海逸皇宮大酒樓 (已結業)

有很多櫻花蝦,蝦味特濃,味道很特別.蛋味香濃,炒飯很乾爽,有口感,有菜粒,唔會太油,直得一試!^_^乾炒牛河,加左芝麻,可以好香架!牛肉好嫩滑,唔會有楂!又唔多油,好考功夫呀,一定要試吓!加 D 豆辦醬,仲正!

脆肉瓜炒三菇(冇放肉但幾好味! D 瓜幾脆,菇菇有益!)蒜茸蒸勝瓜(有蒜香,瓜又甜!OK)排骨炒河粉(我鐘意多洋葱,又香又甜!)#各位記住,炒河粉最好多详葱,香好多!#XO醬炒腸粉(落重料炒,少少甜醬和麻醬,已經好好味! ^_^ )下次落 D 豆辨醬,可能會仲好味!

海逸皇宮嘅食物OK，樣樣嘢嘅味道都唔錯。服務OK，響我地張椅下低打碎咗隻碟都識講sorry。因為裏面有飲宴，所以叫我地坐響厠所2道門後面，好唔衛生。抵食方面，6個人食咗675蚊，OK啦!!!

與家人到紅磡逛逛，到午飯時便隨機的走到這間酒樓試試。意外地，到午飯時間意然一到便有位，還要是空位奇多。可能是因為地方頗大吧！點心的種類很多，其中看見有不少頗懷舊的款式，也有一些是未見過的，便叫一些來試試吧。先來的說炸物，因本人一直都十分喜愛煎炸食品的。炸雲吞夠脆，感覺新鮮。可惜的是醬料太稠，點雲吞時不能全個浸下去，不能盡興。炸芋角便免卻了這個問題，單單是芋角自己的表現。外鬆內軟，十分味美。再來的豬腳薑。豬腳仔軟軟的，十分入味。雞蛋則外皮實實，內裏夠鬆。不錯之作。我們也叫了一個例湯：蓮藕湯。因很久都沒有湯水的滋潤了，所以真的很喜愛，雖然是偏咸了少許，但可接受。跟着便來了一個湯浸棉花雞，是第一次知道有這一款菜式的。藥材湯浸透魚肚及雞肉，魚肚爽之中每一口都有湯水流出來，而雞肉就保持住嫩滑的口感，一點不像是湯料，但每一口雞肉也滲有湯味，真難得。然而有一款點心是不合格的，那就是馬拉糕。外型雖然頗可愛，但咬下去時十分黏牙，一點都不鬆化。真一點敗筆之作。

已不知係第幾年來這裡春茗，印象都是強差人意，今年重臨，也不抱期望。沒有期望，不等如沒有失望，大概十道菜，沒有一道係值得推介的，也不在這裡詳列。連炸子雞都做得不好吃，全沒有肉味，雞肉像紙屑一般的質感。另有兩道菜蔬，荷蘭豆的邊緣部份沒有清除，西蘭花就像是白灼一般無味的，且過腍。條班的肉係霉的，且帶腥味。笑口棗係腍的！服務就幾好，可能因為係熟客及當晚少客之故，但食物水準則不敢恭維。總之若非親戚請到，就一定不會來幫襯！

已經係同屋企人來依間酒樓第2次,d野食除左份量多之外,係<飲>當中0既魚翅,重係好多料,唔係只係得d湯同粉絲!食0既石斑係好大條,蒸出來好滑,火侯剛剛好!窗外對住0既係海景,食住咁美味0既野食同時,又有海景睇,自然環境盡入眼中!包大家食完,肚一定唔會空!

琴日同左d同事o係度食飯,因為要聯歡晚會,坐到超迫,好唔舒服,因為張枱勁細,果度好污糟,好殘,d小二 十問九唔應,而且態度差到呀,佢圬係唔會攞野比你飲,我地竟然要自己好雪櫃攞,今次真係自助餐!!老實講d野真係好難食,我係第一次食到唔想食,我好肚餓但真係食唔到,尤其係碟飽片,真係好似食膠擦咁,d菜勁老.......真係唔想再提呢間店!!

慶祝回歸儀式完咗,但係大球場仍然有一大班人未能走出門口,因為東院道塞晒,所以我地要係球場等二個鐘頭左右,先輪到我地出去.之後可以走啦,我地跟住大隊一齊去中央圖書館度上車,我地架車d人無走失,所以可以好快就開車去海逸食飯,去到大概一點多,但我地約咗點半人地先交得枱俾我地,但過咗點半,仍然未有枱,其實邊度會咁盡時吖,最終能坐低既時候,差唔多2點了.大家唔知係咪好肚餓,當第一碟上既燒味拼盤,我阿媽其中一個親戚話,咦...點解冇飯既,我話應該有架.到第二碟上既時候,個親戚又講,點解冇飯既,到第三碟上既時候,仍然係咁講,我話,係有飯架,叫佢放心啦,講到我都覺佢好煩呀.個燒味拼盤,ok啦,一黎就黎碟肉,等大家飽d,到第二碟既油菜,咦...真係幾多油,少d就好d.第三碟係雞,呢碟雞真係幾好味,仲有雞味,唔錯....後尾上蝦餃,叉燒包,蝦餃仍然好彈牙,而叉燒包不過不失啦炒飯同麵,都唔錯,我諗食乜都覺得好食,因為實咗太肚餓啦甜品係蓮子紅豆莎,呢個我阿媽話正呀,因為唔係咁甜,岩佢食

