海逸皇宮大酒樓

營業中

休息中

位於紅磡海逸道8號海逸坊的海逸皇宮大酒樓，如果坐窗邊的話，這裏可以看到海景，家人很喜歡到這裏晚飯。今晚叫了三個餸，味道不錯！1）脆皮炸燒雞：炸得非常香脆，雞肉肉質算嫰。2）排骨二弄：一碟排骨用了兩種煮法，分別有酸甜及椒鹽，叫一個餸就有兩種口味，抵食！3）清蒸海上鮮：這條鮮魚味道不錯！

與市區的餐廳比較，這間算係咁啦雖然食物味道不是超凡，因價錢不是太貴，所付出與回報是正比例，食物標準就預咗係普通酒樓Standard，不過不失，晚市有啲餸菜都幾好味，真的不是太差。如果比起$300飲一歺茶，又貴又食唔飽，性價比低，食裝修為主，我就寧願比平啲，水準不是太差嘅食物，費事勞氣環境寬敞樓底高，唔係好靚，不過開陽。員工態度，就睇吓邊個炒散返工，撞彩吧！

今天星期日，同屋企人小朋友一齊去附近飲茶，諗住近近地行10分鐘便來到海逸皇宮，一入到門口接待處位置完全冇人理會，只看見有枱員工在吃飯。我哋都要示意我哋要找位置，員工遠距離叫我哋自己搵位坐，我哋坐了下來，等咗一陣都冇員工過嚟，咁我哋都要叫開茶，同埋都要拿多一份碗碟，見到有個女員工經過，都唔知佢聽唔聽到行過咗就算，一個回答都冇。真係勁冇禮貌，個個都十問九唔應！到底係間酒樓請唔夠人定係啲員工Hea做？真係勁無奈，原本諗住開開心心飲餐茶，今次係第一次來，亦都係最後一次。

疫症期間免得出外同人逼，近近哋去海逸皇宮大酒樓晚飯，可能近工廠區，晚上人吾多，地方闊大。帶了生日蛋糕不另收費。食物方面：脆皮燒雞香嫰，特價98蚊一隻抵食，菠蘿咕嚕肉好味，芥蘭炒臘肉惹味，飯後還有蕃薯糖水送，整體食物唔錯，值得再去。

公司同事午飯茶聚，全部點心都係蝦，哈哈哈！海逸蝦餃皇，雪白勁厚餃皮。原隻蝦燒賣皇，一咬即散不夠結實，蝦鮮爽肉甜美，偏肥味道可以。黑椒金錢肚，羶嗅味強烈，黑椒都遮掩不了，質地非常軟棉。蒜香蒸排骨，肥到入唔到口，舊舊都肥騰騰，晶瑩剔透的肥膏要咬走晒，只得兩成係瘦肉，味道非常油膩。上湯鮮竹卷好淡，北菇棉花雞正，蠔皇叉燒包平凡。鮑汁鳳爪，炆雞腳都已經爛晒，非常入味，濃到有點濁，肉嫩滑微膠合格。原隻鮮蝦腸及布拉白腸粉，一試無妨。香芋蝦春卷，有 9 成都係芋蓉吃不到蝦肉。脆皮燒腩仔，完全唔脆勁肥勁多肥膏。酥炸素鴨，豉油味重略咸，不吃也罷！佛山燻蹄，自家醋超好味，燻蹄肉勁彈，十分有咸香食得津津有味。XO 醬炒腸粉，非常香口微辣熱騰騰好好食。燒肉汁魷魚鬚，燒肉汁？勁甜照燒醬。菠蘿京都骨，放左幾耐架？凍冰冰杰撻撻衰過三餸飯。上湯芥蘭，甜美爽嫩。皮蛋瘦肉粥，味道怪怪的。牛柏葉，爽中有點韌，切得唔好，連住成排過，有薑蔥味都不錯，用烏冬底幾有趣有創意。上素粉果、叉燒腸粉、鮮蝦豆苗餃，免強可以。干燒伊麵，濕淋淋腍腍的，淡茂茂沒怎樣味道，狂撈豆瓣醬是但清掉。瑤柱蛋白炒飯，黑媽媽顏色陰沉既？無洗鑊嗎？鑊氣係有少少，

