泰 Thai . Fusion (已結業)

第一次食呢間泰國野，位置係荃灣以前獅子吧嗰位。同fd去食 問服務員有咩可推薦好食又可以打卡，服務員（好靚仔）佢推薦摩天輪小食拼盤同法包俾我。之後到後面上到來。同個靚仔講嘅一模一樣。🥰個摩天輪🎡十分抵味道也很不錯仲有嗰個原隻菠蘿炒飯同泰式海南雞超級好食，串燒有（牛豬雞）揀好香好正但是要稍微等耐啲15分鐘咁樣。食完之後你會覺得等係值得既。冬䕃功湯也十分入味 嘢飲也十分多推薦青檸梳打，椰汁三色冰，芒果沙冰 。

見獅子吧執咗開咗間新泰國菜、膽粗粗去試下伏！點知真係伏伏伏伏伏！叫咗個生蝦刺身、咖哩炒花甲&海鮮炒粉絲！生蝦刺身好明顯一直浸住冰水、浸到白晒、成隻蝦只有雪水味、完全無蝦味！咖哩炒花甲、花甲用水烚到老晒無晒味先用咖哩翻炒、完全又老又鞋！炒粉絲碎濕濕、d海鮮無味、配料紅蘿蔔切到手指咁粗！唔想撈咪撈啦！同個waiter講、d生蝦好差、又無味！佢仲話佢地係咁架喇！真係火都黎！學劉華話齋、今時今日咁嘅服務態度唔得架！新開都難食到咁！完全無下次！❌❌❌

星期日無book位同兩老去食都唔洗排隊，可能位置唔係商場個邊未有咁多人知！？老人家坐底見冷氣吹住換了兩次枱，店員都唔介意幫忙轉位置，態度友善👍🏻餐牌都多選擇，點了生菜包，炭燒豬頸肉，泰式明爐鱸魚，無骨海南雞，泰式雜菜煲。因老人家唔食得太辣，餸菜都點了少酸微辣。生菜包：生菜好新鮮，肉唔會太鹹，味道都惹味唔錯，生菜分量多過肉，包唔哂；炭燒豬頸肉：味道足，肉質唔乾，但炭燒味就欠奉泰式明爐鱸魚：有驚喜，鱸魚肉質嫩又結實，酸辣味無搶左魚本質，因熱住食要食得快d唔係魚背就會過熟；無骨海南雞：肉質保持到滑溜，味道都係唔錯；泰式雜菜煲：烹調得好，煲底無多餘水份，湯汁收哂入菜同粉絲，味道惹味。值得一提，臨走時老人家需去洗手間，店員主動陪同為佢地帶路，又叫小心呀睇住呀，好窩心！總結用餐體驗愉快，味道唔錯，分量正常，四人用餐好飽，價錢合理，環境衛生，店員服務態度好好，泰國菜嚟講我覺得算荃灣區頭五名。推介！

噚日喺荃灣大會堂附近見完客戶，諗住搵個好地方食tea，知道附近有新店「泰Fushion」啱哂，入去點個茶餐揀咗青咖喱豬扒飯，豬扒上菜時已經切埋條狀夠細心，青咖哩非常可口，小食點了魚餅非常厚切好足料有彈性，飲品點了三色冰，視覺及味覺都即時溶化了我，暑氣盡消，總括來講，泰fusion係一間有heart小店，環境舒適，門面濶落，門口泊車也非常方便，有機會大夥兒食泰國菜係不二之選😋😋 位置都好容易搵到，舖位前身係獅子吧，荃新天地第一期或者荃灣廣場行過去都好近！

歡迎follow IG @eatwifme2k23❣️返到香港，朋友想約食飯，咁啱好佢屋企樓下開咗間新嘅泰國菜，成班假泰仔/泰妹決定身先士卒幫大家試伏😎長話短說：高質又高性價比，行得！本身見到依家嘢係新開嘅，都有少少擔心會唔會伏🥺但晚飯時間去到舖頭，見到裏面人頭湧湧就知道內有好西！每碟份量唔算多，啱晒一大班人嗌唔同嘢食一齊分享🩵同埋舖頭新開張，環境光猛寬敞，冷氣開恆、座位舒服乾淨，嘢食仲要咁正宗，完勝九龍城一大堆泰菜！今次嗌咗炭燒豬頸肉、馬拉盞炒通菜、菠蘿海鮮炒飯、椰汁青咖喱海鮮同埋金邊粉，全部超常發揮😍絕對會再返嚟幫襯！小亮點：誠意推薦芒果沙冰！本身諗住嗌菠蘿沙冰，但落單嗰陣老闆話佢哋舖頭芒果沙冰最好飲，果斷轉軚😂老闆果然冇介紹錯！！！又甜又清爽，芒果味超濃，送飯一流！

