海皇粥店 (上水名都商場) (已結業)

媽媽病病地想食粥，又貪方便，就去左上水名都海皇粥店.買左豬肉丸粥，個餐又跟半條油炸鬼，店員話加14蚊有牛肉腸/叉燒腸，就加左叉燒腸試下.媽媽食左半條話叉燒宿嘅，咁我又試半條，老豆又試半條，確認無誤.唔會再貪方便唔會再幫襯因為其實連個粥都係好難食🤮😵

成間鋪客人都無2個 整完外賣又收埋 等到我覺得唔妥 要我問先醒水令比我係咪把口啞定手腳唔協調 比個外賣個客都唔識之前堂食又係咁 成間鋪無客 都要等20分先有野食想蝕錢都唔係咁啊下次打死唔會再去

海皇粥店。將"圖片只供參考"呢句話演繹得淋漓盡致望下啲藩茄望下啲牛肉望下啲湯咁無誠意, 今時今日咁嘅服務態度，點得架?整啲咁嘅圖片出黎比食客睇！？有很大的誤導成份。食品差, 環境差, 啲冷氣全天候狂噴, 好失望。

接近兩點黎到，有好多枱未汁。原來有好幾張枱已經坐左新客，包括我，但都未有人汁枱。之後見到其中一個客係佢個餐到左，張枱都仲係滿哂。個員工拎到埋去呆左，根本冇位放。

中午一點到上水海皇叫外賣返屋企，去收銀處落單遇著一個見習侍應，落單重覆幾次都落錯單，告訴我沒有魚片滑牛粥，只有魚片碎牛粥，我問轉左餐牌咩，望一望餐牌仍然依舊，生滾魚片滑牛粥咪有囉！侍應：「哦！生滾粥呀！」理解能力差到咁！講到明粥「全走」,唔要蔥，薑！結果見到張收據無remark 到「全走」，好彩我自己望一望發現提返佢！ 份外賣拎到返屋企一打開，見到份羅白糕，真係火滾! 燶到咁，點食？ 結果無食到！ 中午時間需較人多少少，但食物質數和服務完全keep唔到，好失望。以後不會再幫襯煎羅白糕!

2017.02.04 😊而家開食肆 唔搞啲創意好易俾人遺忘就連由細食到大既海皇粥店今轉都要飛甩老肚😱引入粥底打邊爐...大滿粥火窩而且價錢仲幾經濟添 自由配搭:🔼鍋底: 雙份美國肥牛鍋$68 雙份巴西豚肉鍋$59 滋補紅棗醉雞鍋$64 海鮮盛會美國肥牛鍋$70🔼粥底/豆漿底: 滋味白粥 南瓜粟米肉醉粥 香茜皮蛋粥 原味豆漿🔼每鍋配上: 韓式韮菜餃子 三寶丸 豆腐 蔬菜 即食麵或油條半條雙份巴西豚肉鍋 $59今次我就叫左豚肉 配上南瓜粥底 另外就加左2蚊將即食面改做烏冬 $9 炸魚皮 $22 醉雞 $8 檸檬薏米水比較起同樣有賣火鍋既吉野家 我就覺得啲度坐得冇咁擁擠 唔洗食得咁急😈而且今次叫左咁多野 賣單一共100蚊 二人分享分量剛剛好 價錢十分親民😃先講粥底 一上枱既時候 我地都驚歎咁稀既原來有佢既道理 會煲煲下會"傑"而有一樣我地比較擔心既疑問 咁煲到咁上下會加水俾我地 還是粥呢？ 原來小店十分貼心 雖然係冇南瓜粥加到 都會加返白粥俾我地 又幾好啵 我地都好唔客氣咁飲個粥底啦有雙份豚肉份量都算多 而且肉味好濃而店員推薦的醉雞 經煲過後居然會係咁濃酒味 如果我下次再試 我應該會叫醉雞鍋

