泰COOL (彌敦道) (已結業)

出色的泰國菜 價錢比較親民貼地 水凖不錯性價比高 👍🏻環境優雅純樸 坐位舒適乾淨食物方面：海南雞真係必食難怪如果下午荼都係同價 雞皮晶瑩通透 肉同皮之間有層啫哩肉質夠滑👍🏻師傅製作好好生熟控制得岩岩好不會過龍同浸左冰水 加埋佢個秘製醬汁 冇得輸。另一個巨型咖哩牛腩包 個包外層夠脆 咖哩汁先糸主角好多層次感 應該用左過十種材料去製作 再加上香茅 夠曬泰式風味 掂👍🏻。跟餐加10蚊可以有兩件生菜包 正常水凖 有小小辣。有機會再去食😋

今日見疫情稍為緩和， 我女朋友再光臨這間分店， 這間分店位處彌敦道一幢商業大廈的一樓， 地方不大， 但還算優雅，中午一點時比較繁忙 ， 還好仍有位置，我們二人都叫了海南雞飯，海南雞很美味， 就算是雞胸肉也很嫩滑，醬汁和飯都很好味， 三間分店當中以這間味道最好，其次是將軍澳分店，以後有機會還會再來。

除左日本之外就好掛住泰國既水上活動同埋野味既泰國菜啦🇹🇭所以就係晚市堂食第一日開返之後黎食呢間良心泰國餐廳啦😋去到book左枱基本上都唔使等位仲要係可以坐卡位 坐得好舒服😌服務態度好好全部都好有禮貌👍🏻🥢泰式炸蝦餅🦐 $78呢個炸蝦餅整得好好食表面炸得好脆入面蝦味亦都好重🍤唔似人地落左好多粉既感覺🥢香葉爆炒肉碎伴生菜包🥙 $78個肉炒得好香而且好入味個肉雖然個味比較濃啲但加埋淡味既生菜就岩岩好🌮菜同肉既份量都好夠唔會話菜太多肉太少🥬🥢無骨鳳爪沙律🐤 $78酸酸辣辣咁超開胃鳳爪好多隻 隻隻都好夠味🦵🏻一舊骨都冇食落啖啖肉好正就咁食隻鳳爪都唔算好辣對於唔食得辣既人岩岩好🌶🥢冬蔭功蝦湯河粉🍜 $68如果兩個人食又唔想飲一個冬蔭功蝦湯咁多可以叫個河粉個冬蔭功湯底唔算好辣 食落好野味🌶個河粉整得好彈牙 唔會煮到太淋好好海鮮份量比較普通🦐🦑🥢芒果沙冰🥤 $38呢個就唔太建議再叫個芒果味好假🥭好明顯係用湯水溝出黎如果咁既價錢建議叫個椰子水會更加好良心小店一間都不能少緊係要多多支持啦👍🏻

上次同家人見油麻地有泰國菜又係黃店就去左幫襯。 其中點左炭燒豬頸肉，點完菜期間去洗手間的期間見到有張檯啲客已經走左，檯面份豬頸肉仲淨低起碼3分2，幾乎冇食過咁濟。個下心唸豬頸肉唔會難食得去邊掛。點知家人一食就話係擺入微波爐加熱的。偏硬又乾 而且擺上檯已經凍凍地 最嚴重都係有腥味。係好腥！希望老細可以改善下啦。😅

💛泰COOL·呢間之前見到有foodie推介話好抵食 所以我就bookmark咗 最驚喜係係app度個價錢都係咁平😍😍所以就即刻嗌咗 佢CP值真係超高 而且我自己覺得都幾好食 係真係抵食夾大件😎·泰式雞肉炒金邊粉$58呢一個我自己幾鍾意 不過佢外賣嚟到始終都係炒野 無可避免有少少糊咗 但係我自己覺得OK嘅😎佢個調味唔錯 唔會話太油得黎 個味道都兜得幾勻 不過啲雞肉就冇話特別嫩啦 但係都OK嘅 而且佢係真係pack到成個盒滿曬😏佢入邊仲有超多櫻花蝦 我自己就因為敏感要慢慢挑翻佢出黎 但係鍾意櫻花蝦嘅朋友應該覺得好正🤣🤣·泰式豬手飯$58呢一個又係超抵食 佢啲豬手係排咗好幾層 而且佢個汁超級送飯🤤🤤個豬手肥瘦比例都OK 豬皮都清得幾乾淨 食落質感唔錯 不過我自己都係鍾意炒金邊粉多啲😈·#rbyeat#rby日本菜#rby💛#rby油麻地 #rby觀塘 #rby將軍澳·📍油麻地彌敦道483-485A號Le Chateau1樓📍觀塘鴻圖道48號新榮大廈1樓📍將軍澳唐俊街21號翩匯坊地下G25號舖

好近公司附近, 又知佢地立場, 但都冇選擇去試, ＿無論如何, 既然立場清晰, 又想試下新野, 縱然對泰國野興趣不大, 但有時間又去一去.- 咖喱牛腩農夫飽我硬覺得佢似"馬來西亞的咖喱"多D, 但反而這令我更歡喜, 因為小時候, 爸媽帶我出去吃的咖喱, 就是這種味道 (個人情意結吧)另外凍飲 奶茶, 哈哈, 正常.LUNCH SET 價格非常吸引, 冇加一, 係凍飲+6元貴一點.

