49
25
14
| 餐廳: | 海港酒家 |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
電話號碼
29920120
營業時間
今日營業
07:00 - 22:30
星期一至日
07:00 - 22:30
以上資料只供參考, 請與餐廳確認詳情
估唔到土瓜環的星期日晚上，這家餐廳差不多全塲坐滿，呢個情景，疫情後好耐都冇見過，好多酒樓，晚市坐一半都冇，今晚真係估唔到今晚試過，食物方面質素幾好，小菜份量幾大，海鮮好新鮮，尋晚的阿拉斯加蟹，每斤$208，咁大隻4.14斤，好抵，清蒸完，啖啖肉，好正蟶子加煎米粉好正，米粉吸收左豉汁，好好味東星班好新鮮，冇諗過套餐都有咁大條魚走地鬍鬚雞，雞味好濃燒鵝當然好好味其他小菜都好好食而且，由落單至送菜，連清潔啊姐都好友善
繼續閱讀
今日係長者日，我哋帶住老人家去海港酒樓食晚飯，仲有長者優惠，真係好抵食！今次我哋點咗幾款特色菜：**清蒸沙巴龍躉班** 🐟：呢條龍躉班清蒸得非常完美，魚肉嫩滑，味道鮮美，淋上少少生抽同蔥花，真係非常好味。**脆皮醬燒雞** 🍗：呢款脆皮雞外皮香脆，內裏肉質嫩滑，加上特製嘅醬汁，味道濃郁，呢隻燒雞真係正！👍🏻**西蘭花帶子珊瑚蚌** 🥦：西蘭花炒帶子同珊瑚蚌，呢道菜色香味俱全，帶子鮮甜彈牙，珊瑚蚌嫩滑，配埋西蘭花，真係好清新嘅搭配。**羊肚菌燒豆腐** 🍄：豆腐煮得非常嫩滑，羊肚菌香氣撲鼻，呢道菜味道層次分明，令人口齒留香。整個晚餐非常滿足，每一道菜都好美味同埋健康。老人家食得好開心，我哋都非常滿意呢次嘅用餐體驗。海港酒樓真係值得再嚟！😋🍽️😊
繼續閱讀
行山友話海港啲長腳蟹扺食（要預先訂），二話不說，先訂蟹同位，試試佢！領票入座同揀蟹，想同阿姐講要大啲都唔怕，但佢推薦話4斤鬆啲好啲，太大啲肉質無咁好，既然佢咁講，唯有信佢，整隻4斤多少少，當然係用最簡單又原汁原味嘅～清蒸。睇落唔算好大隻，但二口子食啖啖肉，過癮非常。加個蟹膏炒飯（加$100），但講真係無乜蟹膏味，但有鑊氣，又一粒粒，算啦，反正食蟹腳都飽晒。呢個價錢親民又貼地，唔怪之得六點半都座滿人。如果我啲朋友想食，真心想嚟多次，呢個價分分鐘自己買都未必得。我哋仲叫咗一斤勺蝦，啫啫生菜煲，啤酒同甜品，埋單$1500回頭度：7/10
繼續閱讀
今日老豆生日，擺酒係房間吃圍菜，麻雀台都未收已經上乳豬，圍枱茶水又未倒，人又未坐齊，己經可以放定個乳豬係台面，市道岩岩好番少少咁樣趕台，上菜又勁快，其實唔夠人做野好心請多個人做野啦，2圍台得一個阿姐招呼，完全無咩服務，自助餐咁，唔會再去
繼續閱讀
一個月過嚟呢邊一次同老人家飲茶，呢邊茶樓唔多，商場入邊有兩間選擇。呢一間係感覺比較好，同埋乾淨嘅地方又大，職員都比較好，雖然地方大，服務新嚟講算少咗少少。星期六日想喺度飲杯茶都要排吓隊，價錢都好合理，而且大大碟。每次叫春炒飯又帶碟最鍾意食過XO醬炒腸粉。今次真係記得唔好叫過多。其實就仲有幾個點心同埋甜品。但因為今日等得比較耐小朋友都肚餓我哋都未影相佢哋就已經食啦。個冬瓜湯勁真材實料勁大又甜，個紅燒嗰隻超惹味又唔會太鹹。所以呢間真係好啱老人家食
繼續閱讀