浪谷 (AIRSIDE)

營業中

休息中

平時成日都會同狗狗去airside行街最鍾意去呢間泰國餐廳食佢係pet friendly👍🏻室內有衝浪可以玩，但要早啲預約我地就多數同狗仔坐係戶外食嘢每次都會叫泰式盧魚好新鮮好鮮甜！！就算平時唔鍾意食魚既人都會鍾意食仲叫咗印尼炒飯有齊泰式串燒、太陽蛋、蝦片炒飯好惹味，味道啱啱好好啱一家大細食兩個人share食都得！推介推介

同事帶我去呢間餐廳，我以為係一間普通嘅泰國餐廳，點知一入到去已經有好大嘅水聲？？？而且有滑浪板？？？再望一望竟然有個人係度滑緊浪！！呢個概念算係幾新穎，暫時喺香港唔常見嘅模式 係一個幾好嘅嘗試佢午餐餐牌 唔包嘢飲 最後嗌咗個泰式炒金邊粉 味道偏甜，可能落咗太多椰糖嘅關係，蝦肉實而彈牙，份量啱女仔食。 整體食物味道不過不失，但係環境就已經好加分！！！！！第一次黎依間餐廳係一個好好嘅體驗，但如果只係計算食物質素嘅話，以呢個價錢嚟講可以有其他嘅選擇😀

平時和屋企人行開Airside見到E間餐廳好靚，走入去望原來係係一間主題餐廳，可以玩滑浪！星期六生日午餐時過來 地方好大walk in都有位！四個人叫了一份二人餐，分量都好足夠！送了甜品🕯️🧁🍓🫐雪糕球米卷組成地🎂當場小朋友就想玩，即刻入會，1800起有四堂！不入會就一堂500 一個鐘！有專業教練教。 教練好有耐心嘅！玩的好開心。室內場地溫度適宜，唔會凍。👍🏻小朋友都可以放心玩呀！另外有年會員折合300/堂 非常適合一家人或朋友一起玩！有三個專業教練。非常低玩！

未去過airside, 咪去下。揀左呢間餐廳，係因為我未見過室內沖浪。一邊食泰菜，一邊望住沖浪小子（疑似教練），一邊身處東南亞裝修既餐廳。食物唔難食，由於成餐返望住沖浪小子同朋友傾計。食左乜唔記得。🤣🤣🤣🏄‍♂️1) 咖喱軟殻蟹🦀️2）pad Thai 泰式炒金邊粉

環境：我坐係個浪谷格離，其實都幾大聲，好似係瀑布下面食飯咁😂 不過環境係好舒適嘅、服務都好好。食物：每一樣嘢都唔會唔好食、亦唔會話特別出色。唔好帶想食泰國菜嘅心情味就OK。 不過，菜式選擇真係唔夠，希望廚師可以努力，放多啲心機落個餐牌度。

位於AIRSIDE商場的浪谷是一間滑浪餐廳，將衝浪的刺激帶到室內， 環境新穎，餐廳最特別之處是有得玩滑浪，可以一邊睇人玩滑浪，一邊進食，又可以坐在外面吹下風，用餐全程都感涼快。這個餐廳樓底甚高，可能因為滑浪🏄的關係。先來個泰式木瓜沙律，木瓜很新鮮，味道帶點酸和有少少清甜，加上辣味，感覺清新。印尼炒飯，炒飯份量好足夠，質感很濕潤，秘制醬汁絕對是未曾嘗試過的味道，鹹中帶甜，夾雜少少雞肉、雞蛋和洋蔥，惹味香口。伴隨炒飯的還有烤雞肉串燒，但媽媽話肉質有一點粗糙。食咗個金邊粉，金邊粉味道尚可以。最後來個Virgin Pina Colada，這款mocktails椰奶味較重，口感軟滑。

