海港酒家

營業中

休息中

今日係長者日，我哋帶住老人家去海港酒樓食晚飯，仲有長者優惠，真係好抵食！今次我哋點咗幾款特色菜：**清蒸沙巴龍躉班** 🐟：呢條龍躉班清蒸得非常完美，魚肉嫩滑，味道鮮美，淋上少少生抽同蔥花，真係非常好味。**脆皮醬燒雞** 🍗：呢款脆皮雞外皮香脆，內裏肉質嫩滑，加上特製嘅醬汁，味道濃郁，呢隻燒雞真係正！👍🏻**西蘭花帶子珊瑚蚌** 🥦：西蘭花炒帶子同珊瑚蚌，呢道菜色香味俱全，帶子鮮甜彈牙，珊瑚蚌嫩滑，配埋西蘭花，真係好清新嘅搭配。**羊肚菌燒豆腐** 🍄：豆腐煮得非常嫩滑，羊肚菌香氣撲鼻，呢道菜味道層次分明，令人口齒留香。整個晚餐非常滿足，每一道菜都好美味同埋健康。老人家食得好開心，我哋都非常滿意呢次嘅用餐體驗。海港酒樓真係值得再嚟！😋🍽️😊

行山友話海港啲長腳蟹扺食（要預先訂），二話不說，先訂蟹同位，試試佢！領票入座同揀蟹，想同阿姐講要大啲都唔怕，但佢推薦話4斤鬆啲好啲，太大啲肉質無咁好，既然佢咁講，唯有信佢，整隻4斤多少少，當然係用最簡單又原汁原味嘅～清蒸。睇落唔算好大隻，但二口子食啖啖肉，過癮非常。加個蟹膏炒飯（加$100），但講真係無乜蟹膏味，但有鑊氣，又一粒粒，算啦，反正食蟹腳都飽晒。呢個價錢親民又貼地，唔怪之得六點半都座滿人。如果我啲朋友想食，真心想嚟多次，呢個價分分鐘自己買都未必得。我哋仲叫咗一斤勺蝦，啫啫生菜煲，啤酒同甜品，埋單$1500回頭度：7/10

今日老豆生日，擺酒係房間吃圍菜，麻雀台都未收已經上乳豬，圍枱茶水又未倒，人又未坐齊，己經可以放定個乳豬係台面，市道岩岩好番少少咁樣趕台，上菜又勁快，其實唔夠人做野好心請多個人做野啦，2圍台得一個阿姐招呼，完全無咩服務，自助餐咁，唔會再去

一個月過嚟呢邊一次同老人家飲茶，呢邊茶樓唔多，商場入邊有兩間選擇。呢一間係感覺比較好，同埋乾淨嘅地方又大，職員都比較好，雖然地方大，服務新嚟講算少咗少少。星期六日想喺度飲杯茶都要排吓隊，價錢都好合理，而且大大碟。每次叫春炒飯又帶碟最鍾意食過XO醬炒腸粉。今次真係記得唔好叫過多。其實就仲有幾個點心同埋甜品。但因為今日等得比較耐小朋友都肚餓我哋都未影相佢哋就已經食啦。個冬瓜湯勁真材實料勁大又甜，個紅燒嗰隻超惹味又唔會太鹹。所以呢間真係好啱老人家食

2點半到達，等了大約20分鐘安排入座。花了10分鐘點單，點心就等左大約半小時😐鮑汁鳳爪味道偏咸，腸粉較難食。炒飯不錯，鮮尤無味🫥 。叫了11個點心連飯，等半小時後開始陸續送5個點心來。之後突然熄一半燈，侍應前來話要截單？我們還有6款食物未到啊！ 結果我們要在昏暗的環境下等點心到來。之後15分鐘左右再來多兩個點心，然後另一半燈也熄埋？！ 咩事先？你哋要個大廳準備晚市便不要安排客人入座呀？ 如真的只食半小時開始熄燈，可以早點同客人講，人家也可選擇不入座呀🤬🤬🤬除有個男部長外，其他侍應及收銀態度比較差。這種做生意手法氹態度實在太差劣。

每次和家人聚餐都會考慮嘅海港酒家 環境地方位子大 好適合一家老少一齊聚餐依家成為同屋企人聚餐的首選地方龍蝦伊麵 -細細個已經試過😆😆😆伊麵加上蘸上龍蝦味道嘅醬汁味道絕配但係這次龍蝦份量不夠 如果人數太多就不夠分呢間成為同家人聚餐的首選地方蒸魚-調味沒算很多 魚肉唔會韌剛剛好 乳豬-烤得非常香口 外皮酥脆 肉質嫩滑 味道剛剛好蒸紅棗糕一開始以為好甜但係唔味道唔錯 有濃郁紅棗同紅糖味 而且食落唔會黏牙 酒樓有獨立包裝可以買翻屋企同屋企人開心share

和家人食開年飯，一行十四大一細，叫了一圍十二人的份量都夠，所以碟頭都算大。係某d一人一份既餸加了兩舊。食食下飯見到隔離枱上了咕嚕肉，睇落好靚，所以忍唔住加了咕嚕肉，經理貼心提醒兩碟抵過加大，服務好好又有禮貌又會自動自發幫手加水，所以利是都比得鬆手椒鹽鮑魚原本以為會好乾又比炸粉蓋過鮮味，但有驚喜用的是大連鮮鮑，食得出鮮味，又嫩口彈牙，炸漿不會過厚過重口味，有點肯德基的感覺惟一一樣可以挑剔既係壽包既奶黃餡，唔知點解會好粉？如果可以整到有漏油嗰種既流沙奶黃就perfect海港一向味道不錯，長輩都滿意，會再回頭，上次食既清蒸帝王蟹都另人回味無窮

