海底撈火鍋 (海之戀商場)

營業中

休息中

收工收得晏 好想打邊爐…醒起海底撈營業時間較長 服務周到 就同啲同事嚟食晚飯點咗四格火鍋湯底 有辣有唔辣任君選擇🤣-清油冇渣麻辣 👈🏽可能因為冇渣 加咗辣都唔辣-大骨湯火鍋 👈🏽無乜特別驚喜-老壇酸菜 👈🏽呢個第一次食 勁多酸菜-清水-10秒腐竹 真係唔可以滾得耐 有名你叫10秒腐竹口感滑溜 入口即溶-清筍 冇渣 碧綠爽脆-鴨血必須配埋呢三寶👉🏽辣粉 花生 芝麻-烏冬原來而家無咗拉麵嗌 無拉麵表演睇💔唯有叫個烏冬 填補返心靈上嘅空虛-精品翼板肉 -四川酥肉 酥肉多汁 好惹味 炸得啱啱好 前後叫咗兩碟-紅糖糍粑口感軟糯煙韌 尾聲唔少得甜品作總結

海底撈係我最愛的打邊爐餐廳之一，由服務到食物都是我喜歡的。我首先他的麻辣湯底麻香和辣到恰到好處，兩者平衡得很好。叫了些牛肉和丸類，牛柏葉，還有最愛的鴨血，鴨血都幾滑身和入味。服務上，見你有小朋友，會送你一份兒童餐，入面有一個包和一些生果，仲有一個企鵝的玩具，我小朋友超喜歡。出面自助的小食和水果都好好食很新鮮。他的會員制有幾抵玩的，基本上吃完一餐後，第二餐就換到份小食，很吸引再次光臨。

今日黎到海之戀試一試個海底撈，之前都有食開個茄牛粉杯面都非常正，所以今次入去試試。下午4點30分左右到達，人流不多都可以叫直入。坐好後點左個番茄湯併豬骨湯，點左碟牛肉，味道不太突出都係食開既一般咁，不過黎到都知主菜係個湯底，番茄味道濃郁有厚厚既番茄蓉填滿每一個味蕾，活蝦同蝦滑非常彈牙爽口，員工還有提供剝蝦殼服務，芝士牛肉丸爽口同有濃厚的牛肉味，雞片切到薄薄放入鍋內很短時間已經可以食而且滑得黎沒有一點渣，最值得推介火鍋寬粉，軟綿綿吸收晒番茄湯既精華，最後也推介醃蘿蔔可以清清味蕾。3人埋單750左右，都可以說物有所值的，期待下次再來。

平均每一個月最少都會嚟一次海底撈打邊爐最鍾意就係佢嗰個蕃茄湯底🍅另外就係麻辣燙🌶湯底 今日嚟呢度係食宵夜所以份量都冇咁多 嗌咗安格斯牛肉 魚塊 蟹柳 鵪鶉蛋 芋絲 響鈴 當然最唔少得嘅梗係招牌嘅芝士牛丸🤤🤤🤤呢個真係每一次都必嗌 嗌得蕃茄湯🍅又點少得嗌多一碗白飯🍚因為我真係好鍾意食飯撈湯🤣🤣再加多舊牛肉 簡直係完美嘅蕃茄牛肉湯飯😍😍最近仲新出左個炸鮮奶🥛味道都唔錯 好酥脆不過掛住食都係冇影到相🫢🫢🤣🤣

之前停咗幾個月冇得出去食飯，亦都可以話唔敢出去食啦，呢排所有嘢都放寬咗亦都緩和咗少少，尋晚慶祝母親節，一家人就去咗荃灣海之戀行街，我哋4:30去海底路攞飛，其實真係好誇張門口已經坐滿晒人，不過知道母親節正日一定多人㗎啦，但係又好想食個喎，等到六點終於有得食啦，限時兩個鐘，感覺合理，最鍾意食佢嘅鴨血，精品牛肉，同埋好鍾意食佢小食吧！糖水熱辣辣，仲有南瓜粥，不過今日就冇魚皮小食，但係好似海帶嗰啲我都好鍾意，整體好滿足😃