最近Airside新開咗個室內衝浪場，連住一間泰菜餐廳，即管一試。餐廳座位好近衝浪區，絕大部份位置都可以無遮擋睇晒人哋衝浪，頭幾分鐘好得意🤪，好快就覺得幾嘈下🤯，水聲大到唔係好聽到隔離位朋友講咩。食物方面，水準以上，有點驚喜。泰式牛肉沙律🥗（$158）份量不少，沙律菜新鮮，醬汁酸辣，牛肉約三成熟嘅粉嫩，入口軟綿綿、少少炭燒味。黃豆醬炒椰菜仔（$128）驚喜在唔係原個椰菜仔上（原個賣相可愛，但我啲牙唔係幾好，覺得少少硬）。佢係碎開一小嚿咁，混合蕃茄、類似蝦米仔嘅脆脆一齊炒，十分香口惹味。青檸辣椒蒸盲鰽魚（$258）條魚新鮮、夠大條厚肉，算對得住價錢。只係火略嫌太猛，好快就煮老了，有啲鞋。另外如果你食辣（ME譚x 2小辣），請大膽加辣🌶️🌶️🌶️，因為原味完全唔辣，調味偏酸。芒果🥭糯米飯（好似$78）唔知係唔係時令問題，芒果唔甜唔香、口感好淋，嚿飯同樣問題，好似一嚿痴笠笠嘅麵團咁，上面嘅椰汁都無味道，不建議叫依道甜品。整體環境舒服闊落，幾有東南亞渡假feel，但室內比較嘈，如果想靜靜哋傾下偈建議坐室外。服務不得不失，叫做合格。

浪谷，位於九龍城啟德協調道2號AIRSIDE 6樓L601號舖。 餐廳是一間滑浪餐廳，將衝浪的刺激帶到室內🥵， 環境新穎，但冷氣不足， 用餐全程都感覺很熱。 主打泰菜， 款式唔算多，晚餐 🍽️～ 泰式牛肉沙律$128、 菠蘿海鮮炒飯$118、 青檸辣椒蒸盲鰽魚$258、 印尼炸鴨腿$208、 泰式大蝦粉絲煲$168、 班蘭椰絲卷$88。 🔸泰式牛肉沙律 ～ 牛肉只有幾片，四個人的話每人只可以分到一口，沙律酸酸甜甜，幾開胃。  🔸菠蘿海鮮炒飯 ～ 味道好一般，賣相亦不算吸引。 🔸青檸辣椒蒸盲鰽魚 ～ 盲鰽魚肉質偏散， 湯底的味道唔夠香濃。 🔸印尼炸鴨腿 ～ 炸得有點乾身， 沒有肉汁的口感。 🔸泰式大蝦粉絲煲 ～ 有兩隻大蝦，但肉質不爽不鮮。 🔸班蘭椰絲卷 ～ 因為當日沒有芒果糯米飯，所以點了椰絲卷。班蘭椰絲卷是傳統的娘惹糕點， 裏面有滿滿的椰絲，味道偏甜。 個人感覺店內裝修環境幾好， 但食物質素有待改善。 🏷️溫馨提示～ 整個用餐體驗均屬個人分享意見， 只作參考😊。

今個星期六約咗朋友去啟德地標商場Airside新開嘅浪谷食東南亞菜。未入餐廳時睇過下餐牌，價錢都唔平，其實都擔心會唔會貨不對版，點知有意外驚喜。一坐低我哋就見到有班人喺室內場玩緊滑水，第一次見係幾特別。不過由於啲水聲都幾大，所以同朋友傾計時都有啲辛苦，有少少美中不足。如果想靜靜地食餐飯，建議可以坐遠離滑浪場或室外嘅地方。食物方面，餐牌上嘅選擇唔算太多，都係大路嘅東南亞菜式，價錢平均一款都要過一百蚊。我哋一行四人，叫咗自家製泰式魚餅（$98）、加多加多印尼什錦沙律（$138）、泰式菠蘿海鮮炒飯（$168）、泰式大蝦炒金邊粉（$128）同埋印尼炒茄子（$118）。可能當日我哋比較早到場食lunch，食物上菜好快，溫度方面仲係熱辣辣。最好味一定係泰式魚餅，質感好軟熟，調味啱啱好，同出面食開乾爭爭嘅唔同。另外，我真心推介大家試下泰式菠蘿海鮮炒飯，飯底夠香，配料亦好多，果仁好鬆脆香口。至於碟茄子，整體個醬汁係幾開胃，但如果茄子再醃得入味啲就更好。今次餐飯比較深刻嘅有兩樣嘢。第一，食物嘅份量其實好大碟，完全唔似好多餐廳價錢高但用啲好細嘅碟上菜，浪谷嘅食物絕對配得起呢個價錢（其實都唔算貴）。第二，侍

