洪瑞珍 (屯門市廣場1期)

營業中

休息中

每次去台灣都要買一盒洪瑞珍回香港給親朋好友，終於可以在香港食到正貨啦!!!門市位於香港的屯門市廣場1期，好喜歡店內的彩盒牆打卡位呀，適合各位洪瑞珍fans。香港店共有4款經典口味：滿漢、招牌火腿、芒果起司以及原味起司。每款都是以鬆軟吐司配上香濃鮮奶油&秘製的美奶滋製成。仲有火腿、蛋皮、起司等，等了這麼久終於可以試到正品啦。店員介紹了最佳食法是從雪櫃取出後等待10-15mins後食用。正常於0-4度下可以冷藏5日，而購買30分鐘後記得要放入雪櫃。個人最愛芒果起司口味，酸甜可口，不會太油膩。門市每日數量有限，因為他們自設工場製造，有品質保證，如果想吃，可能要早一點排隊呢haha

以前次次去親台灣都會買洪瑞珍嘅三文治而家喺香港都可以買到香港門市啱啱開嘅時候仲排晒長龍都要等一段時間先可以買到但係咁耐冇食排一陣隊都唔緊要啦第一次去當然要買晒佢咁多隻味返嚟試啦而香港店仲有四款經典嘅口味分別係滿漢、招牌火腿、芒果起司、原味起司我自己就最鍾意食滿漢同埋芒果起司三文治食起上嚟有香濃嘅奶油味麵包嘅質地亦都好柔軟味道仲同我喺台灣食嘅一模一樣女仔平時早餐食一件啱啱好但男士們就可能要食兩件先夠就算而家去唔到旅行都可以台灣癮

洪瑞珍三文治🥪相信係好多人一試難忘嘅三文治🥪去台灣必食嘅小食，亦係手信佳品。但而家唔洗飛去台灣都可以食到真正嘅洪瑞珍因為洪瑞珍已經隆重登陸咗香港作為粉絲，必定要去朝聖試食。
洪瑞珍首店已進駐屯門市廣場1期1樓Kiosk 8號舖香港店現售4️⃣款經典超人氣三文治🥪滿漢、招牌火腿、芒果起司、原味起司
🥪滿漢 (火腿＋起司) $22白吐司、牛油、沙律醬、蛋皮、火腿、芝士🥪招牌火腿 $20白吐司、牛油、沙律醬、蛋皮、火腿
🥪芒果起司 $19白吐司、芒果醬、牛油、芝士🥪原味起司 $20白吐司、牛油、沙律醬、蛋皮、芝士口感棉柔鬆軟嘅吐司🍞香濃鮮奶油同家族祖傳秘方美乃滋嘅黃金組合真係食唔停口😋而我最鍾意食嘅係有火腿餡嘅滿漢同招牌火腿三文治
洪瑞珍三文治🥪最佳食法係由雪櫃取出後等10-15分鐘風味係最佳記得購買30分鐘後存放於雪櫃三文治🥪可在0-4度下冷藏5日每日營業時間係11am - 9pm為確保質素，產品當日售完即止所以要提早排隊呀～

洪瑞珍三文治 🥪，我成日都聽到話好好食😋😋😋一直好想揾機會去台灣試下，今次真係好開心終於試到喇🥳🥳🥳勁多人啊！呢個三文治，祖傳秘方美奶滋，配合埋精選用料，真係好正🤤🤤🤤！美奶滋味勁濃郁，食一啖口入面充滿美奶滋味，口感一流啊！4款經典口味：招牌火腿滿漢芒果起司原味起司我就鐘意芒果起司同原味起司，芒果起司有啖啖芒果香，鮮芒果配埋美奶滋味，感覺好清新又係另一感覺

🇼🇸台灣洪瑞珍黎左香港啊🥪-正版洪瑞珍聽日(16/8)終於係香港開幕，係佢哋係香港嘅第一間分店黎架🤩 ！！！唔洗飛去台灣都食到同台灣一樣新鮮一樣品質嘅三文治喇#sohappy💕💖 ！🤩🤩-香港店售賣款式： 🥪滿漢(芝士加火腿)($22）🥪;招牌芝士($20)🥪招牌火腿($20)🥪芒果芝士($19）-依家有開幕優惠🎉🎉🎉，-♥️由16-30/8 每日首50名客人可以享買3送3嘅優惠 --♥️買滿1盒6件裝三文治再送一件指定口味(招牌火腿/芒果起司)

