影片
營業時間
今日營業
12:00 - 20:30
星期一至日
12:00 - 20:30
以上資料只供參考, 請與餐廳確認詳情
住西環好幾年了，經常幫襯呢間位於西營盤嘅小店，距離地鐵站只需約3分鐘步程，位處皇后大道西與正街之間，地段熱鬧，四周食肆林立。🍛 主打招牌：去骨海南雞飯｜下午茶套餐CP值高餐廳主打招牌去骨海南雞飯，另外亦有紅燒狀元蹄及紅酒燴牛尾等招牌菜。我自己已經唔止一次幫襯，平日中午會買外賣，出餐速度快，適合趕時間嘅上班族；堂食有時要等位，但輪候都合理。今次就試吓佢哋嘅下午茶套餐，比起全日套餐，份量上可能雞件少一點，不過白飯、湯、配料基本無差，CP值依然好高。🐓 海南雞處理得非常出色雞飯係成個餐嘅靈魂，呢度嘅雞飯香氣十足，採用多種香料調配，唔太油膩，吃落冇味精感；而去骨海南雞嫩滑多汁，有雞味而唔膩，皮薄冇肥，仲有輕微啫喱層，口感好啱我口味。🌶️ 三色醬驚喜加分｜雞飯靈魂伴侶最值得一讚係佢哋嘅三色醬：辣椒醬、薑蓉、甜豉油，每款都極有誠意，食落充滿心機，建議大家可以三色齊齊撈嚟食，味道層次升級！🍚 免費添飯添湯｜用心經營感受得到值得一提係，店家提供免費添湯添飯，感受到係真心做街坊生意，實在值得支持。
繼續閱讀
見到餐廳名已經知道一定係專食海南雞 冇錯！但係除咗海南雞之外，亦都有元蹄飯，四川麻辣雞，同埋紅酒會牛尾飯 今次我就是招牌嘅海南雞飯價錢非常之相宜 $59包海南雞飯同埋元貝冬瓜雞湯海南雞嘅質素好高 啲肉係超級嫩同埋滑 中間仲有少少啫喱添🤭 唔似得之前食過有啲餐廳叫做海南雞，佢好似俾咗隻白切雞我咁😅😅飯係採用油飯 大大碗 一定食得飽總括嚟講性價比非常之高 抵食又好食嘅餐廳之選如果我午餐或者晚餐諗唔到食乜我都會考慮呢間做我嘅飯堂
繼續閱讀
我一直以嚟都好鍾意食雞，幾乎隔日都會食雞嘅😋。 上星期有一次偶然喺第一街發現呢間海南🐥，舖頭位置一啲都唔顯眼，本著對雞的喜愛，即刻入去，發覺店入面環境比較親切，就叫咗個去骨海南雞飯試下。佢地啲海南雞嘅味道真係唔錯👍🏻，啲雞好香、肉好嫩滑、仲有層啫喱添，我好鍾意😊。我一直以為食海南雞飯最主要嘅係雞，估唔到跟餐嘅油飯都可以咁好味，佢算係我食過咁多海南雞嘅油飯入面，排第一🍚嘞！！佢哋嘅飯係金黃色嘅，好似雞蛋炒飯咁嘅樣，睇落已經好好味，飯入邊仲有啲炸乾蔥，聞到香味，味道真係冇得彈🤩餐廳仲有其他的套餐，例如：四川麻辣雞飯、紅燒狀元蹄飯和紅酒燴牛尾飯，下次有機會我都會試下 見到人哋叫咗個元蹄飯，覺得好OK，又想食😅，可惜一次食唔到這麼多啦，下次要再來先得！！仲有、仲有，佢地嘅三色醬真係好正，得閒真係會再來一次👍🏼
繼續閱讀
___________🏖店鋪狀況🏖___________ 海南店鋪細細，大約有十多個座位，員工感覺似是家庭式餐廳，閒話家常。店內食物選擇不多，主打海南雞和另外數款食物。- _____________🍽食物🍽_____________🐤 四川麻辣雞飯 $43推介指數 ■■■□□雞肉部位是近翼的位置，肉質算嫩，雞皮脂肪還可以接受，但不是薄皮的。麻辣醬辣度適中，有麻香味，不過只是輕輕抹過雞皮面，所以兩者沒有話太過融合，而且整碟麻辣雞涼的，新鮮感低。另外，本來以為麻辣雞飯亦會配雞油飯，但可惜原來只是普通的白飯。-🐷 紅燒元蹄飯 $43 推介指數 ■■■□□皮非常Q彈，而且紅燒汁調味適中😊不會過咸，配飯食不錯。可惜肉的部分脂肪偏少，吃上來比較‘’鞋‘’口，有點像吃湯渣的感覺。-________🌶辣椒紙總結📝__________整體：🌶🌶🌶環境：🌶🌶🌶員工：🌶🌶食物：🌶🌶🌶(滿分為五隻🌶)- 總括來說，食物質素不俗，但未必會令🌶📝會再想光顧😂因為好吃的海南雞大有人在，而且整頓飯也沒有甚麼很出眾的記憶點。擺盤賣相一般，感覺有點凋零散亂😳-______________________________ 📍 海南西環西營盤第一街55號地下B號舖是次消費：$43/人-______________________________ #海南雞 #紅燒元蹄 #小店 #隱蔽 #油飯 #第一街 #西營盤美食 #852 #hkfoodlover #hkfoodie #foodiehk #foodie #hkblogger #hk #hkig #hkeat #hkgirl #mschillipaper #為食辣椒紙
繼續閱讀
我係睇OpenRice嘅評價嘅人，冇出過評語，今次出評語，好明顯覺得呢一間餐廳好抵食，而且質素非常好，值得推介。午餐叫咗無骨海南雞飯同埋紅燒狀元蹄，兩個都好嫩滑，好好味，會encore。舖頭冇乜客人，好寧靜，好舒服，門面簡單，但係食物質素很好，同埋環境整潔，店員服務態度良好，值得一試。着校服嘅，或者可以出示學生證嘅，可以送飲品。提提你，舖頭嘅食物冇乜選擇，似乎得四個餸可以揀，要有心理準備，同埋舖頭得幾張枱，人多嘅話，未必啱，不過可以叫外賣。
繼續閱讀