深仔記 (已結業)

今日去到大埔舊墟，諗唔到食乜嘢於是求其走入一間粉麵舖頭，諗住醫飽個肚， 最終決定離呢間深仔記。入面裝修幾又復古特色， 最重要嘅係坐喺入面可以睇到出邊自己揸嘅私家車怕被抄牌如果以一般粉麵嚟講呢間粉麵嘅價錢算係比較貴， 當然就要睇下味道如何啦我點咗雲吞麵，不過真係有些少失望因為嗰份量實在太細， 面嘅份量好少 不過雲吞好在好食，蝦夠大粒爽口彈牙。太太點嘅牛丸河粉佢話一啲味道都冇 。 可分亦冇乜咬口， 牛丸雖然彈牙但係冇味總結價錢貴，唔值呢個價

牛丸雲吞伊麵走蔥，伊麵浸到過晒火，腍劈劈烚走所有麵味，食白紙條無味道。而且湯底極淡，水汪汪清徹見底。唯有出必殺技嘗試打救，不過於事無補。辣油不香不辣，只是油味加豉油味既混合。雲吞還可以，有蝦有肉，假爽鹽水蝦勝在夠大舊。雖然深仔同成仔份屬兄弟，但成仔雲吞略勝一籌，雖然質素及味道已不及當年。都估到您漏野架喇，漏牛丸要後補。牛丸勁粉口，味道十足牛肉精味。食完飲啖湯清清先，點知又咸又濁，失望。鮮魷蝦子撈麵走蔥，求其撈一撈 $60 蚊，租金太貴喇麻！真係想迫死香港小市民、迫死小商戶！雖然鮮魷完全無味，不過超勁爽脆，點做到呢？如何加工架？粗麵黏實成塊上，濕濕的不彈偏腍。蝦子配粗麵感覺怪怪的，都係幼麵夾好多，下次試試撈伊麵先。鮮魷跟個辣椒豉油，唔好浪費，試下撈辣椒油先，勁咸呀！完全唔夾。由坐低到食完埋單硬係聞到陣嗅腳味，咩料呀？全港食肆都比大陸阿姐承包左咩？強國絕對係飲食界最大判頭！依位新黎大陸阿姐到底講什麼呢？留戀？牛鏈？我係要魷魚呢！返家鄉學好廣東話先好嗎？菲傭還比您流利！不知為何此間麵店極鍾意請唔多識廣東話既大媽呢？聽死我咩，都唔知佢地講乜春！因為人工特平？親朋戚友？有次個大媽連廣東話都唔識講

毒自閒逛，見肚餓，不如去呢間食下舖頭裝修採用懷舊風有d似舊式當舖，用小街磚舖地下有圓枱亦有卡位因為得一個人，同對面叔叔搭坐價錢唔貴，有雲呑面亦有粥品因為諗住再食第二樣嘢，所以只點了一碗剩雲吞雲吞係香港有兩款風格一係大粒如大元成仔記一係細得能一啖一口呢間就係後者一碗有8粒頭一啖一定要試下個湯，用咗好多大地魚後加胡椒粉味道更鮮再咬雲吞爽口彈牙，略嫌埋口位唔夠熟，可能太厚又不能煮太久但總括而言都ok,可以encore!

我一向好少寫食評，但係呢間真係要彈一彈，諗住食台灣25蚊下午茶，行到半路老婆話想食魚蛋粉，又見有冇乜人就入左去，見餐牌，d粉面都要30幾蚊又冇包飲，感覺都幾貴下，不過見都好似幾老字號，應該都唔差，同埋坐落左就試下啦，水都冇杯，d鄉音阿姐掛住吹水，講下自己過年贏左幾錢麻雀都費時理我，睇左餐牌，下午茶係冇既，於是我叫左碟一向鍾意既炸醬面，食左一啖，唉中伏，d肉絲又硬又凍同埋好辣，d面呢就又硬又超重鹼水，要倒晒落湯度先勉強食到半碟，跟住重要叫多枝芬達先消到d辣。老婆碗魚蛋河都一般，河粉好硬，成碗野半條菜，一兩片魚皮都冇。快手食完，走。一定冇下次

