洪祖師

營業中

休息中

嘉義雞肉飯啲肉碎濕濕，啲葱切到又大又細，求其響啲白飯淋上一啲冇味嘅汁，唔多熱，咁就叫嘉義雞肉飯，咩事呀！？雞肉冇雞味可言😓🤢🥲咁樣單價就$45。跟住兩個店員話不如upgrade套餐，有小食一份，加飲品一杯，合共$69，我揀咗花枝丸，薑母茶，omg 得兩粒迷你花枝丸，唯一有正常味道，薑母茶係用啲薑水糖水加熱水。性價比係負分，我一世唔會可幫襯🤮🤢👎👊😾😮‍💨😤

雙拼雞滷飯- 第一拼, 夾埋一件雞件的肉都冇的手撕雞肉- 第二拼, 95%全肥的滷肉- 白飯- 淋了很多不新鮮的油上去的飯, 90%的飯都有油, 有少少油益味- 小食 - 菜, 勁少 (但價值二十多元)- 台式飲品一杯 (味道算正常)五分鐘內就可以食晒D餸這些餸係人食的嗎? D 95%肥肉, 細細粒, 得幾粒, 真係有人會食?即使係雞肉, 味道都唔係好味份量, 味道, 選材都係出左好大問題餸量真係足夠一個成年人所需? 小朋友都唔夠啦本身打開已經覺得好伏, 連鴻福堂果D加 $2換的飯都不如有咩可能 $69一個餐, D餸少到咁定價同設計餐果個人發生咩事? 最後80%都要掉, D飯根本油到唔係人食, 油益味重由領外賣一刻就覺伏，勁少勁輕得一盒仔飯$69？打開就更伏

話說上星期我第一次光顧呢間舖，當時我個人m痛 + 血糖低，喺等外賣期間，突然眼前一片空白，喺間舖暈低咗🙈喺我回復意識嘅時候，已經店員扶咗去張凳度坐，佢地了解我情況之後，遞咗杯暖水，整滷水豆腐俾我食。當時我連拎叉都冇力，女店員見狀就坐咗喺我側邊，好細心地餵我食，又不時幫我抹冷汗。後來我有啲胃口，仲整咗啲滷水雞翼、肉燥飯同熱朱古力。仲叮囑唔好咁快走，繼續坐低休息吓先。後來又同我把脈，擔心我有其他病痛。見我精神好返啲，又分享佢哋平時點樣煮健康嘅早餐，傾閒計。臨走前仲提議可以送我返屋企，但我當時已經完全恢復精神，就回絕咗了。食物不只暖身，更是暖心❤️ 在此再次感謝店員們細心嘅照顧！

洪祖師牛肉面.....在荔枝角地鐵附近開了好耐，今日一試難忘。無下次。湯唔夠熱而且是奇怪的甜。麵分量又少 ......三宝面,七十幾蚊,唔係平。但質素不配這個價格。同區有咁多選擇,它應該留不了多久

今日lunch叫左個  嘉義雞肉飯！拎到返office食啦！成個飯凍架！！外賣係凍呀！！！咩事呀？  我拎果時已經係取餐時間遲左成10分鐘有多架啦，我喺舖頭入面睇住佢慢慢整，仲要個飯係凍嘅雞肉係凍嘅！咩事呀？  好彩我返Office係有微波爐啫！  最後係要我用微波爐叮返熱嚟食囉！買外賣個飯啲雞肉係凍架，好似喺雪櫃攞出嚟咁樣嘅！好笑無？唔會再俾機會哩間舖頭啦，真係越做越差！

荔枝角台式食店臨立，呢間洪祖師見未試過就即管試下。套餐69 蚊包飯、小食、飲品。其實食品唔係好差。不過對比附近兩間台式小店就好差！鹵肉飯似碎肉飯。而且味道不足。附近黑布優勝很多很多。鹵肉大粒。味道剛好，又甜又香。小食叫了鹽酥雞，極咸！唔配白飯跟本吃不下！個飯十分單調。寧願吃d2 place 樓上另一間外賣店。好吃很多，有很多配料。飲品叫了杯凍特濃朱古力。不好喝。似港式茶餐廳朱古力。但明明在吃台式食物。由於性價比極低。所以不建議人吃！另外等候時間也長。但其實無乜人叫外賣。。

洪祖師 (荔枝角)地址：荔枝角長義街10號昌隆工業大廈地下3A1號舖早排經過見新開張就八掛下係D咩黎🙈 點知見到係台灣野 就入去望下 🙈入到去職員好熱心地介紹 肉燥係台灣直送 係點點點🙈聽到直送就買黎試試 由於新店開張成個餐都只係66蚊🙈有大大碗嘅肉燥飯 極大量嘅豬扒 同一杯蜜桃紅茶由於佢地只做外賣 我由買到番屋企嘅路程 再加番到屋企放低野等等都有30分鐘以上 過左甘耐 豬扒keep住個一種脆嘅程度 好似岩岩炸起 重要舊舊都啖啖肉 肉燥飯 又係一個重點 呢碗望落得面個層有肉燥 我話你知甘係錯🙈由面到底都係肉燥 食到最後一啖都係濃濃嘅肉燥 唔會有一啖飯係白飯 重點佢嘅肉燥唔鹹 唔會食完不停飲水

平時經過見到好多人排隊難得星期六經過冇乜人叫咗兩個套餐，同老公食飯類冇試過 試下拌麵個麻醬拌麵，又真係幾好食喎小小麻辣 好正 麵又彈牙👍🏻之前試過只係買佢哋嘅小食都OK單獨買，唔知係咪份量會多啲今次第一次叫套餐既小食好明顯就少咗份量嘅😂溫馨提示，最好喺WhatsApp落單咁就唔需要喺間舖等太耐套餐$69自家麻醬肥牛拌麵x1台灣豆皮蝦卷x1百香果綠茶 走冰走甜x1$69自家麻醬雞肉拌麵x1百香果綠茶 少冰走甜 x1鹽酥雞x1+1份娃娃菜 $28

啲嘢食都OK好味建議大家叫嘢飲嗰陣少冰見佢都裝修咗好耐，見終於裝修完就去試吓，咁我第一次就買咗個肉燥飯套餐，職員嘅態度一般60幾蚊包埋嘢飲同埋小食，試咗覺得啲肉燥同埋嘢飲一般，個鹽酥雞都好味嘅之後第二次就去咗買個紅燒麵，幾好食，不過見到佢整嘢飲係加好多冰，塞滿晒先肯停，其實你加多啲令到可以整多都好正常， 但要適可而止，之後我就再叫咗少冰，點知都係加勁多🫠，仲要個奶茶倒唔滿，返到屋企啲味淡次次買依間都等勁耐，一個鹽酥雞都10幾分鐘以後唔會再喺嗰度買嘢飲，附近間間啲份量多啲仲要平啲，又好飲啲