一間有牌子的店舖，理論上只要是連鎖店，系統和配套一定會很好。原來...這只是一個種錯覺，因為海皇粥店已經證實了這樣！=.= 一心前往海皇粥店打算一試新出的粥底火鍋，其實也幾期待的，因為天氣開始轉冷，吃粥是其中一種非常暖身的食物。 我們七點鐘坐下，點了兩個鍋，一個是南瓜粟米粥，另一個是豆漿...只是，過了十分鐘到我們眼前的也只得配料，而且是不齊全配料的=.=... 我們詢問職員，職員這時才告訴我們原來不夠鍋........!!!!什麼？不夠用具這是我第一次聽的。 就像餐廳不夠碗碟用的情況一樣，這是怎麼會發生的事？既然是有粥底火鍋選擇，那應該要準備足夠的用具。於是我執問職員為何事前不說，職員竟然推搪說是廚房的問題！！ 於是我們繼續等...... 等到第一個鍋到的時候(已經是下單後40分鐘的事)，我們再追回欠缺的配料，結果三色肉丸變了一色！我立即問店員是甚麼一回事，店員這時才告訴我們其餘的沒有了。WHAT~~~~??? 我覺得這樣是太過份！交代一句都沒有！ 反之另外兩枱比我們遲點單的就有。某些職員的服務又不好又黑面....=.= (PS: 其實個見習主任道歉很有誠意，但真的管理不善) 好！服

之前fb見到大推海皇粥店粥底火鍋，於是今晚同家姐走去食。依間分店樓面阿姐唔知係唔夠人定點，好混亂，A阿姐話寫紙落單，B阿姐話就咁講，然後落單落落下走去收錢，收完錢走去執枱，然後先再落番單。叫佢俾個豉油，等左5分鐘都未有，然後隔離枱叫，又俾左其他人先。啲配料又漏上，催幾次先齊，個粥底又枱枱走去問係咪落左白粥底叫左白粥底豚肉火鍋($59)。個粥底好稀，唔知係方便打邊爐定點，但打到最後都係好水肉嘅份量都多，1盒有5-6塊，都好味嘅。三寶丸(豬肉/牛肉/蝦米鯪魚)，普普通通。蔬菜都豐富，菜都新鮮無爛葉。油條得半份太少。

夜晚諗住去打邊爐，去到已經坐滿曬人，發現成個場得兩個侍應，一個負責收銀，一個樓面（仲要只用普通話同食客講野落單），等左十分鐘左右就有位，落左單後，陸續都聽到其他枱投訴佢地個鍋等好耐都未黎，而配料就一早黎曬。而我地都類似情況，個侍應見到我地成枱未執既野都照夾硬擺杯野飲落黎，叫佢幫我地執野都聽而不聞，後來再黎碟肥牛，然後再等多5-10分鐘，個侍應黎同我地講我地叫嘅醉雞煲賣曬，話出唔到比我地，然後頭也不回咁走左，當然我地都只好頭也不回咁走埋。成個場咁多人只有兩個侍應，收銀黑口黑面好似人地欠左佢咁，樓面果個問親野都話唔知唔關佢事。今次係我第一次食海皇粥店，可能平時唔係咁樣、好好服務，但我唔會再黎啦

話咁快阿b已經33周有多喇，又係同阿b去健康院檢查既時候，每次覆診除左關心阿b情況之外，我都會諗同佢食乜好？「為阿b寫夠100篇」，要搵夠咁多間食肆其實話易唔易，話難唔難，始終好多時都只得我自己同阿b搵食，所以大部份都只會係細鋪，我地兩個食得幾多喎~ 突然好想食煎堆，揀左「海皇粥店」，貪佢有Q版油器，唔使一個人食咁大件。醫生成日都話阿b吸收，其實我同佢真係食得唔算多野架，好似今次咁，一個細煎堆 + 一杯熱豆漿，已經食到我地好飽了，連粥都叫唔落。首先要讚「海皇粥店」既細心，幫客人剪開油器，我用筷子夾就可以吃得好乾淨，雖然叫Q版，但其實女生吃一個已經好夠滿足「想吃而明知不應吃」既慾望，始終係油器，都肥嘛，女生點到即止就好了，煎堆炸得外脆而內不失煙靭，難得內外都不會令你有「吃到一口油」的感覺，吃得出其新鮮度，五蚊一件，十二蚊三件，非常合理。我見鄰檯要三件是極抵的，不過我沒能力吃得下。 配上純味熱豆漿，清清地，感覺平衡了吃煎堆的罪惡感^^落半包砂糖即令純味豆漿多了一點甜，簡簡單單已很滿足，豆漿豆香不算濃，但勝在夠滑，hkd 9.5/杯，你還想怎樣？喝到底還看見有些類似腐竹呢..真材實料..細