淘館

營業中

休息中

之前又係見YouTube 介紹呢間好味又抵食 就黎試下✨香煎丹麥豬上肩胛肉 紫薯蓉 燒野菜 $150個豬好好食喎 軟腍得黎 夾雜少少肥 好有豬味👍🏻 個紫薯蓉值得加5蚊去食 香婆嘅紫薯味 有顆粒感 份量超多超抵👍🏻👍🏻✨大虎蝦飛魚子博多明太子意粉 $92兩隻大虎蝦大大隻 都係新鮮嘅😋😋 明太子好足料 全部意粉都沾滿👍🏻👍🏻 跟餐仲有餐湯 餐包 前菜 餐包我覺得個蒜茸包都好出色👍🏻 鬆軟得黎好脆 蒜蓉味都好重😋😋 餐湯我地揀咗羅宋湯都好飲 前菜係煙三文魚沙律 好清新 最後仲有雪糕！真係超滿足味道❤️❤️❤️❤️💔抵食❤️❤️❤️❤️💔服務❤️❤️❤️💔環境❤️❤️❤️💔💰晚餐人均～$160（包括+1）

第一次嚟淘館食lunch，我哋三個人，大概12:15嚟到，都差唔多滿座，剩返最後一張4人枱🤭 咁餐廳係要搭枱嘅，所以後來都有另一個人坐咗落嚟🤣感覺佢係港式西式快餐，餐牌好似寫住12:45前離座免加一，本身都覺得可能趕唔切。不過上菜好快，每個人食嘢都好快，end up我地係免加一的😆咁我就揀咗冬陰功海鮮意粉，白湯，凍檸茶。個意粉幾好食！少少辣少少酸好開胃，啲蝦都好新鮮爽口嘅；白湯呢就唔係咁好飲，好濃稠，但係冇味；凍檸茶就正常發揮。餐廳啲優惠有啲複雜🤣 現金埋單就每個餐減$5，所以我呢份折實$75。外賣好似好平！減$20左右🧐 喺附近嘅朋友仔可以試吓外賣🤩

今日放假去銅鑼灣買完野之後，就搵咗響附近返工嘅朋友一齊去Tea，佢話要支持下小店就帶咗我黎試吓，話呢度既下午茶幾扺食以為過咗LunchTime會容易啲搵位，估唔到3:30都重爆哂塲咁濟😮我哋叫咗兩個set share食😬🌀韓式汁燒豬扒脆朱包+蘋果沙律$52哇😮估唔到咁大份都係$52，仲要包杯飲品上枱時嚇一嚇，個餐勁大份，個豬扒勁勁勁大塊又厚身，炸得鬆脆之餘，一啲都唔嚡，好Juicy 😋連個脆朱包都好好食，蘋果沙律份量更加係大，味道仲要係唔Hea嘅，唔會好似出邊嗰啲咁整到水汪汪，冇嘢好挑剔，總之係又平又好食食完真係勁飽，大滿足吖🥰🌀焗三重芝士火腿厚多士+蘋果沙律 $52呢個厚多士又係超好食，極邪惡勁多芝士😍火腿都有好多，好鬼正呀😋

雖然做咗幾十年九龍人，但一直都離不開銅鑼灣。係附近返工，接送小朋友都差不多廿年。睇住佢由插針都插唔入，到而家周圍吉舖，確實有點唏噓！但由於經濟下滑，先有機會令如淘館嘅高質小店可於此黃金地段開業。淘館位處利園旁小巴街。由於有大量小巴停泊，好多路人亦不會察覺到她的存在。佢哋嘅雞扒同炸雞髀係佢哋嘅必叫菜式。雞扒雞髀炸得香脆。外皮脆而肉嫩滑又juicy。 即使作伴菜嘅沙律菜都新鮮翠綠，絕不行貨。香檸汁絕對係成個飯嘅神粹。白咖喱雞飯 係用香滑嘅白咖喱配上炸雞件，雞件雖然無煎雞扒咁香脆，但肉質嫩滑又減少油膩感。最後嘅煙三文魚意粉，捲成花狀嘅煙三文魚，足足有好幾片，三文魚嘅咸香提升了清淡的菠菜汁，絕對係perfect match.最後配埋杯大大杯嘅凍檸檬茶或紅豆冰，絕對減肥人士都好難抗拒

