海悠

營業中

休息中

觀塘熟食市場「海悠」非常幾人氣，日日午市晚市超爆場，相信好多朋友都食過，本來由三個舖位而家擴充到七個，遲啲唔知會唔會成層都係佢，已經食過好幾次，最愛當然係佢嘅炸子雞，最近腦細仲推出咗超特價海鮮，超巨型開邊龍蝦只係由 $68 起一隻，其他地方真係用呢個價錢絕對食唔到咁高質素，咁抵食我相信又會引起一輪排隊熱潮👍👍今日同朋友嚟食晚飯，除咗一早訂咗炸子雞之外，就來一場龍蝦、瀨尿蝦大放題，仲有發掘到一道菜，我認為係港女必食嘅「避風塘瀨尿蝦」有咩咁特別？就係幫你剝埋殼，完全唔需要動用到你雙玉手，我哋又點可以唔食😂😂▪️避風塘AAA級瀨尿蝦 （港女系列）一份一共有12件瀨尿蝦，已經幫你剝晒殼，你話有幾正，瀨尿蝦大大隻入口啖啖肉，而且用避風塘爆炒超級惹味，身為正宗老港女嘅我表示非常喜歡▪️椒鹽龍蝦▪️蒜蓉粉絲蒸龍蝦 ▪️蒜蓉粉絲蒸龍蝦加脆米我哋兩個女人總共食咗四份龍蝦，真係唔知以為黎食放題，抵食到咁梗係要食返夠本，三款口味各有特色，首先係龍蝦用上澳洲南澳龍蝦，肉質超級新鮮彈牙，椒鹽口味超惹味，蒜蓉粉絲清蒸夠晒鮮味，加咗脆米口感就更豐富，總之全部都正🦞▪️原隻AAA級椒鹽瀨尿蝦食完成碟瀨尿蝦都係唔夠喉，再整多一隻

海悠 @hoiyou_food 📍：觀塘駿業街67號駿業熟食市場1樓52-53, 56號舖🚗：觀塘地鐵出口 步行8分鐘📞：+852 9847-9707💲：~HKD40-70/head for lunch Food quality✔️：炸子雞半隻、秘製蟹黃醬海皇炒飯、川味魚香茄子炆鴛鴦米、黑松露鮑螺片炒飯總結：😋熟食🍲市場馳名炸子雞 非常有鑊氣同埋好抵食 但繁忙時段非常爆場 建議非peak嚟就唔需要等咁耐😋完全冇諗過熟食中心都有咁高質素嘅炸子雞 表皮脆 雞又嫩 $73only仲要大份 果然係招牌👍🏼😋佢啲炒飯都係超有鑊氣 蟹黃醬海皇炒飯同黑松露鮑螺片炒飯都好食 同埋炒到好乾身 粒粒分明 正🤤😋炆鴛鴦米都係足料好豐富好食😨趕時間嘅朋友就唔好繁忙時段嚟 喺區內都好出名但管理有改善空間 首先book咗位準時去到發現冇位 所以都係等咗10分鐘🥲😨然後點完菜 又要等15分鐘先上菜 尤其係碟海皇炒飯等咗30分鐘先上 同事搭正要返office 好彩我食得快😪😨因為係熟食中心 所以衛生有待改善 如果坐正房都好啲 當日被安排坐側房坐得超逼

.🦐✨【觀塘街市隱世神店！黑松露控+海鮮迷必掃】✨🍳 今日同阿哥阿妹殺入觀塘熟食市場 全場一致通過👨👧👧呢間係街市MVP‼️ 連阿媽都話要encore嘅平民盛宴🤤 💥必食1號選手💥 【黑松露核彈級滑蛋蝦仁】🍳💣 一上枱就聞到松露香攻鼻🖤 滑蛋嫩到識震顫下～😱 蝦仁大隻過手指公👌 咬落”啵“聲彈牙！ 🦀💛 邪惡度爆錶 💛🦀 【蟹黃醬海皇炒飯】 望落成盤金磚咁閃✨ 勁多蟹籽卜卜脆 每粒飯都被蟹黃醬痴住😍 鮮味直衝天靈蓋💥 🔥🐉 海鮮佬都嚇親 🔥🐉 【清蒸3A瀨尿蝦】 手臂咁長嘅瀨尿蝦‼️ 蒸得啱啱好⏳ 一掰開爆膏💥 啖啖肉鮮到彈起身💦 📍 觀塘熟食中心1樓🚇 觀塘站B出口行5分鐘

