海港酒家

營業中

休息中

十分失望，梅子骨係梅子浸豬軟骨，十分之差，差到無朋友。當你見到有十幾粒梅子，但只得5舊肉的話，你覺得好？佢完全係浸熟佢。你覺得足夠有咩感覺？一個字！差！燒肉又唔掂，無味，無層次，肉唔靚，你問我街市都好食過佢！個粉絲煲仲要係濃既！除左粉絲之後我咩都見唔到！我希望有人望到呢個post 既時候，你地要有心理預備，除左長腳蟹之後唔使來食，不知所謂。

一行六人去試一試六人套餐, 估唔倒份量都很足，而且貨物食物質素亦相當不錯。先來一個义燒，燒鵝併盤。 十分幸運，來了燒鵝肶。海港的燒鵝皮脆，真係無得輸。接著還有波士頓龍蝦，以這個價錢來計，這份量亦相當不俗。比較驚喜的是欖豉蒸龍躉，十分惹味。這個價錢，還包橙汁。 是日閒日，沒有人等位，所以沒有限時。得飽足的一頓晚餐。

同親戚飲茶，來到這間酒樓，太多人排隊，排了四十多分鐘，進去後環境都寬敞，點了各款點心和炒飯，個人覺得鮑汁鳳爪，瑤柱煎蘿蔔糕，鹹菜豬肚味道不錯，還有甜品選擇，週末如果想喝早茶盡量來早起來拿位，要不就變成午飯時間了！

海港集團二月底開始進行西澳龍蝦特價每兩$19.8，非常平，非常抵食！本人繼上星期在馬鞍山分店吃完第一次，非常滿意，令人回味！3月8號晚上在太子附近搵食，見到海港有另一間分店：太子始創中心4樓，於是決定再吃第二次！呢間分店有好多龍蝦在魚缸，最輕的也4斤！我和太太兩人，就叫了一隻四斤重的西澳龍蝦，也是非常生猛，扎扎跳！我哋沒有叫伊底，因為驚會食唔晒！等左半個小時左右，龍蝦上枱！試一試龍蝦肉，並沒有上次那麽鮮味，如果10分滿分，今次的鮮味只有2至3分，反而係龍蝦腳的味道，居然比龍蝦身的肉更鮮味！雖然有少少失望，但$19.8一兩，又的確係抵食。最後奇怪的是，龍蝦的兩條觸鬚，上枱的時候，只得一條，明明即場捉影相的時候，是有齊兩條觸鬚的（見相片綠圈）！今次太子店，令人有點失望！

中規中矩的午茶, 太子區算係抵食。交通方便。都唔少人幫襯, 等位等咗15分鐘。由於當日等位派籌的機壞咗, 知客姐姐做到忟憎。 除此以外, 服務上其他各樣都ok。黑金流沙包, 雖然現時好多地方都已經有得食, 但海港真做得幾好味。我最鍾意。沙律蝦角, 香脆, 鮮蝦好爽口, 係油多咗少少。薑蔥叉燒辦麵, 薑蔥惹味, 份量唔少。粗麵爽口唔會黐埋一舊舊。辦麵現時好少地方有得食。蟹籽燒賣皇, 手切豬肉, 每粒大大粒, 應該唔係大陸貨。好味抵讚!鮮竹牛肉球, 大大粒, 新鮮熱辣辣, 係最抵食嘅點心。另外, 冇影到相嘅仲有呢個<鬆化雞蛋散>, 傳統美食, 唔係度度都有㗎, 正呀!

海港好多分店，諗住係平日去食無咁爆，點知book左台都要等5至8分鐘先入得。仲有覺得個場比較細。 小弟我 推住我個寶貝女 就覺得唔太舒服 因為 個場太密麻麻。野食方面我哋食套餐平日就要3880， 有阿拉斯加長腳蟹食啲蟹膏實在太正 蟹腳都好新鮮肉質夠彈牙。其他嘢食都正常啦不過 有一條清蒸魚， 就遲遲未來 ，仲要所有飯同面都來齊條魚都未到。部長仲話4枱都欠條魚。。。一開始上菜已經慢，突然黎齊飯同面，次序時間都控制得不太妥善。。

不知所謂嘅一餐！1. 門囗攞位講3個，入到去睇單落咗4個。2之後一埋到檯，所謂嘅部長舖檯布係到向我阿公『楊』好大力，仲要唔係一下係幾下，同佢講咁樣對住老人家會唔衛生，仲要話哦！你講嘛，講我咪唔整囉。（心諗咩態度！！）3.阿姐攞嚟嘅食具全部都係渍同乾咗嘅殘渣。4.揾另一部長話我要見經理，敷衍我就算，叫開茶開咗10分鐘都未有！依到除咗野食係熱之外，都無咩好提！旺角區仲衰過屋邨酒樓！又無野食可以選擇、態度又差！奉勸各位唔好嚟！