第一次食呢間野 叫咗個$8x的午餐 柚子雞排跟飯個餐擺低個時都幾靚～又有小小沙律菜 兩舊蕃茄仔雞排大大塊 個飯又係珍珠飯 望一望「咦點解個飯咁多黑色點嘅」再翻一翻塊雞排全部都係點點嚟㗎喎😂😂😂啲黑色多到 我以為自己誤會咗佢可能係黑椒/藜麥/香料無理由鑊撈多到咁㗎嘛問一問個姐姐佢話唔好意思 換過份比我🌚竟然咁多黑色都真係鑊撈🥀🥀到第二份重新出過比我再望一望雞排個底呢一塊雞排都係有少少鑊撈嘅🤏🏻都要照食啦👹食完會變Iron man 嘅午餐🤣🤣🤣雖然味道幾好 但真係無下次💩

呢間嘢平時放lunch嘅飯堂 佢每個禮拜都有新lunch set 咁啱有一次遲放 去到Menu已是下午茶 下午茶都好多選擇 有佢啲招牌白咖喱飯面意粉 輕食都有而我就叫咗千島熱狗配蘋果沙律想碟真係嚇親我熱狗超大份 沙律都好多，唔係平時出邊得一兩啖仔 熱狗入邊好多燒過嘅菠蘿 滿滿的千島醬同好大條熱狗腸 食埋個蘋果沙律真係飽到晚餐都唔使食咁嘅份量同質素 才$5x 真係好良心佢啲主食好食，估唔到輕食都咁有質量 打完呢個post已經想再食了

4:30有啲肚餓，搵間餐廳食吓嘢先，四圍行吓好多餐廳都係冇乜人食嘢喎！行到嚟呢間淘館爆晒棚！應該會幾好喎！叫咗一個下午茶，比目魚飯，呢度個樣都幾靚仔喎，有沙律，沙律上面仲有兩片新鮮檸檬，比目魚做得幾好，一啲都唔老，味道適中，好似冇乜味精咁喎！下次可以試吓其他款式，員工服務都幾好！😋

和朋友一起去銅鑼灣，使去了淘館早餐！吃過幾次感覺都好好👍最鍾意佢可以配牛角酥同有一舊紫薯我今次叫了德國紐倫堡腸配炸魚柳，魚柳好似塊面咁大，非常抵食，而且即叫即炸！非常鬆脆內軟！配上千島醬汁非常合拍！德國腸十分出色！一條白肉腸和一條芝士腸，醬汁在口中爆開，好好味🤤紫薯係呢度特色之一！幼滑清甜...每一份早餐都配有紫薯！大家都為左佢回頭咖啡是即磨咖啡不另收費係我喜歡的賣點之一！非常香濃！而且佢哋就算有多少客人都不會趕你走....等客人們安心享用一個精神完美嘅早餐

呢間小店平時都有食開早餐鍾意佢張枱大大張，人唔多坐得好舒服😌杯餐飲又大大杯，最特別係早餐有紫薯😃今日黎食午餐都幾好食😋但白飯濕左啲如果唔想喺鬧市同人迫呢間都係一個好選擇👍🏼

今晚同屋企人食飯，我叫咗一個紐西蘭牛柳餐有羅宋湯、前菜、同埋個紐西蘭牛柳加薯菜😎個汁我就要咗個蘿蔔泥汁，出乎意料地真係好好食。配搭住鹹鹹地嘅牛柳，再加上酸酸甜甜嘅蘿蔔泥汁，呢兩種Mix and match真係超級好食，超級正。極度推介大家黎試吓呢間餐廳🍴。💕值得提一提嘅，就係個前菜即係個頭盤，好特別，係一個好好嘅開胃菜。餐廳嘅員工服務都好友善，仲有個杯度凍檸茶，我冇影到相，但係同其他地方嘅凍檸茶有啲唔同，因為佢有薄荷葉喺杯凍檸茶度。😚所以真係幾好飲同埋幾清爽嘅一杯嘢飲。😋