喺OpenRice見到其他人啲相有勁大隻瀨尿蝦好奇心令到我約埋朋友一齊去幫襯呢一間舖頭我哋食early dinner大概5:00左右到成個熟食市場都好似未開門咁好彩呢一間舖頭有開門我哋叫咗幾款signature dish 清蒸三A瀨尿蝦，真係好似其他人啲圖片咁大隻，大過隻手掌好多，剝啲肉出嚟嘅時候超級治癒，肉係好彈牙海膽海皇炒飯，呢款飯超級香，佢仲有好多海鮮喺入邊，好似蝦仁帶子等等，性價比超級高蒜蓉粉絲蒸龍蝦半隻，龍蝦都比我想像之中大隻，非常之鮮甜黑松露滑蛋炒蝦仁，一定要配個白飯，啲蛋超級滑，加埋黑松露係好香 。呢間舖頭性價比真係超高，未試過咁平食咁新鮮嘅海鮮

炸子雞 4/5平靚正 皮脆肉嫩 份量足咸蛋醬炒脆肉瓜 3.5/5掛汁掛得幾好 食落去唔咸 反而有啲甜味剝殼椒鹽瀨尿蝦 1.5/5叫中辣無辣味 同埋唔太夠蒜蓉再睇埋啲椒就知用錯咗椒失敗嘅菜式令間鋪大打折扣服務 3/5 可以嘅話啲冷氣較細啲 或者加擋版啲食物好快涼晒 同埋人地落咗啲汽水/膠盒就俾客喇可以等咗成半粒鐘先到結論：真係唔好聽啲KOL/Media吹到幾好 真係得個炸子雞做得Okay其他真係好有改進空間特別係貴價嘅菜式作為顧客當然更加期待整得好但換來嘅竟然係伏

觀塘區勁多唔同類別嘅食肆，但係講到美食，就要行番去商業區果邊先搵到。响觀塘嘅熟食巿場就可以搵到五星級嘅美食。長假期約家人出嚟食lunch，我地去咗海悠食，呢間店由一個年青人經營，黎過好幾次，今次趁人多，食啲我一直都好想食嘅菜式。桂花蟹肉炒粉絲 $58可以食得出鑊氣嘅炒粉絲，調味剛好，蟹肉嘅份量都夠多，但唔知點解我覺得啲蟹肉有啲似瀨尿蝦。開心果脆脆蝦球 $158（新菜式）新推出嘅菜式，作為開心果控我一定唔會放過。呢道絕對有驚喜嘅菜式，估唔到蝦同開心果醬可以配答埋一齊，而且味道係咁出色，好值得試！新鮮長腳蟹腳蝦湯海皇燴飯 $298呢個係我一直都好想食嘅菜式，人少嘅話係食唔哂，份量都幾多，佢烚得乾濕程度岩岩好，啖啖蟹肉，呢個都係其中一個必食嘅菜式，雖然貴咗啲，但值得！芝心咕嚕肉 $128一如既往既好食，佢個醬汁唔係一般嘅「橙色」嘅汁，味道似有山渣加士多啤梨調出嚟嘅汁，非常惹味同開胃。今次伴菜有桃肉，幾特別；豬肉好淋同中間加上極邪惡嘅芝士，呢個係我食過最好食嘅咕嚕肉，真心值得試！蜜椒脆鱔球 $188家人鍾意食鱔，但我就一般般，但我竟然都食唔少，同埋炸得夠脆，連啲細骨都可以食埋，蜜椒好惹味，估唔

夠鑊氣中菜1️⃣炸子雞半隻外皮脆,雞肉好嫩滑,配上酸甜醬,餸飯一流.💰HKD$682️⃣瀨尿蝦超級大隻,蝦肉彈牙夠嫩,非常新鮮,價錢合理💰HKD$983️⃣秘製蟹黃醬海皇炒飯好多蟹黃,飯炒得好香,入面有翠玉瓜,帶子,魷魚.份量十足.多到食唔哂.💰HKD$584️⃣黑松露滑蛋炒蝦仁十分驚喜,蛋非常嫩滑,好香濃黑松露味,有蝦同蟹柳,配埋個炒飯食岩哂.💰HKD$585️⃣蒜蓉粉絲蒸龍蝦龍蝦新鮮彈牙,蒜蓉粉絲好夠味💰HKD$68餐廳位於熟食中心,難得星期日都開門.依個價錢食到咁多海鮮真係好值,份量又多