本來嘅我很少寫咁多字，不過呢間新開嘅泰國餐廳真係唔錯。今日係咁啱過去荃灣睇醫生，見到隔離有間新開泰國餐廳，望入去環境都唔錯，就入去試吓嘅心態，叫咗個拼盤，打卡一流，係一個摩天輪形式放上食物，蝦餅、魚餅好有質感，爽、彈、香👍再叫個咖喱軟殼蟹泡包盅，望已經好吸引，必定要打卡好香咖喱，唔辣，係咖喱香👍今日得兩個人叫唔到太多嘢，每人叫咗柸芒果沙冰🍧簡直絕配，一定會再去，要試其它嘢食

琴晚經過見到有新野入去試下1）生菜包都唔錯2）生蝦刺身🤮👎，有雪水，蝦無味，口感霉孄食左2隻頂唔順，食唔到落去，叫侍應收走，照比足錢3）燒牛肉唔錯，唔會太熟

和屋企人在2023年7月6日前往晚餐，我們叫了一個咖哩軟殼蟹連薄餐、碌柚蝦沙律、泰式生蝦、泰式牛肉、燒魚、泰式蝦金邊粉、泰式炒菜。飲品叫了茫果沙冰、珍多冰同二個椰青沙冰。咖哩軟殼蟹連薄餐-咖哩同軟殼蟹和薄餐好夾，咖哩味道適中，不算辣，適合唔食得辣的人口味。碌柚蝦沙律-碌柚同蝦整得好好，夠入味，我個人欣賞這道菜式。泰式生蝦-蝦中帶出鮮味，不過唔小心連辣椒一齊食，所以覺得好辣。泰式牛肉-牛肉整的熟的程度剛剛好，唔會食到太熟牛肉肉質。燒魚-可能叫錯魚關係，我覺得較為普通一道菜式，不過屋企人話味道唔錯。泰式蝦金邊粉-一道好味菜式，大蝦同醬汁好好食，加上肚餓關係，這道菜式好快食完。另外飲品方面，可能昨日太熱關係，飲用沙冰真一個唔錯選擇，而且各款沙冰好有生果味道，真一個消暑的最好方法。

$50 下午茶，唔.......似乎價錢高了点，但以食物質素+環境來說，可稱得上性價比高！我之前來过4次了，吃过泰式豬手湯河，冬陰功湯底，冬陰功相當正宗，好好味！！也吃过冬陰功海鮮湯飯，海南雞飯，雜錦抄粉絲，全都很好味！吃菠蘿炒飯，濕炒肉片河粉，這兩款就普通而已！今次是食餐牌沒的，海南雞湯河，要冬陰功湯底！！落单時，我問他海南雞可否改一要湯河，他答當然可以！！真好人！！海南難相當滑，也算有雞味，一如之前，冬陰功湯，美味！！這裏的奶茶是泰式奶茶，不用加錢喎！超正！！凍飲+$3！！

