海港燒鵝海鮮酒家

營業中

休息中

呢度係我嘅食堂，之前都冇寫過食評，今次專登影返啲相相嚟📸。我最喜愛嘅係雪山叉燒包，每次都係熱辣辣🌡️，外面個皮做得好鬆脆，裏面啲叉燒同埋餡料同叉燒汁嘅比例係啱啱好🦴，真係回味無窮😋。另外，蝦餃嘅皮都夠薄夠煙韌🦐，裏面冇肥豬肉，蝦肉好新鮮。鮑魚汁鳳爪真係好入味，鳳爪唔會過林，入口即化🦶。另外，呢度嘅燒味出品都好奇怪，不算太穩定，有時會好好食，有時會好差😅。不過，價錢平就搏一搏💰。我哋每次都會食楊枝甘露，凍冰冰，甜度啱啱好，啱曬我口味🍧。最憎啲太甜嘅甜品，呢個就啱曬。每人吃2.5個菜式，平均消費都係80蚊💸。其他嘅菜式都係不過不失，但係勝在經濟實惠💸，所以每次都唔會踩雷👍。

昨天與老公去飲下午茶，三組坐215號，個個樓面女人特登入漏我張單，等了好耐冇野食，其他2組已有野食，個個樓面女人仲特登行過來說叫我等下。之後再找別的樓面，佢話一樣食物都冇入單。此時，我想入坐時請個個阿姐開茶，另一組問她拎水，她已厭我煩！如果那個樓面女人冇特登叫我等，可能我不會這樣想．．特登不入單的行為極差，海港為何請這些人，難怪香港飲食業比下去。

水晶粉蠔不知所謂，冇鹹味，冇蠔味，肉碎又冇味，連韭菜都冇味，成煲嘢不知所謂，居然有啲咁嘅出品，實在太匪夷所思，究竟係咩廚房，可以煮出一樣咁嘅食物，咩味道都冇，叫咗三隻乳鴿，斬件上枱，一放在嘴邊，啲骨系凍嘅，啲肉又乾又柴，係咩玩法，都唔知雪咗幾多日，寫38蚊一隻60蚊兩隻，埋單就48蚊隻，188蚊花膠燉雞湯，完全系味精水加花奶，四分一隻雞根本就係白切雞，就咁放落去，加幾舊花膠就當系燉湯，有冇咁流啊？蒜蓉蒸聖子又係一啲鮮味都冇，得個鹹字，快啲執笠啦，咪遺害人間

葵芳有兩間酒樓去開都裝修緊～行過經過呢一間膽粗粗就入去試，又見好多人排隊喎，咁就實冇輸蝕啦🤣四大一細～咁等咗10至15分鐘左右啦咁呀帶小朋友去睇吓魚缸。咁入到嚟呢就叫嘢食咁呀，四個人叫咗都八樣嘢㗎（因為要帶娃，所以唔係全部嘢都有影～好忙）冇影相嘅係XO醬蘿蔔糕同埋燒賣（好味既）首先第一個就係乾炒牛河啦，咁都比想像中好食嘅（唔係太油、牛都OK）跟住呢個黑金流沙包呢都幾好食，但係呢我就嫌佢入面嗰個流心好少（多點會更正）蝦餃就冇乜特別冇影燒鵝米線（啲肉好少皮就好多）個雪山叉燒包就幾好味嘅，但係等咗好耐啦不過新鮮出爐咁最後想講就四大一細食咗$287咁都幾抵嘅會再encore

故事：重陽節嗰日買外賣上老人家屋企食飯和做生日，2:00 左右去order, 因為要親身俾錢留蟹🦀️，正常order 完，咁我地先去新都會廣場食個晏順便等到4:00攞外賣…. 咁我地3:40 已經到洒家等la , 最多諗住4:10 有得攞啦， 點知…… 😂🤣我哋一路在reception 等之際, 我太太入到去酒樓與水池中間問啲餸菜攞得未, 跟住其實已經之前比幾個阿姐同阿哥Hea 左, 另外有一個夥計同佢講隻蟹蒸好就會自然攞出嚟㗎啦😅點知到頭來發現到原來隻蟹仲喺個水池度，咁我太太開始興，跟住和嗰個應該全場最高級嘅男性經理嘈，雖然他有講對唔住但係其實佢唔係認真態度，但之後佢都開始緩和想減低我哋個熱度😂可惜然後跟住有一個拖住地嘅阿姐仲要加入戰陣，佢唔知情之下仲要X我地，跟住我也發火了，我哋兩個鬧到佢哋PK⋯⋯跟住停咗一陣，剛才講個阿姐仲要繼續落去，跟住真係火都嚟⋯⋯我都好少鬧女人真係要鬧爆佢😂😂😂⋯⋯老實講其實佢依間嘅酒樓嘅食品係算唔差，但係佢哋廚房部水池部出邊大堂reception 全部好似有時唔協調，咁已經係差唔多過咗晏晝市冇人客都可以造成咁，如果繁忙點算⋯⋯仲要個客嘈好似同個客抗衡一樣，