位於觀塘駿業熟食市場的「海悠」於網上大獲好評，今天跟媽媽前來朝聖，小菜款式種類多元，海鮮選擇豐富，半隻西澳龍蝦及半臂長的原隻清蒸瀨尿蝦只需 $68，非常超值-🔹蒜蓉粉絲蒸龍蝦 (半隻) $68選用西澳龍蝦，新鮮度高難以離殼，蝦身飽滿厚肉又雪白，汁多且鮮美彈牙，配搭蒜蓉粉絲滋味滿分-🔹3a 椒鹽瀨尿蝦 $98接近半臂的長度，味道清甜富鹹鮮味道，口感飽滿濕潤，軟嫩爽彈，加入適量椒鹽有提鮮作用-🔹黑松露滑蛋炒蝦仁 $58配米粉 +$8雞蛋嫩滑多汁且蛋香濃郁，蝦仁爽嫩有鮮味，加上嫩滑蟹柳令口感層次更豐富；米粉配上龍蝦清湯，口感爽滑輕盈-🔹秘製蟹黃醬海皇炒飯 材料有蟹黃、蝦肉、柱貝、魷魚、雞蛋及翠玉瓜等；滑順細膩的蟹黃鹹香豐富，米飯粒粒分明又乾爽，加上鮮爽的蝦肉、柱貝、魷魚及香滑嫩蛋及翠玉瓜，能果腹又美味

星期六等小朋友上興趣班，去駿業街熟食中心覓食，試咗呢間人氣粵菜小店「 海悠🥢」，果然聞名不如見面. ⭐️秘製蟹黃醬海鮮炒飯 這道炒飯的蟹黃醬味道濃郁，米飯粒粒分明，炒得夠乾身唔油膩，搭配魷魚、蝦等海鮮，讓每一口都充滿海鮮味，十分美味。⭐️炸子雞（半隻）雞肉外皮香脆，內裡鮮嫩多汁，油香飽滿，唔怪之得係招牌菜式啦. ⭐️椒鹽瀨尿蝦椒鹽味香噴噴，瀨尿蝦大大隻，蝦肉飽滿彈牙，必點之選. 想食好味嘅粵菜同海鮮，真係唔好錯過啦.

星期日的熟食中心十分冷清，好多店都冇開，朋友話想試呢間，仲難得星期日都開，即約埋其他朋友一齊試試！現場用QR code下單，樓面冇乜裝修，亦預咗冇乜服務提供！四人叫了一個金銀蛋菜心、一隻炸子雞（當中包兩碗米粉及一碗飯）、椒鹽鮮魷同一個黑松露鮑片炒飯及3支水，埋單齊頭400蚊冇加一。炸子雞好食，炒飯$40蚊非常超值，鮮魷個粉漿較厚，整體食物好味，價值超值，份量亦好大，有大食男在都食唔晒啲嘢！見隔離枱點了瀨尿蝦，超大隻，但原來已賣晒，下次再試

最近好多朋友介紹呢間喺觀塘熟食市場嘅餐廳，本身有少少抗拒熟食市場，因為怕好污糟，但係今日嚟到先知原來呢度好乾淨。呢個熟食市場有好多唔同嘅餐廳，而呢間餐廳就有幾個舖位，朋友五點幾放工，佢哋咁啱落場時間完咗，已經好多客人啦。朋友就話呢度嘅黑松露炒蛋係最好食，咁就一於嚟試吓啦。然後見到隔籬枱嘅瀨尿蝦超大隻，咁就梗係叫咗三隻嚟試啦，一上枱見到真係好誇張，瀨尿蝦又手臂咁大，而且蝦肉好嫩滑彈牙，一食就知係新鮮嘅瀨尿蝦。新鮮嘅瀨尿蝦唔使用任何椒鹽，清蒸已經好好食。另外仲叫咗呢個蟹黃炒飯，佢俾咗好多蟹黃，而且炒飯炒得好乾身，兩個加埋真係好夾。本身以為咁大碟飯會好飽，但係完全唔會，佢嘅蟹黃令人越食越開胃。呢個金沙椰菜花都好出色，本身唔係好鍾意食鹹蛋黃，但係佢嘅鹹蛋味唔會好濃，襯埋椰菜花好送飯。呢間餐廳又平又抵食，而且份量真係好多，非常推薦大家嚟試吓同埋一定要試賴尿蝦啊。

