淞壽司

營業中

休息中

☀️今日好想食刺身飯，但因為bb 生病了，出不到街食，但我不想用外賣速遞，因為以往的經驗太差: 時間等好耐、壽司東歪西倒、調亂食物…. 和平台投訴，換來的只是退錢，真的一肚氣😫今次我用openrice 下單，辛苦老公幫我取外賣了🍱( 忘記影野飲添🥤)✨自選魚生大醋飯送飲品 $117(三文魚x2, 油甘魚, 帶子, 葱呑拿魚蓉)一打開，哇！有三文魚腩，超肥美😋呢間舖頭嘅質素一直都keep得好好所有刺身都係厚切😝其他舖頭…. 兩塊等於呢到嘅一塊🤣油甘魚都係厚切，不得了😍帶子大大粒，好鮮甜🤩下次試下火炙帶子先葱呑拿魚蓉正常👍✨日式咖哩竹筴魚撈烏冬配飲品 $65由於路途遙遠 (堅尼地城>> 小西灣)所以特意和老闆說炸野分開上🙏🏻避免炸野淋曬🤭🤭老公讚這個咖喱撈烏冬好食，又香又多汁🥘竹筴魚有兩大塊，配沙律醬，正👍✨我會繼續支持這間小店💪🏻💪🏻💪🏻第一: 款式多，樣樣都想試🤩第二: 刺身厚切，無得輸🤭第三: 老闆好好人，會盡量滿足顧客嘅需求🙏🏻第四: 路途遙遠，但食物質素保持到👍

<淞壽司> 📍堅尼地城🔸Well～平野唔代表無好 🥴🔸誇張滿瀉海膽軍艦 🤩 好味到爆燈！💡唔想幫襯元Hea，又唔想排壽司郎 😣😖😣 作為一個小廢廢，剩餘嘅選擇唔多，就更加要多多幫襯小店，令餐飲行業更加多元化。🩷❤️🧡💛💚廢話唔多講，去食評🩵💙💜🩶🤍海膽軍艦($77, 2pcs) — 超級勁爆滿瀉嘅海膽量！！！🤩 海膽量同飯量比例 1:1，一啖轟落去 🌊🌊🌊 Ohhhhh … mama … 係海洋嘅味道！十級鮮味嘅海膽轟落每一個味蕾 👅 好食到講唔到嘢！！！價錢仲要係$77兩件 🤷🏻‍♀️ 性價比極高！（希望店家可以保持到水準，唔好我介紹完之後縮水🙏🏼）火炙牛油比目魚壽司($37, 2pcs) — 我懷疑外賣平台錯description，應該係左口魚嚟嘅。火炙左口魚相當Juicy，食落口爆油酯量 😍 美味しい！！！嗱！我個人真係中肯同持平嘅。老老豆豆，油甘魚、辣味三文魚軍艦、鵝肝粒軍艦，就正正路路，唔好抱咁大期望啦。

今日再次回購，好多食物比之前都升級左，性價比變得緊加高。刺身：三文魚腩：變了厚切，美味油甘魚：油份好出，肉質鮮嫩帶子：完粒帶子口感豐富，新鮮壽司：海膽花之戀：一整粒放入口，可以用澎湃，滿足來形容原隻北寄貝壽司：其他店都只得半片，但這店是原隻來包住壽司飯鰻魚壽司：因為是厚切，所以食得到鰻魚既肉質是肥美火炙牛油比目魚壽司：燒過的比目魚油份很多，非常好吃炸魚鰭: 因係外賣所以回到家已經淋了，但加熱後都已很好吃。還有其他壽司及小食都很好，用心之作👍🏻

十分喜歡的一家壽司店，魚生新鮮，種類多 (有魚生飯，炸物，大卷，灸燒等)，性價比一流 (每人100 - 150已經很夠)最大問題是沒有堂食，附近也沒有什麼地方可以坐下來用餐，通常都是住附近才能買

同事很喜歡，試了一下覺得很好，於是自己也開始點感覺三文魚很新鮮，比其他家好吃之前也嘗試過帶子，挺好的，帶點甜味那種感覺牛肉飯也好味，肉質挺好之後會繼續嘗試其他菜式