終於有香港第一間分店🤗唔使等飛去台灣至食到啦～黄金組合配料+鬆軟吐司～食完一件又一件～等Be一次過食晒四款經典口味衝擊吓味蕾先😋😋.  #滿漢(火腿 + 起司)$22 #招牌火腿 $20 #芒果起司 $19 #原味起司 $20. 店員俾嘅食用小貼士：★需於領取後30分鐘內存放於雪櫃(0-6度)冷藏★在0-4度下冷藏，可存放5天★食用前於常溫下回溫10-15分鐘

洪瑞珍 HUNG RUI CHEN✨對於鐘意出走既大家，呢個名字一定唔陌生。每逢有過江龍黎到香港開店都一定會引起一場騷動，今次亦都唔例外😋食咗乜：滿漢三明治（火腿+起司）HKD$22😊招牌火腿三明治 HKD$20😊原味起司三明治 HKD$20 😊洪瑞珍獨有嘅面包醬+香濃嘅起司+火腿=完完全全嘅台中味。雖然價錢比台灣貴，但唔洗買機票就有得食，仲有食物安全保證，更可以一解旅行之苦，值得一試！唯一係差左個台灣傳統嘅包裝🙈懷舊控對此表示有d失望芒果起司三明治 HKD$19 😊芒果起司比起以上嘅口味略為失色，厚厚芝士味蓋過左芒果味。雖然芒果果醬略帶果肉，但食落有D似人造嘅味道，扣左少少分‼️TIPS‼️🚌點搭車：巴士🚌：可以乘坐途徑屯門市中心 / 屯門市廣場嘅巴士，一落車就喺商場啦！港鐵🚇：喺屯門站C3出口，沿VCITY天橋行10分鐘就到啦！輕鐵🚃：喺市中心站落車，過天橋行5分鐘就到啦！❄️帶埋保溫袋去買就最穩陣啦🧊官方建議：買完三明治要係30分鐘內放番入雪櫃，食之前20分鐘先拎出黎放係室溫，咁就最正宗啦❗據了解，洪瑞珍會留係屯門市廣場一段時間，掛住台灣既你可以過嚟試試呢份正宗台中味✨

果陣真係一年飛一兩次台灣本身今年3月尾都book好曬酒店可惜……🤧🤧🤧😷😷😷記得有個朋友次次上機前都買勁多洪瑞珍✈✈✈✈✈✈✈但我去咁多次始終一次都未試過😋說來失敗今日入咗屯門睇朋友結婚🎎🎎原來一行入個商場就見到唔買就對唔住自己良心啦芒果芝士好似最特別又最平＄19/份🥭🧀都係果句最鐘意凍食🧀🧀🧀🥭🥭🥭擺入雪櫃一陣先攞出嚟個麵包依鬆軟🍞🍞🍞三層設計令口感更加強啲芝士呀，jam呀唔係以多取勝係真係夠味😋😋😋(芒果jam其實我第一次試，平時食開橙同raspberry ) 一啖就食曬酸，甜，咸三隻味而且唔會overload🤗🤗🤗你問我佢普唔普通的確係普通😅但係味道唔錯＄19呢個價我接受到但真係要剛剛再經過先會再買🤭🤭🤭唔會特登入屯門啦

正牌洪瑞珍終於來到香港了！冒牌洪瑞珍的新聞早段時間鬧得沸沸揚揚，現在正牌來到了，終於有機會嘗試一下了。口味只有四款，分別是滿漢（火腿+起司）、招牌火腿、芒果起司和原味起司，第一次當然要嚐嚐「雙料人氣王」的滿漢。三明治比一般的小，拿上手卻比平常的柔軟。吃起來口感甜甜的，還有淡淡的奶油香味，配料不多，火腿也顯得很薄，四五口口能吃完了。不清楚是不是正宗台灣的口味，但以這個份量的三明治來說，$22這個價格偏貴，嘗試一下還是可以的。