一直都聽過人介紹呢間位於觀塘熟食中心既餐廳 今次趁星期六晏晝就過嚟試試🤪 佢哋係一樓有幾個舖位 座位都多👍🏻✿ 蟹黃醬冬陰功海皇炒飯 ($98)炒飯用上秘製蟹黃醬 鹹香味十足 亦唔會好油膩炒飯炒得粒粒分明 配料有魷魚粒 蝦 帶子等等 好豐富🍚✿ 炸子雞半隻($68)必試炸子雞🔥🔥🔥真係超高質 雞皮炸得金黃香脆 雞肉嫩滑得黎仲好多汁份量都好多好抵食 簡直係物超所值💯✿ 蒜蓉粉絲蒸龍蝦半隻($68)龍蝦肉質爽口彈牙 好新鮮！🦐蒜蓉粉絲都好惹味 索晒啲汁😋✿ 脆米金沙炒翠玉瓜($98)雖然成碟只係得翠玉瓜 但加咗海量嘅鹹蛋黃醬 食落都唔會太單調 味道好濃郁🤤鹹蛋黃愛好者絕對唔可以錯過💛

見到太多人推呢間炸子雞，決定同男朋友嚟試試佢🐣炸子雞半隻$68真係算份量十足，原來呢個價錢都會做到外脆內嫩，佢配埋俾你嘅酸辣醬我冇點到，因為就咁食件雞都已經非常足夠，原汁原味🦀秘製蟹黃醬海皇炒飯一嚟到見到一大pat蟹黃醬喺面，飯底算係淡口味啲，所以係靠撈勻咗蛋黃醬提高香味，炒飯份量算幾多，最後男朋友都食唔晒，不過整體嚟講呢個炒飯冇太大特別🦐黑松露滑蛋炒蝦仁呢個有驚喜！黑松露味超重，然後啲蛋炒得超滑，蝦仁亦都彈牙，好彩走咗飯，如果唔係完全食唔晒。用呢一個黑松露滑蛋蝦仁配返我另外叫嗰個蟹黃醬炒飯就啱啱好。

蒜蓉粉絲蒸龍蝦，見到d員工處理緊一隻隻新鮮龍蝦，就即刻order！龍蝦肉新鮮、鮮甜，蒜蓉粉絲吸咗蒜蓉同龍蝦嘅鮮味！黑松露海鮮炒蛋，D蛋滑溜得嚟，仲有鋪左大量黑松露。個陣香味，配埋蝦仁同蟹柳真係好有層次感。啖啖都大滿足！呢個唔可以唔提，海膽海皇炒飯應該係皇牌黎，比我地叫左最後一個！海膽嘅鮮味同海鮮嘅鮮甜完美結合，炒飯粒粒分明，唔油膩，食落去好舒服。每一口都有海鮮嘅鮮味，真係好正！不過個地方就有啲難搵😅😅

海悠喺熟食中心入面有好多個舖位，喺觀塘返工嘅朋友經常大大力推介海悠，不過我返工地點喺九龍灣，所以平日唔會去到觀塘咁遠食午飯，唯有今日星期六去。餐廳用電話落單，上菜速度都好快👍🏻- 黑松露滑蛋炒蝦仁滑蛋好𡟹滑，上面灑滿黑松露粉，另外蝦仁數量超級多，送飯一流。- 秘製蟹黃醬海皇炒飯炒飯非常乾身，本身炒飯已經有有一陣蟹黃香味，廚師仲落多一羹蟹黃醬喺炒飯上面，整體味道更濃郁。裏面仲有魷魚同蝦，材料非常豐富。- 蟹黃醬蝦仁炒福花又係好多蝦仁同好多蟹黃醬😍，福花食落同椰菜花差唔多，口感爽脆。海悠嘅蒸海鮮好鬼抵食，估唔到瀨尿蝦可以咁大隻，有我手掌咁大，肉質好鮮甜👍🏻- 蒜蓉粉絲蒸龍蝦肉質新鮮彈牙，而且好大隻。不過略嫌碟下面嘅豉油太多，粉絲浸得太耐味道有少少鹹😂海悠嘅海鮮真係好抵食，炒飯係我食過最乾身同最濃郁，即係山楂價錢但做到燒鵝味道🙇🏻‍♂️。下次要試海悠另一個招牌菜炸子雞！