老豆生日飯＋補食中秋飯，這裡基本上是我家飯堂，有什么慶祝這裡肯定是優先考虑，因夠大，無位機會極微除了被人包場，今晚散叫，可以點自己喜歡食物，生日飯紅皮赤壯一定吾少得，乳豬已预先訂好，皮脆肉滑好好味，炸子雞叫了三隻(兩枱)，條魚就差了，以為是蒸的，點知是炸，即是不新鲜，另外點多兩三款小菜，炒飯，伊麵，壽包。要讚下幫我們堂剪乳豬嗰位師父，件件大小適中，分兩枱食，剛剛好，没有剩，上次以係兩枱點了兩隻，點知個個眼濶肚肚窄。

一间老牌港式酒楼，他的主要生意對象便是公司/单位晚宴联欢。所以它的整体设计都是以无柱式大堂为基础。多年前从尖沙咀落户到红磡。装修方面，更觉其心丝，加上一个无敌大海景，落地大玻璃，在此用餐，非常有高大尚土豪感觉。很多不同外国旅游团队和自由行人士也来此光顾。食物方面也保持一贯水準。服务员不会只推销高价海鲜。相对其他酒楼，他是走一个实而不华的平民化的路线。早午是传统粤式点心，晚市是小菜宴会。现在市场己不多这种型式的酒家。

來過幾次，有警察團聚，有高校聯聚，有同鄉會聚，因地方够大，昨晚容纳到101枱，但應該扣埋D“4”字嘅枱。我呢圍喺正窗口位，可以望見美麗璀璨海景。圍餐要求唔敢太高，但呢個清蒸大海斑火候控制得宜，够熟，啱啱好又唔會過熟，所以好嫩滑，全圍人一致讚好

老公話今年係第一年出街團拜因為平時喺婆婆煮俾我哋食我食過兩年婆婆嘅手勢真係好好味不過大家都有同感唔想婆婆咁辛苦所以今年出街食我哋揀咗呢間酒樓食團拜餐新年嘅餐單都係咁上下不過我覺得整體來講都係唔錯嘅乳豬都夠大件，皮夠脆，肥膏唔算多我個人就幾欣賞個舊蝦丸，好彈牙隻雞都幾好味，不過老老實實真係細隻咗少少其他嗰啲新年菜式，即係發財好市嗰啲之類都係一般酒樓咁上下，不過個鵝掌就幾入味又夠大隻👍🏻另外糖水我就覺得紅豆沙入邊有湯圓都幾有誠意，究竟因為新年先有定係不嬲都有㗎呢🤔另外我平時唔食嘅笑口組佢呢個又整得幾好食，好鬆脆👍🏻不過老老實實我都係覺得婆婆整得好食啲😆

食晚飯，場地已經唔緊要首先一坐低感覺已經唔太好之後發現成圍人既匙羹原來未洗過，我果支仲要後面痴住啲食物渣，請侍應換一支態度極惡劣，最後支匙羹都冇俾過我 我都費事催其後發現除左匙羹外碗碗碟碟都好污糟，酒杯入面係放擺係大脾既餐巾 之後食物質素一般，但侍應態度仍然極道惡劣，不斷催我地快啲食快啲食要上菜冇位擺，仲一路企係我地張枱隔離望住我地食呢啲都唔係重點，重點係我最後又痀又嘔 希望可以提醒及俾啲意見一下大家

