甜品海鮮生菜包:餡料有蜆肉.魷魚,肉碎,洋蔥等,味道偏辣而惹味,生菜新鮮爽口冬蔭公湯;做法都幾正宗,不像外面某些餐廳只有辣到麻或只酸不辣,這個湯既香辣又開胃.咖哩面包雞:這個面包盅配料可以選擇雞,牛,豬..但略嫌咖哩味不足,面包也比較硬.泰式炒金邊粉:這個好味道!!金邊粉爽口,加少少青檸檬汁,開胃!好味!

青芒果絲香脆魚柳沙律 真係一堆炸粉, 見到好少魚碎, 感覺好新鮮好脆口, 但勁熱氣!先用生菜包住青芒果絲腰果沙律, 再放d炸到鬆脆嘅魚柳喺面..一啖咬落去,食落凍凍地, 感覺好似無咁熱氣! 蟹肉鮑片雞絲紅燒翅,: 成窩碗仔翅,(都係好味精) Bad糯米糍, 覺得幾得意, 是糯米包著綠豆蓉, 可點砂糖吃。黃咖哩雜菜& 串燒，好食；甜酸魚柳& 炸雞就一般。蒜蓉炒芥蘭 - 唔駛講，炒芥蘭有邊間餐廳做得難食呢總體上food 一般,服務上, 態度上幾位待應都好好

非常不愉快經歷晚上約了朋友睇電影，還有大半小時才開埸，隨便找個就腳地方醫肚。泰蘭花正門口有一個坐地的大海報架作招來，標明有一系列套餐，$70元左右（未計加一），有海南雞飯、冬蔭公炒飯之類。在門口看了一會，見人不多便試下。侍應帶位坐低後遞上餐牌，但無門口show出黎的套餐，只有主餐牌內的正價菜(每款約$90-100)。問侍應係咪有套餐架？佢竟然話「無架！門口嗰個午餐黎架！」我：「而家夜晚八點，你竟然話嗰d係午餐，然後放正響門口？！」「算啦，咁我要個海南雞飯。」侍：「都無呀。」我：「吓?! 咁冬蔭公炒飯呢？」侍:「無呀！」我：「即係門口餐牌的菜，散叫一款都無？？？？」侍：「無架！」真係火都黎埋，我看得很清楚門口的大海報只寫住「套餐」，從來無話係午餐，亦無供應時間等，門口的帶位最初亦看着我們在海報前商量。咁做根本就係新聞那些想騙遊客、哄人先入座的招數。如此差劣的營商手法，實在有損香港聲譽。真的不想見到香港餐廳越來越強國化.................

今日系七夕情人節在UA同fd睇完電影之後就直接在八樓戲院出面間餐廳食野可能因為剛剛開門，唔系好多人，我哋好快就穩到位坐低D服務員就好熱情咁準備餐具同埋餐牌 叫咗餐之後，先發現原來餐廳裝潢得好靚好有泰國feel精選午餐會配泰式沙律或者精選例湯可能系我哋唔系好習慣食泰國野覺得D醬汁有D辣沙律入面有青瓜、迷你小番茄、洋蔥、肉丸片.....我最中意系青瓜，味道剛剛好食落仲會開胃D午餐同埋會送一杯餐飲或者泰式甜品個fd叫咗個甜品，睇個樣好似好好食佢話好似唔夠甜但系D香芋好香，同埋D綠色西米露好新奇我就order咗杯餐飲解渴鹹寧再加片新鮮檸檬唔會太鹹總有種新鮮感因為唔想食太飽，所以叫咗個炒闊河粉食到半下已經唔想食因為實在系太油D菜炒得好老連D蛋碎都炒到就來焦啊得D肉片夠嫩滑個fd叫咗個飯本來驚太辣，但發現原來D紅咖喱唔系好辣不過略嫌太過重口味，D汁攞來撈飯都覺得好鹹魚柳後身嫩滑，配紅咖喱汁系最佳拍檔最後一齊order咗個甜品就系 芒果糯米飯有D失望比想像中細，而且賣相唔系好掂D糯米好有嚼頭黑糯米比較軟熟同埋香醇一D配上椰汁剛剛好芒果好甜 但系加埋糯米飯 我覺得兩者冇咩關聯肉片干炒闊河粉($56）