這篇係我人生中第一篇食評，唔寫我怕今晚瞓唔著😡😡😡今晚同屋企人食晚飯慶祝中秋🌕🍁，第一味乳🐷全體，想夾件瘦嘅比父母。我食那件成舊膏。以為只係我件係咁肥，問吓其他人，原來件件都係咁。心諗🤔唔係掛，返轉其餘半隻睇吓，結果一D肉都無。搵個侍應問吓，佢話乳豬只係食塊皮（咁都唔係一D肉都無😪）佢再叫另一部長來，夾起件件反轉睇，然後拎走成隻碟。 以為佢會幫我換，結果只係片走一半肥膏我想食乳豬，唔係片皮豬囉😤另一味海參，三大條，要用刀叉來切。食落完全無味，好似蒟蒻咁。很不愉快的一餐

一開始門口接待員取給了我們一張帶位紙，竟然是沒有編號。之後問裡面職員，兩分鐘後才知道自己的的枱號。都算了最可笑既係，我發現枱上只有公用匙羹而沒有湯匙，我問一個職員取湯匙，竟然佢問番我點解?佢仲好理直氣壯話：「我們只有公共匙羹和瓦匙羹，……」一大堆廢話 仲要極之晦氣！我同我朋友都覺得：點解會請一個服務咁差既侍應，而且大家都好嬲！老實講，我真係想即刻叫佢經理過來投訴佢。一間食肆即使食物味道好，服務質素那樣差也會把客人趕走！更何況，以這個價錢來說，食物質素只是一般。因此，這是我和我的朋友最後一次惠顧這間沒有禮貌兼服務差的食肆！

星期六的下午，見無乜野做，好久也沒有飲茶，就選擇了這裏。可能是星期六始創的關係，很多茶客等位，而且由於我們只得兩個人，還須要搭枱。店內環境不錯，酒樓來說也算得上是開揚。海港燒鵝王例牌我們先叫了海港燒鵝王例牌，廚師好好人，給了燒鵝脾部份我們，以例牌有燒鵝脾來說，我們當然賺了。口川麻辣口水雞另外叫了口川麻辣口水雞，除了口水雞外還配上少許皮蛋。口水雞汁麻度適中，雞略為鞋及切得細件，皮蛋作為配菜不過不失。新鮮農場雞飯最後叫了一碗蒸新鮮農場雞飯，飯乾爽，味道也不錯，但略為細碗。

想帶屋企人黎食飯之前一定要睇左呢篇食評😡😡未試過食餐飯要受氣！仲要係成間酒樓啲樓面既態度都咁差！公平啲講句，佢既野食唔係話一文不值，唔係特別好食，但真係受氣受飽！知道大家同屋企人食野最緊要係食得開心💕但黎到呢到真係多謝佢地比左一個咁唔愉快既經驗我地😭落單之前都知佢地係有兩款牛仔粒！名係似！但係配料完全唔同，已經特別打番開佢地個menus 比個樓面睇番係邊樣😊但係落完之後，佢地自己發現落錯左！我地話拎番個menus 留意番叫左個紫羅牛柳粒! 我地都知忙中有錯係正常，打番清左張單係冇問題😊到上菜個陣一睇就知佢地黎錯左個薯仔蜜桃牛柳粒，我地話黎錯左！侍應A 就話食呢個啦！好食架！仲話冇錯仲話要拎本menus 黎對，我地當然話好！ 佢一睇就知冇得話一樣！冇左紫薑得薯仔，好似講唔通！叫埋侍應B黎話係岩架，仲要同我地對張圖話係一樣😭😭😭我地話你出錯左喎😣你個名一個係寫薯仔！一個係寫紫羅喎！佢先死死氣話要煮過！成程係到怪我地，佢地上錯菜仲要鬧番個客😳海港呢間野我知佢多分店，不過如果再有人諗住帶屋企人去食餐開心既飯！我勸大家唔好簡呢間酒樓😭😭😭😭⋯⋯真心為大家好先打呢篇評論，因為打多一粒字都浪費時間！

話先說前頭長腳蟹 $288/斤 是全線分店的均一價今晚只是遷就朋友位置完全只是地利考慮本人食過 灣仔 觀塘 及這間分店次次都係蟹 次次都簡海港故此可以點評一下 亦分享下心得首先 訂座及用餐時間因為此分店極多人 訂位時已被提醒不留台 不等 請準時 只能食1.5 小時當你出現在當地 你會體諒 因為真係好旺其次 服務 環境及舒適度基於以上 台與台之間係好逼 侍者也不停走來走去 本人叫了罐Zero 竟然也未夠凍叫我等等至於食物是晚只有4 人，故此叫了一隻一斤 一隻斤二食物質素平均 與其他分店一致本人特別愛花雕蒸 相當美味正因為如此 下次去其他分店會較好

