泰‧雅

營業中

休息中

假日雅都商場好多食肆都要排隊！於是喺度買個外賣食，呢度嘅青咖哩同我想像中嘅有少少出入，下次再去會試吓其他菜式。泰式青咖喱豬頸肉飯$48- 無可否認，豬頸肉嘅份量超級多，食極都仲有，肉質爽口彈牙，不過醃得唔夠入味。咖哩配菜有薯仔、洋蔥同紅蘿蔔，但都係掛唔到咖哩汁。白飯有好多，兩個人食都夠飽，可惜問題出喺青咖哩汁度。青咖哩汁實在有太多油，唔可以用嚟撈飯食，而且味道同一般咖哩汁都唔同，冇咖哩香料味冇椰汁味，有啲失望。

喺雅都商場一樓有個food court，見到呢間泰式小店🇹🇭都幾多中學生幫襯，價錢合理，一於試吓買兩個外賣返去。🐖 燒豬頸肉 (一份) $62泰國菜一定要食豬頸肉！呢間嘅豬頸肉口感爽脆，啖啖肉唔會鞋，味道帶炭燒香味，沾上酸辣醬汁更加惹味開胃。整體質素唔錯👍🏻🥭 芒果椰汁糯米飯 $38芒果切粒方便食用，味道微酸；糯米飯口感軟腍，有椰香味，一個人食嘅話都幾飽肚㗎～見到佢哋嘅精選飯餐同埋滋味二人餐幾抵食，下次可以試吓😋

母親節網上預訂套餐，已確定訂單，比好晒錢，有晒取外賣時間，咁咪差唔多時間去取外賣啦，去到開返手機app突然話訂單已取消，之後立刻直接打電話去訂，佢又比我落Order喎，咁典解要取消我網上訂單呢？如果係咁我又洗乜預先上網訂呀，之後問返外賣app，佢地回覆話餐廳單方面取消咗我張單喎，原來比咗錢確認咗都可以單方面取消，咁不如你唔好個網上訂單啦，又要多出路多客原，但又冇服務承諾，本身野食又唔算係好，只係貪就腳，最後搞到我要去第二度賣外買返去同家人食，冇咁大個頭我唔好帶咁大頂帽啦，大佬，我係比錢買外賣架，唔係企起你門口乞食架，真係不知所謂

泰‧雅📍:屯門鄉事會路雅都商場1樓S66號舖黎到屯門搵野食 見到雅都商場有個food court 比其中一間泰式菜吸引咗 好香嘅味道擁晒出嚟 所以即刻叫咗食😍呢度嘅款式選擇好多 除咗飯類之外 仲會有小食、串燒等 價錢好抵 性價比高！🍚泰式燒豬頸肉飯成日喺網上平台見到好多人叫呢個 一於我都試吓先😍 豬頸肉好爽口 份量極度多 好豐富惹味 面層鋪滿咗好多炸蒜粒 仲要青瓜同蕃茄做配搭 好開胃 味道唔錯！最緊要係個飯一啲都唔乾 裏面好多醬汁！50幾蚊一個飯都幾抵食😍🦐泰式炸春卷(4件)即叫即炸 脆卜卜 會配埋一包泰式辣醬 唔油膩好食！沙嗲串燒(豬)有三款選擇 雞、牛、豬 都只係$10一串 即叫即燒 幾有咬口 好香爽口 配埋特製醬汁 咁就唔會好乾 味道唔錯！

泰‧雅 (屯門)屯門鄉事會路112-140號雅都商場1樓S66號舖終於等到星期五放工，放工之後去搵食，今日好想食泰國嘢食，雅都商場上面有好多食店，原來開了一間新的泰國餐廳，今次一定要試一試。芒果椰汁糯米飯$38甜酸芒果很開胃，配上椰香，糯米飯煙靭入口。泰式炸蝦餅兩件$25滿是蝦肉，口感彈牙之餘，炸得外面脆卜卜，點上甜酸醬吃一流。泰式蒜香單骨雞翼八件$26單骨雞翼好惹味，炸得外層香脆，而且單骨容易咬，方便進食。芒果椰汁涼粉冰芒果清甜，椰汁香濃，涼粉爽口，三樣嘢夾埋一齊非常之適合夏天啊！本身我自己就非常鍾意食泰國食物，原來呢度開咗間新嘅泰國小店，以後一定會經常幫襯。