睇咗OpenRice咁耐，終於有一次評價啦 不過， 係講緊傷心的經歷 話說2020 年去呢間酒樓幫親過一次 少食龍蝦的我 （ 因為窮） 難得家人生日所以就請佢哋食餐好 咁正因為 小弟 窮 所以 分 唔 清 澳洲 龍蝦 同埋 美國 波士頓龍蝦 嘅 分別 於是 就 請教 經理！ 點知酒樓經理真係好串， 佢就話： 「唉 ！ 咁都唔識！知唔知咩叫龍蝦！ 」 畢生難忘 ， 幸好小弟勤力，之後上網不斷研究龍蝦終於知道波士頓龍蝦同埋澳洲龍蝦嘅分別。 2024 年 9 月5 日 ， 咁小弟見天氣唔好就嚟掛8號波 ， 俾多次機會呢間海港啦， 諗住去嗌個燒味飯，見間茶樓冇乜人，我問個師傅， 你哋做唔做燒味飯？望完我之後，就完全唔回應我。 個態度真係好唔得 ！ 又一次畢生難忘經歷！ 一次又一次令人失望！ 反而我去過九龍灣淘大嗰間食， 啲職員服務態度好好，縱使成間茶樓都好多人，不過佢哋都好盡力serve啲客 我諗茶樓管理層睇到呢篇post都真係要認真處理

久不不都有幫襯這分店，多數都是下午茶或晚飯時段，今天大約下午2.40與太太到店按輪候票後，很快就叫到我號，但知客給我的是搭枱位，所以不要了，再等過，很快那知客再叫我號，但仍然給我搭枱位，我當亦不要，她即以很不滿的語氣狠狠說“你有排等喎”。當然，在這惡劣氣氛下怎可再在這店進食，即離場。

family day老媽子鍾意食中餐屋邨唔太選擇去海港酒家食晚飯🥢菠蘿咕嚕黑豚肉$1️⃣4️⃣8️⃣⏩️普普通通，黑豚肉炸得唔脆，三色椒仲好生🥲🥢龍躉兩味$1️⃣6️⃣8️⃣ 《西蘭花炒龍躉件＆ 陳皮蒸龍躉頭腩》⏩️炒同蒸都同樣好味😋🥢豉蒜水東芥菜$9️⃣8️⃣⏩️除咗豆豉蒜頭，佢仲有啲豬油渣，但係D芥菜仲係好生仲未淋😐🥢柚子蜜蝦球$1️⃣0️⃣8️⃣⏩️有八隻蝦蘸咗炸粉去炸，跟住上邊鋪咗個好濃厚嘅柚子蜜，我覺得太甜了😐🥢紅燒乳鴿兩隻$9️⃣6️⃣⏩️兩隻乳鴿都比較dry，一D都唔Juicy😐+4️⃣🍚💰是日消費$8️⃣2️⃣3️⃣💰食後評分💯為滿分）食物7️⃣0️⃣環境7️⃣0️⃣服務6️⃣5️⃣抵食度7️⃣5️⃣回頭率7️⃣5️⃣#食在葵芳 #葵芳美食 #kwaifong #hkfood #香港美食 #相機食先 #hkfoodie #heleninocean

今日去呢間酒樓諗住兩個人飲下午茶，1:50攞飛等到2:30都仲未有枱，個receptionist 啲態度非常之惡劣仲大聲話俾你聽如果唔同人哋搭枱就要等好耐好耐都未必有枱，叫咗超過20張飛都係俾晒願意搭枱嘅人，仲話冇枱俾唔搭枱嗰啲人，其實佢係特登唔俾枱嗰啲唔願意搭枱嘅人，我去飲茶從來都唔鍾意搭枱，除咗衛生問題仲係好怪囉，同一啲陌生人同台食飯，我仲見過一啲搭枱嘅人喺度好大聲傾偈，甚至用粗口而且食相仲非常之討厭，令人覺得非常之唔舒服，既然呢間酒樓唔歡迎兩位唔搭枱人士飲茶，我相信以後都唔會再去囉，喺個區又唔係剩係得佢一間酒樓而且服務態度又非常差。

