影片
港鐵尖沙咀/尖東站 B2 出口, 步行約4分鐘
繼續閱讀
電話號碼
25430093
開飯介紹
韓式食品超市「韓印紅」旗下第1間韓國餐廳，以矜貴的「海、陸、空」食材入饌，主打韓式鍋物；店內更零售韓國農產食品，方便你把當地風味帶回家。
繼續閱讀
營業時間
今日營業
11:30 - 22:30
星期一至日
11:30 - 22:30
*Lunch 1130-1500,
Dinner 1700-2200,
Bar 2200-2330
以上資料只供參考, 請與餐廳確認詳情
有關獎賞計劃
相關文章
平日晚上6點開餐，可能時間尚早，餐廳嘅食客唔算多。餐廳大而廣，枱與枱之間闊落，佈置亦好有氣氛。好快齊人，睇睇餐廳亦好快落單，上菜速度都好快：🍭前菜有6小碟，分別有泡菜、青瓜絲粟米沙律、酸蘿蔔、涼拌蓮藕及薯仔、翠玉瓜。可以無限添加，當中以泡菜同青瓜絲粟米沙律較為出色，所以添左好多次。🍭辣炒年糕+油炸蔬菜年糕出奇地入味，而且煙靭得來口感腍，唔會咬極都係咁靭嘅感覺。炸蔬菜，炸粉口感薄而脆，無油膩感。🍭辣味肥牛豆腐湯配飯辣味適中，湯味中規中矩，略嫌肥牛配料較少。🍭海鮮拉麵湯底味濃，胡椒味重，本身好胡椒味所以覺得幾好味。🍭韓式芝士煎蛋卷整體口感味淡而且膩，有啲可惜。🍭韓式炸雞（原味）炸雞有啲失望，炸粉厚，炸粉表面乾，炸得硬，雞肉已經柴。🍭韓式炸雞（甜辣）一樣嘅肉質已經乾，只是淋上甜辣味，未有太大分別。環境好寬闊，以為無咩人流但原來好快坐滿，越夜越有氣氛。
繼續閱讀
今次想食韓國嘢，就嚟咗尖沙咀嘅「韓印紅」隔離嘅海陸空！佢哋唔係喺韓國街嗰邊，去到門口會見到大大個招牌㗎啦～環境都舒適，空間感十足，啲枱都好大張，坐得好舒服～ 嘢食都好大碟，而且價錢又唔貴，抵食夾大件！🤩 如果要慶祝生日都好推介呢間，個電視會有壽星嘅名，啲店員仲會唱生日歌同派啤酒俾全場嘅食客，氣氛好熱鬧🤣——小菜：一坐低就送上六款唔同嘅韓式小菜，包括黑豆、魚餅、泡菜、西蘭花🥦、蘿蔔、沙律🥗。樣樣都好食，可以一路食一路等主菜～特別係魚餅，真係好有韓國風味😋🦪韓式煎蠔餅：平時食開泡菜煎餅或者海鮮煎餅就多，蠔餅真係第一次見！外皮煎到金黃香脆，入面就係成隻蠔，而且佢哋仲保留個蠔殼，食落好似平時食生蠔咁，好得意🤣🐷韓式糖醋肉：自從之前喺Bong樓食過糖醋肉之後，就一直念念不忘，好想再食😭 終於喺呢度搵到啦！佢哋嘅糖醋肉真係外脆內軟，酸酸甜甜好開胃🙂↔️🐓炸雞：炸雞炸得啱啱好，外皮香脆，雞肉嫩滑多汁，而且唔會太油膩，配埋啤酒一齊食就perfect🐖藥膳滷豬腳：藥膳滷豬腳好入味，藥材味唔會太重，豬腳炆得好淋，啖啖骨膠原🥰🥣鮑魚人蔘雞湯：*鮑魚人蔘雞湯就真係好足料，入面有一條大大條嘅人蔘，仲有大大隻嘅鮑魚，雞湯清甜滋補，飲完個人暖笠笠🥰🐙300°C石板韓式海鮮炸醬麵：鐵板麵都真係比較少見！店員仲會好細心地幫我哋分麵～ 我本身唔係咁鍾意食炸醬麵，但呢個麵嘅醬汁真係好濃郁，配料有魷魚、青口等等，好惹味，忍唔住食咗好多🤤——食到差唔多嘅時候，老闆娘佢哋開始執嘢，但一直同我哋講可以慢慢坐，唔急🥰總括嚟講，海陸空嘅食物質素唔錯，而且價錢相宜，難怪夜晚都幾多人食飯同排隊！如果大家係星期五晚去嘅話，建議book咗枱先啊🫡推薦指數：✨✨✨✨✨
繼續閱讀