一年一度父親節🎩! 當然要慶祝!細佬幫手安排了與爸爸都酒樓吃晚餐!今年他選了海港, 很有趣無6人餐, 最少人數只有8人餐!我們一家四口先到, 細佬與爸爸隨後來到門口職員問: 係咪訂左8位?我: 唔好意思, 最後6位...職員: 下, 我地安排左16人位俾你地 wor (黑面)! 我去睇下仲有冇檯...(冇望過我然後黑面行左入去)如果不是細佬已落$500訂金, 以佢的服務態度我一定走!!🔥🔥🔥我地訂8位, 你安排16人檯, 到底問題是否顧客身上?? 我地從沒有要求大檯!最後安排了8人檯! 不過已經一肚氣!!🔥🔥再見到訂6點半要8點3放檯! 更火!🔥🔥完全沒有事先講🔥🔥點了8人套餐, $2000 / 7個餸+2支橙汁半隻鵝, so far so good炸蟹鉗, 油膩非常...西蘭花炒帶子貴花蚌蒸魚這個最新鮮!!👍冬菇燉鮑魚蒸龍蝦2隻最後有壽包評分: 5⭐最好食物: ⭐⭐環境: ⭐⭐⭐價錢: ⭐⭐服務: ⭐

臨近新年，好多飯局，一係公司一係朋友圍埋一齊聚下開心下感受新年氣氛。今次又係旺角開餐，因為方便大家走，事前無booking，都係臨時拉夫召喚大家出黎開飯，一行7個人去食中菜。店好滿座，但我地一行人7點前已齊人到達，所以等左無耐就有位。共點左6個小菜+一個雞煲，份量夠晒咁多個食肉獸。荷蘭豆炒臘味，荷蘭豆炒得唔夠入味，咬落仲係爽口(好似生生地咁，未炒到熟既程度)，臘味好香(不過份量好少，如圖示)，呢個小菜係全晚最失色的，唔抵食。雞煲味道濃郁，個汁好香好惹味，雞都幾滑同埋愈滾愈入味，正。蒸魚魚肉好鮮，無蒸過龍令到魚肉鞋口，汁撈飯一流。瑤柱炒豆苗，豆苗好清甜，瑤柱份量都幾多，仲有係茨調得剛好，無比茨汁搶左味道。蟹粉絲煲亦唔錯，粉絲入味索晒d蟹既鮮汁，令人忍唔住食多幾口。燒鵝咪講少既不得了好味，外面層皮仲好脆口，肉香惹味，點埋個燒鵝汁食先係靈魂所在，正到核爆級別既燒鵝。呢個發財好市無咩特別，純係意頭意頭點來吃而已。整體好味，7碟都清晒(係剩番啲荷蘭豆)，燒鵝最令眾人回味無窮。

接近新年阿頭請食飯，一行人揀左旺角區開飯，原本提議過食放題咩款式都有，就到所有人不同口味，但阿頭好豪話做節，要傳統啲，去酒樓做團年，咁先應節。阿頭比錢咁就阿頭話事，佢揀左呢間酒樓，係旺角火地地鐵中心點方便同事食完閃人。7點前一行人到達，已好爆場，booking左留位唔使等直入，阿頭今餐竟然唔係點傳統埋年飯既一圍圍菜式，佢話請大家食海新鮮(咁豪可能皆因近期係股市撈唔少)，既然阿頭請就梗係由佢話事，點咩食咩。佢行左魚缸果邊去揀海鮮，再來頭盤點左個冰鎮象拔蚌刺身同燒味等前菜比我地吔住先。象拔蚌刺身好鮮甜，燒味拼盤影唔切相(班友掃得太快)，义燒好味；隻燒鵝不得了，皮很脆，鵝肉很好入味，唔un或鞋口，肉厚度適中，味汁醃得好香郁，中晒重口味人士既味蕾。呢款係陳皮蒸鮑魚，個人對陳皮無甚好感，所以呢味菜既煮法不對我的胃，不評味美與否咧，但都吔左一隻鮑魚，單計鮑魚本身，肉彈而爽甜，滿有咀嚼勁，不過無咩味(可能係烹煮方法令食材唔入味，又或者呢個煮法想帶出海鮮本身既鮮味吧)。仲有再來點左兩三個中菜既款式，不過今晚重點唔係中菜到，主打吔海鮮所以只影左海鮮既相。呢隻應該係長腳蟹吧，手長腳長，肉很札實彈牙，蛋白煮