屋企人住土瓜灣，平時帶佢哋飲茶，通常都會去翔龍灣間海港度食，佢嘅味道比起土瓜灣嘅酒樓好，而且環境比較舒服。呢度嘅點心大部份都有水準，例如蝦餃燒賣都唔會令你失望。呢度嘅炸物都非常香口，但略嫌唔夠熱。有一個西米露炸球好得意，每一次我哋都會叫。除咗普通嘅點心之外，我哋都會叫嘅係叉燒燒肉米線，因為屋企人好鍾意食叉燒同燒肉，同時間佢仲有配埋大人細路都鍾意食嘅米線，所以呢個係一個唔錯嘅選擇。如果同屋企人嚟食，都真係非常適合。

食物好快到，牛肉腸、醬汁餃子都唔熱既。魚湯浸菜心，落單時已講明"淋"d, 都係一望就知硬，叫佢再煮，佢叫你要生菜，ok! 但最後都係唔"淋", 講明有長者咬唔到，個廚房d人真係好有性格。

今天我和同事在土瓜灣附近工作，又到午飯時間，去到新港碼頭街翔龍灣廣場的海港酒家吃。今日只吃得簡單點叫了芥末蝦角、章魚雞粒飯、牛腸三個點心和一碟炒麵。芥末蝦角最先到了，外表炸得金黃色的四隻蝦角，裡面滿是大大隻蝦肉混和了日式芥末，入口咬落肉質爽滑彈牙，配上沙律醬同吃，非常合拍又惹味。章魚雞粒飯細細盎飯量不多，雞粒肉都很結實；不過章魚粒就少些，飯底夠咬口就蒸得不錯。牛肉腸粉的粉皮煙韌卻過厚，牛肉餡料很多，但同樣亦加了很多粉混和，沒有什麼牛肉味道比較失色。銀芽肉絲麵盞外形有些心思， 六個炸得筒形的麵咬落爽脆非常，外型討好且好吃。韭皇銀芽肉絲芡汁另外用兜裝開，吃時淋上麵盞上面同吃更加滋味。總括今餐水準都不錯，而且價錢亦十分經濟，下次都會再來光顧。

本身開開心心去飲下午茶 點知食鮑魚燒賣個時無啦啦掉左枚生鏽鐵釘出黎 都唔知其他食左落肚的有無 當場同職員反映左 但佢只係話取消呢籠點心的收費 我俾番錢你地食左佢啦食到一肚火 之後唔會再幫襯 都會幫你地好好宣傳下 叫身邊人都唔好黎食呢一餐完全係差、劣評。完全明白要佢廚房的衛生情況有幾欠佳，應該話直情係無衛生。完全唔理解點解會可以有咁的情況出現。我地都懷疑粒釘應該本身是在蒸爐中，呢件事完全係惡劣、唔敢相信連續酒家會咁出品，對佢所有食物都失去信心。

每逢大時大節中秋人月倆團圓的時侯一家人聚首一堂嘅好時機原本好想食片皮鴨，長腳蟹，但最後屋企人怕毒，最後我們見到個有龍蝦既4人套餐都幾抵食就order左呢個4人歡聚宴套餐，之後再加多煲燉湯添😋😋😋 呢個套餐有齊上湯龍蝦伊麵，鹽燒六頭鮑魚，脆皮醬燒鷄，清蒸東昇斑，西斑牙炒带子珊瑚蚌，仲有鮮果咕嚕黑豚肉。樣樣都好啱胃口😋😋😋個人最鍾意嘅係咕嚕黑豚肉🍍，波蘿肉好新鮮。鮑魚亦好大隻，炸得唔太老又唔韌，啱哂爸爸媽咪咬得到。脆皮醬燒鷄🐥， 鷄皮亦相當脆口，半隻都好大碟，我們5人都可清哂半隻。西斑牙炒带子珊瑚蚌， 份量好足，帶子好有鮮味同大大粒好爽口，珊瑚蚌亦好美味彈牙。上湯龍蝦伊麵 🦞 龍蝦大大舊好彈牙，但上湯伊麵汁略為淡口。

今日同同事去飲茶，呢間酒樓質素都唔錯，價錢都唔算貴，我覺得合理。我哋叫咗一個燒味飯、乳鴿、雪山叉燒包、紅油抄手。燒味飯真係超級驚喜，燒味份量好多，每樣野味道都好好。叉燒、雞、鵝，燒味飯好高質素，豉油唔會好鹹，好食到幾乎一個人食晒一碟，因為同事唔太鍾意食飯我可以一個人霸左個飯。雪山叉燒包都幾好食，甜甜地，識落我覺得似菠蘿包加叉燒包。個乳鴿我就冇咩點食，感覺上比較鹹。紅油抄手比較普通，食完一次就未必會再食。

婆婆生日，一家22人分3枱，叫左3個餐，職員有禮，食物味道中規中矩，整體來說幾滿意。味道 Taste：😋😋😋/5環境 Ambience：🙂🙂🙂/5服務 Service：🙂🙂🙂🙂/5消費 Spending： $400 /人 Person推介度 Recommendation：3.5/5

今天來到土瓜灣海港，有燒烤餐牌是這與其他海港酒樓不同之處。燒鱔咬落有彈性，可惜味粉過多遮蓋了魚味，下次可以要求走味粉，燒菠蘿唔食得都睇得何況真係好食，其他燒烤串燒也合格，這裏的甜品芒果糯米糍也非常好吃不過今晚欠奉。