出名服務態度好、食得舒服嘅海底撈。每次經過荃灣海之戀分店都見到好多人排隊。由於疫情關係，今日終於唔使排隊。叫咗個午餐。揀咗老壇酸菜鍋同清油唔渣麻辣鍋。清油無渣麻辣鍋係每次都必食嘅湯底之一。不過下次會點返有渣，因為有渣比較濃味啲冇渣比較淡。老壇酸菜鍋好有驚喜嘅一個湯底，真係好似食緊酸菜魚咁。所有配料扔落去煮，煮完都會有一浸濃烈嘅酸菜味。下次會叫埋魚一齊煮就可以係打邊爐嘅同時又可以食到酸菜魚套餐包括：肥牛、白飯、拼盤而另一份套餐就揀咗：羊肉、白飯、拼盤每份拼盤入面嘅材料都唔同。可以揀返自己鍾意食嘅拼盤。肉嘅味道不過不失。芝士手打牛肉丸$88寫住手打牛肉遠但係食落去唔覺得係手打，同我哋期待中嘅不一樣，似係溝咗好多雜質嘅牛肉丸，雖然味道都OK，咬落去有芝士餡。但其實係普通嘅芝士牛肉丸唔應該叫手打牛肉丸半份響鈴卷$17響鈴好新鮮夠脆最後encore叫多半份！另外小食區種類不多，但味道都幾好。雪耳糖水麻麻哋小米粥幾好味自助區水果有哈密瓜同橙選擇食到最尾服務員會送兩粒維基記糯米糍由始至終服務員都冇特別提供良好的服務，對比之前喺廣州同深圳提供的服務差好遠。再加上自助式落單，全程都唔使點同服務員接觸，就

係荃灣想打邊爐，又唔洗趕時間，諗黎諗去都係黎左海底撈疫情時間唔比食夜晚，唯有中午來啦，唔駛等位，一來就入得入座有服務員黎介紹自己同介紹鍋底食物。建議我地嗌四宮格，揀兩格湯底都夠食，揀左蕃茄湯底及麻辣。嗌左2個套餐：沙巴魚，連拼盤：冬瓜、蘿蔔、冰豆腐、大白菜同午餐肉，撈麵，$66好抵食！另一個肥牛套餐，連拼盤沙巴魚片好滑，而且都好厚肉午餐肉依舊係打邊爐必備肥牛就正常另外出面仲有好多小食及醬料攞，真係滿載而歸

冬至打算同家人去食野，呢排天氣凍決定食火鍋。打電話到海底撈訂坐，只能訂到5：00 pm的時間，好在太太冬至收四點，收工趕到時間岩岩好。需然知道海底撈服務好好，帶BB去應該有玩具送。但收到玩具時都有驚喜，唔知係咪個仔可愛，今次收到兩份玩具，一個玩具飛機同搖鼓。全程飲食都有人跟進，加飲品同落墨魚滑都有人幫，又會同個仔玩下，。而味道方面都十分滿意，生蠔好大隻新鮮，牛小排好香牛味，係新鮮牛肉，雞肉同滑牛調味都唔錯又滑。美中不足係響鈴應該唔係即炸，唔夠香脆。最後埋單四個人食一千八百幾，價錢唔平，但服務同食物質素都好，都算係物有所值。

海底撈食過好多次，以往黎食，最大賣點，係佢親切到有點離譜既好服務。但今次再食，發現呢個賣點越黎越賣唔到點了。打邊爐時，仍舊可book 修甲。整體侍應數目減少得太多，無法做到以前體貼入微般只坐著，就會幫你弄好所有食材，杯永遠都是裝滿飲料的。現在只是比普通店舖好少少既服務。食物方面，用ipad點菜，可點半份呢啲都幾好，但食品種類不夠多，但味道都keep到水準。蝦滑墨魚滑是推介的。最後，還好有小朋友，會送一份蒸熊仔包，還是很貼心的。

第一次食海底撈聽聞服務好味道好，一次試試佢，前一日打嚟訂座都有位，中午準時去到，見到無乜人。我地個侍應叫小林，係幾有禮貌，好用心服務，見到我大肚仲送左禮物比我地，係一對鞋仔同埋D零食，都幾好。湯底我揀左麻辣、酸菜、蕃茄同清湯，用來煮麵（我嗌左寬粉條同麵）好好食，但我覺得其他食物質素真係唔得啦，芝士腸居然係雜嘜牌，唔係金妹牌，好難食，牛肉丸咬落都係粉，唔係潮州牛丸，係得炸魚皮好少少，最滿意居然係呢樣。至於牛肉同豬肉，質素都係不過不失，響鈴係最普通街市都買到一PACK PACK嗰種，其實同D任食質素差唔多，不過價錢就收你貴好多，埋單$647。我覺得要揀服務既話可以去，因為真係令我覺得好舒服，侍應不斷幫手FILL 湯底、FILL 野飲咁，但要好食呢，就唔使去啦。