室內裝修優雅 仲有真衝浪池🏄🌊户外位置高格調 員工對🐶好Nice🍗👅大力推介🌴泰式牛肉沙律🌴新加坡辣炒軟殼蟹(附炸饅頭👍🏻)🌴泰式大蝦粉絲煲🌟開胃沙律夠驚喜，份量好多，燒牛肉配雜錦沙律菜，加入辣香料汁，味道好特別，燒牛肉半熟充滿燒烤味，多款沙律菜混合，好好的Balance👍🏻幾期待嘅新加坡辣炒軟殼蟹，冇諗過份量有兩大隻炸軟殼蟹，辣醬偏辣但惹味，入邊有洋蔥、蛋等配料，不過最吸引小妹係炸饅頭，比平時紡間食到更香脆，沾辣醬汁食可以減辣之餘仲相當夾，大讚！！！食咗兩道菜已經好飽飽，最後泰式大蝦粉絲煲以迷理砂鍋上菜，煲仔細細好多粉絲，吸晒蝦嘅鮮味，底味仲充滿濃濃胡椒味，越辣越食上癮😋喺新大型商場入面有間高格調PET Friendly餐廳真係好surprise，而且價格唔算好貴，性價比好高，最緊要員工嘅態度真心友善，加分👍🏻👏🏻大力推介🐶友散完步去試下

Airside真係好有心機，引入左浪谷，一個以新穎手法經營既餐廳。  大年初三晚上一於試試佢，入到去侍應邀請我地坐係一個近衝浪場既位置。  點餐用QR Code點，但發現有好多菜式在晚上7點已經售罄，可能係新年既緣故。    有一位衝浪人士係度玩緊，由我地入黎練到我地走都仲玩緊，非常好體力，勁！佢有佢玩，D小朋友就圍住係前面睇，睇到哇哇聲，好搞笑。    蝦醬炒通菜 $108  覺得唔夠熱，整體表現不過不失。    泰式菠蘿海鮮炒飯 $168  海鮮炒飯又係好海鮮，呢個都係全行通病架喇，菠蘿就夠喇既，都係不過不失。  

適逢二月14情人節就算係下晝時間搵一間餐廳坐低都無第一間full左第二間四點last order咗第三間要五點清場第四間打電話問佢有位結果上到去要排隊又唔一早講終於去到6樓隔離一間西餐廳到last order咗好多都準備晚市見呢間環境幾好就試下食物下午晚市前沙律薯條賣相靚，味道唔差叫左2杯mocktail都唔錯最後買單嗰陣快手搣咗張信用卡收據唔記得咗停車要用餐廳職員非常好咁幫我再補印一張食物環境性價比都非常合理室內仲有一個好有趣嘅滑水場又pet friendly 一定會再嚟幫襯！❤️

環境超好！好Chill ❤️因為約左人late lunch，仲有啲時間，入黎飲杯啡先，呢度連啡都好飲！啲Staff好nice! 聽講假日仲有得睇人沖浪！今次未有機會試主菜，下次再試，但好鍾意個環境！

呢一間浪谷係Airside商場新開嘅餐廳，以滑浪為主題，有室外位置同室內位置選擇，坐室內就可以見到人哋喺度滑水。餐廳食物以東南亞菜式為主，食物質素非常高，價錢可接受。豬肉串燒燒得好香，記得一定要趁熱食，好好味！黃豆醬卷心菜即係椰菜仔，出面唔係好多餐廳有，又係好好味！希望keep住有呢個餸新加坡辣軟殼蟹唔算真係好辣，隨菜式仲跟埋一碟饅頭仔，用嚟點醬食非常好味。員工非常友善，有愛心，服務殷勤又細心，當我對菜單有唔明白嘅地方嘅時候，職員都好有耐性好細心咁慢慢解釋俾我聽，知道我哋唔食得辣，上菜嘅時候都會溫馨提示邊啲有辣椒，叫我哋避開就唔會辣。服務一流！天氣唔凍唔熱嘅時候，坐戶外非常舒服，上面嗰層有突出嘅位置，會有少少類似天花嘅物體遮住戶外坐嘅地方，所以就算有少少雨粉應該都唔怕。好開心遇到服務咁好嘅寵物友善餐廳，整晚食飯我哋都食得好開心，希望香港多啲呢類餐廳，所以專登寫呢個食評嚟支持一下