海底撈火鍋 (金巴利道)

營業中

休息中

⭐️海底撈火鍋(金巴利道)📍位置:尖沙咀金巴利道26號2樓夜晚想食宵夜而又想打邊爐，一定要去海底撈！因為佢地都開得比較夜，今次黎海底撈叫左個麻辣湯底，同埋花膠雞湯底，另外一格係自制湯底😂 佢個麻辣湯底唔太油，花膠雞都好好飲另外叫左嫩雞，萵筍，蝦滑，魚，響鈴，烏冬，芝士腸同埋另外叫咗一碟炸饅頭，非常香脆好食

早前去銅鑼灣幫男朋友慶祝生日。今次就去尖沙咀幫朋友慶祝生日🤪可惜尖咀呢間既服務冇銅鑼灣咁好，好失望😢星期三book 左7:30,要等到8:00先可以入坐。book 位時有講過可能要等10分鐘，但最後足足等咗半個鐘咁我book位嚟做咩呢？另一個問題係我本身book 左6人。但上到去改5人，6人同5人張枱有分別嗎？點解會係變細枱。之後到叫我地入坐時佢話我地係4人。我即時話5人wo,即刻安排咗大台俾我哋。正常生日係會有裝飾。但我地沒有任何裝飾。咁都算啦，一黎到服務都幾好。有招呼我哋。但開始人多時，唔知係咪唔夠人嘅關係，我哋基本上係冇人理。成枱都係碟要自己執。明白唔夠人自己執唔緊要。食完野起蛋糕。起蛋糕呢度都等咗成15~20分鐘。期間負責幫我哋起蛋糕嘅同事，我見佢走咗去服侍其他客人。個蛋糕拆咗盒之後放咗喺室內暴光左起碼有10分鐘都仲未拎黎。我唔知佢等咩。可能等齊2位同事一齊過黎幫我地慶祝吧。沒有燈牌下完成唱歌慶生環節後。正常應該會有抽獎，但沒有安排。我哋都唔想糾纏落去就埋單走人啦。講真，平日都咁既服務。我食海底撈都係食你服務姐，你連最基本嘢都冇，我唔明你值啲咩咁貴囉。真係香港區同九龍區嘅分別🙄

#92 用家感受，不是打手！Walk In 唔駛等位。8️⃣5️⃣CP值，2023/5/31/Wed/18:00，平日晚餐二人埋單連加一HK$1057，平均每人$528。個人覺得偏貴，但都值嘅，招呼一流，郁吓個頭，就會有人埋嚟，非常好。食物全部感覺新鮮好味。位置一般，唔太易搵，裝修有特色，空間大，坐得非常舒服，會再去，食完記得免費收下甲。8️⃣0️⃣湯底麻辣火鍋+大骨湯火鍋$127，麻辣正，大骨個人唔喜歡。1️⃣0️⃣調味每位$18，正正常常，無乜特別，個人認為不應該收錢。8️⃣0️⃣手切牛小排半份$134，算貴，正常。8️⃣5️⃣精品翼板肉一份$188，個人喜歡，有牛味，好林，後再加半份$94。9️⃣0️⃣鵝腸半份$69，非常正。8️⃣0️⃣黑魚片半份$49，好滑，正。8️⃣0️⃣鴨血半份$29，正但量很少。7️⃣0️⃣十秒牛舌一份$118，一般。7️⃣5️⃣酸梅湯任飲每位$15，正常。8️⃣0️⃣熟食奶酪魚條一份$38，好味。

每次經過海底撈，都會因為長長嘅排隊而放棄。今次朋友話排隊都要食，我地真係排咗個零鐘...不過海之戀分店有兩個好處，一係海之戀多野行，可以一邊行住街，一邊留意個app排隊仲有幾多個位先到；二係海之戀分店門口有位俾人坐住等。門口有個corner 係幫人美甲嘅，估唔到又真係會有人去整。入座後都係叫麻辣湯底同花膠雞湯底，個花膠雞湯好飲，店員服務真係好好，主動問我地要唔要提供小朋友餐具。循例叫好多野食，朋友話油麻地店食物嘅選擇多d，問咗店員又真係間間分店供應嘅菜式都會有少少分別。btw我而家先知佢哋嘅黃喉係豬嘅大動脈定氣管嚟，都幾薄幾爽口。臨尾仲有糖水同雪糕糯米滋食😂第一次幫襯，睇過拉麵舞，聽過so茜茜歌，見識過隔離枱嘅生日慶祝；佢地野食可能唔係最好，但服務係真係做得好體貼。最後店員姐姐仲送咗個夾公仔機玩具俾小朋友，皆大歡喜。