❣️分量大到驚人❣️同同事食完一次今日再encore🙈角切魚生飯超好味又多種類 🍣醋飯調得好好味無論刺身熟食炸物都掌握得唔錯 試過海膽醬親子三文魚撈冷烏冬🍜味道濃 正 唔食海膽嘅都接受到蟹膏海鮮炒飯🍚份量驚人。。2人食都可能有淨😂同事就食咗一口炸芝士、榴槤炸彈、咖喱豬扒🍛、三文魚帶子丼都話ok 正正正🥹😋大家lunch/dinner真係不妨去試下 真心抵食👍👍👍👍👍下次試吓自選魚生飯先

突然想食拉麵，就搵咗間近近地嘅點咗個日式叉燒拉麵送綠茶，50蚊，原本以為一人份咁，點知食咗幾淡就食完，啲叉燒同湯仲有啲奇怪嘅味，加上啲麵.....真係林到爆炸，一啲韌都冇。唯一好處就係熱嘅同埋真係同外賣時間一樣好淮時。

堅尼地城小店，外賣壽司，抱住試下無壞既心態，見到餐牌既相幾靚更加要試一般既壽司刺身都有，亦有做部分日式料理、小食咁，今次純試壽司，20分鐘即叫即做，服務態度良好一打開個外賣仲送左中華沙律同墨魚仔我哋食一打開第一個反應係「哇 好多」因為真心好好好足料，啲海鮮大大舊、啲料多到滿瀉睇到都加分同食慾爆炸由最滿瀉既三文魚籽軍艦開始，好滿好大粒，一口食，好滿足好濃味好夠食好正，太正既鮮味之後食下火炙，火炙鮮蝦壽司，正常既好味芝士飛魚子，好多魚子，芝士味都出太吸晴又忍唔住去挾另一個滿瀉，三文魚籽花之戀，好多好多既魚子配肥美三文魚，好大舊好正好爽海膽魷魚軍艦，滿滿的，海膽味好濃下，味道幾好葱呑拿魚腩軍艦，其中一款我最鍾意嘅壽司，好多魚蓉，肥美既，稍為係呑拿魚個味唔係好濃黑松露帶子壽司，唔算好大舊，但帶子鮮甜，黑松露味濃最後係蟹膏軍艦，超厚蟹膏加左蟹籽，食落好仍然好滿足，成個口都係蟹膏味，正既款式太多其實有啲無寫都係好味既總括而言係我食過其中一間最足料既外賣壽司，特別係三文魚籽一定會食到豐富既一餐，價錢亦相當商宜多多幫襯#屋企有枝火槍食外賣火炙壽司就係方便#挑戰成為西環版隨你鍾意

魚生飯外賣，材料新鮮，多餸夠飽，最緊要海膽新鮮冇腥味，送埋飲品都係$60抵到爛。買個飯行出去望住個海食午餐，男人的浪漫實在可以食魚生飯。可以encore之選，讚！

今天很夜才下班, 和男友四出筧食時經過這壽司店正在收舖, 於是和男友膽粗粗問店員可否下單, 估唔到佢地非常樂意, 真好彩呢。入到去望個MENU, 款式都不少, 便二話不說點餐起來。由於我地未食野關係, 所以叫了很多食物。 回到家後我兩已急不及待拆袋開餐, 不過幾餓都好點都要相機食先, 哈哈!唔知係咪太肚餓關係，樣樣野都覺得好好味三文魚刺身 – 厚切, 新鮮美味, 腩位雖得一片, 但都已很肥美壽司 – 帶子鮮甜, 帆立貝很大粒, 北寄貝原隻包住醋飯, 希靈魚很爽口, 象拔蚌2片疊在一起, 很特別。加州三文魚反卷 – 材料非常豐富, 而我覺得最好食係粒青瓜, 可以中和一下膩感, 令我吃得多都不會覺得滯。吃飽後, 腦海突然閃了一句 “辛苦得來自在食” , 勞碌了一整天後吃一餐美食, 是非常幸福的事。 