星期六晚六點半嚟到門口, 已經見到好長龍排隊, 慶幸等45分鐘已經有位了, 真係好好彩! 今晚我哋叫咗個蕃茄同麻辣湯底, 蕃茄湯底唔算好濃味，麻辣湯底亦都唔夠勁。。 食材方面，叫咗肥牛， 魚， 魚皮餃， 老油條，炸魚皮等等，食物樣樣都好新鮮 ，值得一讚， 但炸魚皮比較厚，唔夠脆，另外有好多食物比較出面少見的都可以係到食到！！最欣賞就係份量可以叫半份，啱曬兩小口去出街打邊爐，飲品畀15蚊可以任飲酸梅湯同青檸柑桔飲！ 另外有 生果 同冷盤可以任食！ 幫手負責我哋嘅男服務員非常好，我哋一有唔明嘅嘢即刻幫手解決，亦有安排唱生日歌兼仲有份小禮物畀小朋友！ 埋單 1300蚊， 四個大人一位小朋友， 價錢正常但係 個人認為又未必去等咁耐去食海底撈， 因為打邊爐實在太多選擇了！

🥱🥱🥱🥱一大班人等左2個鐘以上，話轉頭就有位，一轉又等左35分鐘，一拖再拖，一係話抹枱，一係話埋緊單，大佬丫，冇位就早講丫，大嘅唔食，細嘅都要食，食餐飯要等甘耐，真係有甘嘅必要嗎？根住最後勉強俾張枱我，又話俾俾88折，結果埋單，當然一蚊都冇減😠😠😠😠。我真係好失望……冇下次😡😡😡

七個人去，到有位時話如果想一齊坐，就多等15分鐘，結果一等就30分鐘，吾緊要！入到去原因仲要系分開坐，同佢理論完一陣，原本另外有張大枱嘅，佢就話只可坐6人 ，所以不能給我們好！都算，佢話表示歉意，會全單88折比我地！結果埋單時，我問左佢兩次，系米已經88折，佢避開我嘅問題，話只有食物可以88折，其他的都是正價⋯⋯結果第二日我再睇返張單，發現所有食物根本就係原價全單加埋就係我比嘅價錢，，，扒街！以後都吾會再幫襯！寧願遲d返大陸食，都吾會再系香港食垃圾海底撈！

喺大陸就食得多海底撈，香港真係第一次！今次嗌左四宮格湯底😆👉🏻蕃茄味👉🏻清油無渣麻辣味👉🏻菌湯味👉🏻清水 (因為怕麻辣太辣，可以過去沖沖水😂)一如以往我都係最鍾意蕃茄味，因為真係好濃同埋會令到啲食物好入味！菌湯味我就覺得麻麻地，個湯得兩片菇仔咁但又好有菇味(但又有好多味精味咁)我地嗌左蟹味棒、炸魚皮、土豆、寬粉、筍、豆苗、豆皮etc. 全部嘅質素都好好~加十五蚊可以任飲柑桔水同酸梅湯，個人覺得酸梅湯好飲好多，柑桔水好淡🤣不過我覺得無論大陸定香港，個服務態度都真係好好。Serve我地張枱果個男仔好細心，會幫我地拎下水果、拎扎頭橡筋、留意整甲既編號、又得閒整碗蕃茄湯俾我地飲下咁😆 整體都覺得幾好食，坐得幾舒服😄

去開荃灣剛好遇着落大雨，就提早帶倆老去海底撈食午餐先，本意為會坐得舒服啲，服務好啲。點知去到才發現窗口位區域被封了，門口姐姐話此區只供晚餐開放…..暈（但入内只見員工在此休息)入內後發現四座位卡位超窄坐得一啲都唔舒服，哥哥仔話佢哋係香港最細嘅分店…好老實咁。點餐又唔比午市套餐餐牌，之後這位哥哥仔點完餐仲無再出現過，(係無人再服務過我們這張枱)全程無人主動問我們要唔要圍裙丶無手機透明袋、無濕紙巾丶無加過水….更加無比任何配合食物的配料（例：鴨血配乾辣椒粉，前菜…..)雖然依啲嘢唔係奉旨要比，但係感覺去得海底撈一定係服務重要過食物質素，總會有啲細心服務比你有賓至如歸的感覺架嘛有一刻冷漠到我覺得自已去咗茶記😅，所以以海底撈嘅品牌我給差評。