洪發美食

營業中

休息中

"又"是一個沒飯的下午"又"和同事來到了光煇圍<<洪發>>這次我點了和上次不同的餸菜我要了油麵底 $6麻辣豬耳 $9, 鯪魚球 $5, 豬扒 $8, 蓮藕餅 $6油麵實在是車仔麵的好配搭雖然比粗麵/ 幼麵油了點, 但滑溜溜的, 像吃拉麵一樣麻辣豬耳真的辣啊, 即使浸了湯, 辣味亦不減鯪魚球$5 有五粒, 老闆娘真闊綽, 而且粒粒都有乒乓球大豬扒比女士手掌還要大, 老闆娘細心剪開成幾件, 方便進食蓮藕餅, 上次一試難忘, 所以今次再次encore, 超多的蓮藕真的十分之爽, 正!!

又是一個沒帶午飯的日子和同事來到光煇圍找吃的<<洪發>>店鋪雖然簡陋狹小, 但都出現人龍我們當然要來一試究竟來<<洪發>>點車仔麵是要在店外排隊, 選好麵和餸, 才有得進去坐而他的價錢是逐樣逐樣計的, 非常均真今次我點了(前面) 粗麵底 + 雞翼 + 蓮藕餅 + 麻辣豬耳同事則點了 (後面) 粗麵底 + 咖哩魚蛋 + 九菜餅 + 豬皮 + 生菜老闆娘還細心問我要不要腩汁我當然不客氣的要啊老闆娘執好我的一碗麵另外有姐姐幫我端著麵進店內空位呵呵 ... 真的好服侍我和同事互相夾半蓮藕餅和九菜餅交換食後, 我比較喜歡爽口的蓮藕餅而同事則喜歡較香的九菜餅麻辣豬耳已經浸了在湯一段時間豬耳爽口, 而且仍保持到麻辣口味, 吃得我鼻水直流雞翼滷得很入味, 而且很稔我記得是$5 有兩隻, 很抵呢~~

以前重係葵興住個陣呢度已幫襯起碼6年,,就算已搬咗去葵芳我仍然搭車落去食最近玩吓寫食評所以第1時間推介呢間我好鍾意食既車仔麵檔心水推介;豬手,,魚肉,,豬皮,,餃子,,沙薑雞腳,,最正係魚肉同餃子2樣都唔係雪藏食品係好新鮮餃子自家製餡料足事頭婆好抵食嫁Ｄ餸全部都係大大件,,唔會好似有Ｄ麵檔孤寒到砌到細細粒咁Ｄ餸如果有一Ｄ辣汁加就更好la~~不過佢就無,,但就有自家製沙爹汁同普通來貨辣油家陣重邊有車仔麵檔肯一餸一麵咁買,,就算肯我唸都眼望望但呢度阿事頭婆係無所謂見有Ｄ阿婆婆幫襯一餸一麵=$7元佢肯買不特止重加Ｄ菜送比佢地食呢Ｄ人情味係現在真係好難見到

其實【洪發美食】呢度係賣車仔麵既..平時中午Lunch時間好多人食嫁!好耐先前，食過呢度既西洋菜餃(@ $2)...自此我就念念不忘..因為講真！西洋菜餃唔係響周圍都有得食..全部係阿姐親手包嫁..皮薄之餘..而且多菜少肉就更加難搵～岩晒我..星期六因為返半日～見有時間..於是諗住黎呢度再一次食我最愛既西洋菜餃..點知黎到..個阿姐同我講佢地已經冇賣西洋菜餃好耐..依家轉左白菜餃!白菜餃.....又係罕有作品! 而且出由阿姐手筆~心諗一定唔會差得去邊，於是叫左10蚊淨白菜餃黎試下...一黎到．雖然成碗野除左清湯..就得幾隻餃子~賣相係就係一D都唔吸引...好彩..一咬落去...都仲係以前西洋菜餃既果種感覺~同樣菜多肉少．一咬開即刻見到入面充滿好多白菜仔..如果黎呢度食開車仔面..一定要叫個餃子黎試下,,,真係包你話好食!不過環境你唔可以有咩要求嫁喇..一定要搭台..而且台面好似有層痴立立既油咁??衛生應該唔叫好...但係又見唔到有咩污濁野..眼不見為淨...當中等啦~

呢度最出色的是秘製辣油，同$2一杯的豆漿。無野講，我諗係全港最平。車麵的配料係好多款，例如鹵豆腐，絲瓜都有，係比好多你。