⭐️泰‧雅⭐️📍:屯門鄉事會路雅都商場1樓S66號舖⏰:11:00am-9:30pm黎到屯門搵野食 想食下泰國菜 就揀咗呢間位於雅都商場foodcourt😍見到好多唔同選擇🙈價錢好抵 即叫即做😋 仲要好快搞點！性價比高！🍚泰式燒豬頸肉飯豬頸肉好正 好豐富好惹味 眼見到最少10片 肥瘦均勻 燒到啱啱好 面層放左好多炸蒜 仲要青瓜同蕃茄做配搭 好開胃 味道唔錯！🫔泰式炸春卷(4件)屋企人話想試吓 好抵食！熱辣辣 唔油膩😋🍤泰式炸蝦餅（2件)雖然好細塊 但系好彈牙 炸到脆卜卜 好正！#香港美食 #平民美食 #屯門 #屯門美食 #香港 #美食 #hkfood #hkfoodie #openrice #hkfoodblogger #hkfoodies #foodshare #hkrestaurant #foodie #hkfoodblog #食評 #美食推介 #foodhk #泰雅 #雅都商場

前日經過雅都商場，去咗佢新開嘅food court買泰國嘢加餸。泰式蒜香單骨雞翼(8件）$26單骨雞翼有八件，拎到返屋企都係熱辣辣。雞翼炸得好香口，加咗炸蒜好惹味，雞翼食落唔會好油，偏乾身，但有肉汁，唔錯😝蒜香雞扒 $32雞扒大大塊，好香蒜蓉同香茅味，雞扒有五件，每件都好厚，啖啖肉好味道。😋燒豬頸肉 半份 $35豬頸肉大約有七、八塊 烤得好香😆 脆邊 入面幾嫩 豬頸肉唔肥👍🏻👍🏻 豬頸肉燒得好香 燶邊好香脆😋

今日天去Gogomall搵食，上次已經食左韓國野今次決定幫襯隔離小店食泰國野，下午茶時段所以就決定簡個芒果糯米飯，另外再叫左個咖哩牛肉飯，價錢來講都唔算太貴，份量都十足，芒果糯米飯唔會太死甜，保持到芒果本身既果香，配埋糯米飯，雖然份量唔多，但飽肚感十足！牛肉咖哩飯非常香口，薯仔都入哂味，牛肉都炆都淋哂，咖哩汁配飯簡直完美配搭，gogomall 既㕋𠍇真係包羅萬有，每每入去都會發掘到新既餐廳，唔同國家既美食盡在一個地方。而且位置都尚算方便，值得多推介！

又黎左雅都商場食野，今日想食下泰國野就揀左食泰雅，仲叫左其他店嘅小食同珍奶，食food court 嘅好處就係可以一次食好多唔同野，哈哈。落完單就有個牌仔等響，去埋其他檔口睇下有咩想食嘅先。等左一陣就有得食，朋友叫左飯，自己就叫左湯粉。朋友叫呢個係泰式甲拋炒豬頸肉飯，即叫即炒超香喎，份量係勁足料，一盤都係豬頸肉，得少量青紅椒、洋蔥同炒咋，作為食肉獸嘅朋友就勁開心。啖啖肉有咬口，酸酸甜甜辣辣咁，味道豐富又惹味，個豬頸肉真係超正。至於啲飯就差少少，唔多夠熱又硬，煮左好耐掛。自己叫左泰式牛丸金邊粉，轉做冬蔭功湯底，賣相不錯喎，仲好大碗添。牛丸有七粒，有咬口又有牛味，幾好食。個冬蔭功湯底都幾辣，同埋幾酸下，個人覺得一般，自己唔太鐘意食太酸嘅野。至於啲金邊粉，煮得啱啱好唔過淋，份量真係超多，全碗滿到瀉食唔晒呀…總括黎講，價錢唔貴又幾好食，份量十足超飽肚，仲可以用優惠價換飲品，不過是日叫左珍奶就唔加飲品了，呵呵，佢有杯芒果椰汁特飲都幾想試。