趁著天氣仲未熱，約咗朋友打邊爐，食好耐都無食過嘅海底撈😹海底撈出名服務好，係用餐嘅兩小時內，見到很多人為朋友慶生🙈仲有換臉表演睇🤣$99 半份美國特選肥牛肉質鮮嫩，肉汁豐富，入口即化，配上麻辣湯底就是最佳拍檔🥵$79撈派蝦滑(半)店員非常細心，幫我們分配蝦滑和放到湯底裡。蝦滑口感彈牙，加上麻辣醬汁真的讓人欲罷不能🤪$38 即食奶酪魚條這份小吃很適合拿來解解饞，酥脆的外皮配上軟嫩濃郁的奶酪，口感豐富🤩$38 土豆寬粉寬粉吸收了整個湯底的精華，有飽足感又非常彈牙，是火鍋的必點之選🤓$31 蟹味棒(半)軟嫩的蟹味棒鮮味非常，又很快熟😆$31 芝士海鮮豆腐(半)芝士海鮮豆腐口感滑嫩，味道鮮美，加上鹹香的芝士香氣，凸顯層次豐富😋$19 油麥菜(半)$16 長生菜(半)新鮮的蔬菜，口感清爽，最適合解膩！

食海底撈唯一開心嘅事係佢哋啲工作人員真係好有禮貌，我有個朋友食到黑海，次次去都有折扣，有免費甜品同埋有禮物收。佢哋重會同你整牛肉蕃茄湯俾我哋飲，超級好味！加上如果要去整指甲可以叫服務你熟悉的員工預約，咁就唔洗等咁耐，如果等得太耐你又唔想做，佢哋會俾一張美甲卡俾你，等你下次嚟做！佢哋嘅態度真心無得頂！雖然嘢食係貴啲，但一分錢一分貨，我覺得已經好好味。特別係果個千層肚，相比毛肚，千層肚更勝一籌，好食好多，質量都不一樣，如果食厭毛肚，可以試一下呢個。

疫情期間都黎食過幾次，因為見佢防疫措施做得幾足，食物質素幾好，主要系呢間餐廳員工服務一流，近排聽講堂食放寬左，咁岩經過，就上去試下，門口同事話餐廳依家開翻24小時，食物質素都係同之前一樣，天氣凍，簡直系宵夜首選，以後一定會再經常黎食。

第一次去食海底撈，一開始都以為係普通嘅打邊爐！點知一去到員工好體貼會主動問你需唔需要橡筋！鍾意食辣嘅一定要試吓佢呢一個湯底不過會越煮越辣不得不提個糖水真係MVP

同兩位好朋友一齊去咗打邊爐，本身我唔太想，但有個friend話佢係會員，又在附近工作完，便決定到訪這風聞已久的國內火鍋品牌！本身想預約，但客服在電話告知已Full book，告知6-6:30pm時段應該較易可有walk-in位！我大約6:15pm來到，當時由於朋友未到，而又有限時2小時，我便等friends到齊才安排座位。門口招待的侍應很有禮貌，告知暫時還有位置，我便坐下等待。同時，也看到有修甲/soft gel甲區，侍應也幫我用系統登記。這免費服務原意是讓免郤客人排隊的呆等時間，這樣貼心服務真的值得欣賞，但見應該只有一位修甲師，所以估計大部份客人都要在用膳後才能享用這服務(而我，用膳後都未輪到，便放棄這次體驗lu) ！朋友們終於到了，入座後有位專員會專門服侍，她很有禮分派口罩袋、橡筋(cool頭髲)、濕紙巾等…隨後便詢問我們是否要酸梅湯或柑桔蜜，每位$15，我們都各自要了，但味道真的很難飲，寧願喝可樂，告知後，她便立刻將$15特飲free給我們。落單用ipad，最滿意是可以半份order，那就可以吃到多款食物，如一班朋友各有喜好的，也可以叫半份自私食。我們點了牛、豬、鵪鶉蛋、菜、兒童