5月份天氣已經變得炎熱，小編坐底急不及待先點一杯香港唔多餐廳會有嘅冰凍飲品解解渴。原隻椰青沙冰🥥 HK48店家將原個椰青刮肉即叫即打，所以千祈唔好躁底， 耐心等一段時間，因為等一陣係值得 出黎喇~出黎喇~~ 賣相滿滿嘅沙冰，豐厚綿密，就算到飯局尾聲仍然椰味濃郁。真心推~~~~至於食物質素，師傅亦都準備十足用心烹調。泰式生蝦 HK$148刺身最緊要新鮮。。真的新鮮美味、大大隻。青醬汁亦都剛剛帶出刺身鮮味泰式拼盤 (炸蝦餅、炸魚餅、春卷及串燒雞) HK$158摩天輪造形吸引眼球。食物足料，蝦/魚餅咬落彈牙爽口，春卷脆香不油膩，串燒雞正常。泰皇咖哩炒肉蟹 HK$368大大碟泰式咖哩肉蟹，鮮味十足，蛋咖哩醬汁又係白飯殺手可撈上幾碗白飯。冬陰公湯底明爐鱸魚 HK$238用上明火gas爐火力夠，滾起湯底變為冬陰公魚湯，又係一絕。雖明火但魚肉仍無比鮮嫩芒果椰汁糯米飯 HK$58 + 椰汁西米糕 HK$42不得了。。塊芒果肉好好食，好似泰國街邊食個種 西米糕溝左好多芋頭粒、栗米粒，口感豐富，味道適中唔太甜總括黎講，食物質素高，價錢公道抵食。至於室內環景舒適光亮尚算闊落，起碼唔會迫迫摃。下次光顧再試

位於荃灣沙咀道之前獅子吧嘅舖位，位置就係荃灣廣場對出嘅兩條街！呢個位置其實幾點都好方便！開咗一間新嘅由泰國人打理既泰國菜好似唔係好覺有分店，員工有一半係泰國人，全部都好有禮貌！已經食咗幾次味道都好味！下午茶非常抵食$50左右，而且佢哋無落埸！方便附近上班一族幾時過去食都得，環境都唔錯！座位好寬敞，驟眼睇應該超過百個座位而家可能冇乜人知！每次去只有兩三成客人，希望佢哋可以繼續keep住水準，又多一個選擇

好夠冬陰功味道👍🏻好正咖喱軟殼蟹兩個人食份量好夠 炸得啱啱好咖喱一定要配上蒜蓉包 適合打卡😍最推薦呢個泰式爆炸龍蝦😻😻大家一定要試👍🏻生菜包肉碎夠辣😻適合鍾意食辣嘢嘅朋友

適逢母親節來臨，朋友試過介紹話好正，所以就book星期五晚嚟食，一行6個人，沒有圓枱，但坐疏化位都幾舒服，環境都ok, 始終新裝修🤭，我哋叫咗個生菜包，感覺好地道嘅泰國風味😋，唔慣食辣就會怕辣，但我哋覺得唔辣就唔係泰菜啦，叫咗個拼盤，好有特色的用摩天輪載着拼盤菜式，紙包雞唔會乾爭爭，有joicy, 蝦餅、鷄亦、春卷都ok, 拼盤整體也不錯，去食泰菜我一定會叫冬蔭公湯，今次老闆介紹用冬陰功湯底做火爐魚，真係喜出望外，冇介紹錯，好正宗嘅冬陰功湯，條魚好鮮甜，真係值得試👍🏻👍🏻，咖喱軟殼蟹唔係辣，係食咖喱嘅香，再配個厚切蒜蓉包真係冇得頂，蒜蓉包真係外脆內軟，齋食蒜蓉包都好正🥖，嚟個芒果沙冰、好濃郁嘅芒果🥭係我至愛，整體成餐飯真的唔錯，好味👍🏻最緊要屋企人都食得開心😁😁，因為太飽了，有啲菜式同飲品都想試，會再去幫襯💪🏻再吃貨🤣🤣

冬陰功湯底的明爐烏頭魚夠創新！必試🐟🐟🐟咖喱蟹配蒜蓉包 - 蟹超正！蟹肥大肉厚！咖喱汁夠多，真的要三份蒜蓉包先用得完個汁！愛蟹的人必吃！🦀🦀🦀🦀🦀🥖🥖🥖🥖🥖摩天輪的小食拼盤好特別！🎡🎡🎡芒果糯米飯都好軟熟🥭🥭🥭🥭🥭牛油果沙冰好 fresh 🥑🥑🥑🥑🥑泰國人廚師，正宗泰菜！上菜速度快，全部都熱辣辣👏🏻👏🏻👏🏻👏🏻👏🏻綜觀食物都屬高水準！一食難忘😋😋😋！

荃灣新開噶泰國餐廳，午餐有lunch set價格基本都係68一個主食+一杯飲品～可能因為新開，店裡食客唔多。落左單之後等左差唔多成半個鐘先上菜（唔知係咪廚房等客人落完單之後先開始切菜煮？🤔）性價比低，味道一般