泰‧雅 (屯門)屯門鄉事會路112-140號雅都商場1樓S66號舖泰雅-位於屯門雅都商場一樓的GogoMall美食廣場，有多款泰式飯餐及小食選擇，飯餐大概只需要$40-50左右，串燒小食也相當實惠，學生還有$8折扣優惠。店員姐姐及廚師哥哥年輕有活力，就算在繁忙的工作中，服務也相當殷勤。泰式甲拋肉碎湯河$50 汽水加$3 肉碎份量非常多，炒得香口，而且惹味，不過有一點點過鹹，似乎醬油多了一點。沙嗲串燒半打 $55可以選雞肉、牛肉或豬肉串燒，我們每人都叫了兩份，即叫即燒，所以要預返多點時間等候，整體味道不錯，只係略為鹹了少少。

泰‧雅 (屯門)屯門鄉事會路112-140號雅都商場1樓S66號舖雅都商場1樓好乾淨企理，超多選擇🥳好耐好耐冇食過泰國菜，食泰國菜多人食先開心㗎嘛，二人限聚真係唔方便。但又好掛住泰國，想食串燒同糯米飯，今日又同媽咪去新墟街市買送，之後來左雅都S66泰雅加送，呢間鋪綠色勁搶眼，我勁愛嘅綠色，係呢度叫個外賣試吓，價錢夠平，同埋侍應妹妹好青春，眼睛會笑，服務夠熱誠，落單爽手真係賞心悅目😍😍😍芒果椰汁糯米飯🍚 $38係我想要嘅味道，香嘅椰汁🥥煙煙銀銀嘅飯沙嗲串燒 牛 2串 $20夠嫩喎‼️泰式蒜香單骨雞翼 $26最快清晒呢一盒，夠晒蒜香🧄泰式炸蝦餅🍤 2件 $25夠彈牙😊芒果🥭椰汁🥥冰🧊 $22好飲，甜到透心涼

外賣買咗個泰式牛丸湯河，點知俾咗個牛肉河我，呢點有d可惜。麵同湯分開上呢點做到。呢個麵感覺食極都食唔完，而且河粉非常之碎，牛肉好硬同鞋，個湯就偏鹹，整體來講真心唔推介。未試過佢嘅飯食，不過我唔建議叫湯麵外賣。

自從疫情之後，好少出街食飯，更加少左打食評，但呢間小店真係好正，一定要比多啲人認識一下！！！😁除左性價比高之外，環境唔錯又衛生，服務態度好更加加分👍🏻👍🏻👍🏻以小店嚟講真係好唔錯1. 青咖喱雞球飯 （$48）💚甜甜辣辣嘅青咖喱令到成個雞球嘅味道昇華左，雖然只係$48，但一啲都唔可以睇少佢，送飯一流，仲要勁多飯，雞球、青咖喱、配料都份量十足呀！2. 鮮蝦春卷(4件) ($28)🍤28蚊有成咁大條又咁足料嘅鮮蝦春卷真係好抵食，入面嘅鮮蝦一啲都唔馬虎，大隻又彈牙，真係唔知去邊度搵！3. 芒果椰汁冰 (跟餐＋$8)🥭🍹超推介呢個芒果椰汁冰，睇落去冇咩得別咁，但芒果肉好甜，啲用料真係幾揼本👍🏻彤樂整體評分：9/10

加料，未食先興奮冬陰功粉賣相都幾好，分湯有誠意冬陰功加大頭蝦好吸引，搞下啲湯就出事(不過好在有搞幾嘢)雞扒飯夠厚肉，見到加料都考慮過仲食唔食，飯湯分開，驗屍咁驗，檢查過冇料到，食飯就算

🔴屯門gogomall入面嘅其中一間小店✨係食泰國嘢嘅✨因為平時去親嗰度都會是幾間嘢食🤣今次係行過呢間小店見到佢哋即刻燒緊嘅雞扒好吸引😍所以本身買咗幾間嘢食都忍唔住買埋塊雞扒🤣🟠首先本身聞落已經好香🙌🏻入口燒得啱啱好👍🏻調味足夠唔會好咸👍🏻食落係仲有juicy感覺有肉汁✨相信每一個響嗰幾日都會俾佢陣香味吸引到🤣有興趣可以試吓🤣