今日同婆婆慶祝生日 book左呢間酒樓一齊食晚飯我地一早預留左呢個set 嚟到唔洗再睇餐牌叫菜先嚟個紅雞蛋 冇咩特別既 都係d意頭野喜慶金豬滿華堂呢隻乳豬算幾多肉 皮好脆 唔會覺得硬肉味香濃 肥瘦適中幾好食如意吉祥雙花蚌佢d菜分類都幾多 蚌爽口 好有口感 豆都唔會好老富貴伴玉帶其實呢個菜即係西蘭花炒帶子西蘭花我略厭生左dd 會有少少草青味帶子就正常 唔會有雪藏味紅燒花膠雞絲翅呢個我冇食 但係我屋企人話覺得鹹左d原隻鮑魚扣鵝掌鮑魚煮得夠淋但唔會欠口感d汁好濃味 撈生菜食一流沙巴龍躉魚蒸到好滑帶 夠曬濃味條魚應該算幾新鮮 脆皮雞皇我覺得碟雞擺碟就真係差d 冇咩美感可言雞肉我覺得有d鞋 皮都唔係好脆另外仲有飯同埋伊麵我淨係食左伊麵 味道係還可以但就比較油整頭覺得呢間酒樓d野食都係比較鹹但係份量都幾多 一定夠食

今晚同家人－齊試下四人龍蝦鮑魚團購餐，講真四百幾蚊有龍蝦鮑魚帶子食真係好抵，所以對它沒有太大期望！今日係星期日，按規定服務費要收＄160，平日就收＄120。我們訂了七點，被安排坐靠近窗口位置的一張12人枱（我們才四個人哦），不過見其他來吃團購的食客也是這樣安排。窗口望出去有180度全海景景觀，視野廣闊，令人心曠神怡頓時覺得齋睇環境已經抵哂雖然地點有些隔涉，離黃埔港鐵站有些距離！團購餐有:上湯龍蝦伊面龍蝦肉厚彈牙，伊面爽口估不到團購都有水準！花膠海參海皇羹（位上）花膠海參切粒，雖然份量不多，但都真材實料，味道ok！果皮蒸大連鮑魚（位上）鮑魚新鮮大隻，蒸得剛剛好，易咬彈牙，還散發出陣陣果皮香味還貼心地除去了鮑魚内藏。西蘭花炒帶子四人份量來說實在好大碟，帶子份量也很多，抵食！脆皮雞半隻味道不過不失！魚湯鮮腐竹浸菜苗健康清新！櫻花蝦炒飯炒飯炒得好香又乾身，不會太油膩，好味桂花糕有好清香桂花味，不會死甜，不錯！值得－讚係無時間限制，食得放鬆又自在估不到這個團購餐有咁高水準！

打電話去打左2次，想問3月想擺2圍，接電話既女人態度好差，非常不耐煩，叫我等一陣時，同d職員比說話我聽，話有生意做唔通唔接咩？個女人對個同事大聲對罵，我問3月有邊個星期六有位 ，佢同同事講話我叫佢逐日check。第一次問叫我遲d打黎再問，第2次打去問又話叫遲d，話有好多電話，幫我check 唔到個日子，之後直接掛電話。服務非常差！趕客！請我去都不會再去！好想投訴個女人！公司請你返黎既工作係幫公司趕客？

海逸皇宮我地成日LUNCH來飲茶, 今次食下晚餐先!夜晚可以對住個大海景食飯 , 不過窗邊全部大檯 ... 2個人冇得坐 菠蘿咕嚕魚塊$58 - 酸甜度適中, 魚塊唔霉, 係洋蔥比較生, 如果熟留D就可以食埋! 京式片皮鴨(一食)$50  - 一般, 鴨皮都脆, 但部份鴨皮唔夠薄, 直情食燒鴨咁, 不過都算過得去花膠鮑螺片扒時蔬 $58 - 花膠唔膠淋似未發夠, 整體味道唔差!總結 : 以唔駛$60一個"食送",食物質數及味道唔差來講, 都可以成日來, 下次再試其他菜式!  P.S. 茗茶 $12位 / 酸菜 $12 / 白飯 $12 及加一服務費 , 兩個人入去未叫野食都以經收左$40

海景靚，食物味道尚何。但女侍應服務奇差，扮睇吾到，只與熟客交談。有特價點心紙，不問不會給你，也不會告訴你。走到面前請她加水，竟然說，那是他們午膳的時間，人手不足，你睇吾到咩？真是經典！