話說拍完拖去街街返屋企途中我個肚打晒鼓有啲肚餓雖然食消夜係肥但心思思都想食碗麵我好耐冇經過太和竟然唔知道開咗間深仔記咁一於決定入去食碗懷舊炸醬麵依家唔係間間麵店都有得食呀味道都似細個食嗰時的不過我覺得比較酸咗啲Size就比較細碗女仔食啱啱好鍾意鹼水麵有陣味比較彈牙好爽阿姐服務態度都唔錯

It was quite a pleasant surprise when I first arrived at the shop. It was not very busy around half past 6 in the evening. The staff were very polite and showed us to the table. I ordered a wonton noodle and a dish of choi sum. The wonton noodle arrived very quickly and was very chewy and the soupbase was rich. It was a tad small portion. Yet, the price is quite a bargain, with only $27 per bowl. Add ons are available, like: extra noodles , extra ingredients, to name a few. Will defo revisit. 

路過見有位是但食啦 ﹗又係麵檔？開到成行成市啊 ﹗深仔記個名好耳熟，上綱睇睇原來出面都已經有好幾間分店喇。估唔到舖仔細細，係大埔又無咩名氣，居然咁好生意，客似雲來喎，恭喜晒。幸運地有卡位坐喎，內籠裝修中式格調，走優雅路線，舒服大方得體。地方都算乾淨企理，亦夠光猛。有發現 ﹗煮麵位四眼肥佬師傅咪係成仔記既，轉左會？深仔記同成仔記有關聯？雲吞麵走蔥，味道認真唔錯，蝦鮮爽、豬肉富彈性，整粒雲呑結實彈彈，合格。湯底香而濃，爽爽幼麵掛上靚湯大大力啜入口，美味 ﹗牛筋腩撈伊麵走蔥，比預期中理想，心滿意足。大量柱侯腩汁撈伊麵，不停地攪拌翻騰，每條伊麵都要佔滿腩汁，再大大束夾一口，一啜醒神 ﹗腩味濃郁，柱侯醬味道濃厚極致，漿漿的配嚥韌爽滑麵條，好感動啊 ﹗三件瘦腩兩件肥筋，如此份量尚可接受啦。牛筋軟滑棉棉，係我最喜歡既質地，膠膠黏黏的骨膠原，越食越開心。牛腩鬆化味道濃郁，炆得非常的入味，不乾不鞋夠高質，讚。辣椒油唔多掂喎，不香又不辣，而且有點偏咸呢 ﹗配上伊麵溝淡一下味道都還可以。淨豬手走蔥，又係唔修腳甲！見到都反胃，好可怕！淡而無味又唔香，骨多肉少，質數平平唔難食。蠔油芥蘭，爽甜又多汁。魚蛋肥鵝腸麵

以為第四分店，味道有保證，點之.....超難食服務差，大陸口音人揸fit....坐底連水都無杯...算....未食完，已急住收碗，但又吾係無位有人等，趕客諗住試招牌野，叫肥鵝腸撈麵，蝦子撈加雲吞....黎到一食...嘩...面超濃鹼水味，有D生仲未熟，每食一淡麵都好似食番鹼咁 肥鵝腸?一D都吾肥....蝦子撈?碗上，蝦子少，無味...雲吞?什麼正宗雲吞，鳳城水餃，一D味都無，好難食....其實，貴吾緊要，但水準差到咁，仲要吾平，真係越食越..谷鬼氣....如果吾係咁差，我真係吾會寫評post上黎俾各位巴打分享..

係太和中心新開既深仔記, 裝修幾有懷舊餐廳FEEL, 但係食品選擇唔多, 主打雲吞, 水餃, 豬腳, 雞腳等, 麵類就分湯麵或撈麵, 平日晚上唔多人, 仲有卡位坐油菜, $13, 有菜心,生菜, 芥蘭, 最後揀左菜心, 一碟有6條, 蠔油放係側邊, 菜心幾大條, 好重草腥味鳳城水餃麵, $27, 一碗有3粒, 尚算大隻, 皮係同雲吞皮無分別, 而餡有蝦同木耳,蝦算彈牙, 木耳爽口, 相信係自家制既水餃, 其中一粒只係得蝦, 而麵既梘水味唔算重, 只係嫌太細碗, 男仔食一定唔夠飽