海皇粥店 (華安大樓)

營業中

休息中

今日唔太舒服想食下粥，於是叫左網上外賣平台海皇粥店 外賣～（我對上一次食都唔記得幾多年前，哈哈）我想食下肉但又想有d 蔬菜，所以叫左個南瓜粟米肉碎粥套餐，揀左炒麵，飲品叫左熱檸水。個粥幾唔錯，送到上黎都仲好熱，食落唔會太杰又唔會太稀；肉碎都好夠，不過覺得d 南瓜粒同粟米粒可以再多d。成碗粥份量都好足夠。個炒麵正常發揮，油油地但油嘅程度可以接受，唔覺話太鹹。杯熱檸水無咩特別，不過佢無俾包糖我食完成個下晝都無話特別口渴，咁味精應該唔算多掛？Total 67蚊，外賣黎講價錢算OK

食物質素環境衞生已經不在下話，但呢間公司啲員工服務態度真係好差，難道公司無員工培訓？完全係趕客走唔舒服諗住買碗粥食，見呢間海皇粥店都開咗好耐，諗住無死！點知係收銀到企咗成5分鐘都無人問我食咩，無人諗住幫我落單。之後比後面個女人打咗尖，呀姐仲諗住幫佢落單，我話我排隊先，呀姐先至幫我落單先。去到比錢，我八達通唔夠錢比，諗住網上增值先，叫呀姐等一等我。點知呀姐話：無錢就唔好食啦！咩叫無錢唔好食？而家係咁樣做生意既？真係火都黎埋，呢間野以後唔會再幫襯！

好耐未食過，更加好耐未幫襯過啦！$36，依家食炸兩同粥，一啲都唔平另外，我入到去，坐低叫嘢，店員即刻用刨冬瓜招呼，或者因為我短髮又高大，佢以為我係北佬都未定啦！咁我當然用廣東話回應，佢之後都用返廣東話。話時話，依家飲食同低檔零售業好多刨冬瓜人。講返食物質素，腸粉滑咗，但油炸鬼腍咗，只有少少脆，芝麻一貫無炒香，豉油唔係甜豉油，係鹹豉油，得個鹹字，唔掂！豆漿正常無驚喜。呢個早餐，叫做止下心癮，唔會係推薦嘅系列。

早兩日去咗觀塘物華街度搵食見到好多唔同嘅舖仔，都幾特色。只不過想搵個寬敞少少嘅地方，最後行到去海皇粥店，就入咗去喇！坐低嘅時候見到檯面都未抹乾淨，細心睇下個餐牌，最後揀咗個蕃茄雞扒烏冬，同埋一個碎牛粥拼蒸蘿蔔糕嘅餐嚟食。蕃茄雞扒烏冬個湯底都濃郁，只不過雞扒得兩小塊好唔抵食； 碎牛粥底都算正常，只不過蒸蘿蔔糕就唔夠熱辣喇。等食嘅時候望一望過環境，除咗枱面污糟之外，周地都係垃圾，衛生情況十之十分之惡劣， 估唔到呢間舖仔至少都有六名員工，都可以咁dirty，下次都唔會考慮！

秋風起喉嚨感覺好乾，似有作感冒😷，胃口麻麻地，經過海皇粥店好想食粥，叫咗個艇仔粥加蝦米腸，蝦米腸加啲甜醬、麻醬、芝麻同埋啲秘製豉油，簡直一流😋，艇仔粥睇落大大碗原來係個闊口碗🤨。

朋友說胃不好，吃碗粥算了。職員由我坐下到點餐，一共問了我5-6遍，食咩呀⋯⋯讓我看看餐牌，行不行喔！我只去了一次海皇粥店，而且是4年前。我還是跟侍應姨姨講，你稍等等我。說是太熱情還是沒禮貌呢？我點了一個粥套餐，碎牛粥和炒米粉。朋友點了個生滾粥來米粉時候，心想：我的天呀，炒米粉真是只有米粉呀…朋友的粥豬潤冒血水喔⋯⋯看見之後，我當時無語了！能吃嗎？不怕生蟲嗎？豬喔？大菌吃小菌也不是這樣子吧？雖然朋友因太鹹了而不吃下去…枉我們從鴻圖道跑過來。餐廳整潔度尚可，但食物質素和餐具等套備真的不行。

呢排轉天氣真係好容易病, 同事一個一個輪住黎病, 原本放工約左同事去行街食晚, 但最後佢都病埋, 所以放工陪左佢去睇醫生。睇完醫生都8點幾, 同事又無胃口所以食粥就啱晒 !記得附近有間 , 海皇粥店我都好喜歡, 尤其冬天食粥或者生病時食粥都係我當中選擇。觀塘物華街的 店子小小, 坐位不多而且較迫, 不過也理解在地鋪租金貴, 難怪會有呢個情況。因為太多人所以影唔到太多相, 海皇粥店的粥類很多, 原來而且有埋蒸魚套餐, 選擇很多。最後和同事點了以下食物 :特餐 $461)     南瓜粟米肉碎粥 炒米粉油條一條2)     鮮味蒸魚餐 $56豉汁蒸魚白飯熱豆漿價錢真係大眾化, 職員也說明蒸魚要等得耐一D, 職員清一色係上了年紀的姨姨, 她們之間互相說笑, 也有和食客傾談, 間唔中又漏左單或整錯食物而大笑一餐, 畫面其實好溫馨。南瓜粟米肉碎粥生病同事食的粥, 呢個粥我都食左好多次, 好好味呀 ! 而且又有益。不過肉碎就變左大大粒, 我較喜歡以前的肉碎 !炒米粉油膩左D, 不過都夠味, 送粥真係一流油條一條職員有問原條上定剪開, 以前我喜歡原條咬, 不過今次改為剪開。油條即炸,熱辣辣 ! 加

