涮香菜園

營業中

休息中

黎food court食晏好耐冇食過麻辣燙可以自選$38餸 + $5 湯底自助 自己夾的揀好先俾錢 再等煮去到counter 先知咁我話 我揀多陣 跟住阿姐話 $41 都俾唔起咩最平架啦喎我話揀到陣 錢都未俾佢又話 湯底都煮左啦 又要hold 住我其中一碟野 要煮左果碟佢欺負人後生 唔會就咁棄碟走 🙄錢都未俾呀 就話煮左你湯底你未揀夠$38 佢都唔會提你 仲有佢成日係counter 同同事講粗口而家啲港婆真係好恐怖...我唔明點解可以咁差劣俾唔俾得起都唔會想食呢間另外 衛生差我好後悔特登開黎留個差評

叫左個小窩米線(中辣）（$50）跟五香牛展+［蜂巢豆腐（另加$15）］ 總共$65招牌仲話咩川味 離譜得劑 個湯底滾水一樣 淡而無味 想食得健康d幫襯佢就岩 唯一可取之處係米線份量多 一定食得飽 但價錢$65就一d都唔值見到佢其他後加配料價錢 眼都凸埋 （廚師腸,魚旦,蟹子丸，菜）貴都冇朋友 兩粒丸要加$15 一定冇下次

平時好少去Food Court, 不過今日三個人又疫情管制二人一檯，所以咪去food court食囉，隔離檯但仲可傾偈😛Food court最大嘅特點就係集合咗好多種不同餐食，自己挑選自己喜歡的來吃，所以我揀咗酸菜魚唔使理其他人感受酸菜魚+飯/米線 $69 ：我見到真係嚇咗一跳，酸菜魚係大大盤，係呀，唔係大大碗，係盤，米線另一碗上。我要係小辣所以冇食到標晒眼水，滑滑嘅魚片都有6、7塊，真係估唔到咁多，味道都唔錯；墊底又有很多酸菜、紹菜，可以平衡到菜、肉。而且以呢個價位真係超值，我食完飽到連晚餐都唔使食，更抵😅👍🏻

見到辣辣地好似幾好味點知中伏 個收銀黑眼鏡態度極差 落錯單唔認仲哪人走。 想食諗清楚。食物方面 個湯淡而無味都算了，安慰自己諗住可以健康d. 但其實加大左其實份量仲少過譚仔過橋米線。食左兩啖好唔對路，以後唔會再來呢層。

之前同屋企人成日幫襯旺角新世紀中心的大食代，多數都是食呢間，大大鍋抵食又好味，食到咀都麻，但同屋企人食得好開心!所以去開通常食呢間，48蚊左右就食到一鍋。呢日去開尖沙咀，同媽咪同行，佢就無食過呢間，見到中港中心有分店，就即興同佢食呢間，點知媽咪仲遇到2位同鄉，同佢地吹水吹左好耐，認真搞笑。但價錢好似已經去到50蚊一鍋起，我都依然係選食牛，一鍋選肥牛，另一鍋選牛，兩款都好食，等媽咪可以一次過試晒兩款牛。辣度可以選，但本身湯底已經有辣的黑胡椒、花椒等，我們都是選少辣，因為少辣都會幾辣下。由於份量多，米線就會食食下會變淋身少少，但依然好滑，我同屋企人都鐘意食。出餐都算ok快，如果繁忙時間就要等耐啲，好在今次好快就食得。啲肥牛和牛都食到牛味，所以真係幾好食，又辣得過癮。媽咪第一次食都讚好味同抵食，話下次叫我再帶佢去食喎!我們就無加野飲，自己買左菊花茶解辣，哈哈。

喜歡打邊爐又喜辣的朋友，可以試下麻辣燙，雖然無得自己烚吓烚吓，但價錢相對無咁貴又可以食到四川風味，正是我杯茶，就門面已經見到廚櫃度放咗好多蔬菜同款式比客人揀，肉類就不定時放幾碟，不會放好多，確保衞生，晚餐時間去流快，不時密住見佢加嘢落個櫃度，價錢都👌，蔬菜＄5~＄8，麵類丶丸類＄10～＄12，迷你拼盤同肉類就＄15～＄32。由於有小朋友食，所以叫咗個廚師推介B：自選小鍋米線加麵底，要鮮牛肉，大大鍋，差不多成個餐盤咁大，兩個人食都好飽，配料就有牙菜、酸菜丶韭菜同肉碎，牛肉亦多，不會只有3丶4塊，但就熟咗D，有D鞋，因為唔要辣，所以失色不小，但可以自己喺調味架配制，當然不及店員調較正宗，試下無防

