海盜王餐廳

營業中

休息中

海盜王餐廳 出名就是大件夾抵食。位於上水區的餐廳，在美食沙漠中，都尚算一間可以的！是次嘗試在下午茶時段幫襯，內裡環境夠大，冷氣夠凍！侍應都很熱情。要求唔高，想飽肚抵食的話，歡迎可以一試。然而，第一杯水送來的時候，可以看到意粉汁的手指印在水杯，在首次幫襯的觀感就麻麻，不過杯水都只係洗餐具，不太打緊。幸好侍應落單都快手，熱情！「豬扒蔥油撈丁」一上枱發現蔥，是較為深色唔夠新鮮。不過個豬扒真係好大件！肉🥩的咬口一流！ 撈丁味道還算是很不錯👍🏼性價比都不錯！「瑞士雞翼配什果沙律」要讚賞個瑞士雞翼！瑞士汁好味！ 雞翼嫰！ 值得一試！什果沙律就是普通的罐頭水果。「港式奶茶」還算是 不錯👍🏼比一般茶餐廳的普通口感更好，茶味更濃！

一講起上水符興街，大家第一時間會諗起藥房同藥妝店，但其實嗰度仲有幾間茶餐廳的。當中就有比較顯眼嘅海盜王餐廳啦，話佢比較顯眼係因為門口用左鮮明嘅天藍色，大大隻字寫住海盜王，所以真係幾易認！🤣而且裏面嘅裝修真係以海盜為主題，都幾特別架👍🏻呢間餐廳我都黎過幾次，差不多次次都係食意粉，今次我就叫左個忌廉煙三文魚意粉，分量對於我哋女仔黎講真係剛剛好，唔會太多或太少，味道亦都不過不失，貌相同味道同出面啲西餐廳都算有得比，但價錢只係$5x就食到，真係算抵食啦！！👍🏻

呢間海盜王係我嘅食堂，幾乎每個禮拜都食幾次，因為佢嘅雞扒飯真係好抵，每次有兩塊雞扒再加兩隻太陽蛋都係$56 ，配嘢飲，基本上我每次食呢間都係叫呢個飯，同埋啲姐姐好好服務，食食吓佢哋都記得我，過咗兩點嘅下午茶就變做40幾蚊，個雞扒飯就變咗$1同埋少咗一隻蛋，但我覺得呢個價位都唔錯，下午茶先有嘅肉醬係最好食嘅，之前嘅咖喱汁都唔夠肉燥汁咁好味。建議可以喺兩點之後食，因為會少啲人同埋會平啲，佢仲有個咖喱牛肋條飯係佢嘅招牌。（之前佢裝修咗成個月冇得食，真係等到發霉）

裝修期間無去海盜王幫襯初頭仲以為佢執咗笠好彩12月中開返2024年開返工心思思好期待同同事一齊去回味一下試試質素有無提升我叫咗個蔥油瑞士雞髀飯無加到價都係$56賣相幾好雞髀色水唔錯但有色無味蔥油太黑又缺乏香味成個飯都淡戊戊尚可接受凍咖啡少甜少冰 不過不失但偏甜同事叫咗個乾炒豬扒意粉都係$56但係等咗接近20分鐘上碟份量不似預期少咗一半勁似人地食剩咗再翻兜出黎咁又係有色無味而家仲要無跟西湯跟餐少咗樣嘢裝修後成間舖感覺差咗好多太光猛卡位太迫又無晒海盜嘅特色食物質素差晒上水失去了一間好茶餐廳可惜可惜

上水海盜王餐廳是一間足料 、大份、專食扒的餐廳每次上班中午時感到很肚餓，都會選擇海盜王！因為不能食任何食物，份量都會10分大份，尤其是牛扒、豬扒、雞扒吃一些斧頭扒也只需要百多元！這天朋友叫了芝士撈丁！一大塊芝士舖在出前一丁上面，混合起來10分好吃！另外我叫的是蕃茄焗通粉，焗通粉在其他餐廳特別少有，快餐店也通常是焗飯，所以這個星期肉醬通粉只是$68 十分抵食另外有一個蒜蓉炒意粉，味道也10分濃烈、陣陣蒜蓉香

又係黎上水搵食既時間，今日我地食西餐。我叫左個肉眼扒餐$68：連湯＋餐包＋野飲(凍飲+$3)，本身諗住叫西冷扒($65)但係唔包湯同包，所以唯有轉啦。黎到見到個包就咁放係個餐湯上面，為左減少碟既消耗我表示理解既，但勁驚佢跌🤣🤣但個南瓜湯好彩無加錢飲，如果唔係我應該會後悔。佢無乜味，量又少。同枱叫左西冷扒，兩碟一齊黎發現其實都差唔多樣=_= (唔識分西冷定肉眼），個味正常既，正常港式扒餐味道。$71 一個餐有D貴 唔係好值。