我朋友 食食下飯嘅時候 我朋友 嗰碗飯 有頭髮 跟住叫個侍應來 同佢講話 嗰碗飯 有頭髮喎 跟住個侍應同我朋友講 係唔係你自己跌咗落去呀， 心諗 唔好咁白痴啦 係你昵个佬應跌咗落去咋， 唔好就屈得就屈啦！ 所有人聽住以後唔好再幫襯呢一間嘢 呢間嘢有曱甴 同老鼠架 食死人都唔知

今晚屋企無人煮飯, 放工後拉埋朋友陪我食飽先返屋企, 朋友想食粥, 大家都想食想快飯, 所以去左海皇粥店, 以前公司附近有海皇粥都成日食, 但執左之後就少食啦 !我地去左觀塘分店, 呢間分店唔算大, 睇左一輪餐牌就點選了以下 :1)及第粥配半條油條 $36 加以優惠價 $14 要了叉燒腸2)南瓜粟米肉碎粥配炒米粉 $36餐具係枱自已取, 不過眼見櫃桶應該少清潔, 建議要抹一抹餐具。如果要水, 可以向職員索取。食物好快到左啦 ! 我地都係SHARE黎食 ~及第粥配半條油條及第粥粥底算滑, 油條仲好脆，豬潤就麻麻地。南瓜粟米肉碎粥呢個粥我好中意食, 粟米較少肉碎算多, 但粥底無以前咁滑。有少少失望炒米粉比較油膩一點, 反而欣賞椰菜都多, 啖啖都有。叉燒腸最好味係叉燒腸, 腸粉夠軟滑, 叉燒夠惹味。食一個快飯, 揀海皇粥都唔錯。

今日唔舒服唔想出去買左我至愛皮蛋瘦肉粥加油條(Around HKD35)今次好失望味道差了粥唔夠綿滑用料十分求其唔足份量相比以前差得多瘦肉沒有另外用鹽醃過且大大塊沒甚味道,只有幾片而且奇奇怪怪加了花生油條預先放入粥中變稔賣相好似將材料掉落粥求其煮熱般十分怪異油條亦不及以前來得香脆但味道尚可接受,微鹹而不膩而且比外面買到的更好吃就算外賣回家,其口感亦不錯售價高了,但質素卻變差,最起碼要保持質素,希望下次買回來會有所改善

因為唔舒服，所以穩陣起見我揀粥，我今次冇食平時食開既皮蛋瘦肉粥，食左南瓜肉碎粥加蘿蔔糕，南瓜食落几清新，南瓜肉甜甜地易入口，有d纖維感，飽肚d,而肉碎都几多，所以我食左少少肉碎，冇食晒，我覺得小朋友都會鍾意食呢個粥，另外蘿蔔糕我覺得太削，如果可以有番一條條蘿蔔口感會實在d,建議不要加太多鼓油，因為會索得好快，會好咸

晚上11點先晚，決定食粥，車駛至物華街，叫左外賣帶返屋企，一打開，好耐咪試过料少，稀粥嘅碎牛粥，呢間簡直係表表者，碎牛少到無論，粥亦不見米量多，只係夠熱夠大碗，味精味又重，食完飮番两大杯水。炸两亦淋吾脆，不过份量足夠，好就好左D醬料用李锦記就不錯

今日經過海皇粥店，見到有糯米飯食供應就走入去試吓，睇落去樣都ok，食落去就差左D喇！飯硬左少少，臘味又少左少少，溫度又差左少少（唔夠熱）都係食番粥同油炸鬼穩陣D，艇仔粥料算多，但係豬皮同魷魚就冇咩味，撈左D炸米粉[]既碎牛肉就幾滑幾入味，最好食都係油炸鬼，依度D油器唔會用千年油炸所以絕對冇油益味，又香脆，雖然油炸食物唔健康，但係都係忍唔住口。

芝麻糊怪魔又出動啦！其實我一向都唔食海皇啲粥，太味精了，但身為芝麻糊達人嘅我嚟講，點都要試下嘅！叫外賣，等咗3分鐘左右就有，都幾大碗。返到去充滿期待咁打開，試咗一啖，嘩！咁稀嘅！其實個味道唔係真係太差，唔算太甜，但可惜真係太稀，一啲都唔糊！仲有就係有d似開水嘅，因為有少少一舊舊嘅情況！$14.5一碗，都算係平，不過試過就算喇，唔會再試海皇！

星期日朝早諗住食碗粥做早餐, 平日番工大數買外賣艇仔粥另加一個Q版牛利酥, 都OK粥底夠綿有很多料, 牛利酥都好新鮮.今日禮拜日有時間坐底吃個早餐但非常失望, 叫左一向食開的艇仔粥, Q版牛利酥冇得賣, 唯有轉吃炒米粉, 炒米粉賣相一般不是太好食. 但艇仔粥比平時食開的差很多, 稀稀的又沒有什么料, 而且很淡囗. 似乎水準有些參差.