海峰快餐

營業中

休息中

通常星期六我都會買炒米粉 + 三寶回家食，因為真係平靚正！炒米粉：用料真係好足，份量都夠多，仲可以加$5多一罐可樂三寶：蟹柳比較咸，不過真係脆，而炒雲吞以前偏苦，不過呢家已經好左，即使係平平地的食店，服務員都會有笑容，呢間會否成為旁邊馬會的食店呢

之前講過港台車要遲半個鐘先到, 咁同d小朋友買完隔離貢茶, 就被帶到嚟此店買魚蛋我見都有好多人幫襯, 店鋪入面有2個人負責賣食物, 2個人煮食還有1個人洗緊嘢。 d煎釀三宝賣得好快但又refill得好快, 應該好新鮮魚蛋$7 5粒, 算大粒又彈牙腸粉$6 4條, 蒸白腸粉蝦米都無粒就賣$6, 搶呀?????? 腸粉口感硬硬地即係澄麵多過米漿, 唔夠米氣 豉油甜醬辣醬都落得孤寒過人早知買煎釀三宝好過後記: 食完嘢一點半企番係A2出口等, 結果電話響起:「X太, 唔好意思, 導演有d嘢改咗, 我地而家先喺個台出車, 我諗要兩點三先到。」 唔怪得王家衛拍親戲都要拍成幾年......原來如此！

其實我每星期最少都會幫襯<海峰快餐>一次, 主要都係三文治餐同埋炒米粉, 因為味道真係唔錯, 而且價錢又唔貴, 抵食!!! 今日(30/9)係我最後一日係學校工作, 所以早上去0左買個三文治餐食, 因為之後真係冇乜機會再食lu!!! 真的很懷念炒米粉, 吞拿魚治同埋nice nice0既哥哥, 呵呵!!! 1. 吞拿魚治 + 凍奶茶 ($12) ~ 用個透明膠盒入住, 都幾衛生的!!! 吞拿魚治0既吞拿魚0既分量都適中, 當中好似有d 菜粒, 增加了口感, 麵包就普通. 至於凍奶茶就不錯, 夠滑, 有茶味!!!P.s. 積奇祖安 ~ 為食之旅將會在1/10-7/10去0左台灣繼續搵食, 正正正!!!整體評價：價錢合理, 質素不俗!!!

自從上年年尾去到筲簊灣0個邊工作之後, 我又開始去搵下有冇d好食而又抵食0既早餐. 經過一輪試食0既日子後, 我推介以下呢間外賣早餐<海峰快餐>俾大家. 其實如果早餐食三文治或者炒米粉炒麵, 我覺得價錢方面會比較重要, 而質素普通都可以接受. 1. 炒米粉 + 凍檸茶($14) ~ 我都幾鐘意食炒米粉0架, 呢間d米粉唔易散, 入口感覺唔錯. 雖然d配料唔算多(紅籮白絲,洋蔥, 少少火腿絲等), 不過加返少少辣椒醬, 就即刻變得好惹味啦, 哈哈!!! 至於凍檸茶就正常水準啦. 雖然係未通漲前好似係$12, 不過依家加0左$2 都唔係好貴呀, 其實淨係一杯凍檸茶都要$11 -$12啦, 所以呢個套餐真係好抵, 仲有三文治套都係$11, 抵抵抵!!! 至於服務方面: 出餐都幾有效率, 而且門面0既哥哥仔都幾Nice, 因此係我推介俾大家0既原因. 整體評價: 抵食, 早餐之選!!!

早餐10蚊有三文治加飲品真係好抵食,我個人比較喜歡吞拿魚治,味道不錯這裡的店員大都是廿歲左右的年輕人,感覺很有活力,不過他們可能經驗唔夠所以靈活性就差了點,中午的公仔麵餐想由五香肉丁轉做魚旦,那位姐姐仔就立即呆左又話咁實在太複雜唔比轉XDDDDD 另外D炸嘢都幾OK的