影片
更多
2016-03-24
427 瀏覽
路過見有位是但食啦 ﹗又係麵檔？開到成行成市啊 ﹗深仔記個名好耳熟，上綱睇睇原來出面都已經有好幾間分店喇。估唔到舖仔細細，係大埔又無咩名氣，居然咁好生意，客似雲來喎，恭喜晒。幸運地有卡位坐喎，內籠裝修中式格調，走優雅路線，舒服大方得體。地方都算乾淨企理，亦夠光猛。有發現 ﹗煮麵位四眼肥佬師傅咪係成仔記既，轉左會？深仔記同成仔記有關聯？雲吞麵走蔥，味道認真唔錯，蝦鮮爽、豬肉富彈性，整粒雲呑結實彈彈，合格。湯底香而濃，爽爽幼麵掛上靚湯大大力啜入口，美味 ﹗牛筋腩撈伊麵走蔥，比預期中理想，心滿意足。大量柱侯腩汁撈伊麵，不停地攪拌翻騰，每條伊麵都要佔滿腩汁，再大大束夾一口，一啜醒神 ﹗腩味濃郁，柱侯醬味道濃厚極致，漿漿的配嚥韌爽滑麵條，好感動啊 ﹗三件瘦腩兩件肥筋，如此份量尚可接受啦。牛筋軟滑棉棉，係我最喜歡既質地，膠膠黏黏的骨膠原，越食越開心。牛腩鬆化味道濃郁，炆得非常的入味，不乾不鞋夠高質，讚。辣椒油唔多掂喎，不香又不辣，而且有點偏咸呢 ﹗配上伊麵溝淡一下味道都還可以。淨豬手走蔥，又係唔修腳甲！見到都反胃，好可怕！淡而無味又唔香，骨多肉少，質數平平唔難食。蠔油芥蘭，爽甜又多汁。魚蛋肥鵝腸麵
幸運地有卡位坐喎，內籠裝修中式格調，走優雅路線，舒服大方得體。地方都算乾淨企理，亦夠光猛。有發現 ﹗煮麵位四眼肥佬師傅咪係成仔記既，轉左會？深仔記同成仔記有關聯？
雲吞麵走蔥，味道認真唔錯，蝦鮮爽、豬肉富彈性，整粒雲呑結實彈彈，合格。湯底香而濃，爽爽幼麵掛上靚湯大大力啜入口，美味 ﹗
牛筋腩撈伊麵走蔥，比預期中理想，心滿意足。大量柱侯腩汁撈伊麵，不停地攪拌翻騰，每條伊麵都要佔滿腩汁，再大大束夾一口，一啜醒神 ﹗腩味濃郁，柱侯醬味道濃厚極致，漿漿的配嚥韌爽滑麵條，好感動啊 ﹗
三件瘦腩兩件肥筋，如此份量尚可接受啦。牛筋軟滑棉棉，係我最喜歡既質地，膠膠黏黏的骨膠原，越食越開心。牛腩鬆化味道濃郁，炆得非常的入味，不乾不鞋夠高質，讚。辣椒油唔多掂喎，不香又不辣，而且有點偏咸呢 ﹗配上伊麵溝淡一下味道都還可以。
淨豬手走蔥，又係唔修腳甲！見到都反胃，好可怕！淡而無味又唔香，骨多肉少，質數平平唔難食。蠔油芥蘭，爽甜又多汁。
魚蛋肥鵝腸麵走蔥，麵質爽口，但感覺溶溶地，非常糊口。鵝腸瘦猛猛又完全無味，一定要點豉油，質地十分爽脆。魚蛋白雪有魚味又彈牙，大大粒幾好味喎。全部食晒無浪費。
鮮魷黑牛柏葉伊麵走蔥，新黎大陸肥姐我真係聽唔明您既廣東話，連收銀阿姐都問您講咩呀？哈哈。又話無蔥，點知成碗都係蔥，肥姐話收返廚房搞，我話自己揀走去得喇，一來一回伊麵腍晒。點知廚房叔叔走出黎，話唔好啦，我幫您去蔥啦。
最終伊麵腍到夾唔到，味道完全流失，我是求其連湯掃入口算喇。黑柏葉，嚥韌變爽帶湯力超強，索完湯汁同吃都幾好。鮮魷非常新鮮，海鮮味濃厚又爽脆，好味 ﹗湯底清香無比，湯汁香濃好味，最差辣椒油。辣椒油，不辣不香，麻麻地，成仔記更香更辣。
炸醬麵走蔥，次次炸醬麵都甜淋淋要落辣椒油，但依個竟然係辣架喎，正！甜中帶辛辣，十分刺激開胃，麵又乾爽彈彈的，極為滿意，不過個清湯好咸呀 ﹗
雲吞麵走蔥
29 瀏覽
1 讚好
0 留言
牛筋腩撈伊麵走蔥
26 瀏覽
0 讚好
0 留言
牛筋腩撈伊麵走蔥
14 瀏覽
0 讚好
0 留言
牛筋腩撈伊麵走蔥
12 瀏覽
0 讚好
0 留言
牛筋腩撈伊麵走蔥
28 瀏覽
0 讚好
0 留言
淨豬手走蔥
30 瀏覽
0 讚好
0 留言
蠔油芥蘭
11 瀏覽
0 讚好
0 留言
蠔油芥蘭
14 瀏覽
0 讚好
0 留言
魚蛋肥鵝腸麵走蔥
11 瀏覽
0 讚好
0 留言
魚蛋肥鵝腸麵走蔥
23 瀏覽
0 讚好
0 留言
魚蛋肥鵝腸麵走蔥
20 瀏覽
0 讚好
0 留言
鮮魷黑牛柏葉伊麵走蔥
46 瀏覽
0 讚好
0 留言
鮮魷黑牛柏葉伊麵走蔥
27 瀏覽
0 讚好
0 留言
炸醬麵走蔥
45 瀏覽
0 讚好
0 留言
炸醬麵走蔥
51 瀏覽
0 讚好
0 留言
張貼