朋友幫我係呢度安排慶生，真系垃圾餐廳，本身朋友安排左係會有生日祝福係個screen到 點知個電視無signal 吹漲….成台都係野食無啦啦上個蛋糕上來 話太忙太多人 係咪玩野呀 人手唔夠係你地ge問題啦 侍應仲要用戴住執碗碟ge手套篤到個蛋糕 真系蛋糕都蝕埋比距 呢間野真系永遠都唔會再去！
繼續閱讀
今晚，我和幾位朋友一起享受了一頓美味的韓國晚餐，這是一個令人期待的聚會。當我們走進餐廳時，濃厚的韓國風情立刻撲面而來，牆上掛著傳統的韓國藝術品，桌子上擺著精緻的陶器，燈光柔和，營造出一種溫馨而舒適的氛圍。我們點了幾道經典的韓國菜，首先上桌的是人蔘雞湯。這道湯品的湯底看起來清澈透明，散發著淡淡的人蔘香氣，讓人感到十分誘人。雞肉煮得非常入味，肉質鮮嫩，湯汁濃郁，喝上一口，整個人都感到暖和起來。這種滋味讓我想起了媽媽在冬天煮的湯，充滿了家的感覺。接下來是炸雞，這是我們最期待的菜品之一。當熱騰騰的炸雞端上來時，外皮金黃酥脆，散發著誘人的香氣。我們每人拿起一塊，咬下去的瞬間，外脆內嫩的口感讓人驚喜。炸雞的醬汁也是一絕，甜中帶點微辣，完美地襯托出雞肉的鮮味。大家邊吃邊聊天，笑聲不斷，氣氛輕鬆愉悅。炸蠔也是我們的另一道選擇，這道菜的外觀十分誘人。每顆炸蠔都金黃酥脆，裡面則是鮮美的蠔肉，搭配上特製的醬料，口感相得益彰。咬下去的時候，鮮嫩的蠔肉瞬間在口中化開，讓人意猶未盡。最後，我們點了冷麵作為結尾。這道菜在炎熱的夏季特別受歡迎，清爽的口感讓我們在一頓豐盛的晚餐後感到滿足而不油膩。冷麵的湯底清淡，麵條滑順，配上新鮮的蔬菜，讓整體味道更加清新。整體而言，今晚的晚餐不僅味道出色，餐廳的氛圍也讓人倍感愉悅。朋友們的陪伴和美食的享受讓這個晚上充滿了笑聲和溫暖。用餐結束後，我們還意猶未盡地聊了一會，分享彼此的故事，讓這次的聚餐成為了一個美好的回憶。今晚我選擇了韓國食物，點了人蔘雞湯、炸雞、炸蠔和冷麵。人蔘雞湯湯底濃郁，雞肉鮮嫩，讓人感到溫暖。炸雞外脆內嫩，搭配特製醬汁，味道一流。炸蠔鮮美多汁，口感絕佳。冷麵則清爽可口，特別適合這個季節。整體來說，食物的味道都非常不錯，餐廳的氣氛也很愉悅，讓人倍感放鬆，享受了一個愉快的晚餐時光。叫咗人蔘雞湯，炸雞，炸蠔，冷麵味道唔錯有氣氛
繼續閱讀
同女朋友係開尖沙咀行街，行到咁上下比呢間海陸空既門面吸引左就順便入黎試試佢～一入門口左手邊係好似超市咁有好多韓國食品賣，右手邊就有套韓服擺設，啱晒一眾喜歡打卡影相既朋友仔。入到餐廳坐低左就每人叫左杯1664啤啤佢，之後就叫左個甜辣炸雞，韓式海鮮辣麵同韓式芝士煎蛋卷。一落完order侍應已經好快咁上晒韓國餐廳固有既前菜小碟比你醫下肚先。前菜一共有6小碟，比起好多韓國餐廳淨係得泡菜同蘿蔔或菠菜都算多。餐廳上菜速度都ok快，無話要等好耐。首先黎到既係甜辣炸雞，佢味道唔錯，甜辣度適中，冇話偏甜或者偏辣，但可惜既係d雞略嫌overcook左少少，有d鞋口🙈🙈🙈 之後再黎既係海鮮辣麵，佢海鮮份量都ok, 味道就不過不失啦，正常發揮，無話好有記憶點。最後個蛋卷就味道唔錯，d芝士仲可以做到拉絲效果，呢個加分加分👍🏻👍🏻 我地食到半路撞正隔離枱食客生日，餐廳播晒歌，d員工又走晒岀黎唱歌助興，都好有氣氛好開心👍🏻👍🏻最後我地兩個人埋單$400有找，人均都係$200到，屬性價比之選。大家如果想平平地食下正宗既韓國菜都可以黎呢間試下
繼續閱讀