津津食店 (已結業)

好耐冇寫過食平, 但為咗呢碗「越式鮮茄牛腩湯檬」,忍唔住要走上嚟寫噃次!今朝返工時已經心思思諗到呢碗「茄腩檬」, 放工返到梅窩立即走去食噃碗!加埋啲辣椒粒同檸檬汁, 個湯底酸酸辣辣勁開胃,啲牛腩又夠晒淋, 檬粉亦爽口少少彈牙, 正呀!!下次入開嚟梅窩既朋友記得要試吓,不過提一提, 呢個「茄腩檬」只喺星期六、日及假期供應架咋~~

星期日限量發售推介:茄腩檬,多蕃茄,牛腩夠淋,可以飲哂個湯蟹茄湯檬,湯底有好多豬骨,仲每碗有隻蟹仔,肉碎,貢丸約$27抵食約朝早9點煲起wo,試過兩點去已經賣哂,但午餐時間好多人,成日食唔到平日(星期一至六):咖哩雞檬,我建議轉河粉,咖哩雞河,津津d咖哩汁好正架,河粉夠入味,索哂d汁順化辣雞檬個湯普通,d雞好老春卷雖然係新鮮炸起,味道普通啦!唔滿意環境,唔好坐,人又嘈無晚市,好似收5p.m左右

九月七日, 又遇上星期日喺梅窩, 晏就一家四口出街食飯,所以又嚟噃呢間《津津食店》, 可以食噃只有星期日或假期先供應既特式湯檬嘛~上次食咗鮮茄蟹檬, 今次食咗辣既「越式順化辣雞檬」先!份量真係幾多, 雖然啲雞肉嚡咗少少, 啲豬紅又怪怪哋咁 (我諗係粉開既),但個湯底真係幾正, $27 咁大碗, 都算抵食呀!媽子今次就食咗個燒鴨飯配凍奶茶 (唔記得 $30 定 $35), 又好似幾正幾大份咁喎~而老豆就食魚蛋米, 咁多料, 都係 $20, 算係咁啦!!本來啲魚蛋冇貨架, 但落單時啱啱返到, 有得食啦!仲有細佬話之前喺屋企食咗個麵, 唔肚餓, 所以叫咗個炸春卷一齊食喎~一碟有六件 (唔記得 $30 定 $35) , 雖然真係幾好食, 即叫即炸, 但想食既朋友記得要一早落單, 因為真係兩次食都等好耐好耐先上菜!!細佬仲叫咗支凍玻璃樽裝好立克, 最後埋單 $132, 都算係咁啦~~ 更詳細資料及圖片請看 : http://hk.myblog.yahoo.com/joycewai616/article?mid=10681

七月二十日, 噚晚喺梅窩瞓咗一晚, 勁舒服, 可能呢度夠靜同多綠色植物啦!晏就兩點, 媽子提意去《津津食店》食晏就飯, 太熱唔煮飯啦!今日係星期日喎! 正! 有蟹茄檬食!!住喺梅窩既人應該都知道呢間食市既蟹茄檬正, 仲要只係星期日先供應架咋!我當然諗都唔駛諗就要呢個招牌菜「越式蟹茄湯檬」($27) 啦!!唔好以為啲餸淨係得蟹肉, 其實仲有勁多料, 有貢丸、豬骨等等, 個湯底仲要係味道適中既茄汁底, 又健康又清新又夠特別, 正呀!! 媽子叫咗個「越式順化辣雞檬」($27), 又係勁多料, 少少辣, 唔錯!!老豆就食「越式鮮茄牛腩檬」($25), 嘩~~~ 都好多餸, 仲有薯仔添! 好吸引呀!我哋仲叫咗個「越式炸春卷」($30), 即叫即炸, 夠熱夠香脆, 好味!! 佢哋真係大大隻字寫明逢星期日先供應架!!另外媽子叫咗支樽裝大可樂, 老豆就叫咗杯熱檸茶, 埋單 $130, 老闆認得我哋係街坊, 仲想收少我哋兩蚊添呀!雖然外表係一間超普通既港式茶餐廳, 但其實佢主要係食越南嘢架!唔敢講佢做得好正宗, 但啲食物都唔錯, 最鍾意佢個「蟹茄檬」, 夠晒創意!!入嚟梅窩玩既朋友, 如果遇啱係星期日,