海底捞有啥出色的？服务？不好意思，这里没有你想要的服务。当一餐愉快的晚餐来到结尾时，我们于十一点过就主动买单，之后在那里边聊边继续清光锅里的食物。十二点零三分，银发服务员就来提示过了十二点需要离开，我们一行四人即刻已经戴上口罩，准备等一个同性伙伴上完厕所一同离开，而此刻隔壁几桌还在继续进食。一分钟后，银发服务员拿着ipad就回到我们桌用非常不友好的态度叫我们去门口等，感觉意在暗示隔壁几桌即刻停止用餐。我们跟她说等同行者回来就离开，她却一直重复提示我们政府规则而不理会隔壁用餐的顾客。后来我们叫来了黑色广东话一般的值班女经理，态度更为恶劣，在三米外完全忽视她职员的用语及态度，无任何歉意并一再表示政府规则银发服务员无错，想我们即刻去前台等候同行者，此时此刻，隔壁两桌还未放下碗筷。是付了款的就可以赶客了？这是你想在海底捞经历的吗。赶紧别去了，坐等他收山。

一如既往好鍾意打邊爐嘅我 當然抵受不住食海底撈啦 止渴住我想返大陸瘋狂食美食嘅慾望先🤤🤤🤤唔需要多介紹啦一定係會嗌四格湯底 麻辣味野菌味豬骨味同埋蕃茄味都係必食推介嘅湯底！！👍🏻🍲🍲🍲🌶最好嘅就係佢同出面嘅火鍋餐廳比較好少會有得選擇湯底嘅濃郁程度 呢樣真係值得加分加分✔️💯今次我係下午去食佢有午市套餐平均每個套餐$100都唔需要 套餐裏耐有肉類蔬菜咩都有啲再另外單點其他嘢食都已經好夠飽❤️❤️

想食尼間邊爐好耐，終於嚟到。湯底可以選4間格又幾特別食物都唔差最攪笑……如果有朋友生日，餐廳會播生日歌 but 唔係大家聽開果首……感覺自己去左深圳 😂😂總括: 記得要book 位，抵食，選擇多，可以一份半份叫

早咗一個禮拜透過電話book位，慶祝生日。我哋book咗7點，但係7點3先到。門口個侍應好熱烈歡迎我哋，係咁安慰我哋話等多陣啦執緊枱啦就有位啦。我哋想book美甲，但係嗰日已經full左，佢俾咗一張卡片我哋叫我哋下次唔使食都可以去整☺️入到去店員就為我哋送咗一啲生果頭盤，好貼心😝嘢食方面就同大陸差唔多，分量就少啲。不過都食到大陸嘅味道。因為我哋有人生日，佢仲安排咗生日歌播俾我哋聽，因為我哋冇買蛋糕，佢送咗個生日蛋糕同生日禮物俾我個朋友，佢超開心🥳😂不過大家要去食嘅話就早少少去排隊，七點開始超級多人。

第一次食海底撈係係深圳，疫情底下無辦法北上，所以就黎香港分店食，香港分店好似無大陸咁好食今次用餐係因為朋友生日，我地四個人嗌左番茄拼牛油麻辣湯底，呢兩款都係海底撈最出名嘅湯底，番茄湯底非常濃郁，麻辣湯底都好香！必試我地嗌左毛肚、黃候、蝦滑、蟹柳棒、雞胗、鴨血、午餐肉、油條、萵筍、鵪鶉蛋、脆皮腸、日本和牛！其中我最推薦大家試毛肚、蟹柳、脆皮腸、鴨血同埋日本和牛。日本和牛超級嫩！真係可以話係入口即溶！值得一試！鴨血都非常唔錯，係比較脆嘅口感！個人十分鍾意！

喺香港開設嘅海底撈一直未有機會食，呢排忙完終於都搵到時間約埋朋友一齊去尖沙咀試。整體服務、食物、湯底同大陸海底撈嘅大同小異，仲可以預約‘單色指甲服務’，係等位嘅時間可以體驗下。入到去餐廳會見到食物區擺咗一啲生果，例如西瓜等，仲有醬料供客人自行拎取。火鍋爐有四格，可以因應價錢揀選兩個湯底，今次特別係揀咗蕃茄湯同埋菇湯，菇湯滾起左嘅時候一定要飲嚟試吓，你會飲到香濃嘅菇味，非常有驚喜，而且會愛上佢嘅味道。食材方面，牛肉質素尚可，配菜與其他火鍋店嘅類別差唔多，只需要揀返自己鍾意食嘅就可以啦🥰。仲有一定要叫海底撈嘅手打麵，因為有師傅會即將喺客人面前表現拉麵。