年廿九晚同屋企人去海港食晚團年飯，酒樓分兩場頭場，我地食6pm要8pm前交枱，當酒樓全場爆滿，上菜速度好快，所以7:30pm食完就埋單～🐟龍躉兩味🥢雲耳蒸龍躉🐟蒸得剛剛好唔會過熟🥢西蘭花炒龍躉🐟龍躉片很厚，皮也很爽彈，充滿骨膠原🥢拔絲菠蘿黑豚肉🐷完全唔係拔絲😑只不過生炒骨咁，個汁甜甜酸酸有山渣味🥢瑤柱扒豆苗金菇扮瑤柱，99%金菇，應該叫金菇扒豆苗😑🥢貴妃雞🐔未見過咁淺色嘅貴妃，外皮白雪雪，肉質一般🥢羊肚菌豆腐煲羊肚菌浸得唔夠，所以好乾噌噌

第一次來到葵芳這海港海鮮酒家與屋企人團年。聽聞這酒家的燒鵝非常美味，於是一星期前特意訂位到來品嚐，但過程中發現若果你想經通過電話在這酒家訂座是沒可能的，因為它的電話在任何時段永遠都是沒有人接聽的，唯有親身到酒家訂位，向之客了解為何電話會一直沒有人接聽，脂客解釋：一個人分身不暇無暇接聽！今晚6時與家人準時到席，在前台登記後，侍應遞給我一張寫了枱號的紙仔，自行入內找尋枱號入坐；酒家的地𥖁通道因為佈滿油漬而非常滑腳，每一步需得步步為營，相當危險⚠️剛坐下侍應很快便為我們放下一壺熱水及盛廢水的膠盤給我們用熱水消毒一下已預先擺在桌上的碗碟、筷子等，但我們發覺枱上每一隻膠碟及筷子架都是佈滿油漬，就算用熱水浸洗也取不了那噁心的油污，剛巧有位主任級的女職員經過，我們將事件向他反映，但竟然得來一句「係咁樣㗎喇！」的回報！這種服務態度真令人有點上火，唯有向侍應生索取多幾張濕紙巾自行處理。後來因為少了一隻飯碗，我們多次呼叫服務員為我們補上，但可能因為酒家人手短缺一直未有人理會我們的招手，於是家人便自行走到碗櫃前自行找尋，誰不知又不知從哪裏走來一位女服務員向我們呼喝並責罵我的家人不應自行在櫃桶取飯碗。還未用餐已

今日最後，用積分換冇得換蝦餃，平時有得換，但用錢落單就有得食。😭哈哈哈哈，點解要用這些吾想畀啲優惠去對顧客？集團是否應該要改正呢個情況？等同沒有優惠給顧客，喺這個環境下只會越嚟越流失客人。

食菜苗餃食到發泡膠同侍應講 佢聽完完全冇反應 唔好意思都冇講聲你講聲唔好意思都冇咁燥點做餐飲業？做下員工培訓仲有 點心品控可唔可以好啲？發泡膠食落肚可大可小老人家同小朋友根本唔會點留意到總括嚟講 員工服務態度真係差食物品控差

一入到去明明冇乜人 又有枱 都已經坐低左 仲叫返我地出去門口度攞飛 攞完唔使等已經即刻叫返你入去 然後就唔俾我地坐返一開始張枱 明明咁多枱 佢就調我地坐喺放垃圾桶隔離 話轉枱又唔理你 全程態度極差

第一次過黎早茶，食過幾間海港都幾好，唯獨呢間。一黎到已經見到顧客同出面知客阿嬋就安排坐位而嘈交，已大打折扣。首先出品已差，燒買乾蒸真蒸到又硬又乾， 鹹水角漏油又唔脆，福建炒飯又咸到 又漏單出貨慢， 樓面又冇禮貌， 問拎辣椒油喼汁，仲同我爭拗話啲點心車有叫我自己去拎，拎到就唔洗叫你啦， 仲係度黑面！ 男女樓面都係，反而點心姐姐仲有禮過佢地！ 唔會再去呢間野啦～ 大家睇路啦～本身睇到多差評但以為一次半次咁岩，點知唔係。