係正版啊正版喎～正版洪瑞珍，終於殺入屯門啦。一直好懷念嘅洪瑞珍終於嚟到香港啦，廠房設係香港，終於無咗運送香港而變壞嘅問題。今日平日晏晝四點幾，基本上唔使排隊就直接買到。四隻味都齊晒，但係我一直鍾情於招牌火腿，口痕痕之下就買咗件試吓，睇下佢同台灣有無分別先招牌火腿三文治 （$20）個味道同我記憶中嘅好相似，係台灣嘅味道啊～其實層沙律醬就係三文治嘅靈魂，真係好好味層醬其實蛋同火腿都係配角，唔好expect係嚟食個餡，因為台灣都係咁我即場買即場食，麵包幾軟熟，我就覺得同台灣唔係好大分別，只係貴咗好多咁啦，咪當買個回憶止下台灣癮咁囉

第一次去到門店就已經賣晒，問店員店員話每日3:30前就會清貨，所以如果要食嘅話呢，最好就係中午時間嚟啦，所以今次我哋3:00去到，成為咗尾二位客人終於成功買到滿漢三文治啦！其實佢哋做緊promotion買六件就送一件,我見到好多人會選擇一次過買咗六件,但係對比去台灣嘅台幣嘅$22/一件,香港嘅港幣$22/一件,我自己就覺得貴咗啲。不過味道都保持倒喺台灣嘅水準,疫情之下冇辦法去台灣,就唯有食一份洪瑞珍三文治🥪嚟解解對台灣嘅思念之情啦。好多人可能唔明份三文治有幾特別,我覺得佢最特別嘅地方係係嗰個醬汁度，軟熟嘅麵包片，塗上一層博博嘅章，加咗火腿芝士同好薄嘅蛋，係別有一番風味㗎，未食過嘅朋友真係要試一次，但係我依然會期待去台灣食台幣$22/一件。

數年前在台北吃過洪瑞珍，奇怪為何平平無奇的方包 + 火腿 + 蛋皮 + 芝士 + 蛋黃醬，如何能幻化成一份奇妙的「滿漢」？ 很高興洪瑞珍來香港開店，更甚者是首間香港店設在屯門。 他們設有工場，相信分店會陸續在各地開設。8月16日屯門店開幕，人龍一直高企，我望見人龍輕嘆，相信熱潮會很快會減退，待不用排隊才買。今天下班經過見仍有三文治，只需數分鐘便買到三件滿漢。吃一口，找不到當年我在台灣吃時的驚喜，落差太大，是我記憶有誤，還是香港生產跟台灣生產是兩種不同的口味？日後我情願到 eggy 買韓式吐司。

🎊香港都有得食喇🤩原裝正版🎀洪瑞珍終於開到嚟香港喇.以前去襯台灣臨上機前返嚟前，一定要買返一打半打，因為勁鍾意食😆😆，今次嚟香港開佢聽到即時心心眼😍前排就去左屯門排隊買返半打返屋企食😍😍大滿足味道同台灣都相似，細細件，一口氣食左2份先足夠🤣.

台灣吃過洪瑞珍的朋友，還是留番疫情之後先再去食吧。香港版本，絶對失去了靈魂-軟綿綿的洪瑞珍麵包。睇下我張相，雖未至於嘉頓方飽(不是説嘉頓難食)，但係絶對唔係台灣洪瑞珍那種綿密香軟。睇嚟香港同台灣買專利時，台灣人留左一手。。。都啱嘅，最好嘅野留番自己

開頭日日排長龍，宜家完全唔洗排。原本諗住無得去旅行，食下洪瑞珍，懷念下台灣嘅味道都好，但……唔係個回事。Size：一去到望到件三文治就發現個size細好多，但好多野黎到香港都會細咗，只要味道ok就得啦。包裝：台灣包裝有兩層，外層白牛油紙，內層透明膠紙，可以打開晒攤平。香港嘅只有一層，但做到佢原本兩層嘅效果，而且整成摺袋形，無得攤平，環保啲，食起上黎都方便啲！味道：麪包：好似比台灣嘅薄啲，濕潤啲，所以一咬落去，塊包就會痴住上顎，勁扣分，仲要啖啖如是🤦🏻‍♀️內餡：芝士同台灣一樣冇乜特別。芒果JAM有少少喚醒到記憶中嘅洪瑞珍😍整體：即使內餡做得唔錯都拯救唔到塊麪包嘅失敗，但一啖咬落去個種層層分明嘅口感係正嘅如果唔係想食返記憶中嘅味道，我應該唔會再買，差唔多價錢去食附近嘅八月堂仲好😋