下午茶來了泰cool 在Nathan road 一樓， 可望舒服望到街景。 。疫情期間， 我用了自帶滴露先行清楚餐枱和椅子， 。抺後，紙巾沒留一點灰黃的污漬。 衛生非常好！。下午茶好抵。。 豬頸肉撈檬好夠味。 唔駛額外加調味料。生菜包用料十足。 估唔到下午茶都有得食。。仲有泰式熱奶茶送。。份量， 味道， 選擇用心之作的下午茶！。希望舖頭可以撐落去！

🍞巨型麵包釀咖喱牛腩 $58麵包焗得比較硬，所以俾咖喱汁浸住都唔會太淋。牛腩分量多，唔韌，好惹味。咖喱汁香濃，係屬於椰汁味比較少嘅味道。⠀🍞冬蔭海鮮湯河 $58冬陰功湯超級好飲，食得出佢哋落足香料。配料方面有魷魚，青口，蝦，芽菜同菇，呢個價錢嚟講真係好足料。唔好睇佢又橙又紅咁，其實佢一啲都唔辣，呢間泰國餐廳好適合唔食得辣，但係又想食到泰式美食嘅人去👍🏿👍🏿除咗食物好味之外，環境都唔錯，裝修都好有泰國風味，期待疫情好轉之後再去食過💛

已經開到第三間分店喇！不過新店客人唔多，疫情過後再嚟堂食～ 而家大家就多多支持住外賣先啦！嗰日嗌多左餸，食到超級飽😆我食泰菜必點嘅 🍞蒜蓉包 😆份量都幾多，新鮮熱辣辣，硬身夠香脆👍🏻🥬香葉爆炒肉碎 伴生菜包超多香料夠哂惹味！不過對我黎講有點辣，食得辣嘅朋友話正、惹味！😋🦐鮮蝦炒金邊粉味道good👍🏻 有鑊氣～ 係金邊粉包到有啲痴埋左。味道酸酸甜甜，有好多配料，除左面頭見到隻大蝦之外，仲有都幾多隻蝦喺金邊粉入面！都幾大份架！🐔黃咖哩雞(唔記得左影😅) 鹹左dd, 不過用蒜蓉包點嚟食都acceptable嘅😋

遇著疫情，新開泰cool分店係油麻地都幾無奈。位置算係唔差，如果旅遊係ok。夜晚外賣自折有折，希望頂得住啦。夜晚黎講真係正喎，幾乎都有齊我想食嘅泰式嘢。環境都唔太差，街景有梳化，如果係度食，應該幾好。有下午茶時段咖喱鯖魚，58元，幾好，唔會好辣，魚都煎得唔錯，入到小小，又唔會破壞個魚味，飯仲好多。豬頸肉撈檬，58元，太耐無食豬頸肉，又係我最愛嘅撈檬，好味，豬頸肉即整係脆邊，檬唔算少，都幾多，食得好full。追加左一份魚餅，18元，都幾足料，又香口仲有咖啡奶茶送，奶茶係我想飲到嘅泰式，又唔會好甜。食物即叫即整，掂呀。

店主網上分享，晚市冇人嚟，因此特意來支持，但只能幫襯午市。地點容易搵，亦都位於地鐵站附近，指示牌亦足夠，上到嚟樓面態度親切，遞上餐牌，選擇亦都比我想像的多，價錢抵！跟住上菜速度非常快，份量亦屬於大份，希望附近的朋友多多支持！

油麻地終於多一間黃店選擇啦位置便利，彌敦道近地鐵站。環境舒適，地方又大。午巿11：30開始，食物選擇大眾化。天氣太熱，唔想食粉麵飯，揀左開胃沙律餐。炸蝦餅配無骨鳯爪沙律$46無骨鳯爪沙律酸酸辦辣，開胃又刺激。鳯爪也清理得很乾淨，食得安心。炸蝦餅炸到金黃色，不覺油膩，口感結實彈牙，醮上泰式酸甜醬，非常惹味。$10有兩件生菜包（跟餐價）生菜鮮嫩，肉碎和配料即叫即炒，上卓時還冒著煙。食落short short聲，充滿肉汁，好吃。餐飲：奶茶與茶記奶茶味道不同，沒有了苦澀味。我還是喜歡喝港式奶茶多一點。有蝦餅，生菜包，無骨鳯爪沙律....噗咁多樣野，都係$56，非常抵食。佢話好X鐘意香港，咁我都好鐘意泰cool啊。齊上齊落，大家加油！