第五組林老闆為慰勞大家上個星期幫手佢個組搬屋事宜,今日既中午請咗大家去海逸皇宮食飯,多謝林老闆.我地12個人分2架車去,我地架車先到,所以我個ACO先叫定點心,佢叫咗咩....家鄉煎咸薄罉 (冇食)翠瓜蒸鳳爪 (OK,入味,夠腍)潮州蒸粉果 (冇食) 家鄉煎魚餅 (太油,冇食)海逸蝦餃皇 (隻蝦都幾大隻,一般彈牙)皮蛋瘦肉粥 (冇食)焗蜜汁叉燒餐包 (OK,味道幾好) 五柳炸雲吞 (冇食)蠔皇叉燒包 (冇食)原隻鮮蝦腸 (OK, D蝦同蝦餃既蝦差唔多)大富豪炒飯 (蟹子係飯上,感覺好HIGH)瑤柱金菇雞絲炆鴛鴦米 (唔會太乾,幾入味)糖水食完,個個都好飽,林老闆還問各人飽唔飽,真係多謝晒此餐吃了640元左右

公司d Temp Clerk 做埋18號就要走啦,只留到2個 Temp Clerk 去新合約繼續做,公司唔係唔請佢地呀,而係人各有志,有d轉行,有d讀書,咁又係既,留係度做咩!點做都係 Temp Clerk,冇前途.人地走,我地呢班同事當然要夾錢歡送佢地啦,我地既上司選咗漁人碼頭裡面既海逸皇宮大酒樓.記得今年食開年飯又係去呢度,我地17個同事都係食咗9百幾蚊,當然上司請,嗰陣已經覺抵食.但今次是大家夾錢,所以咁既價錢應該岩我地d打工仔啦,因為太貴俾唔起 去到,我地張枱係望住個海,個view都唔錯,食野都會舒服d,跟住坐低我地第一時間當然睇有咩點心岩食啦,見到有張過咗膠既粉紅色單張,上面寫住每日特價篇,我地望一望,見到今日特價既食品真係好抵喎,今日有咩特價 :-除咗蟹籽燒賣皇叫了三籠外,其它我地每樣都叫了一客,提一提今日做特價既 菜心肉片炒麵,同蝦乾魚滑翡翠窩都好大碟,唔會因為平咗而細碟咗,而蟹籽燒賣皇$6.8 四大粒,咁先叫抵食嘛.都值得一去.十一個人食咗600蚊,我地8個人請3個,所以每位要收$75蚊.

好耐無嚟過, 可能上次的經驗實在太差, 所以今次期望甚低下, 反而覺得幾好喎, 無論如何, 食物質素依然比一般差, 八號風球, 到到都無開, 所以重來, 叫了蝦餃, 太大件, 皮不夠彈牙, 太淋, 而且四隻的皮都穿了, 內裡的蝦算彈口, 但無味, 應該醃製太耐, 腸粉不太差, 但都是太淋, 排骨太大舊, 肥肉不算多, 但大舊難入口, 蒸排骨伴碟的芋頭, 顏色又黑又瘀, 另外再一碟河葉飯, 還不算差, 好過好多茶餐廳水準, 全餐$109, OK啦, 提醒各位, 論服務水平, 那些年過四五十的中年女性侍應, 好過年青力壯的男侍應好多, 禮貌及服務週到

好耐以前黎過一次, 呢次諗住再encore, 朝早飲茶成個大堂比人hold 左搞function, 只可以去偏廳, 野食全部唔新鮮, 好似隔夜咁, 叫流沙奶黃包, 果啲流沙係唔會流既......燒賣啲豬肉係'煤'既....山長水遠, 咩都唔掂. ...

20070817一行十一人晚餐，靠近朋友屋企，就選了這裏，是晚只有五六枱客人，但據說已經是屬於星期五的“旺場”了，一般這裏就是靠週末早茶、婚慶飲宴和自由行包場午餐來維持，也真難為它了。不知道是不是這樣的原因呢，這裏的東西絕對的大份夾抵食，一個有湯有雞有蝦一斑兩味的八人全包宴，也只是888元，而且碟頭大得嚇人，端上來時著實令我們“哇哇”聲，點菜時高估了大家的食量，加了釀豆腐、百合炒素珍以及燒味拼盤三樣東西，結果，任憑在座8位男士苦戰個半鐘，也還是有剩餘。與一般酒樓相比，這裏的出品著實不太精緻，味道也一般，芡汁很重，主要還是不用訂位、起菜神速和實惠有加吧。

星期一至6,早上10:30前的早晨套餐好抵, 三款粥任選一+一款點心都係16元,小盅飯8-9元.同老公去2人好多時40元走得.見好多一個老人家,嘆一個粥+一款點心,23元走人.幾寫意,但一到12:30就座無虛席.所以多數9:00坐到12:00就走人.最正係有180度海景.

這酒樓，我去親都混不自在，堂食檔油煙味勁，食物亦偏油膩煎炸，偏偏上一輩就十分喜歡，說氣氛熱鬧，吃得開心。諗深一層，其實家庭聚，主角是老人家，他們開心就是了。如果你(或你的雙親)是舊式歌廳酒樓的支持者，你必定會喜歡這裡，尤其是晚飯時段，因為這裡時不時都有老牌歌手表演助慶。食物方面，午市點心穩打穩紮，味道傳统。堂食檔的煎釀三寶非常受男友一家歡迎。圖示的煎腸粉味道其實麻麻，但肥外甥一樣照掃，成碟差唔多佢食哂。晚市男友一家都有幫襯，水準極大路，勝在不用等位，兼大件夾抵食。正宗團年飯格局。