尋日小朋友的班活動去上水附近的農場，order左海盜王餐廳的午餐到會，個個大人細路都話好好食，溫度好好，份量好足✨✨真係預好時間煮好即送餐到農場門口👍🏻真係有質素。今次午餐list 栗米汁焗雞扒飯 * 雖然錫紙兜，但係好有餐廳即焗出來的賣相。招牌咖哩牛肋條飯 * 聞到好香，家長們話其實好吃的，不過因為是日上水39度真係食唔曬卡邦尼意粉 * 小朋友們食到lam lam 脷，料就正常煙肉火腿菇，個汁同味道啱小孩。香辣蜆肉意粉 * 乾身得來有汁，家長們滿意安格斯牛肉漢堡配薯菜 * 漢堡有厚度，唔係肥油嗰種juicy, 我喜歡佢夠味。值得推薦👍🏻👍🏻

惠康對面 藍色招牌寫住海盜王個顏色都幾易睇到餐廳裏面有卡位最入面係水吧及廚房門口埋單收銀嘅位置有啲迫咁啱如果有兩三個排隊叫外賣 俾錢就會塞住咗條路黑椒牛扒配薯菜 牛扒size合理☆*旁邊嘅沙律還可以

之前聽過下朋友分享，話呢間既西式野幾好食，經過都見幾多人，就入去試下啦。咁岩隔離枱就問侍應生，呢個肉眼扒同午餐個牛扒有咩分別，侍應姐姐有講解佢知既。午餐好似平十幾廿蚊，咁我就裝下人地個餐同我果個啦，目測午餐牛扒就似西冷，應該un少少，厚少少。以賣相嚟講，我覺得個肉眼扒餐比較靚仔，牛扒個肉質醃得少少淋，仲有d咬口，味又唔會好過份，黑椒汁都好有質感，唔似其他茶餐廳有加粉果d杰身一pat，薯條仲熱，餐包嚟到仲係暖身，有蒜蓉牛油香味，蕃茄忌廉湯幾濃味，好飲。杯凍啡就不覺不失。用價錢嚟比較食物質素，我會比八十分，水準以上。值得再幫襯既小店。

去上水上堂上左半日，放lunch鬼咁肚餓，奈何學校d午餐難食到不得了🤢，唯有出去搵食，四圍逛下俾我見到呢間《海盜王》餐廳望下門口個餐牌，見到個雙腩炒河咁特別，一於試下以形補形，補下我個腩🐖。所謂雙腩炒河原來係火腩🐷加班腩🐟，再用牛🐮河既做法去炒出黎，佢有牛河既鑊氣但冇牛河既油膩，食起黎都算乾身，味道幾好。另外飲埋杯熱㷫㷫既鴦走，食飽出門口暖笠笠，好滿足😂

可能你會覺得上水舊墟嘅餐廳唔起眼，但疫情以來多左機會逐間試(因為少左好多水貨客)，海盜王係其中一間經常去食lunch的地方，而且一定要叫意粉，一定要叫意粉，一定要叫意粉!!!點解?以為係港式西餐格局，但佢個意粉好食過好多西餐廳，係勁重蒜香味，而且做到al dente口感,一食就知有誠意，配菜個沙律亦好fresh!

漢堡裏面有條頭髮，好彩見到冇食到😰！！！！！！！ ！！！！！！！！！！！！！！！！！！！！！！！！！！！！！！

放假就想去啲平時唔會去嘅地方搵野食，今次去左上水試呢間《海盜王餐廳》，而家兩點後做緊八五折優惠，性價比高，值得一試！#海盜王餐廳 食物：特專黑椒肉眼捉扒配薯菜- 香濃黑椒汁配上大大塊牛扒，牛扒香而嫩，仲有脆卜卜嘅薯角。😋忌廉湯- 大大碗，有香濃牛油味😍

🍴《 海盜王餐廳 》I▪️🅘🅝🅣🅡🅞Lunch時間餓餓地，睇下屋企附近有咩好嘢食，搵到位於上水舊墟嘅餐廳，入到去嘅裝修與店舖名稱真的相似。看了很久餐牌最後點了忌廉鮮蝦意粉，味道不錯，重忌廉又勁重蒜香味，好creamy! 估唔到細細碟又有幾多蝦啵！蝦又新鮮彈牙！最後勁飽肚。I▪️🅟🅡🅘🅒🅔Lunch🔹忌廉鮮蝦意粉 +凍飲🔸HKD 52I▪️🅐🅓🅓🅡🅔🅢🅢📌上水📍 上水符興街21號地下

我自己覺得上水係飲食沙漠，叫我講出一間似啲樣嘅好餐廳，我真係點諗都諗唔出，哩嗰係我個人感受，唔需要批評。其實要評論一間餐廳嘅出品，唔一定係要去大餐廳食fine dinning，其實好簡單嘅一般平民食品，就試得出廚師嘅功力。公司三文治，就最能夠試得出一間餐廳嘅水吧師父嘅能力。我就叫左個公司三文治，公司三文治要烘底，但係呢個就烘得唔夠徹底，已經係明顯唔合格 ! 火腿冇煎過，係求其hea ! 煙肉煎得唔夠香口，芝士亦係未到半溶狀態。就係以上幾點，我都足以可以評論，呢嗰公司三文治喺唔合格。A failed club-sandwiches。