影片
電話號碼
26618087
營業時間
今日營業
07:00 - 22:30
星期一至日
07:00 - 22:30
以上資料只供參考, 請與餐廳確認詳情
海港酒家喺大埔寶湖商場1樓，酒樓好大但星期六都爆滿，我們都是預先訂位才有位，有一個大廳亦有多間細房，枱與枱之間都闊落。海港燒鵝皇，海港嘅燒鵝都幾出名，味道中上皮脆有肉香，感覺無之前咁好食，但對比其他地方算唔錯。👍脆皮燒腩仔，呢啲通常係成塊腩肉燒，相對穩陣，皮夠鬆脆，唔錯。 菠蘿生炒骨，排骨外皮夠脆，甜酸汁味道適中，炒得夠乾身蜜椒牛柳粒，配菜多，牛柳粒都不少，味道幾好，牛柳質素可以，面頭灑上芝麻有啲誠意。紅燒豆腐味道正常，無乜特別。
繼續閱讀
1. 鮑魚冇清去內臟，就直接蒸熟給客食，感覺好污糟唔敢食！2.好好地一條蒸魚，上到枱開邊再加麵豉醬，肉質唔滑又無魚嘅鮮味，經理仲話正常，我唔會再去，香港飲食業質素真係越嚟越差.
繼續閱讀
昨日預祝 父親節 黎到大埔寶湖花園 嘅海港 食晚飯, 呢間海港都好大， 光猛 新淨， 又有好幾個廳房, 我哋今次坐咗大廳， 枱枱都有一定距離唔會太擠迫， 我哋叫做西蘭花炒蝦球， 鹽燒鮑魚， 清蒸沙巴龍躉， 蠔皇花菇扣鵝掌， 鮮果咕嚕肉， 脆皮一品酱燒雞， 柚子蜜蝦球， 蒜蓉粉絲蒸鮮扇貝， 原隻火箭魷， 鮮竹魚腐浸菜苗， 西蘭花帶子珊瑚蚌。每樣餸菜整體都幾好味 都算大碟， 特別欣賞焦燒鮑魚 唔會好硬身 又 香口， 鮮果咕嚕肉酸酸甜甜 咕嚕肉炸得脆身 好醒胃， 柚子蜜蝦球 香濃柚子味 蝦球 大大件淡淡肉， 鮮竹魚腐浸菜苗 清清地唔會太鹹
繼續閱讀
海港酒家係大埔超級城果時已經成日去，搬左去寶湖商場之後去少左，但今日媽咪生日，佢又想食長腳蟹，於是book左8點去海港食晚飯。🥢 清蒸長腳蟹去到即刻去魚缸果度揀蟹，隻隻蟹都好生猛，揀左隻3斤12嘅清蒸，佢仲有其他煮法可以選擇，但海鮮我都係鍾意清蒸多啲。蟹膏仲可以揀拎嚟炒飯，不過我哋揀咗就咁上。隻長腳蟹一放上枱，大家就拎相機即刻影相，好大隻 🫶🏻 我地6個人食海鮮，啱啱好一人一隻大蟹腳，仲有2隻蟹鉗可以分。好鮮好爽口好好味，蟹膏有一碗咁多，我哋鍾意用佢黎撈飯或者當汁咁樣點蟹腳嚟食。呢個清蒸長腳蟹真係大時大節啲點嘅一個菜式。🥢 龍躉兩味三百幾蚊有兩個餸，仲要係龍躉，一個炒西蘭花，一個清蒸加豉油，兩款菜式都算唔錯，龍躉啲肉爽口，唔食得蟹嘅爸爸主力K.O.晒呢兩碟餸。🥢 蒜蓉炒通菜唔鍾意食腐乳，所以改咗做蒜蓉炒，不過不失，都算大碟，啲菜煮得啱啱好。🥢 菠蘿咕嚕黑豚肉黑豚肉炸得香脆，配菜有菠蘿同蜜桃，加埋酸酸甜甜嘅汁，開胃好味。🥢 蟠桃大壽包一打壽包係老人家慶生嘅必需品，六隻奶黃餡，六隻蓮蓉餡，食完咁多餸之後每人食咗一個壽包已經好飽啦，剩返嗰啲打包返屋企聽日做早餐。海港嘅長腳蟹都算新鮮，服務態度不過不失。性價比算高嘅。
繼續閱讀
#海港酒家 we all hk ppl love eating chinese food at this place.it a big place for us gathering. sitting in around table. sharing food. this time i found this place improved a lot. in food quality. i think the chef is changed and the taste is better than lastime.we order goose. rice. beef cube. a fish.all of them are delicious. and yummy.7 ppl, 1600$. very worthy.will be backhkfoodpoet#food #hkfood #hongkongfood #台灣美食 #日本グルメ #ukfood #澳洲美食 #馬保國 #香港美食 #深圳美食 #hkfoodpoet #閃電五連鞭
繼續閱讀