又到打工仔平日開心既第一個moment ,就係lunch覓食啦！是日又黎到新港foodcourt，貪佢咩都有可以一次過滿足同事們既需求同口味；雖然我係重口味一族，但依家都盡量叫自己食清d食多d蔬菜，全素既餐好難選擇，但呢間麻辣燙似乎可以令我強行俾自己食多d菜！（雖然最後並不是全素xD)飢腸轆轆的我選左4個送加一份薯粉，加埋小辣底承惠$64， 係尖咀既lunch黎講算正常，但對麻辣燙黎講算係非常貴！不禁令我想起大學時係北京番intern（玩）時一星期幾次的超抵食麻辣燙同迷你一人鍋⋯仲有大盤雞等（流口水）不得不承認現代北方人口味仲咁重絕大部分原因係培養出黎的⋯off topic 添，由於俾完錢後要等姐姐們好忙好快好滾水碌腳咁幾個pot分頭煮煮煮，所以都係要等d時間既，就咁發下呆諗多左野我既配料有：*蜂巢豆漿（一份黎講份量多，因已解凍隔水先放出黎俾人選所以無嚇人既雪櫃味⋯不過唔知點解唔索味，定係我既小辣太雞？）*菠菜（唔知係咩菜，但貌似菠菜既菜⋯葉/莖比例正常，不會老不會太多筋） *豬紅（如其叫豬紅，不如叫番大陸名血豆腐，因為一d豬紅果種血塊口感都無，純粹係血色既滑滑軟軟「豆腐」，不過唔岩我

Miss. monster真係熱愛吃辣 無辣不歡！今日又麻辣癮起想食個麻辣燙！咁就出發去左尖沙咀 因為我知道Food Republic有得食！大大個食物櫃 款式都算幾多 肉類 菇類 蔬菜類 丸類 面類 應有盡有 而且全部都幾新鮮～每款都有標明價錢 可以揀選配料 夾到盤上 再拎去隔離收銀處埋單～而我揀左個$28既拼盤 我食麻辣燙必食既玉子豆腐 仲有皇帝菜 西洋菜 大辣配米線～total$62 沒有飲品 其實真係幾貴 但太愛麻辣 無辦法了！店員會立即落鑊仔煮 大約5-10分鐘會叫号碼取回鑊仔！好大鑊 但我好肚餓 所以一定食得晒～雖然已經係大辣但對我黎講都唔算辣 味道很好 好有大陸麻辣燙風味 辣而不油膩！至愛玉子豆腐配上辣湯 滑滑滑！豬皮芋絲蔬菜吸哂湯既精華又香又辣！食到流晒汗 好爽！下次麻辣癮起要再黎！

上個星期吃到好好吃的麻辣燙，所以當我看雜誌說新港的大食代也趕潮流賣麻辣燙時，忍不住想要去試。平日的晚餐時間，新港的大食代人很多，而新開的這家麻辣燙更是人頭湧湧。一家小小的店，站了七個店員，大家都很忙碌，看來生意很不錯。點餐方面店家的指示不太清楚，只看到麻辣燙配料整齊的鋪著，有些客人拿著膠盤和鋁夾在夾配料，可是我沒有看到那裡有盤子和夾。細問之下，原來那些都隱藏在人龍中，要請排隊的人讓一讓才拿到，實在不太方便，最好還是放在火鍋料的旁邊，客人容易拿到。火鍋配料都是大路款式，丸類、豆腐類和蔬菜類等等，把想要的食物夾到盤子上，到最後一次過結帳，可是火鍋料都沒有寫價錢，店員又忙得沒時間回答你，一時間都不知如何是好，最後只夾了幾款先試試，反正麻辣湯底才是重點，如果湯底不濟也沒有再回頭的理由。我只拿了兩束芋絲、兩件海帶卷、一串芝士丸和一束皇帝菜，已經要三十多元，其實也頗貴的。站在我前面的女孩本來夾了幾樣東西，後來排到收銀處時看到有麻辣燙套餐，就改變主意，因為一個套餐有好幾款特定的火鍋料連粉絲才賣$48，計起數上來應該較你單點划算。回到家，打開蓋子，有一層厚厚的辣油，麻辣香味稍嫌不足。我點的是大辣，先吃