又到早上搵早餐嘅時間，路過驚到呢間紅色磚牆嘅餐廳，決定入去試一試。入到去嘅裝還都幾溫馨，牆上畫咗啲充滿鼓勵性説話👍🏻同一般連鎖餐廳冷冰冰嘅感覺好唔同。今日叫咗沙嗲牛肉通粉配腸蛋牛角包- 呢間嘅沙嗲牛肉，沙嗲醬同牛肉係分開上，都幾特別味道都唔錯。 值得一提嘅係佢有一大Pat只薯蓉俾你食，提升左成個早餐既健康感。奶醬厚多士-花生醬好似唔使錢咁厚塗比你，中意食花生醬既朋友必叫整體來講感受到小店嘅用心製作，而且食物份量都大份值得支持！

今日就去試下 下午茶。 餐牌好多選擇，下午茶時段都較為多人，但都好快有位，唔洗等👍👍（1） 餐旦出前一丁職員將熱辣辣既碗上枱，見到仲係出緊煙👏🏻餐旦有2塊，仲好厚好厚，唔咸。另外，麵既口感好彈牙爽口，岩岩好👍（2）千島醬熱狗配蘋果沙律這個份量好多仲好大 😍 熱狗係廚師烘過。一口咬落去，麵包好脆「索索聲」，腸仔好香，配合埋千島醬， 無得頂👍👍👍 蘋果沙律一樣咁豐富， 蘋果好清甜，薯仔好腍沙律醬唔甜。 食落肚唔會好膩

店舖外圍用紅磚牆，吸引人眼球😍 餐廳主要是西餐為主，打開menu見到好多套餐（包飲品，特飲另計），價錢都好經濟，餐具都會用機暖住，好衞生👏🏻呢個時勢仲可以用呢個錢食到咁豐富既西餐都有d 難度🤭 加上服務態度好好，店員都好有禮貌。（1）福苔海鮮炒飯有大蝦有青口有蝦籽，賣相十分豐富。食落好有口感 好彈牙👍 飯味好重 甜甜地 ，係出面食唔到呢個味，每粒飯都好分明。呢個我覺得可以再食👍（2）泰式青檸雞扒配薯角雞肉好嫩滑，好多汁好 juice😍 仲有唔油膩 加上d 泰式青檸汁 （唔辣）好開胃醒神👍另外 薯角新鮮即叫即炸，上枱即食好燙口 要小心🙈

由於番工做到5點先食夜晚，個時間真係有少少唔上唔落，因為唔想叫外賣，所以決定落街一路行一路睇下有咩岩食，由於唔太肚餓，所以兜左15分鐘都未睇岩，眼見得番45分鐘食，見到呢間餐牌都算吸引就唔浪費時間決定係你喇(⁎⁍̴̛ᴗ⁍̴̛⁎)-牛扒餐肉意粉$50正正常常，黑椒味濃，撈意粉食都ok擺盤有幾條沙律菜，新鮮爽脆餐肉兩大塊，煎過表面，幾香牛扒一般，不過呢個價算係咁-紅豆冰（跟餐+$8）紅豆大大粒好甜，煮到好粉，唔錯

我偶爾要去銅鑼灣返學 搵過幾間一人份below＄100嘅非茶記非連鎖 試完之後每次嚟都係食呢間雖然叫不上驚豔(扒丫意粉嚟嚟去去都係果啲) 但係絕對above avarage 份量亦好夠 一個成人男都夠飽有餘 連凍飲杯都大size過人我習慣嗌牛肉/三文魚意粉 啲料絕對唔係1,2塊咁菇寒同埋第一次嚟果時疫情嚴重 佢地啲餐具應該係有keep住蒸氣消毒 呢一下覺得佢有心 我遇到嘅staff都幾nice尤其果個唔知係咪老細嘅哥哥仔好少對一間餐廳咁好感 但係每次去都坐唔夠一半都覺得好可惜 搞到我第一次寫comment