第一次幫襯，見OpenRice的食評大部份都是正評，雖然抱有點點懷疑但還是勇於嘗試了！結果竟然比想像中差太遠了！臭的三文魚和帶有裙邊及內臟的帆立貝壽司，真的是第一次吃啊！由於實在是太震驚的關係，沒有及時地把食物拍照便遺棄了。。。現在回想，實在是一次驚心動魄的食物體驗。我衷心希望店家能夠好好反思一下。雖然是抱着支持一下黃店的心態，通常要求都不會太高，但總不能接受如此有創意的菜色。話雖如此，熟食還是可以接受的。可能有興趣的朋友還是點熟的吃吧。

搬入了堅尼地城都有3個月時間, 總覺得堅尼地城唔太多食店, 就算想食壽司, 都係得爭X或元X.今天行去海邊, 發覺有一間壽司外賣小店, 雖然坐位不多只得4個位, 但原來服務及食物都唔差的!先講服務: 每次入一間未去過的店我都非常緊張, 但呢到D服務員非常親切, 已經令我緊張感放下不少。而且老闆又不會HARD SELL, 會依你喜愛而推介。再講食物: 雖然店鋪細少, 但原來有好多種類既食品, 壽司/刺身/炸物/卷物/拉麵/丼飯/咖哩...等都有。 當等待食物時聞到好香的咖哩味, 原來廚房裡在調製咖哩呢! 下次一定來試試! 點了一客自選魚生丼飯, 並+5蚊可將紙包飲品轉換成麵豉湯! 自選魚生丼只係93蚊, 相信出面冇咩店可以做到呢!自選魚生丼有:2份三文魚: 厚切4片, 非常新鮮蔥吞拿: 有吞拿魚肉粒, 原來是人手啄而不是用機攪爛, 這樣可保留口感, 而且京蔥都非常好吃呢玉子: 正常蟹膏: 撈飯真的一流, 完全冇得輸呢麵豉湯: 話雖加5蚊轉換, 但都不要以為好求其, 內裡有昆布, 京蔥, 豆腐乾, 豆腐粒及面豉, 非常足料, 好好飲呢! 發掘到一間美食, 下次可以試吓咖哩呢! 

今日同男朋友去左堅尼地城海旁，咁啱見到呢間外賣壽司店，見到餐牌覺得好抵，決定試一試質素！叫左三文魚刺身、芥辣八爪魚同十款壽司左右，刺身好新鮮、我最鐘意海膽花之戀同櫻花魷魚軍艦。其實壽司有好多選擇、仲多過元X壽司但真係試唔哂、下次會再黎試埋其他款，值得一讚老闆娘同店員服務好好又親切、整體黎講性價比好高！！

用袋鼠訂餐 睇網上好評唔錯 叫左拉麵，雞翼，壽司同象拔蚌刺身犀利wor，我得到既就只有8舊瘀曬色，紫菜淋L到似發毛既壽司，同北極貝。無喇，你無睇錯，無喇。 又send錯野食又send漏野食，唯一send過黎既野食真係望落都唔開胃。好啦，試下食啦，哇一夾起個北極貝 腥到，完全刷新我對熟刺身既三觀，毫不猶豫成盒dump左。（張相因為燈光太好 壽司d魚生望落好似粉紅色咁，但係淨係睇前面個北極貝已經知道咩料）完全唔明白點解有好評😅我諗呢一世都唔敢再叫呢間野食。

突然好想平平地食下三文魚刺身飯，見到呢間啲刺身飯幾平，就外賣左一份三文魚飯。舖位唔大，得兩三個位可以堂食。員工態度幾好。望落細細盒，但食落原來啲飯都幾多，都幾夠飽。醋飯正正常常，唔太驚喜，但以$50黎講都幾抵。有六片三文魚、兩塊玉子、蟹子、一堆青瓜片同青瓜粒。三文魚有啲薄，但幾大片，味道唔錯，係有一片有少少筋。玉子甜甜地幾好食。其他材料全部都正正常常冇乜特別。$50一盒三文魚刺身飯有咁多料都算係抵，仲有紙包飲品送，我揀左解茶。同價位黎講呢間算唔錯，可以再食。